صفحة 1 من 2 12 الأخيرةالأخيرة
النتائج 1 إلى 10 من 14

الموضوع: الحزمة الثالثة الأنشطة الطلابية بين الفاعلية والواقع..

  1. #1

    افتراضي الحزمة الثالثة الأنشطة الطلابية بين الفاعلية والواقع..

    بسم الله الرحمن الرحيم
    طبعا مستغربين من اسم الموضوع
    فى الحقيقة الموضوع ده تابع لموضوع تانى موجود فى منتدى الجودة والأعتماد
    بس لأنه متعلق بالطلاب أكثر
    قررت ان اكتبه فى منتدى المناقشات
    من عنوان الموضوع
    واضح انه هيناقش فعالية الأسر الطلابية

    وعشان نقدر نحدد الكلام ده متاجين ان احنا نحط حاجة standard ومن خلالها هنقدر نتكلم
    بس نأخذ فى الحسبان ان احنا بنتعامل مع النشاط الطلابى من خلال كلية علمية عملية وليست كلية نظرية
    يعنى فى بعض الأوليات هتتغير وفى حاجات هتنضاف وفى نفس الوقت فى حاجات ثابتة
    طب تعالوا نشوف اي اصل النشاط الطلابى
    الحكاية ابتدت بطلاب فى جامعة بيدرسوا فرع ما
    هؤلاء الطلاب كان عندهم النشاط والحماس
    وايضا الرغبة فى كسر رتابة النمط الواحد -الدراسة يعنى-متقبلوش ان هم يعملوا حاجة واحدة طوال السنة
    متقبلوش ان حياتهم تكون مذاكرة بس
    متقبلوش ان مواهبهم تتوقف لمجرد اختيارهم دراسة بعيدة عن هذه الموهبة
    ومن هنا بدأت الأنشطة الطلابية كل شخص بدأ فى عرض مواهبه وممارستها
    وبعدشوية لقوا ان الموضوع محتاج تنظيم وقواعد عشان ميخرجش عن الحدود المقبولة
    فعملوا المجموعات او الجماعات
    وبعدين تطور الأمر لغاية ما بقى فى اتحاد طلاب وأسر
    طيب الكلام الكتير اللى فات ده فائدته ايه
    ده عشان نحدد الصفات المشتركة فى اى نشاط او اسرة طلابية
    اللى هى

    حماس وموهبة وحب مساعدة وافادة الأخرين كل ده من خلال نظام اسمه الأسرالطلابية
    اعتقد ان مفيش اختلاف لغاية دلوقت
    طب تعالوا نكمل القصة
    بعض هؤلاء الناس الموهبين قرروا دراسة مقررات علمية ذات تطبيق عملى
    طب -صيدلة -هندسة الخ...
    وهنا حصل تغيير يبدو بسيط ولكن فى الحقيقة هو تغيير جوهرى
    الأسر الطلالبية اللى فى الكليات دى وضعت أهداف جديدة
    اهمها كان تطويع الموهبة فى سبيل العلم اللى كانوا بيدرسوه
    وهنا تغيرت ملامح الأسر الطلابية المقترنة بالكليات العلمية
    لأن غرضها لم يصبح مجرد الترفيه
    لأ القائمين على الأنظمة دى خلوها اداة من أدوات التطوير ووسيلة تعليمية لرفع مستوى الطلالب التعليمى
    والعملى
    معنى الكلام ده ان اهم ميزة فى الأسر الطلابية العلمية انها تسهم فى ادارة العملية التعليمية
    لأن فى مجال للتطبيق العلم
    ى

    طيب تعالوا نشوف حال الأسر الطلابية عندنا

    يعنى تقدر تقول انك اللى سامع عنهم هم 3-4
    والباقى والله لولا ان انا بادخا المنتدى كان عمرى معرفت انهم موجودين أصلا
    بصراحة
    14 أسرة
    الملاحظ والمدقق في الأنشطة الطلابية في الكلية يجد أنها لا تقدم أدنى خدمة للعملية التعليمية داخل الكلية ؛وأصبح جل اهتمامها الرحلات والأنشطة الترفيهية وقلما وجدنا أسرة تقدم خدمات ذات طابع علمي للطلاب.
    اذن تكاد كل الأسر تتبرأ من واجبها اتجاه الكلية والعملية التعليمية ككل .
    طيب هل هناك ادلة على كلامى
    نشوف
    كم استبيان قامت به الأسر الطلابية لمعرفة مشاكل الطلاب
    صفر
    كم مجلة علمية تم اخراجها للطلاب
    صفر
    بينما عدد مجلات الحائط والمجلات المطبوعة ذات الموضوعات المتنوعة عدا العلمية
    كم مرة قامت الأسر الطلالبية بعمل احصائيات تقدمها لأدارة الكلية عن سير العملية التعلمية المستوى الطلابى
    صفر
    كم عدد المعارض العلمية التى اقيمت لعرض أجهزة شرائح نباتات وغيره
    خلال العامين المنصرمين
    صفر أيضا
    بينما عدد المعارض ذات الطابع المتنوع اكبر من الرقم السابفق بكثير
    كم مرة تم استضافة عالم فى الصيدلة ولو مرة فى تاريخ الكلية
    صفر
    ولكن تم استضافة سوبر هينيدى ودكتور يتحدث فى كرة القدم!!
    كم مرة اقيمت مسابقة طلابية علمية او مسابقةبحث علمى
    صفر
    لايوجد مسابقات عامة سوى مسابقة الطالب المثالى
    اذن نجد ان مسئوليات الأسر الطلالبية نحو كلية الصيدلة
    منخفضة للغاية
    انا سامع واحد زعلان وعايز يقول رايه
    اه الأخ بيقوا ان الأسر معمولة عشان نفك عن نفسنا من الدراسة والمذاكرة
    واحد تانى بيقولى انت اصلا مش فى اسرة ولا بتعمل حاجة وجاى تتأمر عليا احنا اللى شغالين
    مشفتش عملنا ايه فى الأسبوعين اللى فاتوا
    وهناك اراء اكثر مستنى اسمعها بس ممكن اكمل كلامى بس

    يا جماعة يابتوع الأسر الطلابية
    انتوا دكاترة يعنى مسالة انك تفك من مود الدراسة ومش عارف ايه كلام وثقافة غلط
    انت لازم تطوع نفسك عشان تستقبل الدراسة بحب وشغف
    وتزود انتمائك لكليتك
    تخيل وانت ماشى كده فى الكلية ولقيت
    معرض اسمه يوم الكيمياء العضوية الصيدلانية
    او لقيت مسابقة عن تصميم وتشييد ادوية المضادات الحيوية
    او لقيت مثلا يعنى ندوة عن مناقشة اساليب جديدة لتوصيل ونقل الدواء
    لقيت مجلة بتقول مركب اليوم وبتتكلم عن مركب جديد مهم فى علم الصيدلة
    ولقيت ندوة تانية بيتكلم فيها واحد من اخوانا المعيدين بيتكلم عن تجربته فى الحصول على الماجستير وينصح الطلاب بأيه
    لو لقيت كويزات اسرة منزلها تبع دكتور الطبية
    والأجوبة الأسبوع الجاى
    لو لقيت معرض العقاقير الكئيب اللى مفيش حد بيبصله اتحول لمتحف
    مفتوح طوال السنه اللى عايز يشوف الشرائح يشوفها فى اى وقت
    او صيدلية تخيلية معمولة لمدة اسبوع تحت اشراف قسم الصيدلانيات والفارما
    تخيل لو الطالب موجود فى الجو العلمى ده
    تخيلوا معايا كده
    طالب بيشم ويتذوق العلم فى كل حته فى الكلية
    مليون حاجة وحاجة بتدفعوا انه يبقى صيدلى صح
    وده ميمنعش انه فى الوسط ممكن يلاقى موضوع مسلى
    او نكته او غيره من اساليب الترفيه
    لكن تعالوا نشوف الوضع دلوقتى
    مفيش اى حاجة بتعرفنى الفارق بين اى اسرة فى صيدلة(استثنى الجمعية العلمية) واى اسرة فى تجارة مع الأحترام الكامل لكلية تجارة
    روح الأنتماء يا جماعة
    احنا فى كلية الصيدلة
    يعنى العلم سبيلنا
    وطريقنا
    مفيش حاجة اسمها انسى الدراسة
    انا صحيح مش فى اى اسرة بس على قدر المستطاع باحاول اعمل اللى عليا
    لكن
    برضه مش هقدر اعمل زى لو اسرة كاملة بتعمل
    ناس كتير بتعتبر الأسرة دى عملية سهلة
    لأ
    دى محتاجة تخطيط ودراسة جدوى وتحديد اهداف
    اكثر من كام رحلة فى السنة او كام ندوة ومعرض
    الأسرة ممكن تقوم بعمل برامج طلابية دراسية تساوى فى قوتها قوة الكورسات التى تدرس فى الكلية
    وده موضوع تانى له وقته
    اللى نفسى اشوفه السنه الجاية من الأسر الطلابية
    انهم ياخدوا فرصة الأجازة ويحددوا لنفسهم اهداف من اول السنة
    يبدأوا فى مجلات علمية بتناقش امور تهم الطالب
    يبدأوا يشتغلوا شوية فى مجال تقويم العمليةالتعليمية
    مش معقول ادارة الكلية هنرمى عليها كل الحمل
    انا شفت موضوع بتاع دكتورة فارماسيستنا اللى كانت بتتكلم فيه
    عن تطوير مواد الكلية
    وقلت كان مفروض الدراسة دى تعملها اسرة كاملة وكان ممكن يكون موضوع فوق الرائع(هو رائع فعلا)
    طب ايه التوصيات بأه من وراء الموضوع

    1-التخصص :-ينصح بأن تقوم كل اسرة بتخصيص عدد من افرادها لمتابعة قسم محدد من الكليةوتنفيذ ما يمكن من معارض. برامج .ومجلات علمية. احصائيات تقويمةمن خلال وحدات مصغرة يطلق عليها وحدة تطوير القسم .
    2- يتم توزيع الأدوار ومتابعة نشاط الوحدة من خلال القسم .
    عند انشاء هذه الوحدات تتبع من خلال لجان التطوير الخاصة بالكلية
    تحرص الوحدات المصغرة على تطبيق برامجها بحد ادنى محدد من قبل والا يتم تغييرها فى فترة نصف العام .
    تكون هذه الأسر مسئولة عن المساعدة فى تطبيق السياسات الوارد ذكرها

    اقتباس المشاركة الأصلية كتبت بواسطة dark yami مشاهدة المشاركة
    الحزمة التربوية وتطوير عرض المعلومة

    يجب على المحاضر ان يتبع نظام –Target and items-
    يتمثل هذا النظام فى الأتى:-
    1-على المحاضر ان يذكر للطلاب هدف الكورس المراد تدريسه
    والمعلومات المفترض ان يتحصلوا عليها فى نهاية الكورس

    2-يجب ان تكون المحاضرة على شكل تساؤلات وإجابة problems&answers


    3-يمكن للمحاضر طلب بحوث او عروض توضيحية من الطلاب على ان يكون مناقشتها فى محاضرة

    -----
    بالنسبة لحزمة التقويم فدور الأسرة هيكون نحصر فى عمل احصائيا محادية عن الأمتحان وتوفير نماذج الأجابة
    بعد انتهاء الأمتحان

    كده اتبقى جزء صغير من الموضوع وهو مهم جدا
    تبقى لنا مناقشة البرامج الطلابية
    وما بين الكلية والخريجين

    لو فى اى حد عنده استفسار يتفضل
    انا منتظر الأراء فى اللى انا كتبته





    التعديل الأخير تم بواسطة عبدالله عبدالرحمن ; 01-08-2009 الساعة 05:24 PM

  2. #2

    افتراضي

    اهلا بيك يا عبدالله .. وسعيد لتفكيرك ده ..

    اسمح لى ارد عليك .. بس بصفة المسئولية .. أمين لجنة الأسر الطلابية باتحاد الطلاب ..

    السنه اللى فاتت دى سجلت 19 اسره طلابية .. غير الجمعيه العلميه .. والجمعيه العلميه للمره المليون باكد ان لها وضع خاص وهى مش اسره .. هى منظمه فرعيه تتبع منظمه اكبر ولها فروع فى كل الكليات العلميه تقريبا ككلية الطب والصيدله واسنان وتمريض .. ما علينا مش ده موضوعنا ..

    اتفق معاك بان عدد الاسر كبير جدا نسبة الى عدد الاسر اللى لها نشاط ملحوظ ومسموع .. لكن لا تتهم الاسر بانها السبب .. طيب مين السبب هتعرف الوقتي ..

    اتفق معك بان الانشطة العلمية والتثقيفيه التي تقوم بها الاسر نسبتها قليله جدا بالنسبه للانشطة الترفيهيه .. والعاديه .. لكن ايضا ليست الاسر السبب .. وهتعرف السبب برضه الوقتي ..

    السبب هم الطلاب .. فكر شويه ..

    تخيل وانت ماشى كده فى الكلية ولقيت
    معرض اسمه يوم الكيمياء العضوية الصيدلانية
    او لقيت مسابقة عن تصميم وتشييد ادوية المضادات الحيوية
    او لقيت مثلا يعنى ندوة عن مناقشة اساليب جديدة لتوصيل ونقل الدواء

    صدقني ولا طالب هييجي ويشارك .. اذا كانت الانشطه الترفيهيه والعاديه الاشتراك فيها بيبقى ضعيف .. امال لما يبقى كده بقى يبقى الاشتراك عامل ازاى !!


    ومتقوليش يعملوا وخلاص .. لان كلمة يعملوا دى يعني دعايه يعني ورق هيخلص .. يعني مصاريف هتتعمل .. والمعروف ان ميزانيات الاسر من مجهود اصحابها .. باستثناء بعض المكافات اللى بتصرف للاسر ...

    بالنسبه للانشطه ليه هى فنيه وثقافيه ورياضيه .. رغم انها مش كده بس .. لو حضرتك راجعت لائحة الاسر الطلابيه فى الكليه هتشوف فيها ايه ؟؟

    <B>
    الاسر الطلابية:
    تقوم الادارة بتشجيع الطلاب على تكوين اسر طلابية على مستوى الكلية وتعمل الإدارة على إعداد برامج ملائمة من شأنها الربط والتواصل بين أسرالكلية واسر كليات الجامعة وإعداد قيادات من شانها تحمل المسئولية فى المستقبل وصقل هذه القيادات من الطلاب للارتقاء بهم الى مستوى عالى من القدرة على تحمل المسئولية واتخاذ القرار وتنفيذ المشروعات والأنشطة.
    • ويجوز إنشاء اسر طلابية بكل كلية وتعتبر من وحدات اتحاد طلاب الكلية ويقوم بتحقيق الأهداف المنصوص عليها بلائحة الاتحاد.
    • لا يجوز إقامة اسر طلابية على أساس فئوي أو سياسي أو عقائدي ، كما لا يجوز أن تتخذ الأسرة اسما أو شعارا يوحى بذلك.
    • يقدم طلب تكوين الأسرة إلى احد أعضاء هيئة التدريس بالكلية للموافقة على ريادة الأسرة وفى حالة موافقته تشكل جمعية تأسيسية لأسرة بإشراف رائد الأسرة تتولى وضع نظام داخلي لعمل الأسرة في نطاق أحكام اللائحة والقوانين المعمول بها ويراعى فيها القواعد التالية:
    1. تحديد اسم الأسرة ورائدها.
    2. قيمة رسم العضوية.
    3. تشكيل مجلس إدارة للأسرة بالانتخاب ويتكون من مقرر وأمين للصندوق وثلاثة أعضاء ، ويجوز أن يضم إلى عضوية المجلس عضوان يختارهم رائد الأسرة.
    4. تقسيم عمل الأسرة من خلال اللجان التالية:
    لجنة للعلاقات تتولى العمل على تحقيق التعارف بين أعضاء الأسرة:
    • <LI dir=rtl>لجنة رياضية تختص بالنشاط الرياضي.
      <LI dir=rtl>لجنة فنيه تختص بالنشاط الفني.
    • لجنة ثقافية تختص بالنشاط الثقافي.
    اذا واضح ان المقصود من الاسر هو انتشار روح الثقافه والرياضه والفن بين الطلاب ..

    انت هاجمت الاسر الطلابية كلها .. ومعجبكش ولا واحده فيهم .. وقلت باستثناء الجمعيه العلميه ..
    واحنا فى الاتحاد .. لما لقينا موضوع ان فيه اسر كتيره مش بتشتغل وموجوده وخلاص .. قلنا لأ لازم كل واحد ياخد حقه .. فعملنا استبيان لاختيار احسن اسرة فى الكليه وتقييم الاسر كلها .. شارك فيه بداية من عميد الكلية .. لحد بعض الطلاب .. اللى ليهم احتكاك مباشر بالانشطة الطلابية ..
    واعلنا النتيجه .. وتم تكريم اول ثلاث اسر فعلا فى حفل ختام الانشطه الطلابية ..

    لو حضرتك قريت التوبيك بتاع الانجازات اللى فى التطوير .. وعرفت ان الكليه اخدت درع التميز فى نشاط الخدمه العامه والرحلات .. وعرفت ان الكليه اخدت المركز الاول على مستوى الجامعه فى النشاط الرياضي .. هتعرف ليه الاسر الطلابية بتعمل كده ...
    ده غير المراكز الفرديه الكتير اللى حققها طلاب الكليه فى مختلف المسابقات الاسكواش والكاراتيه .. ومسابقة القراءن الكريم ..

    كمان عندك فى كليتك الطالبة المثاليه على مستوى الجامعه .. وعندك المركز الثالث للطالب المثالي على مستوى الجامعه ..

    انا هكلمك باختصار عن بعض الاسر الطلابيه .. لانى اعتقد ان حضرتك محاولتش تعرف عنهم .. واكتفيت باللى عرفته من بعيد لبعيد ..

    عندك اسرة فى الكليه .. صاحبة المركز الاول .. اختلف نشاطها .. كان ليها انفرادات كتير .. معارض عامه .. وكان فيها قسم علمي .. مش معقول معرض كامل يفضل كذا يوم ويبقى علمي بس .. فين التنوع .. لكن لما يبقى فيه قسم علمي .. قسم فني .. قسم فكاهي .. وغيره يبقى كده انت وفرت كل حاجه لاى حد عاوز يدخل ويزور المعرض ولا ايه ؟؟
    عملت مجله مطبوعه .. محجمتش الاشتراك فيها لاعضاء الاسره .. لا فتحتها لكل طلبة الكليه .. اى موضوع كويس هاته والاسره تنشره .. بغض النظر عن كونه ايه .. فكاهي فني علمي ديني او حتى سياسي ..
    عملت مجلة حائط بشكل مبتكر وجمالي .. وايه المشكله .. جميل اننا ننمي حسن الفن عند الطلاب ..
    عملت حفلة عشان تكرم اعضاءها المتفوقين فى التيرم الاول .. عشان تثبت ان النشاط الطلابي مش لازم يتعارض مع التفوق .. او النشاط الطلابي بيضيع الوقت ..
    عملت رحلات .. كان منها ترفيهيه .. وكان منها علميه .. زى رحلة زيارة محطة المياه .. واللى كان موجود فيها د محمد العوضي ..
    كمان عملت دورة تدريبية .. في حاجات معينه بتخدم الطالب .. زى المقابله الشخصيه وكتابة السيرة الذاتيه .. والاسعافات الاوليه .. وفنون الاتصال .. وكمان محاضرة فى الدراسات العليا ..
    اظن صعب اوى تيجي انت بعد كده تقول فى الانشطه اللى تخدم طالب الكليه ..
    كمان عملت يوم مفتوح .. لكل طلبة الكليه .. يوم مفتوح مسابقات ذكاء ترفيه اسئله بجوائز فرديه .. خلت جو الكليه العام فى منتهي الجمال .. لدرجة ان الكلية طلبة منها انها تعمله تاني خلال اسبوع شباب الجامعات ..

    اسرة رساله .. اسره لها طابع العمل الخيري .. اهم حاجه وافضل حاجه عملتها .. انها بتيجي اخر السنه تلم الادوات من الطلاب اللى اتخرجوا .. وتظبطها وتنضفها .. وتعيد ترتيبها وتجميلها .. وتديها للطلاب الغير قادرين .. ومحدش يتخيل الموضوع ده شاق وصعب ازاى ..
    بتعمل افطار جماعي للعمال مع طلبة الكلية فى شهر رمضان .. تقليد رائع وجميل ..
    بتعمل شنط رمضان .. بتعمل ندوات كتير منها العمليه .. زى الوسواس القهري .. ودينيه زى ندوة الاستاذ مطفى حسني .. وعامه زى ندوة الاستاذ عمر سمره ..
    عملوا معرضين لاستعارة الكتب مجانا .. واحد فى التيرم الاول وواحد تانى فى التيرم التاني بالاشتراك مع اتحاد طلاب الكلية ..
    ده غير دورات الكورة والتنس .. والرحلات الترفيهيه .. ورحلات مصانع الادوية .. رحلات علميه يعني

    اسرة فيرونيكا .. اشتهرت بنشاطها فى التنمية البشرية .. وعقد الدورات المكثفه فيها .. كـ W.T.S الاولى والثانيه ..واللى حصلت على اشاده شخصيه من الدكتور الشابوري ..
    وغيره من الانشطه المختلفه التانيه ..

    اسرة صيدلي المستقبل .. دورات تدريبية علمية كثيرة جده ومتنوعه ورائعه ..
    اسرة صناع الحياه .. منتدى خطوه للحياه اللى حقق نجاح غير عادي .. وخدم اكثر من 400 طالب مش من الكليه بس .. لا من طلبة الجامعه كلهم ..

    وفيه اسر تانيه بس مش عاوز اطول فى الكلام اكتر من كده .. وده مش كل نشاط الاسر اللى انا ذكرتها دول يا دوب اللى اسعفتني ذاكرتي ان اذكرهم حالا ..

    مشكلتنا .. اننا بنقول راينا .. ونهاجم .. وكذا وكذا .. واحنا معندناش المعرفه الكافيه ..
    وكمان مش بنحاول اننا نعرف ..

    ملحوظه : انا اعرف حضرتك شخصيا .. حضرتك لم تشارك فى اى نشاط طلابي تقريبا .. طيب ليه وازاى ؟؟
    لما حضرتك شايف كل ده .. ليه متعملش اسره وتحاول تعمل اللى انت بتقول عليه ده ؟؟
    عارف لو ده حصل انا مستعد اسيب الكليه تاني يوم .. لانك مش هتقدر تنجح ..

    انا بكلم بناء عن معرفه وخبره ودرايه تامه بظروف النشاط الطلابي .. وظروف الكليه .. مش مجرد طالب بيحضر المحاضرات والسكاشن .. ويادوب بيلفت نظري اعلان او يافطه او ستاند .. وبحكم بناء عليه ..


    السنه الجايه هيبقى نظام الاسر مش هقول انه هيكون مختلف .. لكن هنحاول كلنها جاهدين .. ان يتم تنسيق كامل بين الاسر .. والبداية مش في الدراسه لا البدايه قبل الدراسه ما تبتدي خالص ..

    انت اديت اصفار كتير .. لكن صدقني النتايج دى غير دقيقه بالمره .. وفيها ظلم للاسر الطلابية ..

    انا طالب زيي زيك .. بس الفرق انى لما لقيت حاجات مش مظبوطه حاولت جاهدا انى احاول فيها .. نجحت .. الحمد لله .. فشلت .. معلش احاول تاني وتالت ورابع ..

    واسال اى حد في الكليه .. مهتم بالنشاط الطلابي .. وهو ياكد لك على كلامي ..

    وللحديث بقيه ؛؛؛؛
    </B>

  3. #3

    افتراضي

    والله قبل ما كتب الموضوع وانا عارف ان اول واحد هيرد هوحضرتك

    شكرا على الرد واسمح لى اوضحلك بعض النقاط

    اقتباس المشاركة الأصلية كتبت بواسطة Gohary مشاهدة المشاركة
    اهلا بيك يا عبدالله .. وسعيد لتفكيرك ده ..

    اسمح لى ارد عليك .. بس بصفة المسئولية .. أمين لجنة الأسر الطلابية باتحاد الطلاب ..

    السنه اللى فاتت دى سجلت 19 اسره طلابية .. غير الجمعيه العلميه .. والجمعيه العلميه للمره المليون باكد ان لها وضع خاص وهى مش اسره .. هى منظمه فرعيه تتبع منظمه اكبر ولها فروع فى كل الكليات العلميه تقريبا ككلية الطب والصيدله واسنان وتمريض .. ما علينا مش ده موضوعنا ..

    انا قلت 14 لأن هو ده العدد اللى مسجل على المنتدى

    اتفق معاك بان عدد الاسر كبير جدا نسبة الى عدد الاسر اللى لها نشاط ملحوظ ومسموع .. لكن لا تتهم الاسر بانها السبب .. طيب مين السبب هتعرف الوقتي ..

    اتفق معك بان الانشطة العلمية والتثقيفيه التي تقوم بها الاسر نسبتها قليله جدا بالنسبه للانشطة الترفيهيه .. والعاديه .. لكن ايضا ليست الاسر السبب .. وهتعرف السبب برضه الوقتي ..
    السبب هم الطلاب .. فكر شويه ..

    صدقني ولا طالب هييجي ويشارك


    حضرتك فاقد الثقة فى طلابنا
    بس انا عايز افكرك ان الطالب بيدور على مصلحته فى الأول وفى الأخر
    اظنك لو تفتكر ايام ما كنا فى اعدادى
    معرض الصيدلة الصناعية حقق نجاح قد ايه
    لأن القائمين عليه فكروا فى مصلحة الطالب


    .. اذا كانت الانشطه الترفيهيه والعاديه الاشتراك فيها بيبقى ضعيف .. امال لما يبقى كده بقى يبقى الاشتراك عامل ازاى !!

    طب مش ممكن الطلاب مش مقتنعين بالكلام ده وعايزين حاجة تخاطب عقلهم وتنعش قدراتهم العلمية
    هوضح بعدين

    ومتقوليش يعملوا وخلاص .. لان كلمة يعملوا دى يعني دعايه يعني ورق هيخلص .. يعني مصاريف هتتعمل .. والمعروف ان ميزانيات الاسر من مجهود اصحابها .. باستثناء بعض المكافات اللى بتصرف للاسر ...

    اه ...مقدر حته الميزانية دى وعارف كويس مشاكلها
    لكن حضرتك قلت ان الأقبال على الأنشطة العادية ضعيف ليه منجربش حاجة جديدة


    بالنسبه للانشطه ليه هى فنيه وثقافيه ورياضيه .. رغم انها مش كده بس .. لو حضرتك راجعت لائحة الاسر الطلابيه فى الكليه هتشوف فيها ايه ؟؟
    عارف لائحة الأسر كويس
    لكن اللأئحة تتكلم على جميع الكليات بتعميم وده غلط
    متطلبات الطالب فى الكليات العملية مختلفة عن النظرى
    وعليه تتغير معايير الأنشطة وتتحور لصالح تطوير الكلية العملية


    <B>

    اذا واضح ان المقصود من الاسر هو انتشار روح الثقافه والرياضه والفن بين الطلاب ..

    مقلتش حاجة بالعكس ده لازم الكلام ده يحصل بس فى اولويات
    مش معقول الطالب بيعانى من الكتب والجداول وضعف المعامل وضعف فى الأساس المعلوماتى
    واروح اقوله هزر واطلع رحلات


    انت هاجمت الاسر الطلابية كلها .. ومعجبكش ولا واحده فيهم .. وقلت باستثناء الجمعيه العلميه ..
    واحنا فى الاتحاد .. لما لقينا موضوع ان فيه اسر كتيره مش بتشتغل وموجوده وخلاص .. قلنا لأ لازم كل واحد ياخد حقه .. فعملنا استبيان لاختيار احسن اسرة فى الكليه وتقييم الاسر كلها .. شارك فيه بداية من عميد الكلية .. لحد بعض الطلاب .. اللى ليهم احتكاك مباشر بالانشطة الطلابية ..
    واعلنا النتيجه .. وتم تكريم اول ثلاث اسر فعلا فى حفل ختام الانشطه الطلابية ..

    على العين وعلى الراس
    الأسر كلها شغالة
    ولكن فى اتجاه بعيد عما يحتاجه الطالب
    انا لم ار اسرة واحدة تناقش مشكلة كتاب الميكروبيولوجى فى تانية
    ولا مشكلة عملى العضوية
    كل الحاجات دى مش انشطة برضه
    ولا ايهه
    ده مش رايي وحدى
    ولكن اذا اردت ان يقومك احد فانظر الى الطلاب الغير مشتركين فى الأنشطة
    وهم من سيحدد الأفضل


    لو حضرتك قريت التوبيك بتاع الانجازات اللى فى التطوير .. وعرفت ان الكليه اخدت درع التميز فى نشاط الخدمه العامه والرحلات .. وعرفت ان الكليه اخدت المركز الاول على مستوى الجامعه فى النشاط الرياضي .. هتعرف ليه الاسر الطلابية بتعمل كده ...
    ده غير المراكز الفرديه الكتير اللى حققها طلاب الكليه فى مختلف المسابقات الاسكواش والكاراتيه .. ومسابقة القراءن الكريم ..

    والله متابع بس فى الظل زى مابيقولوا


    كمان عندك فى كليتك الطالبة المثاليه على مستوى الجامعه .. وعندك المركز الثالث للطالب المثالي على مستوى الجامعه ..
    ....
    انا هكلمك باختصار عن بعض الاسر الطلابيه .. لانى اعتقد ان حضرتك محاولتش تعرف عنهم .. واكتفيت باللى عرفته من بعيد لبعيد ..

    عندك اسرة فى الكليه .. صاحبة المركز الاول .. اختلف نشاطها .. كان ليها انفرادات كتير .. معارض عامه .. وكان فيها قسم علمي .. مش معقول معرض كامل يفضل كذا يوم ويبقى علمي بس .. فين التنوع .. لكن لما يبقى فيه قسم علمي .. قسم فني .. قسم فكاهي .. وغيره يبقى كده انت وفرت كل حاجه لاى حد عاوز يدخل ويزور المعرض ولا ايه ؟؟
    عملت مجله مطبوعه .. محجمتش الاشتراك فيها لاعضاء الاسره .. لا فتحتها لكل طلبة الكليه .. اى موضوع كويس هاته والاسره تنشره .. بغض النظر عن كونه ايه .. فكاهي فني علمي ديني او حتى سياسي ..
    عملت مجلة حائط بشكل مبتكر وجمالي .. وايه المشكله .. جميل اننا ننمي حسن الفن عند الطلاب ..
    عملت حفلة عشان تكرم اعضاءها المتفوقين فى التيرم الاول .. عشان تثبت ان النشاط الطلابي مش لازم يتعارض مع التفوق .. او النشاط الطلابي بيضيع الوقت ..
    عملت رحلات .. كان منها ترفيهيه .. وكان منها علميه .. زى رحلة زيارة محطة المياه .. واللى كان موجود فيها د محمد العوضي ..
    كمان عملت دورة تدريبية .. في حاجات معينه بتخدم الطالب .. زى المقابله الشخصيه وكتابة السيرة الذاتيه .. والاسعافات الاوليه .. وفنون الاتصال .. وكمان محاضرة فى الدراسات العليا ..
    اظن صعب اوى تيجي انت بعد كده تقول فى الانشطه اللى تخدم طالب الكليه ..
    كمان عملت يوم مفتوح .. لكل طلبة الكليه .. يوم مفتوح مسابقات ذكاء ترفيه اسئله بجوائز فرديه .. خلت جو الكليه العام فى منتهي الجمال .. لدرجة ان الكلية طلبة منها انها تعمله تاني خلال اسبوع شباب الجامعات ..

    اسرة رساله .. اسره لها طابع العمل الخيري .. اهم حاجه وافضل حاجه عملتها .. انها بتيجي اخر السنه تلم الادوات من الطلاب اللى اتخرجوا .. وتظبطها وتنضفها .. وتعيد ترتيبها وتجميلها .. وتديها للطلاب الغير قادرين .. ومحدش يتخيل الموضوع ده شاق وصعب ازاى ..
    بتعمل افطار جماعي للعمال مع طلبة الكلية فى شهر رمضان .. تقليد رائع وجميل ..
    بتعمل شنط رمضان .. بتعمل ندوات كتير منها العمليه .. زى الوسواس القهري .. ودينيه زى ندوة الاستاذ مطفى حسني .. وعامه زى ندوة الاستاذ عمر سمره ..
    عملوا معرضين لاستعارة الكتب مجانا .. واحد فى التيرم الاول وواحد تانى فى التيرم التاني بالاشتراك مع اتحاد طلاب الكلية ..
    ده غير دورات الكورة والتنس .. والرحلات الترفيهيه .. ورحلات مصانع الادوية ..
    رحلات علميه يعني


    اسرة فيرونيكا .. اشتهرت بنشاطها فى التنمية البشرية .. وعقد الدورات المكثفه فيها .. كـ W.T.S الاولى والثانيه ..واللى حصلت على اشاده شخصيه من الدكتور الشابوري ..
    وغيره من الانشطه المختلفه التانيه ..

    اسرة صيدلي المستقبل .. دورات تدريبية علمية كثيرة جده ومتنوعه ورائعه ..
    اسرة صناع الحياه .. منتدى خطوه للحياه اللى حقق نجاح غير عادي .. وخدم اكثر من 400 طالب مش من الكليه بس .. لا من طلبة الجامعه كلهم ..

    وفيه اسر تانيه بس مش عاوز اطول فى الكلام اكتر من كده .. وده مش كل نشاط الاسر اللى انا ذكرتها دول يا دوب اللى اسعفتني ذاكرتي ان اذكرهم حالا ..

    والله يامحمد انا معاك فى نفس الكلية وعارف الكلام ده كله
    مش عارف انت معتقد اننا معرفش حاجة ليه


    مشكلتنا .. اننا بنقول راينا .. ونهاجم .. وكذا وكذا .. واحنا معندناش المعرفه الكافيه ..
    وكمان مش بنحاول اننا نعرف ..

    اسف بس كل كلمة انا قلتها متأكد منها 100%
    وهاتلى حاجة تقول العكس



    ملحوظه : انا اعرف حضرتك شخصيا
    بجد
    .. حضرتك لم تشارك فى اى نشاط طلابي تقريبا .. طيب ليه وازاى ؟؟


    ايه تعريفك للنشاط الطلابى
    النشاط غير محتكر على أعضاء الأسر و بالعكس فى الوضع الحالى يصبح النشاط الفردى
    او المستقل اسرع واكثر فعالية طالما تلتزم بالقوانين
    وحصرتك عارف كويس قيود الأسر والروتين بتاعها


    لما حضرتك شايف كل ده .. ليه متعملش اسره وتحاول تعمل اللى انت بتقول عليه ده ؟؟
    اعمل اسرة


    عارف لو ده حصل انا مستعد اسيب الكليه تاني يوم .. لانك مش هتقدر تنجح ..

    للأسف كلام حضرتك لمرة دى مغاير لكل كلامك فى الموضوعات السابقة
    ليه نبرة اليأس دى
    الطلاب اللى انت بتقول عليهم دول صنيعة نظام عودهم على ان النجاح يعنى امتياز
    شيء طبيعى ان يبتعدوا عن طريق البحث العلمى
    بس الأنسان طائع لبيئته
    لو كانت كل حاجة حوالين الطالب بتشجع المناخ العلمى هتلقيه فطرته بترجعه تانى
    للأسف ده دور الكلية لكن العدد الكبير مش مساعد ومش مدى فرصة
    وهنا ييجى الأشحاص الactiveاللى زى حضرتك
    واصحاب المواهب الأخرين
    واصحاب الشخصيات الجاذبة
    كل هؤلاء قادرين على اعادة الطالب لمساره الصحيح
    لنحصل فى النهاية على صيدلى ناضج فى كل الأحوال
    البداية من عند طلاب اعدادى الجدد
    فى اعدادى الطالب عنده طموحات كثير وبيتوقع حاجات اكثر ولكن النظام بيجبره على التراجع
    فاكر انت العدد كان فى المدرج اد ايه فى اعدادى اول اسبوع


    انا بكلم بناء عن معرفه وخبره ودرايه تامه بظروف النشاط الطلابي .. وظروف الكليه .. مش مجرد طالب بيحضر المحاضرات والسكاشن .. ويادوب بيلفت نظري اعلان او يافطه او ستاند .. وبحكم بناء عليه .
    اعتقد ان الخبرة دى تتوفر لعدد كبير من الطلاب زى حضرتك بالظبط وبالعكس ممكن اكثر
    حضور المحاضرات بيخليك فى احتكاك مع عدد اكبر من الطلالب بتسمع ليهم وتفهمهم وتعرف ايه بالظبط اللى هم عايزينه
    زى ماقلت لحضرتك البداية تكون بنيه مخلصة لله وثقة فى النفس وبعقليات كليتنا
    عمر ما هنقدر نغير فى ثانية ولكن التغيير يبدأ بخطوة واحيانا طالب
    وكل نور محتاج شمعة تحترق
    انا على عكس منك واثق ان الطلاب مستنيين فرصة يثبتوا بيها انهم صيادلة بجد
    فاكر د/عبد المنعم فودة كان بيقول ايه
    كان بيقول انتوا علماء وعلى الرغم من الضحك الى كان بيحصل شفت فى وجوه ناس كثير نظرة امل وفخر
    وتفاؤل..

    السنه الجايه هيبقى نظام الاسر مش هقول انه هيكون مختلف .. لكن هنحاول كلنها جاهدين .. ان يتم تنسيق كامل بين الاسر .. والبداية مش في الدراسه لا البدايه قبل الدراسه ما تبتدي خالص ..

    يا معيين


    انت اديت اصفار كتير .. لكن صدقني النتايج دى غير دقيقه بالمره .. وفيها ظلم للاسر الطلابية.

    انا قلت لحضرتك جيبلى عكس الكلام ده وانا اعتذر فوراجميع المجالات اللى ذكرتها يخلوا منها اى نشاط

    انا طالب زيي زيك .. بس الفرق انى لما لقيت حاجات مش مظبوطه حاولت جاهدا انى احاول فيها .. نجحت .. الحمد لله .. فشلت .. معلش احاول تاني وتالت ورابع ..

    والحمد لله ان هناك من يفعل هذا
    ولكن ثق بأنك لا تعمل لوحدك
    وان هناك من يعمل ايضا ولكن بلاضجيج وفى صمت


    واسال اى حد في الكليه .. مهتم بالنشاط الطلابي .. وهو ياكد لك على كلامي ..

    مازلت واثق بأن طلاب كليتنا اوعدد لا بأس منهم مشتاقون لأنشطة علمية اوسع من ذلك
    فهل من مجيب
    شكرا يامحمد على الرد ويارب اكون وضحتلك حاجة

    وللحديث بقيه ؛؛؛؛ </B>

  4. #4

    افتراضي

    شكرا عبدالله على كلامك .. وهدوء اسلوبك فى الكلام على غير المتوقع

    نيجي بقى للكلام اللى انت قلته ..

    انا قلت 14 لأن هو ده العدد اللى مسجل على المنتدى
    وانا بقول 19 لأن ده هو عدد الأسر الطلابية اللى مسجلين فى الكليه .. كون ان اسره مالهاش قسم فى المنتدى فده مش معناه نلغي كيانها فى الكليه .. بس ده راجع لان مفيش اعضاء منهم على المنتدى او مطلبوش ان يبقى ليهم قسم على المنتدى ..

    حضرتك فاقد الثقة فى طلابنا
    بس انا عايز افكرك ان الطالب بيدور على مصلحته فى الأول وفى الأخر
    اظنك لو تفتكر ايام ما كنا فى اعدادى
    معرض الصيدلة الصناعية حقق نجاح قد ايه
    لأن القائمين عليه فكروا فى مصلحة الطالب


    مش موضوع فاقد الثقه .. بالعكس انا لو فاقد الثقه مكنتش عملت حاجات كتير .. انا عندي ثقه كبيره اوى فى طالب الكلية بتاعتنا .. وصدقني الطالب هو اللى بيحرك كل حاجه .. هو اللى بيخلي النشاط يتعمل وينجح فبالتالي يتعمل تاني ..

    اه ...مقدر حته الميزانية دى وعارف كويس مشاكلها
    لكن حضرتك قلت ان الأقبال على الأنشطة العادية ضعيف ليه منجربش حاجة جديدة
    منا قلت لك .. انت فين !! انت اللى مقتنع .. وانت اللى عاوز تعمل .. ورينا مجهودك ونشاطك .. والنجاح هيحسب ليك .. وانا على نفسي ايدي على كتفك ..

    مقلتش حاجة بالعكس ده لازم الكلام ده يحصل بس فى اولويات
    مش معقول الطالب بيعانى من الكتب والجداول وضعف المعامل وضعف فى الأساس المعلوماتى
    واروح اقوله هزر واطلع رحلات
    مشاكل الطلاب مش هو دور الاسر الطلابية الاساسي .. لان المفروض فيه كيانات تانيه معنيه بالامر ده .. زى ايه !! زى المشرف الاكاديمي .. زى شئون الطلاب .. زى وحدة التطوير .. واخيرا اتحاد الطلاب ..

    والله يامحمد انا معاك فى نفس الكلية وعارف الكلام ده كله
    مش عارف انت معتقد اننا معرفش حاجة ليه
    عارف انك معايا فى الكليه .. ولا سمح الله انا مش بقول انك متعرفش حاجه .. لا انا بقول ان معظم الطلاب مش بيهتموا انهم يعرفوا اخبار الاسر او اخبار الاتحاد .. ولو جت له فرصه يكلم عنهم .. يشطح فى حوار كله سلبيات عنهم .. طب ازاى !!

    ايه تعريفك للنشاط الطلابى
    النشاط غير محتكر على أعضاء الأسر و بالعكس فى الوضع الحالى يصبح النشاط الفردى
    او المستقل اسرع واكثر فعالية طالما تلتزم بالقوانين
    وحصرتك عارف كويس قيود الأسر والروتين بتاعها
    النشاط الطلابي بمفهومه معروف .. واكيد هو مش حكر لاعضاء الاسر او اعصاء الاتحاد .. بس برضه حضرتك مكنش لك نشاط فردي ولا مستقل صح !!
    انا مش بقول كده لحاجه معينه وحشه .. بالعكس انا بقول كده عشان عاوزك تبقى موجود فى الانشطه طالما عندك الحماس ده كله .. ليه متفيدش الكليه بيه ؟؟ وبدل ما تكلم وتبرز عيوب ومشاكل .. تشتغل وتعمل وتفعل .. وده اعتقد افضل .. وتعمل في صمت

    اعمل اسرة
    مكنتش اعرف انى قلت نكته


    للأسف كلام حضرتك لمرة دى مغاير لكل كلامك فى الموضوعات السابقة
    ليه نبرة اليأس دى
    الطلاب اللى انت بتقول عليهم دول صنيعة نظام عودهم على ان النجاح يعنى امتياز
    شيء طبيعى ان يبتعدوا عن طريق البحث العلمى
    بس الأنسان طائع لبيئته
    لو كانت كل حاجة حوالين الطالب بتشجع المناخ العلمى هتلقيه فطرته بترجعه تانى
    للأسف ده دور الكلية لكن العدد الكبير مش مساعد ومش مدى فرصة
    وهنا ييجى الأشحاص الactiveاللى زى حضرتك
    واصحاب المواهب الأخرين
    واصحاب الشخصيات الجاذبة
    كل هؤلاء قادرين على اعادة الطالب لمساره الصحيح
    لنحصل فى النهاية على صيدلى ناضج فى كل الأحوال
    البداية من عند طلاب اعدادى الجدد
    فى اعدادى الطالب عنده طموحات كثير وبيتوقع حاجات اكثر ولكن النظام بيجبره على التراجع
    فاكر انت العدد كان فى المدرج اد ايه فى اعدادى اول اسبوع
    على فكره انا متفاءل جدا .. ومش بياس بسهوله .. وبصمم وبتحدى وبوصل فى النهايه غالبا بحمد الله ..
    بس ليه بتسميه يأس !! ليه متسميهوش واقعيه .. يعني انت بتشتغل فى الحدود المسموحه ليك وبتنتج كويس .. وتبقى عارف حدودك وتلتزم بيها .. ولا تقعد تقول لا انا عاوز اوسع الحدود وتبدا تقول انا عاوز كذا وكذا .. ومن كتر ما بتقول .. مبتشتغلش ..

    انا معاك ان طلاب اعدادي بيبقى ليهم طموحات واحلام بتصطدم بحاجات كتير فى الكليه .. والمناهج والنظام والامتحانات .. وغيره وغيره ..
    وده دورنا - الطلاب الاقدم - اننا نساعدهم يتغلبوا عليها ويعدوها .. ويكملوا مشوارهم زى ماهم عاوزين من الاول ..

    اعتقد ان الخبرة دى تتوفر لعدد كبير من الطلاب زى حضرتك بالظبط وبالعكس ممكن اكثر
    حضور المحاضرات بيخليك فى احتكاك مع عدد اكبر من الطلالب بتسمع ليهم وتفهمهم وتعرف ايه بالظبط اللى هم عايزينه
    زى ماقلت لحضرتك البداية تكون بنيه مخلصة لله وثقة فى النفس وبعقليات كليتنا
    عمر ما هنقدر نغير فى ثانية ولكن التغيير يبدأ بخطوة واحيانا طالب
    وكل نور محتاج شمعة تحترق
    انا على عكس منك واثق ان الطلاب مستنيين فرصة يثبتوا بيها انهم صيادلة بجد
    فاكر د/عبد المنعم فودة كان بيقول ايه
    كان بيقول انتوا علماء وعلى الرغم من الضحك الى كان بيحصل شفت فى وجوه ناس كثير نظرة امل وفخر
    وتفاؤل..
    انا مقلتش انى راجل خبير بالامور .. بس احتكيت بحاجات كتير فى الكليه .. واتعلمت منها الكتير .. واكيد طبعا اتعلمت من ناس كتير فى الكليه .. كانوا اكبر منى واكثر خبره منى .. ونقلوا لى خبرتهم دى .. بحيث انى ابدا من عند ماهم انتهوا .. مش ابدا من جديد مع نفسي .. وده اللى مخلينى ناجح الحمد لله فى الكليه خصوصا فى الامور دى ..
    الفرص كتيره .. والطلبه هما اللى بيفوتوها على فكره .. عندك مثلا النهارده كان فيه ملتقى توظيفي عدة شركات ومجموعة صيدليات اضافة الى نقيب الصيادله .. والحضور كان قليل بالنسبه لاهمية الحدث ..
    ومتقوليش اصل الاعلانات مكنتش كافيه .. لانها كانت موجوده فى كل حته فى المنتدى وفى الكليه وفى الفيس بوك .. وهى نفس طرق الاعلان عن الرحلات اللى بيعرفها الناس كلها ..
    هرجع واقول لك تاني .. الطالب ثم الطالب ثم الطالب ..


    انا قلت لحضرتك جيبلى عكس الكلام ده وانا اعتذر فوراجميع المجالات اللى ذكرتها يخلوا منها اى نشاط
    راجع توبيك انشطة الكليه كويس .. وانت تعرف اذا كنت تعتذر ولا لأ

    والحمد لله ان هناك من يفعل هذا
    ولكن ثق بأنك لا تعمل لوحدك
    وان هناك من يعمل ايضا ولكن بلاضجيج وفى صمت
    سعيد جدا بوجود أناس مثلي وأفضل مني .. ويارب يزيدوا كمان وكمان .. وانا لا اعمل بضجيج .. واذا كنت احاول ابراز ما يحدث .. فكي يعرف من لا يعرف .. وحتى ارى صدى لذلك فى الطلاب ..

    مازلت واثق بأن طلاب كليتنا اوعدد لا بأس منهم مشتاقون لأنشطة علمية اوسع من ذلك
    فهل من مجيب


    والاسر الطلابيه تجيب .. والاتحاد يجيب .. والجمعيه العلميه تجيب .. وانا اجيب .. وانت تجيب



    بس انا عاوز اقولك حاجه بسيطه .. انا طالب عادي جدا .. بس بعتبر نفسي طالب ايجابي .. بحاول استفيد من كل حاجه .. واعمل كل حاجه .. وفي نفس الوقت مبحاولش اتمرد على وضع انا عارف انه مش هيتغير .. بالعكس بحاول استفيد من الوضع ده على قد ما اقدر .. ولو مقدرتش استفيد منه فبتجاهله ..

    ملحوظه اخيره : ياريت بلاش كلمة حضرتك دى .. عشان بتحسسني انى شخصيه مهمه .. وانا زي ما قلت لك انا طالب عادي .. وكمان احنا زمايل دفعه واحده ولا ايه !

  5. #5
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    اكتر حاجة عجبتنى فى الموضوع

    طريقة الحوار بينكم انتوا التنين

    انا اول مالقيت عبدالله كتب الموضوع

    كنت متأكد 99.9%

    ان دكتور جوهرى اول واحد هيرد عليه

    وكنت حاسس ان الموضوع هيبقى عامل زى حلقات

    الاتجاه الشاكس

    بس بجد لغة الحوار اللى بينكوا انتوا الاتنين فى الموضوع

    اتعلمت منها كتير اكتر من الموضوع نفسه

    لانى كل واحد فيكوا عرض وجهة نظره بطريقة جميلة جدا

    ومع ان وجهتين النظر متناقضتين

    بس الاسلوب خلانى مش عارف اصدق مين فيكوا

    مع انى فى الاخر ممكن اكون مع عبدالله


  6. #6

    افتراضي

    ايه يا جماعه فيه ايه

    انا رديت على الموضوع لانى بعتبر نفسي احسن واحد ممكن يرد على حاجات تخص الاسر الطلابية .. لا اكتر ولا اقل ..

    ولاني حاسس بالاسر الطلابيه بوصفي مقرر مساعد احد الاسر الطلابيه ..

    واكيد بكن كل احترام لكل اعضاء المنتدى - طلبة الكليه - بس صدقوني .. انا مقتنع جدا بدور الاسر الطلابيه فى الكليه ..

    وان شاء الله الافضل قادم زى ما ديما بقول

    تحياتي ..

  7. #7

    افتراضي

    اقتباس المشاركة الأصلية كتبت بواسطة Gohary مشاهدة المشاركة
    شكرا عبدالله على كلامك .. وهدوء اسلوبك فى الكلام على غير المتوقع
    الله يخليك مش عارف انت واخذ فكرة وحشة عنى ليه دا انا طيب ومبعضش والله

    نيجي بقى للكلام اللى انت قلته ..
    وانا بقول 19 لأن ده هو عدد الأسر الطلابية اللى مسجلين فى الكليه .. كون ان اسره مالهاش قسم فى المنتدى فده مش معناه نلغي كيانها فى الكليه .. بس ده راجع لان مفيش اعضاء منهم على المنتدى او مطلبوش ان يبقى ليهم قسم على المنتدى ..
    اوك اوك نو بروبليما

    النشاط الطلابي بمفهومه معروف .. واكيد هو مش حكر لاعضاء الاسر او اعضاء الاتحاد .. بس برضه حضرتك مكنش لك نشاط فردي ولا مستقل صح !!
    دى مش متفق معاك فيها ممكن اكون باعمل نشاط يفيدنى ويفيد اللى حواليا بس من غير ماحد يحس بيا
    والحمد لله الواحد بيعمل اللى فى قدر استطاعته والله لايحمل نفس الاقدر ماتستطيع


    على فكره انا متفاءل جدا .. ومش بياس بسهوله .. وبصمم وبتحدى وبوصل فى النهايه غالبا بحمد الله ..
    بس ليه بتسميه يأس !! ليه متسميهوش واقعيه .. يعني انت بتشتغل فى الحدود المسموحه ليك وبتنتج كويس .. وتبقى عارف حدودك وتلتزم بيها .. ولا تقعد تقول لا انا عاوز اوسع الحدود وتبدا تقول انا عاوز كذا وكذا .. ومن كتر ما بتقول .. مبتشتغلش ..

    انا معاك ان طلاب اعدادي بيبقى ليهم طموحات واحلام بتصطدم بحاجات كتير فى الكليه .. والمناهج والنظام والامتحانات .. وغيره وغيره ..
    وده دورنا - الطلاب الاقدم - اننا نساعدهم يتغلبوا عليها ويعدوها .. ويكملوا مشوارهم زى ماهم عاوزين من الاول ..

    طب كويس الحمدالله انك واخد بالك


    راجع توبيك انشطة الكليه كويس .. وانت تعرف اذا كنت تعتذر ولا لأ

    المجالات اللى ذكرتها وهى عامة الأنشطة العلمية التى تصب فى مجال الدراسة تبدو غير واردة فى قاموس انشطةالطلاب
    الأسر الطلابية فى الوقت الحالى

    انا كنت عايزك تفتكر معرض الصيدلة الصناعية اللى تعمل من سنتين
    اعتقد انه كان نشاط علمى واسع وغير مكلف وقامت به اسرة واحدة على ماعتقد كانت صناع
    ليه الطلاب اقبلوا عليه
    ليه استجابوا
    انت مردتش على النقطة دى
    والسؤال التانى -بصفتك مسئوول -هل تعتقد ان الأسر الطلابية وكوادرها قادرة على تنفيذ
    هذا المشروع اذا ما تقرر ذلك
    ؟؟؟؟؟؟

    اقتباس المشاركة الأصلية كتبت بواسطة Dr/HULK مشاهدة المشاركة
    مع انى فى الاخر ممكن اكون مع عبدالله
    ممكن بس
    ياريت كنت تتكلم اكثر
    شكرا على مرورك محمد
    التعديل الأخير تم بواسطة عبدالله عبدالرحمن ; 02-08-2009 الساعة 10:08 AM

  8. #8

    افتراضي

    الحقيقه لا اتذكر هذا المعر الذي تتكلم عنه وبالتالي لم ارد على هذه النقطه ..

    بالنسبه للسؤال التاني فهو محتاج الى توضيح اكثر .. اى مشروح تقصد ..

    تحياتي

  9. #9
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    اقتباس المشاركة الأصلية كتبت بواسطة dark yami مشاهدة المشاركة

    ممكن بس
    ياريت كنت تتكلم اكثر
    شكرا على مرورك محمد

    لأ ياعم كفاية كده خلينى اتفرج من بعيد لبعيد

    وكمان انا اساسا

    معرفش هدف الاسر الطلابية

    ولا حتى هدف اتحاد الطلبة

    لانى من يوم مادخلت الكلية

    محدش جه كلمنا وعرفنا هما بيعملوا ايه

    ولما تيجى تكلم حد يقول عليك انك

    سلبى لانك مرحتش تسأل وتدور فى الكلية عشان تعرف دور اتحاد الطلبة والاسر الطلابية

    اصلى انا اصلا داخل الكلية من كلية تانية

    ميعرفوش اننا جايين من مدارس مكنش فيها نشاط طلابى

    غير الهروب من فوق السور(نشاط رياضى)

  10. #10

    افتراضي

    يعني بتوع الاسر الطلابيه والاتحاد مش جايين من نفس المدارس اللى انت جاي منها !!!


صفحة 1 من 2 12 الأخيرةالأخيرة

المواضيع المتشابهه

  1. حفل ختام الأنشطة الطلابية .. ( أسماء المكرمين النهائية )
    بواسطة Mohamed Al Gohary في المنتدى الأرشـيف
    مشاركات: 41
    آخر مشاركة: 29-09-2010, 08:51 AM
  2. المكرمون في حفل ختام الأنشطة الطلابية 27 سبتمبر
    بواسطة Mohamed Al Gohary في المنتدى الأرشـيف
    مشاركات: 58
    آخر مشاركة: 22-09-2010, 01:59 AM
  3. حفل ختام الأنشطة الطلابية 2009/2010
    بواسطة Mohamed Al Gohary في المنتدى أخبـار الكليـة
    مشاركات: 0
    آخر مشاركة: 04-08-2010, 01:36 AM
  4. حفل ختام الأنشطة الطلابية 2008 - 2009 ... قريبا
    بواسطة Anas في المنتدى المنتـدى العـام
    مشاركات: 20
    آخر مشاركة: 18-07-2009, 05:59 PM
  5. حفل ختام الأنشطة الطلابية ... 2008 / 2009
    بواسطة Anas في المنتدى أخبـار الكليـة
    مشاركات: 0
    آخر مشاركة: 07-07-2009, 01:24 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •