صفحة 5 من 5 الأولىالأولى ... 345
النتائج 41 إلى 50 من 50

الموضوع: لماذا لم أشترك في أسرة طلابية ؟ نقد بناء

  1. #41
    Pharma Student
    تاريخ التسجيل
    Mar 2009
    المشاركات
    1,136

    افتراضي

    اقتباس المشاركة الأصلية كتبت بواسطة pharmacistina مشاهدة المشاركة
    صحيح ..

    و الحل ..

    اداررة الأسرة و القائمين عليها أعتقد ممكن ينوهوا الى هذه الأشياء في اجتماعاتهم مع اعضاء الأسر ..

    و كله في الآخر هيكون من أجل مصلحة الأسرة و شكلها ,

    Thanks
    رغم اختلاف وجهات النظر حول هذا الموضوع
    إلا أننى اعتقد إن السطرين اللى فاتوا جابوا م الآخر
    و المفروض أن كلنا نتفق عليهم

    بالنسبة لموضوع الاختلاط فى الأسر فدى فعلا ظاهرة موجودة
    بدليل أنى عارف زميل سحب تسجيله من أسرة و علل لى ذلك بأن هدفها
    الفلوس و البنات

    أمر آخر و هو أحد زملائى بالفرقة الرابعة لم يكن له أى نشاط طلابى إلا فى العام الماضى
    و لم يكن له أى كلام مع الطالبات
    و يؤسفنى أن أراه يمشى مع إحدى الزميلات فى ساحة الكلية
    و لا أعرف إن كان هذا أيضا تحت مظلة النشاط الطلابى

    أمر آخر حدث فى كلية التمريض المجاورة لنا
    حيث سمعت إحدى الطالبات و هى تغنى
    و كان الصوت مرتفعا
    علما بأننى كنت أقف فى المببى ( أ ) أبعد المبانى عن تمريض
    علما بأن أحد إخوانى أخبرنى أن البنات و الأولاد كانوا بيلعبوا شد الحبل مع بعض
    و كل هذا فى ساحة الكلية
    و عندما ذهب ليتحدث مع القائمين على الحفل ليخبرهم أن هذا اختلاطا
    أخبروه أن مفيش حد لمس حد .....................
    و لا تعليق
    إلا أنهم فعلوا ذلك أيضا تحت نفس المظلة ....

    و للحديث بقية ..........





  2. #42
    Pharma Student
    تاريخ التسجيل
    Jul 2007
    الدولة
    damettia
    المشاركات
    557

    افتراضي

    اقتباس المشاركة الأصلية كتبت بواسطة عبدالله عبدالرحمن مشاهدة المشاركة
    بالنسبة لتعليقك على كلامى يادكتور احمد

    انا صحيح اعترضت على الندوتين
    لكن لم اقلل على الأطلاق من جهد حضرتك
    انا لم ولن اقلل من مجهود اى شخص
    يعمل سواء اتفقت معه ام لم اتفق
    أكيد حضرتك تعبت عشان تعمل الكلام ده
    كل مااردت ان اوضحه هو
    انه من الممكن توجيه وقولبة الجهود
    فى اطار متعلق اكثر بالكلية والطالب
    فقط
    ولا أقصد اى شىء أخر
    ــ ـ ـ ـ ــ




    النشاط الطلابى له قيمته الكبيرة جدا
    لم يقلل أحد منها
    ولكن يادكتور مش ملاحظ ان فى حاجة غلط
    تسمع انت عن حاجة اسمها المنحنى الجرسى
    صح
    المنحنى الجرسى ده نظرية وفى نفس الوقت بيستخدم لتحديد فعالية نظام محدد
    الدكتور عطا الله اتكلم عنه فى اول محاضرة
    الكلية فيها 5000 طالب
    يفترض طبقا للمنحنى الجرسى
    لو النشاط الطلابى typical
    ان أغلبية الطلاب تشارك فى النشاط الطلابى
    وعدد قليل لا يشارك
    وعدد قليل يشارك بشكل غيرعادى
    لو نظرت للواقع هتلاقى
    التالى
    الأغلبية لا يشاركون فى النشاط الطلابى
    وعدد غير كبير يشارك بفاعلية
    يعنى المنحنى بايظ خاااالص
    يبقى العيب منين بلظبط
    مش معقول يكون الأغلبية الساحقة اللى
    فيها الخطأ

    فين الخطأ بالظبط
    مش معقول الأمور كلها كويسة والنشاط الطلابى متوفر
    والطلبة محجمة عنه
    لو 100 قول 500 طالب شايفين ان النشاط الطلابى ملوش قيمة
    فين باقى الطلبة
    فين باقى ال 5000

    هو ده السؤال اللى مفروض نسأله
    لنفسنا حاليا!!!
    اولا لما تحب تذكر ان فى ندوات مش عجبتك يبقى ياريت تضمن كل الندوات مش تختار 2 و الصدفة تجمع ان الاتنين من فكرتى و تنظيمى لان اكيد فى حاجات تانية مش موجهة للكلية برده ... و لما تحب تعرف يعنى ايه تعمل ندوة مختلفة فى كلية اصلا دماغ الناس فيها مشغولة بحاجات تانية تعالى و انا اعرفك او روح لعامر ...

    ثانيا مسألة عدم اشتراك الطلاب فى النشاط فعاوز اقولك حاجة لذيذة احنا 5000 طالب و عندنا 19 اسرة قول يا عم منهم 8 شغالين عندك فى تجارة اقل من العدد ده بكتير .. انا شخصيا ناس فى علوم و اداب طلبت منى اساعدهم فى انشاء اسرة رسالة فى كلياتهم .. بيشكرونا على النشاط اللى بنعمله بقى لينا قاعدة فى طب عارفة ان الشغل فى صيدلة على مستوى عالى .. عاوز دليل انا بحب احتفظ ببيانات معظم اللى يحضر اى نشاط عندنا معظمهم طب و علوم ..
    ندوة د/ياسر ايوب حضرها ناس من تربية رياضية اتناقشت معاه فى حاجات هم عاوزينها فى الدراسة هل معنى كده انى عملت موضوع مش مناسب

    هو مش مناسب ليك بس مناسب للهدف بتاعى لان الندوة دى كان هدفها تربية رياضية
    الاسر عندنا دلوقتى بتخرج عن اطار الكلية لمستوى الجامعة لاننا فعلا افضل اسر على مستوى الجامعة

    طلب اخير :: اى حد عنده فكرة و جميلة و تحفة على حسب اعتقاده يتفضل مشكورا ينفذها من خلال اسرة و لو مش عاجبه اى اسرة يتفضل ينشأ اسرة مستقلة بفكره هو يرفض من خلالها اى اختلاط و يديرها بطريقته و ياريت يقولى انا اول و احد هبقى معاه و يقولى ازاى هينظم اسرة و يعنى ايه ادارة و ازاى بيخلص موافقة من الكلية و الامن و ازاى بيعمل دعاية و يصمم و ازاى هيجيب مصدر تمويل للنشاط ده

    غير كده من فضلكم دعونا نعمل فى صمت و نشكر لكم وجهة نظركم
    -----
    اقتباس المشاركة الأصلية كتبت بواسطة متفائل مشاهدة المشاركة
    أمر آخر و هو أحد زملائى بالفرقة الرابعة لم يكن له أى نشاط طلابى إلا فى العام الماضى
    و لم يكن له أى كلام مع الطالبات
    و يؤسفنى أن أراه يمشى مع إحدى الزميلات فى ساحة الكلية
    و لا أعرف إن كان هذا أيضا تحت مظلة النشاط الطلابى

    ده تقريبا انا صح ..اصل معرفش حد تانى كان ليه نشاط السنة اللى فاتت بس و بقى فى رابعة غيرى .. ياريت توضح علشان اعرف انا اللى هرد ولا لا

  3. #43

    افتراضي

    على فكره فى اجتماعات اتحاد طلاب الجامعه بيضرب المثل بكلية صيدله فى النشاط الطلابي .. والاسر الطلابيه ..

    وكله بيقعد يكلم معايا ازاى يخلي عنده الناس تعمل اسر وتشترك فى النشاط الطلابي ..

    للاسف .. اكتر حاجه بكرهها .. انى اكلم عن الهندسه وانقدها اوان اصلا دكتور

  4. #44
    Pharma Student
    تاريخ التسجيل
    Mar 2009
    المشاركات
    1,136

    افتراضي

    اقتباس المشاركة الأصلية كتبت بواسطة RASHAD_RESALA مشاهدة المشاركة
    ده تقريبا انا صح ..اصل معرفش حد تانى كان ليه نشاط السنة اللى فاتت بس و بقى فى رابعة غيرى .. ياريت توضح علشان اعرف انا اللى هرد ولا لا

    مش حضرتك المقصود يا دكتور / أحمد

  5. #45
    Pharma Student
    تاريخ التسجيل
    Jul 2007
    الدولة
    damettia
    المشاركات
    557

    افتراضي

    اقتباس المشاركة الأصلية كتبت بواسطة متفائل مشاهدة المشاركة
    مش حضرتك المقصود يا دكتور / أحمد

    شكرا لاهتمامك بالرد

  6. #46
    Pharma Student
    تاريخ التسجيل
    Apr 2007
    الدولة
    Al-Mansoura
    المشاركات
    1,610

    افتراضي

    يا جماعة ماتدوش الموضوع أكتر من حجمه

    فى أخطاء بتحصل ... متفقين على كده

    فى ناس بيتحججوا بأنهم فى أسر ... متفقين على كده

    واجبك إيه ؟؟؟
    تنصحهم بالحكمة و الموعظة الحسنة, مش تنسحب وتكون سلبى, تحاول توفر جو صحيح وتكون إيجابى ... لكن النقد الهدام و قصص وحكاوى حتى لو هى صح .... حد يقولى فايدتها إيه ؟؟؟

    انا شايف إن الموضوع واخد أكبر من حقه وإتفرعنا لنقط كتير, و آخر حاجة هقولها, رغم إنى قلتها تانى:
    فى بنات و أولاد بينزلوا الكلية علشان يقابلم بعض ويعملوا حاجات مش لطيفة, هل ممكن إنت كمان مش تنزل الكلية وتقعد فى بيتك وتفتح النت وتقول مجتمع التعليم فاسق؟؟؟ ولا هتعمل زيهم وخلاص ؟؟؟ ولا هتلتزم بالصح وتحاول تنصح الغلطان؟؟؟
    ياريت قبل ما أى حد يتكلم عن أى حاجة أو يذكر أى قصص, يردلنا على الأسئلة دى مشكورآ ...

  7. #47

    افتراضي

    بالظبط .. هقولك مثال ..
    واحد نزل الشارع .. فعربية خبطته .. الباقيين يقولوا لا محدش فينا هينزل الشارع بعد كده .. اصل فيه ناس نزلت الشارع وماتت ؟؟

    نفس السؤال يا عامر ...

  8. #48
    Pharma Student
    تاريخ التسجيل
    Mar 2009
    المشاركات
    1,136

    افتراضي

    بقية الحديث

    أن فى أسر فى الكلية بنات بس و صبيان بس
    و أنا فى سنة أولى كان فى أسرة مسجلة بالكلية باسم " الشروق "
    و كانت الأسرة شباب فقط و هم أفراد أسرة الحياة
    لكن الكلية ترفض تسجيل أسرة بهذا الاسم
    المهم أفتكر أن كان فى أنشطة كتير لاسرة دى
    على الأقل بالنسبة لأيامها
    كان فى 3 ندوات
    تنمية بشرية للدكتور / عطا بركات
    و أعشاب
    و اسعافات
    و كانت الندوات دى فى المدرجات و كانت للشباب و الفتيات

    لكن صراحة لما عملوا إفطار كان للشباب فقط
    و كان فى مدرج رابعة أو تالتة بالكلية القديمة

    و يوجد أيضا أسرة الأصدقاء للفتيات فقط

    عايز أقول ايه المشكلة لما تبقى الأسر منفصلة من حيث الادارة و التنظيم
    و ممكن يبقى فى أنشطة بعد كده منفصلة او غير منفصلة حسب الظروف

    و على فكرة اللى عايز حاجة هيعملها مهما كلف الأمر
    يعنى اللى عايز يكلم بنات هيكلم مش هيستنى أسرة و خلافه
    و اللى عايز ميكلمش مش هيكلم

    و لكن بقول الكلام ده لغلق مدخل الشطيان الذى يتربص بنا

    و لعل هذا الحديث مناسب فى هذا الموضع

    عن أبي عبدالله النعمان بن بشير رضي الله عنهما قال : سمعت رسول الله يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم

    .
    .
    .
    و ظلت أسرة الشروق تعمل فى النشاط الطلابى لمدة عام و نصف إلى أن تم حلها

    و ده سبب حل الأسرة للى عايز يعرفه
    ( بعد رفض الادارة أن تقيم الأسرة معرضا كانت قد وافقتهم عليه
    فقام الطلاب بعمل المعرض فى الموعد المقرر له و لكن تحت اسم أسرة الحياة
    فقامت الادارة بحل الأسرة فى الحال ))

    و أفتكر أننى كنت بالفرقة الثانية الترم الأول و كانت الدكتورة منى رائدة الأسر
    فأرسلت إليها ورقة فى إحدى المحاضرات و هنأتها بعيد ميلاد أسرة فيرونيكا الأول أو الثانى
    و هى رائدتها
    و شكوت إليها ما قامت به الادارة من حل الأسرة
    فقالت لى

    you are welcome in veronica family

    طبعا شكرت _فى نفسى- الدكتورة منى على هذا التعاطف

    لكننى لم أقتنع بهذه الفكرة كحل لمشكلة هؤلاء الطلاب

    لأسباب كثيرة منها طبعا الاختلاط



    نقطة أخيرة هى أن اللى شايف اتنين واقفين مع بعض هو أكيد طبعا مش عارف نيتهم هل هى نشاط طلابى و لا حب و غرام و لا إخوات ....و لا ولا ولا .........................إلخ

    لكن الجو الغالب على هذه الوقفات هو الحب و الغرام
    و لا انتوا شايفين غير كده ؟؟؟؟؟؟؟؟
    لذا لزم تخصيص لقاءات لهذه الأنشطة
    لمناقشة أى ملف داخلها

    كى لا يصبح هذا الأمر مألوفا للعين داخل ساحات الكليات
    مع أن هذا - إن كان من غير ضرورة - فهو بالطبع معصية و انتهاك لمحارم الله تعالى
    و المصيبة أن نألف المعصية و لا يتغير فينا أى شىء و نحن نرى كل يوم مئات المشاهد
    لانتهاك ما حرم الله تعالى

    و لعل هذا الحديث يذكرنى بزيارة فضيلة المفتى لجامعتنا
    و للحديث بقية
    التعديل الأخير تم بواسطة متفائل ; 20-11-2009 الساعة 09:20 PM

  9. #49
    Pharma Student
    تاريخ التسجيل
    Jul 2007
    الدولة
    damettia
    المشاركات
    557

    افتراضي

    اقتباس المشاركة الأصلية كتبت بواسطة متفائل مشاهدة المشاركة
    و ظلت أسرة الشروق تعمل فى النشاط الطلابى لمدة عام و نصف إلى أن تم حلها

    و ده سبب حل الأسرة للى عايز يعرفه
    ( بعد رفض الادارة أن تقيم الأسرة معرضا كانت قد وافقتهم عليه
    فقام الطلاب بعمل المعرض فى الموعد المقرر له و لكن تحت اسم أسرة الحياة
    فقامت الادارة بحل الأسرة فى الحال ))

    و أفتكر أننى كنت بالفرقة الثانية الترم الأول و كانت الدكتورة منى رائدة الأسر
    فأرسلت إليها ورقة فى إحدى المحاضرات و هنأتها بعيد ميلاد أسرة فيرونيكا الأول أو الثانى
    و هى رائدتها
    و شكوت إليها ما قامت به الادارة من حل الأسرة
    فقالت لى

    you are welcome in veronica family


    طبعا شكرت _فى نفسى- الدكتورة منى على هذا التعاطف

    لكننى لم أقتنع بهذه الفكرة كحل لمشكلة هؤلاء الطلاب

    لأسباب كثيرة منها طبعا الاختلاط



    نقطة أخيرة هى أن اللى شايف اتنين واقفين مع بعض هو أكيد طبعا مش عارف نيتهم هل هى نشاط طلابى و لا حب و غرام و لا إخوات ....و لا ولا ولا .........................إلخ

    لكن الجو الغالب على هذه الوقفات هو الحب و الغرام
    و لا انتوا شايفين غير كده ؟؟؟؟؟؟؟؟
    لذا لزم تخصيص لقاءات لهذه الأنشطة
    لمناقشة أى ملف داخلها
    هو واضح جدا تعاطفك مع الاخوان فى الكلية اللى هم فى اول السنة تعدوا على المساحة المقررة لمعرضنا امام مدرج الفرقة الاعدادية بحجة انهم مش شغالين بقرار رسمى و ان ده حقهم

    و لما اتكلمت اتقالى رئيس الحرس نفسه ميقدرش يكلمنا كده ...ِ شغل عافية و بلطجة من الاخر

    و فى نقطة كمان اعتقد مهمة انت بتقول ان الناس واقفة مع بعض متعرفش نيتها ايه تمام كلامك .. و ترجع تقول ان الاغلبية حب و غرام ... المشكلة انكوا بتكرهوا الناس فى العمل التطوعى و بجد هتخلوا سمعة اى حد فى العمل التطوعى زى الزفت و الناس كمان قريبا هترجمنا

    يا سيدى الفاضل اسرة رسالة بها 2 اعضاء بنات منتقبات يعنى مفيش احسن من كده الاتنين بيشاركوا فى الانشطة بشكل جميل و فعال و من غير تعرضهم لاى مضايقات او انتهاك لتقاليد و اخلاق اسلامية

    المشكلة ان اى حد يقرأ الكلام على طوول و لاننا مصريين الدماغ هترمى شمال


    الحل بسيط و سهل حد مش مقتنع بالعمل التطوعى و ان ما يحدث فيه هو انحلال .. لا يشارك فى هذا العمل و يبتعد عن الشبهات و انتهى الكلام عند هذا الحد

  10. #50
    Pharma Student
    تاريخ التسجيل
    Apr 2007
    الدولة
    Al-Mansoura
    المشاركات
    1,610

    افتراضي

    فى إيه يا رشاد

    فى إيه يا أخ متفائل

    الموضوع بدأ من حيث الصح و الغلط فى النشاط و الأسر ومن نقطتين لا أكثر

    إيه اللى خلانا نتطرق لمواضيع تانية

    بصراحة بدأت أفكر نقدم طلب للإدارة لإغلاق الموضوع

صفحة 5 من 5 الأولىالأولى ... 345

المواضيع المتشابهه

  1. نظرة طلابية للشفهى
    بواسطة Dr. Atallah F. Ahmed في المنتدى الأستاذ الدكتور عطا الله أحمـد
    مشاركات: 77
    آخر مشاركة: 24-07-2010, 06:44 PM
  2. ممكن تنام وانتا واقف؟؟؟؟؟؟؟؟
    بواسطة harypotter في المنتدى المنتدي الترفيهي
    مشاركات: 11
    آخر مشاركة: 02-06-2010, 10:08 PM
  3. ننام وعين الله لا تنام
    بواسطة marooo في المنتدى المنتدى الاسلامى
    مشاركات: 6
    آخر مشاركة: 14-08-2009, 07:09 AM
  4. رسالة و صيدلى المستقبل و أول عمل مشترك..
    بواسطة Mr.Abd El Hamed في المنتدى صيــدلـي المسـتقبل
    مشاركات: 5
    آخر مشاركة: 23-01-2008, 04:01 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •