صفحة 6 من 6 الأولىالأولى ... 456
النتائج 51 إلى 58 من 58

الموضوع: مع بعض نتعرف على سنه تالته

  1. #51

    افتراضي

    ALF MELYOOOOOOOOOOOON SHOKR BAS ANA MSH MABSOTA B MAWDO3 ELSTRUCTURES DA


  2. #52
    Pharma Student
    تاريخ التسجيل
    Feb 2009
    المشاركات
    17

    افتراضي

    الموضوع جميل اكيد

    لكن الاجمل ان المذاكره هى اهم شئ ف تالته

    ربنا ف عون الجميع

    ليكى اشكر

  3. #53
    Pb Elite
    تاريخ التسجيل
    Jul 2008
    الدولة
    in my wishes
    المشاركات
    1,840

    افتراضي

    السلام عليكم ورحمه الله وبركاته
    اخواني واخواتي صيادله الفرقه المطحونه سنه تالته وحشني التطفل على ساحتكم

    انا بكده خلصت كلامي عن العملي يارب اكون افدتكم اشوف وشكم على خير بقى في الترم التاني هاجي برضه اعملكم موضوع عن مواد الترم الجديد اذا كان في العمر بقيه
    دي اخر مشاركه ليا في الموضوع دا واستكمالا لما بداناه في الترم الاول هنكمل استعراضنا لمواد الترم التاني

    والشرح طبعا هيكون على حسب اللي انا درسته انا سمعت ان في حاجات اتعدلت وحاجات طلعت من الترم التاني للاول وكدا بس انا مش عارفه علشان كدا هشرح على القديم وربنا يجعله بفايده ليكم يارب

    طبعا كما هي العاده لازم نبتدي بالملكه اللي هيا الفارما والفارماكولوجي في الترم التاني كبيييييييييييره قوي عن الترم الاولاني مواضيع كتيره ومتفرقه ووقت الترم التاني دا سبحان الله كان راكبه عفريت بيطير هوا علشان كدا الدكاتره بيسرعوا في الشرح مما يؤدي انك بعد كل محاضره فارما ترجع تلاقيك واخد كميه قد كدا ولذلك ينصح بالمذاكره اولا باول مع تناول المهدئات والادويه الخافضه لضغط الدم وفرقعه الراس

    الكورس كان بيشرحه 3 دكاتره دكتور شحته دكتور حسن ودكتور طارق الدرجات كانت موزعه بالتساوي على التلات اجزاء اسهلهم جزء الاندوكراين اللي كان بيشرحه دكتور طارق ديبيتس بقى على هشاشه عظام والغده الدرقيه وانواع الاختلال اللي ممكن تحصلها بوجه عام جزء لطيف جزء دكتور حسن ادويه الضغط ادويه الهيبر ليبيديميا مدرات البول خافضات الكولسترول ادويه الذبحه ادويه هبوط القلب الاحتقاني وعلاجات عدم انتظام رتم القلب ودا كان يعتبر اصعب درس ركزوا عليه علشان تفهموا مع الدكتور دا اللي انا فاكراه في الجزء دا

    جزء دكتور شحته كان ادويه الصرع مسكنات الالم ودول هتتناولوا فيهم الاوبيويد مهمين جدا وكمان NSAID فيه كمان anesthetics وفيه عندنا CNS DEPRESANTS و ANTI PSYCHOTICS وANTI PARKINSONISM يعني زي ماقلتلكم ملياااااااااااانه جدا فشدوا حيلكم من الاول فيها

    عملي الفارما هو نفسه زي الترم الاولاني شيت وعليه درجه العملي بكدا نبقى خلصنا على الفارما ونقولها باي باي

    تاني ماده هي الطبيه وزي ماقلنا سابقا الفارما والطبيه مرتبطين ببعض جدا طبيه الترم التاني برضه فيها CNS DEPRESANTS وكمان الSTIMULANTS اضف الى ذلك الجزء الجميل جدا بتاع الميتابولزم الجزء دا حلاوته انه ولاول مره في كليتنا الجميله تلاقي نفسك مش مضطر تحفظ تفهم بس سيمبل رولز بتعرفها وبعدها ان شاء الله يجيلك مركب قد الصبوره تعرف تعمل الميتابولزم بتاعه

    عملي الطبيه الترم التاني حامل وسحاحه شغل لا يختلف عن شغل التحليليه اند بوينت وبنطلعها يعني بسيطه باذن الله وبكدا نقول مع السلامه للطبيه

    طيب نروح للطرف التالت في العصابه اللي هو مين .........الاساي ........
    الماده اللي كلكم بتعشقوها

    شوفوا مش حارماكم من حاجه اهو وجايبالكم كل الايموشن المعبره عن مشاعركم تجاه تلك الماده العظيمه
    الاساي الترم التاني اسهل واقل من الترم الاولاني برضه زي مانتم عارفين الموضوع كله ASSAY AND SCREENING OF DRUGS مفيش احصاء وجزء النظري قليل ولكن لرفع مستوى التحدي والذكاء عند الطالب دكتور شحته كان جايب سؤال MATCHING بعشرين درجه باين عن اسماء ادويه من كورس الفارما بنعملها اساي من كورس المعايرات
    وانقسم الشعب في الامتحان الى ناس كانت عامله كدا وناس كانت عامله كدا
    ولذلك ياشطار كل درس اساي يتذاكر بكل الادويه اللي تبعه من جزء الفارما

    عملي الاساي لازم نجيب موسيقى تصويريه واحده بتصرخ من بعيد والسماء بتشتي وفي رعد وبرق وطفل قاعد تحت السلم بيعيط حطوا دا كلوا في راسكوا ويلا ندخل على عملي الاساي

    طبعا دا العملي الاكثر رعبا حيث يضطر فيه الصيدلي الى مواجهه اكثر المخلوقات رعبا وافتراسا الا وهو الفار وكمان اكثر مخلوقات الطبيعه جمالا وبراءه الا وهو الضفدع
    شوفوا هي المساله مساله اعصاب وبرمجه فكريه برمج نفسك قبل اول سكشن انك لازم تمسك الفار او الضفدع متخوفش نفسك انا اجبن من الجبن في الحاجات دي وكنت مرعوبه كدا زي حالاتكم لحد لما قريت موضوع عن مواد سنه تالته لاختي الحبيبه الاء الرساله هي اللي قالت فيه كدا قالت برمج نفسك ان دي مساله حياه او موت مانا لو ممسكتوش هجيب زيرو في امتحان العملي ساعتها بس هتتشجع ومره في مره مش هتخاف باذن الله
    الفيران بنشتغل عليها تلات تجارب واحده ادويه الصرع والتانيه مسكنات الالم والتالته دي بقى مش بتنزل غير لطالب واحد بس في المعملين ودا بيكون ربنا راضي عنه وباباه وماماته دعينله واحيانا مش بينزلوها خالص اللي هي بتاعت الCPZ دا الفار بياخده وينام ننا هو اما الضفادع فمش بنشتغل عليها غير تجربه واحده اللي هي تجربه الANESTHETI وهي تجربه الاكثر شيوعا لاسباب اقتصاديه ان الضفدع بيتجاب من المصايف يعني مش بيكلف الكليه انما الفار سعره غالي يعني الامتحان بيبقى اغلبه تجربه الضفدع عدد بسيط تجربتين الفيران زائد تجربه الجهاز بتاعت الرابت انتستين ربنا يعينكم بقى بس لازم تتدربوا على الهاندلنج كويس كل الفكره انك عندك ازازتين ان نون واحده فيهم دوا والتانيه سالين بنعمل ايه مثلا الدوا للصرع اقوم انا اجيب الفارين واحقنهم هما الاتنين بماده تجيبلهم صرع وبعد ماتبان عليهم علامات الصرع امسك كل واحد واحقنه من زجاجه مختلفه الفار اللي هيتحقن بالدوا هتروح منه علامات الصرع وهيهدا انما التاني المحقون بالسالين هيفضل زي ماهو علامات الصرع مش هتزول منه
    بكدا خلصنا على الاساي ربنا يعينكم ويديلكم

    نيجي بقى على ال3 مواد المتفضلين لينا اللي هما الفيتو البيو والصيدلانيات

    الفيتو تمثل كل معاني الرقه لطالب سنه تالته هي اه استركشراتها مبعجره وكل واحد قد الصبوره بس برضه كلنا بنعشقها
    الترم الاولاني خدنا الكالويد الترم التاني هناخد جليكوسيد طبعا بعد ربنا ماتاب عليكم من الليمونين واخواته من كارين وفنشون وفي روايه اخرى فنكون وجيرانيل وليناليل وكامازولين الخ (الحته اللي فاتت دي مراجعه على ماسبق دراسته ) هتاخدوا بدالها كربوهيدريت وطبعا مش هتكلم عنها لان دي طالب صيدله محضر ماجستير ودكتوراه فيها وكمان جزء كروماتوجرافي ودا مبني اساسا على خلفيتكم في التحليليه اللي فاهم الجزء دا حلو في التحليليه مش هتقابله اي مشكله بالعكس دا هيبقى اكتر جزء محبوب ومضمون فيهم
    العملي بتاعها تجربه عن الكربوهيدريت مش عاطفيه اطلاقا بتجيب الفلاسكه تقعد تقلب معاك ميت لون درجه فيهم هي الاند بوينت فنصيحه حاولوا تركزا جدا في درجه اللون اللي مطلوبه وربنا ينور بصيرتكم للون الهافان المطلوب كدا نقول للفيتو سلااااااااااااااااام
    البيو بيو الترم التاني سنه تالته ماهي الا الميتابولزم بتاع المجموعات اللي احنا درسناها الترم الاول يعني ميتابولزم الكربوهيدريت ميتابولزم الدهون والبروتينات اضافه الا جزء عن الديابيتس والكمبليكيشن بتاعته وكمان جزء عن النيوكليك اسد
    البيو محتاجه مذاكره كتير محدش يفكر يسيبها لاخر السنه مش هيجيب فيها حاجه عاوزه مذاكره بتركيز وتكرار كتير اهم حاجه اعرف الرول بتاع الانزيمز يعني في انزيم اسمه كينيز اول ماتشوف كينيز دا على السهم اعرف ان المركب اللي انت بدات بيه هيدخله فوسفيت جروب طيب الكينيز دا انزيم يعني كاتالست يعني يسرع التفاعل ولا يشترك فيه وبيخرج زي مادخل طيب امال الفوسفيت جت ازاي جت لان الكينيز مش بيشتغل غير في وجود الATP يدخل جزيء منه ويتحول الى ADP وهكذا دا مثال بسيط بس نركز كويس نحفظ كل سيكل لواحدها ونربطهم ببعض هنلاقي الموضوع بقى تمام واللي تخاف منه ميجيش احسن منه
    عملي البيو برضه سهل جدا الترم التاني هو عباره عن URINE ANALYSIS TO DETECT URINE DISORDERS يعني احنا عارفين ان اليورن الطبيعي مش فيه سكر ولادم ولا بروتينات غير بنسب محدده اذا مازادت عن هذه النسبه يبقى فيه خلل هتنزلك عينه يورن صناعي كل حاجه ليها ريايجنت خاص بيها بشتغلها سكيم من الاول للاخر وفي النهايه اقول بقى اليورين دا نورمال وصاحبه خالي من الامراض او الاقي بقى عنده خلل او اكتر دا عند جلوكوزوريا ولا كيتون يوريا ولا البيومنوريا وهكذا سهل جدا وباذن الله كلكم تقفلوه وداعا الى الابد يابيووووووووووو

    اخر ماده عندنا هيا الصيدلانيات حبيبه الملايين وصاحبه المساله ام 25 درجه وكمان الEYE ANATOMY والله صعبانين عليا
    الترم التاني صيدلانيات كورس المستحضرات التجميليه الكريمات والشامبوهات والروج والماسكرا وكل الحاجات دي كورس بسيط لايقارن طبعا بصعوبه اي ماده من اللي فاتوا دول اضف الى ذلك انكم هتكملوا جزء البيو افيلابيلتي بتاع الترم الاول
    عملي الصيدلانيات برضه حلو وجميل مفيش سابوزيتوري اغلبه كريمات كريم ليل وكريم نهار وكريم حلاقه وكريم للجرب وشامبو وبيعمل رغوه كمان ولا رغوه هيد ان شولدرز ومعجون اسنان ولا بياض سيجنال تو حاجات ابداع يعني وكلها سهله في الشغل وبتطلع

    كدا يا ابنائي انا اديت رسالتي اتجاهكم ووصيتكم الكليه من بعدي وان شاء الله نشوفكم السنه الجايه كلكم في الفرقه الرابعه باذن المولى
    دمتم بود في حفظ المولى ورعايته واللي عنده اي استفسار انا في الخدمه
    في امان الله
    التعديل الأخير تم بواسطة summer breeze ; 18-02-2010 الساعة 05:06 AM

  4. #54
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    الاندوكراين اللي كان بيشرحه دكتور طارق ديبيتس بقى على هشاشه عظام والغده الدرقيه
    خدناه فى التيرم الاول
    بتاع الميتابولزم الجزء دا حلاوته انه ولاول مره في كليتنا الجميله تلاقي نفسك مش مضطر تحفظ


    خدناها برضه فى التيرم الاول

    طبعا دا العملي الاكثر رعبا حيث يضطر فيه الصيدلي الى مواجهه اكثر المخلوقات رعبا وافتراسا الا وهو الفار وكمان اكثر مخلوقات الطبيعه جمالا وبراءه الا وهو الضفدع
    سبحان الله خدنا ىالكلام ده برضه فى التيرم الاول

    جزء كروماتوجرافي ودا مبني اساسا على خلفيتكم في التحليليه اللي فاهم الجزء دا حلو في التحليليه مش هتقابله اي مشكله بالعكس دا هيبقى اكتر جزء محبوب ومضمون فيهم

    كتور عطاالله سافر وتقريبا هيكون الكورس زى باقى الكورسات اللى خدناها عن الكربوهيدرات
    الصيدلانيات حبيبه الملايين وصاحبه المساله ام 25 درجه وكمان الEYE ANATOMY والله صعبانين عليا


    هو حضرتك امتحنتى معانا

    شكرا لحضرتك على مراجعة التيرم الاول

    انا بهزر


  5. #55
    Pb Elite
    تاريخ التسجيل
    Jul 2008
    الدولة
    in my wishes
    المشاركات
    1,840

    افتراضي

    يعني في الترم الاول ما اخدتوش كيموثيرابي بقى ولا اوتاكويد مهو مينفعش يضحوا باي جزء من الاوتونومك

    والاساي اشتغلتوا على الفيران والضفادع الترم الاول طب ازاي يعني خدتم الانتي ابيليبتك والانالجسك في الترم دا

    على فكره دكتور عطا الله مشرحلناش الترم التاني السنه اللي فاتت على الرغم من تواجده في الكليه

    هو حضرتك امتحنتى معان
    انا ليا جواسيسي

  6. #56
    Pharma Student
    تاريخ التسجيل
    Feb 2008
    المشاركات
    488

    افتراضي

    شكرا لك د/ سمر أما عن الاستفسارات فأكيد هاتكون كتير بس ادينى فرصة.

  7. #57
    Pharma Student
    تاريخ التسجيل
    May 2008
    المشاركات
    25

    افتراضي

    شكرا يا د/سمر على الموضوع الجميل ده بس فى حاجات كتير اخدناها فى الترم الاول

  8. #58

    افتراضي

    السلام عليكم ورحمة الله وبركاته
    جزاكي الله خيرا كثيرا علي هذا الموضوع وفقكنا الله وإياكي لما يحب ويرضي

صفحة 6 من 6 الأولىالأولى ... 456

المواضيع المتشابهه

  1. مع بعض نتعرف على سنه تالته
    بواسطة summer breeze في المنتدى الفرقة الثالثة 2011
    مشاركات: 32
    آخر مشاركة: 18-09-2010, 09:53 PM
  2. اضغط على النبات وتعرف على فوائده
    بواسطة أمــ هـنـد ــة الله في المنتدى منتدى الصحه
    مشاركات: 10
    آخر مشاركة: 01-05-2009, 04:32 PM
  3. عيش معانا ثالثه
    بواسطة :|©؛°¨¨°؛©الصيدلى الذهبى© في المنتدى الفرقة الثالثة 2009
    مشاركات: 50
    آخر مشاركة: 16-10-2008, 06:26 PM
  4. يلا بنا نتعرف على بعض
    بواسطة zidane555 في المنتدى الفرقة الاعدادية 2008
    مشاركات: 1
    آخر مشاركة: 26-10-2007, 12:59 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •