والله قالوا ان الرحلات الموجودة كلها بنات بس وروح اسأل لو مش مصدق
جايز رحتلك تبع اتحاد الطلاب أو أي حتة تانية مش تبع رعاية الطلاب
والله قالوا ان الرحلات الموجودة كلها بنات بس وروح اسأل لو مش مصدق
جايز رحتلك تبع اتحاد الطلاب أو أي حتة تانية مش تبع رعاية الطلاب
ياعم م تزعلش نفسك
الرعاية كل يوم برأى
فعلا يا د. شريف الاجازة بقت مملة شوية ... و مللها عمال يزيد ... فلازم انك تتحدى الملل ... زي بالظبط نظرية ميلودي تتحدى الملل بتاعة الراجل الأصفر ..
ممكن و الله تجرب البتاعة بتاعة الدهانات دي اللي dr.M.AbdelHamid قالك عليها .. ياسلام دي مزااج يا راجل .. تبقى أسطى نقاش كدة أد الدنيا ... و تروح بقى تديلك وشين بقى ... و تقصقص الشجر .. و تطلع تلم الانابيب المكسورة فوق في المعامل .... أه بقى تجرب حاجة روعة هقولك عليها تروح تقعد في المدرج و هو فاضي في اول بنش ... عشان تبقى عملتها مرة في حياتك .. و الله يا عم سعاتها أنا هبقى فخور بيك .. هفتخر اني اعرف واحد صاحبنا قعد مرة في حياته في البنش الاول ...
و لا أقولك سيبك من كل ده .. الواحد مككن يجرب يعمل حاجة ملهاش دعوة بالكلية عشان منزهقش ... ممكن الواحد يجرب يروح الملاهي ... يركب المراجيح و الزحاليق و يطبق قوانين نيوتن ... و اهي حاجة جديدة ..
لا لالا .. متعة برضه لا تقاوم ... ممكن برضه تدهن المراجيح مفيش مشاكل ماهي زيها زي سور الحديقة ..
ممكن برضه الواحد يجرب يخترع حاجة جديدة في الاجازة .. يكتشف قانون مثلا أو يعمل نظرية ... أو حتى أبسط حاجة يألف كتاب .. ايه يا عم شريف .. هات ورقة لحمة و قلم مقصوف .. و أقعد دندن مع نفسك كدة الف لك كتابين تلاتة و الا حاجة ....
او جرب تعمل أبحاث .. او تجارب مشعة ... ممكن تكتشف ان الاجازة دي حاجة روعة ..
شايف الناس ف اوربا قاعدين يكتشفواحاجات ازاي في الاجازة و احنا مش قاعدين بنعمل حاجة ....
أو اقللك عندك برضه المزارات السياحية مالية البلد .. و متكلمش في دي بقى .. عندك دار بن لقمان .. الواحد يروح هناك و يسلم على عمك لقمان و يقعد معاه يشرب له كوبايتين شاي ...
و برضه تمثال ام كلثوم ... و حديقة الطفل .... و الهابي لاند ... ده غير بقى الصالونات الادبية ...
هتقولي زهقان من المنصورة .. هقولك الواحد ممكن يجرب يعمل رحلة بره المنصورة... و ياريت متبقاش تبع الجامعة .. اعملها لوحدك عشان تعتمد على نفسك .. هتكلفك 500 او 600 جنيه بس مفهياش حاجة هتكتسب خبرات ..
أنا مستعد يا عم أنا و أنت ننظم رحلة نزور فيها "مدينة أبو قتاتة" .. و " كفر الجميز" ... يللا يا جماعة أي حد عايز ييجي يشترك ....
كل اللي فوق ده عشان أحاول اكسر للك ملل الأجازة .. يارب تكون مبسوط دلوقتي ... انا حاولت معاك اهو و عملت اللي عليا ..
يللا يا جماعة عايزين كل نفرفش كدة و اللي عنده جديد يقوله ... عشان منحسش ان الأجازة مملة ..
ههههههههههههههههههههههههه
فظيع يا خلودة
ماشي انا هنظم رحلة لميت عنتر
ونبتدي فيها بمراجيح السبتية بس هحجز تذاكر توتال فيها وطبعا التذكرة سعرها 350 دولار غير شاملة اللعب المجانية وابقى قابلي لو لقيت لعب مش مجانية
يلا كله يجهز نفسه واللي مش هيرضى يجي يقعد يدهن سور الحديقة :-)
انا كان عندى سؤال بس فين ميت عنتر دى اللى انتم بتقولوا عليها؟؟؟؟؟؟؟؟
جنب ميت سيد على طول حضرتك يعني سيبي انتي بس محل عمو مدحت البعضيشي وخشي شمال
يا سلام دى تريقة بقى
لا بجد هو فى حتة اسمها كده ولا انتم بتهزروا
اه انا بسمع الاسم بس مش عارف موقعها على الخريطة بالظبط (-:
ميت عنتر بعد طلخا يا حلويييييييين و انتوا رايحين دمياط
تدريب الصيدلية هيبقى حلو لو اخترت صيدلية كويسة......... عن تجربة .
ممكن اللى عايز يشترك فى النشاطات الأسرية علشان يشغل وقت فراغه..... الكل هيرحب أكيد...... بس انوى........