thank u ya basha and waiting more
thank u ya basha and waiting more
thanks alot...A.Elkamhawy
بس مصر احلى برضة يا دكتور كفاية ان فيها اهلنا ولا انا رايى غلط ؟؟؟
أنا طبعا أتفق مع د فتحي في كل كلامه،اللي بيشتغل هنا اي شغل بيعملة علي اكمل وجة وبكل حب –من اصغر عامل لاكبر دكتور- مع ان اليوم هنا طويل جدا- من 8 الصبح كل الناس في شغلها ل 5 المغرب (يعني الساعة 5 هنا هي ساعة الذروة).
هنا الشارع هادي جدا مفيش فرح ولا ميتم في الشارع/ مفيش ولاد بتلعب ولا حد ماشي بالعربية معلي الصوت على الاخر-لو ده حصل-ييجي الشرطة فورا -حتي لو على صوتك في الشقة وازعجت جيرانك- ممنوع التعدي على حرية الاخر باي شكل
هنا الناس عمليين جدا، مفيش نظام المنظرة بالموبايلات والعربيات المتفيمة والملابس والحجات دي، والنغمات اللي صوتها عالي والبدع اللي بنسمعها عندنا-مش فاضيين للكلام الفارغ ده –غير كده كل الناس هنا عندها عربيات حتى العمال والموظفين والطلبة بيركبوا عربيات تعقد!!!
هنا في احترام لادمية الانسان وحقوقه-بعكس اللي بيحصل عندنا من ازدحام في المواصلات وفي كل مكان، ومفيش اماكن تركن عربيتك وبعدين لما تركن مخالف تتسحب رخصتك.. حصلت معايا في القاهرة/ واستغلال وجشع بعض الناس وسوء المعاملة من البعض والواسطة والمحسوبية والتفرقة في المعاملة- كل ده ماشوفتوش هنا خالص ...
في احترام لك مهما كان دينك او عرقك -البس زي مانت عاوز مفيش حد هايبص عليك او هايسالك انت ليه عامل كده -اعمل اللي انت عايزة بس ماتاثرش على حرية الاخرين -المشرف بتاعي امريكي كاثوليكي- يوم الجمعة عندنا اجتماع مع كل الجروب بتاعه -والله هو اللي بيقولي يالا يا محمد علشان تروح الصلاة -مع انهم بيقولوا ان الجنوب اكتر الناس تعصبا في امريكا
فانا شايف ان المشكلة مش مجرد امكانيات بس سلوك الناس كمان هنا مختلف الى حد كبير-
في ناس فاكريين ان النجاح هنا سهل—والله انا من رايي انة اصعب بكتير جدا جدا من مصر – - والمنافسة هنا شرسة - لانك بتنافس ناس وخبرات من كل العالم مش من امريكا بس
absolutely you are right
life between your family is very wonderfull and inspiring in adition to the womth feeling
I hope I will meet them soon
و..يجمعنا القمر
جميل يا دكاتره تواصلكم معانا ..
وربنا يوفقكم وتحتلوا أعلى المراتب ان شاء الله
وكما قال زملائي
waiting more
mt-
اتفق معاك يا د\ محمد و لكن المصيبة ان المفروض ان سلوك الناس هنا يكون زيهم و احسن منهم كمان لان هو ده دينا و منهجنا ..للأسف الغالبية عندنا مفيش لا امكانيات ولا اخلاقياتفانا شايف ان المشكلة مش مجرد امكانيات بس سلوك الناس كمان هنا مختلف الى حد كبير-
و لكن .. طول ما في ناس زي حضرتك و د\ فتحي و د\ باهر و كثير من الدكاترة اللي اتعاملت معاهم (كلهم تقريبا).. اكيد فيه امل ان البلد تتصلح و اهم حاجة كل واحد يبدأ بنفسه ...
في امان الله
waiting for more ...
التعديل الأخير تم بواسطة BoNbOoNa ; 06-02-2009 الساعة 08:37 AM
ربنا يوفقكم يادكاتره وان شاء الله تبقى تجربه مفيده بالنسبالكم ويارب نسمع عنكم كل خير وبصراحه انا سعيده جدا بتواصلكم معانا وبما اني في سنه تالته بصراحه مش عارفه سكشن الفيتو هيبقى شكله ايه من غير حضرتك يا د/ فتحي ومن غير شرحك بس يلا نستحمل لان كلنا في الاخر طلبه علم
فعلا يا دكتور محمد المشكلة مش مشكلة امكانيات المشكلة الحقيقية فى الناس والسلوك والهدف اللى هم عاوزين يحققوه فعلا
يعنى مثلا بلاش امريكا بامكانياتها اللى تعقد لو بصينا على ماليزيا وسنغافورة
واليابان كمان بعد ما اتساوت بالأرض بعد الحرب العالمية التانيه وازاى الدول دى قدرت تقوم وتقف على رجليها وتنافس الامبراطوريات العملاقة اللى هزمتها
من وجهة نظرى اننا عاوزين حد هو اللى يقول لنا الهدف ايه ويرسم لنا الخطه ويحاول يغير من سلوكنا ويشجعنا ويطبطب علينا لما نغلط ويحاول يحسن مننا مش يجلدنا
ساعتها بس هنحس اننا من البلد ونحبها ونحس انه لازم يبقى لنا دور فى نهضتها
السيستم يا دكتور محمد ويا دكتور فتحى هو المشكله احنا محتاجين نتفرمط من جديد وعاوزين سيستم على الزيرو
thanks alot...A.Elkamhawy
بصراحة انا رايي ان الاصعب هو النجاح في بلدنا لنفس الاسباب اللي حضرتك قلت عليها يا دكتور محمد
لان الامكانيات الضعيفة دي هي اللي بتبين الابداع
هنا في مصر اللي بيشتغل بيعاني من نقص الامكانيات و روح التعاون اللي المفروض تكون موجوده بين فريق العمل زي ما حضرتك قلت بداية من اصغر عامل لحد اكبر دكتور
عشان كده انا شايفة ان اللي بينجح في مصر بالظروف اللي بيتحط فيها اصعب كتير جدا من اللي موجود في مكان مؤهل باقوي الامكانيات و برده اكتر الخبرات بس روح المنافسة الشريفة اللي بين العقول و الخبرات دي
مش الصعوبة بالعكس دي روح تشجيعية
لان الانسان لما بيحس ان كل اللي حواليه بيشتغلوا بتزيد حماسته بالاخص لو عنده استعداد
و ربنا يوفق الجميع
شكرا
انا فرحان قوى بحضرتك يا دكتور محمدودكتور فتحى.... انكم بتنقلولنا خبراتكم فى المجتمع البعيد والغريب ده فعلا احنا ينقصنا النظام وحب العمل... وان كل واحد يفكر فى عمله ويتقنه عشان يؤدى دوره بشكل سليم فى المجتمع الحرية عندنا مفهومة بشكل غلط وللأسف الناس اللى مش عارفين عظمة الأسلام عارفين حدودهم واحنا المسلمين ضايعيين وتايهين وده اللى زعلنى فعلا على العموم انا واثق وحاسس بتغيير كبير بيحصل وبأذن الله ربنا هيعنا ويهدينا واياكم للطريق القويم بجد يا دكتور هتوحشنا مع بدء الدراسة خلاص بس أكيد حضرتك معانا فى على المنتدى هنا بأذن الله وفقك الله والدكتور فتحى فى مهمتكم .... وفى أمان الله ربنا يعينك ويوفقك انت ودكتور فتحى
التعديل الأخير تم بواسطة سامح هادى ; 07-02-2009 الساعة 12:53 AM