اهمية الكتب الدراسية(مذكرات الاقسام)ليها لازمة ولا...؟؟
السلام عليكم ورحمة الله وبركاته
بيتهيألى الموضوع ده جه متأخر شوية بس اهه يارب يفيد.gif "Fop (29)")
الموضوع ده هيكون عن الكتب اللى بنستلمها من الاقسام
واللى تقريبا اكتر من 70% من الدفعة مش بيفتحوها.gif "Fop (7)")
الحمدلله باقى على الدراسة اسبوع
وده خلانى اسأل نفسى سؤال؟؟؟؟؟؟
ياترى لما هندخل هنلاقى المذكرات متوفرة فى الاقسام
ولا كالعادة هنستنى شهر ولا شهر نص على ماتنزل وساعتها مش بيبقى ليها اى قيمة
لاننا بنكون ظبتنا نفسنا على المذاكرة من الورق الخارجىدا غير ان التيرم السنة دى صغير.gif "Fop (39)")
دى حاجة لازم الكلية تاخد بالها منها
لان مش معقول المذكرة تنزل متأخرة ويبقى ملهاش اى فايدة بالنسبة لى كطالب
وابقى مجبر اشتريهازى مابيحصل كل سنة
السنة اللى فاتت لما استلمنا كتاب الصيدلنيات فى اول اسبوع
بقيت احضر المحاضرة واسجل الزيادة فى المذكرة
ودى كانت المادة الوحيدة اللى من يوم مادخلت الكلية ماشترتش فيها ورقة لا تيرم اول ولا تيرم تانى
لان كل اللى اتقال متسجل معايا فى المذكرة دا غير انها بطابق اللى الدكتور بيقوله فى المحاضرة
مثلا على عكس مذكرة العضوية اللى بجد فيها معلومات جيدة جدا بس نزلت بعد بداية التيرم التانى بحوالى شهر ونص
دا غير انها فى التيرم الاول برده نزلت متأخرة
دابالنسبة لوقت نزول المذكرات
الحاجة التانية اللى عاوز اتكلم فيها
هى مقدار استفادتى من المذكرة نفسها.gif "Fop (20)")
السنة اللى فاتت كان عندنا خمس مواد
(عضوية وتحليلية وعقاقيروصيدلانيات وميكرو)
انا هتكلم عن مدى استفادتى من كل مذكرة قسم لواحدها(على فكرة انا حاولت اذاكر منهم كلهم واللى تحت كانت النتايج)
1)الصيدلانيات
طبعا زى ماذكرت فوق اضافة ان المادة كانت سهلة ومش محتاجة مذاكرة كتير
2)العقاقير
كان عندنا مذكرتين
الاولى بتاعت القسم(ودى مكنتش بعرف اذاكر منها لانها غير مفهرسة وكانت بتضايق الواحد عشان يطلع النباتات اللى خدها ومش عارف ازاى كتاب اكاديمى ملهوش فهرس)
المذكرة التانية لدكتور حسن الراضى وهو ماجبرناس اننا نشتريها بس هى كانت زى ماقال مرجع لينا نذاكر منه
بس كان فيه مشكلة ان مكنش فيه مصدر نذاكر منه لان الواحد لاما كان يفهم المحاضرة لاما يقعد ينقلها واللى بينقلوها مش عارف مكنوش بيعرفوا حد
3)التحليلية
والمادة دى طبعا مش هتكلم عن كتابها
المحاضرات بتتكلم فى طريق والكتاب فى طريق تانى خالص
طبعا انا مع اللى هيقولى ان الدكتور ادانا العناوين اللى فى الكتاب كلها
بس الابليكاشن بتاعة التحليلية كلها او معظمها ملوش وجود فى الكتاب نهائى
(غير جزء دكتورة امينة كان زى الكتاب بالظبط)
4)العضوية
كتاب جميل جدا والله كان عاجبنى وتنظيمه حلو وخصوصا فى جزءIR فيه نفس المعلومات اللى موقع
ORGANIC ON LINE
وده كان بيوضح ان منهجنا متماشى مع المناهج اللى بتدرس بره
بس مشكلته وقت نزوله واللى كان السبب فى انى ذاكرت منه اجزاء قليلة
5)المادة الاخيرة واللى كتبها كان الاخير فى التقييم
هى الميكرو
الكتاب كان بيدل فعلا على اسم المادة (كتاب ميكرو حجمه بالميكرو وزنه بالميكرو)
وافض تعبير ليه لما حد من اصحابى شافه قالى الملزمة دى بتاعت ايه
وصف الكتاب
حوالى 50 صفحة الفونت بتاع الكلام فيه 2 وفى بعض الصفح 4
مفيهوش فهرس
الطالب عشان يقرأ فيه محتاج ميكروسكوب مش عدسة مكبرة حتى
دا غير ان خطه مش واضح خااااااااااااااااااالص
والكتاب ده بجد ميلقش ابدا بكلية زى كليتنا
دى نظرة سريعة عن حكاية المذكرات معانا او معايا (عشان ممكن ناس يكون عندها وجهة نظر تانية)
فى سنة تانية
وياريت لو حد من الفرقة الرابعة يقولنا على النظام وهما فى تالتة.gif "Fop (28)")
واستنوا باقى مشاركاتى فى الموضوع لان دى نبذات مختصرة على اد ماقدرت
وياريت الموضوع مش يتحذف.gif "Fop (27)")
رد مع اقتباس
المشاركة الأصلية كتبت بواسطة Dr/HULK
.gif "Fop (18)")
