الان مجلة (في الكلية) المطبوعه

[AlaDDin]

رجعنالكم تاني بحاجه من اكتر الانشطه المميزه للاسره ..

و هي مجلتها المطبوعه .. مجلة (في الكلية)

و اللي طبعا منقدرش السنه تعدي من غير ما ننزلها

رجعنالكم بالعدد الخامس ..

و اللي كان بيرأس تحريره : منى عماد ..

و ساعدها : منار الإسلام كامل ..

و قام بالتصميم و الاخراج الفني : علاء الدين ابراهيم ..

و شارك فيها مجموعه متميزه من طلبة الأسرة و الكليه ...


المجله متوفره من بكره ( الثلاثاء 4-5 ) في منفذ توزيعها امام مبنى ب ( مجانا )


و طبعا في مفاجأه و هي وجود جايزه قيمه لقراء المجله
هتعرفوها لما تاخدوا نسختكم ان شاء الله


نتمنى انها تحوز على اعجابكم ان شاء الله ..







__________________________________________________ ____________________________

اغلفة الاعداد السابقة من المجله

العدد الاول







العدد الثاني






العدد الثالث







العدد الرابع






و يمكنك تحميل نسخة الكترونيه للاعداد السابقه من خلال
هذا الموضوع

[Nada Radwan]

خلاص أروح أجيبها بكره ان شاء الله
عشان آخد الجايزه

[Mohamed Al Gohary]

تواصل رائع لحلم جميل .. وعمل متميز انفردت به الأسرة حتى قبل ميلادها الرسمي منذ ما يقرب من اربع أعوام ..

ياريت يا علاء تنزل لينكات للأعداد السابقه .. أو على الاقل الأغلفة الأربعة للأعداد السابقة ..

دعوني أشكر قواد هذا الانجاز الرائع .. بداية من منى محمود ؛ رئيس تحرير أول عدد والذي كان بمثابة نقطة البداية .. مروراً بأمنية ياسر رئيس تحرير العدد الثاني .. ثم محمد الجوهري رئيس تحرير العدد الثالث .. ثم سارة عادل رئيس تحرير العدد الرابع .. وأخيراً وليس بآخر منى عماد ..
والموجود دائما .. المصمم الفني علاء الدين .. وحسين عبدالحليم ومنار الإسلام .. نواب رئاسة التحرير للعددين الرابع والخامس ..

وأيضا فريق المحررين الذى كان من الأسرة .. والذي له الدور الرئيسي فى نجاح مجلة في الكلية ووصولها للعدد الخامس ..

كل عام وأنتم بخير .. وتحياتي لمل من ساهم في تنفيذ هذا العدد ..

[NonY]

أحلى حاااااااااجة بحبها فى الأسرة دى

الإخراج الفنى

بجد تحفة

ما شاء الله يا دوك

و isa المجلة تكون حلوة كدة

[dr-aya]

إن شاء الله هتبقى حاجة جامدة جداً و تضاف لإنجازات الأسرة الكتيييييييييييييييييييييييييييييييرة
بس هى متوفرة التلات بس مينفعش الأربع كمان ولا النسخ محدودة ولا إيه؟؟؟

[Dr.Mohamed]

رائع الغلاف يا علاء .. مميز كالعاده ..بالتوفيق انشاء الله

[AlaDDin]

المجله هتبقى التلات و الاربع ان شاء الله في الكليه ..

و النسخ مش محدوده قوي يعني .. متوافره ان شاء الله

و شكرا ليكم جميعا ..

[monosh]

ياااااااااااااااااااااه دا انا كنت نسيتها...

الحمد لله عشت وشفت اليوم وهى بين أيادى القراء...

ألف شكر لكل من ساهم وتعب فى إخراج المجلة بالصورة دى ...

(لأن فعلاالمشاركين فيها تعبوا جدا عشان تخرج بالصورة دى وفى المقدمة طبعا د\ علاء الدين)

أتمنى انها تحوز على إعجاب الناس كلها...

وديما فى الكلية من تطور لنجاح متميز ان شاء الله..

وطبعا شكر خاااااااااااااص د\ علاء الدين إبراهيم...

وبالتوفيق يا شباب.....

[AlaDDin]

اظن انك اخدتيها خلاص يا ندى .. و مستنيين رأيك ان شاء الله ..

جوهري .. معاك حق هو فعلا كان حلم .. و قدرنا نحققه و نستمر فيه .. ولا يخفى عن مجموعه كبيره من الناس ان المجله كانت قبل الاسره .. و كانت من اسباب انشاء الاسره ..
و ان شاء الله تفضل مستمره للعدد 100

Nony بنشكرك .. و نتمنى نشوف تعليقك بعد ما تشوفي المجله


-----
د\ منى عماد ..

تحياتي ليكي .. انا عارف انك تعبتي في العدد ده جدا .. و كان من اصعب الاعداد خلال المجله ..
بس ان شاء الله يكون مميز و يعجب الجميع ..

بالتوفيق ان شاء الله .. و مستني رأي الناس في المجله بعد ما يشوفوها و يقروها ان شاء الله ..

[Nada Radwan]

هارد تانى بقي معلش..
لأن الرد الاولانى كان قبل مااقراها..
يمكن ده تالت عدد اقراه..
بس فعلاً ده احسن واحد..حسيت فيه بـ"نضوج"يمكن محسيتوش ف الاعداد اللى قبل كده
المواضيع غطت كل الاهتمامات..
أكتر مقاله عجبتنىButterfly effectلان الموضوع ده بيشدنى جدا
و إفيه ضار بتاع معتز..ههههههه بجد تحفه اوى..
تصميم الصفحات شدنى كمان اوى..وإن كان عدد الصفحات قليل
بس مازلت معترضه على مكان قصيدة(مى)
بالتوفيق إن شاء الله فى كل الاعداد والاشطه الجايه..
وإن كان البعض هنفتقدهم جدا جدا جدا السنه الجايه..