صفحة 2 من 4 الأولىالأولى 1234 الأخيرةالأخيرة
النتائج 11 إلى 20 من 37

الموضوع: مسلسل رمضان " الهنوف حليوة " 2013 .. تم التجديد : 20 - 07 - 2013

  1. #11
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي

    الحلقة الرابعة " لست أنا من يهرب "
    " ماما عايزه تشوفك " لقد انتهت الكلمة مع انتهاء المكالمة لكن صداها مازال يدوي في فراغات عقلي المتشبث بالنوم وكذلك في جنبات الغرفة ،، مازال صديقاي غرقى في بحور النوم ،، أيقظتهما ونقلت لهما الخبر ،، لم يصدقا وظنا أني أمازحهما لكني كررت الجملة عليهما مرارا وأقسمت في الأخير حتى اقتنعا ودرار هذا الحديث :-
    ( محمد ) >>>>> لأ بلاش تروح
    ( أحمد )>>>> محمد بيتكلم صح بلاش تروح *انت لو مقتنع بيها تروح تجيب والدك وتيجي تقابل مش والدتها بس *لا انت تقابل عمامها كمان بما إن والدها متوفي ..
    ( أنا )>>>> لو رفضت أروح هبقى كده سقطت في نظرها ووالدتها هتفسر عدم مرواحي حاجة من حاجتين يا أنا كنت بلعب مع بنتها مش بحبها يا إما أنا مش واثق فيهم وحاسس انهم بيستدرجوني وكده يبقى مش هيكون فيه فرصة إني أروح جيب والدي وبعد كده نتقدم لها لإنهم هينهوا الموضوع لو أنا مرحتش دلوقت
    ( محمد)>>>> يابني افهم انت بتقول والدها متوفي وأخوها لسه طالب في اعدادي يعني احنا هنكون 3 رجاله أغراب في بيت مفيهوش راجل يعني مثلا لو حد من عمامها بالصدفه عدى عليهم واحنا هناك بعون الله هنطلع من عندهم بفضيحة دا لو طلعنا أصلا أو بان لما صحاب دول صعااااااايده
    ( أنا )>>>> هيه قالت لي انهم مش بيكلموا عماهم عشان مشاكل في الميراث اللي ممكن يزورهم ابن عمها اللي كان عاوز بخطبها وهيه رفضت
    ( أحمد )>>>> طب لو ابن عمها جه واحنا هناك ؟؟ هيخدنا بالحضن ؟؟ وانت بتقول ان *بيتهم وبيت عمامها في نفس الشارع .
    ( أنا )>>>> انتم خايفين تنضربوا بقى ؟؟
    (محمد )>>> يا حبيبي دي مش خناقه في الشارع احنا ممكن نروح يطلعوا أصلا ناس مش كويسين وكل الكلام اللي البنت قالته لك يطلع فشنك ويطلعوا بيستدرجوك دا احتمال وارد وساعتها حاجه من اتنين ياتتجوزها ياهنموت كلنا ،، دي مش خناقه في شارع
    ( أحمد )>>>> احنا نرجع القرية تحكي لوالدك لو وافق تجيبه وتيجي تخطبها ،،، اتصل بيها وقول لها انك هتروح تجيب والدك وتتقدموا لها رسمي ..
    ( أنا )>>>> قولت لها كده في التليفون قالت لي ان والدتها عايزه تشوفني الأول قبل ما نتقدم رسمي
    ( محمد )>>>> انت شكلك كده مش هتقتنع قولنا انت عايز أيه دلوقت ..
    ( أنا )>>>>> أنا هروح أنا مش جبان عشان أخاف ربنا وحده كان عالم نيتي أول ما بدأت في الموضوع دا وأكيد ربنا لن يضيعني ..
    ( أحمد )>>>>> أخدت العنوان منها ؟
    ( أنا ) >>>> أيون بس مش عارف هنعرف بيتهم إزاي هيه قالت لي بالظبط زي ماكنت بتوصلني امبارح ..
    ( محمد )>>>> شكلك موافق ع اللي هوه عايز يعمله يا أحمد ؟؟
    ( أحمد )>>>> أنا طالع معاه من القرية ولو رجعت من غيره والده ووالدي هيقتلوني
    ( أنا )>>>> تسلم يا أحمد ،،، أيه رأيك يا محمد ؟؟
    (محمد )>>>> أنا معاكم بس وربنا الكف اللي هنضربه فوق أو ما ننزل الشارع هضربهولك دا لو ربنا أحيانا ونزلنا الشارع ..
    ( أنا )>>>>> طب لو مش عشنا لحد ما ننزل الشارع ؟
    ( محمد )>>>>> هنتقابل يا في جنه يا في نار هتروح مني فين ؟؟
    بدأنا مراسم الاستعداد للخوض رحلة العجائب تلك فذهبنا لشراء بعض الملابس وتكفلت أنا بجملة المبلغ المدفوع " فلوس الكتب الحرام مش بيدوم " .... اقترحت على صديقي الدخول لحديقة حيوان الجيزه للفسحة والترويح وتخفيف الضغوط عليهم فلربما ساعدنا ذلك في استعادة بعض الثقة والتماسك ،، بعدها بدأنا نسأل ونتساءل عن الطريق لبيتها ،، أثناء سؤالنا لم نكن لنتم السؤال حتى يفاجئنا المسؤل بالجواب المنتظر مما زاد الضغوط والخوف ثانية فقد شعرنا أن القاهرة الكبرى تعرف بأمرنا وأن كل تلك الملايين المرابطة في لحظة ما ستنقض علينا وحينها سنكون في عداد الموتى.... وصلت حيث انتهى بي الطريق معها أمس على بعد مواصلة واحدة من بيتها فأخرجت هاتفي واتصلت بها ،، أخبرتني أن " عمر" بانتظارنا مرتديا تي شيرت برتقالي ليقودنا إلى البيت ....
    الحلقة القادمة " ............."
    إبراهيم رأفت

  2. #12
    Pharma Student
    تاريخ التسجيل
    Feb 2008
    الدولة
    في رعاية الله
    المشاركات
    2,005

    افتراضي

    شكلك هاتضرب علقة

  3. #13
    Pharma Student
    تاريخ التسجيل
    Jan 2011
    المشاركات
    434

    افتراضي

    عبيط دا ولا ايه؟؟
    لاء بما ان القصه واقعيه هتكلم باادب
    طيب زياده عن اللزوم البطل
    وربنا يسترها معاه


  4. #14
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي

    هوه مش عبيط ،،، دا بس ساعة القدر يعمى البصر

  5. #15
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي

    الحلقة الخامسة " ............"
    وصلنا لباب البيت محملين بالهدايا ،، طرق عمر الباب ولم تمر لحظة واحده حتى انفتح الباب ورؤيتها بكامل زينتها تبتسم ابتسامتها الخجولة التي تبعثر كل الثوابت في قلبي وتجعلني غير قادر على تصديق أي حقيقة أخرى سوى أنها ملاك في كوكب البشر ،،، انسحب عمر في بطئ مفسحا لنا المجال وإليكم إطلاله سريعة :-
    ( هي )>>>>> أيه مالك بتبصلي كأنك أول مره تشوفني ؟؟
    ( أنا )>>>> أنا قولت لك بلاش مكياج أنا أصلا بشوفك ع الطبيعه مش بصدق إنك انسانه من طين زينا فحرام عليكي بجد عشان ربنا خلقك جميله تقومي تفتري على المخاليق كده .. (هي )>>>>> خلاص أخر مره مش هحط مكياج تاني ..
    ( أنا )>>>> و أنا هعديها المره دي بمزاجي بس لو كلامي اتكسر تاني مش هيحصل كويس ..
    ( هي )>>>>> هتعمل أيه يا عني ؟؟
    ( أنا ) >>>>> طب دا وقت خناق ؟؟ فين والدتك ؟
    الحمد لله إني مش زودت في الكلام حماتي المستقبلية شكلها كانت رميه ودانها معانا ،، خطوت أول خطوة لي داخل بيتهم الفسيح برفقة صديقي وجلسنا في الصالون جوار بعضنا البعض وفي مواجهتنا جلست هي و السيدة الوالده وإليكم مجمل الأحداث :-
    ( والدتها )>>>> شرفتونا بزيارتكم الجميلة دي ..
    ( احنا التلاته ) >>>> " في نفس واحد" الشرف لينا احنا يا طنط ...
    ( والدتها )>>>> فين ابراهيم ؟؟
    ( أنا )>>>> " رفعت يدي " أنا
    دار بيننا حديث مطول سألتني فيه والدتها عن كل شيء مررت به في حياتي تقريبا ،، عن عمل والدي ووالدتي ،، عن طريقة تخطيطي لمستقبلي ،، كنت أخبرها وأستشعر أنها هي الأخرى أعجبت بي ،، الآن قد فزت بقلب الأم والبنت *لم يعد أمامي سوى الفوز بقلب أبي وأمي وإقناعهم بتلك الفكرة المجنونة ،،، بعدما فرغت حماتي من الأسئلة المفاجئة المتوقعة رفع صوتها قليلا لتنادي على عمر وتطلب منه إزاحة الستار عن الغداء ثم طلبت منا ثلاثتنا أن نتناول غداءنا .....
    جلست وجلس صديقي حول المائدة ،،، تناولنا كميات قليلة جدا من الطعام فمازال الخوف يسيطر علينا خشية أن يصادف وجودنا زيارة أحد الأعمام حينها سينجلي جو الهدوء والسكينة وتبدء العواصف والرياح والأتربة ....
    بعدما فرغنا من الغداء عدنا ثانية للصالون حيث والدتها التي طلبت مني ألا أخبر والدي أني زرتهم فلو علم والدي الأمر حتما سيرفض ..
    انتهت زيارتنا التي استغرقت ما لا يزيد عن أربعين دقيقة تقريبا بعدها خرجنا في اتجاه محطة قطارات رمسيس ،، كان محمد أكثرنا خوفا وقلقا وقد قرر حزم حقائبه والسفر للسويس بعيدا عن رد فعل والدي المتوقع لو كشف خيوط الرحلة .....
    جلست برفقة أحمد في طريقنا للعودة نبحث عن حيلة ونخترع قصة يقبلها عقل والدي ، *كيف تعرفت على الفتاة ؟؟؟ سؤال مؤكد في ورقة الامتحان التي سيعدها والدي ،،، كيف تأكدت من أنها فتاة محترمة تليق بك ؟؟ ،،، كيف لي أن أسأل عن أهلها وأتأكد من أخلاقهم ؟؟...
    ( أحمد )>>>>> انت تنسى موضوع إنك عرفتها من ع النت ،، والدك لو عرف موضوع النت مش بس هيرفض دا ممكن يقتلك ..
    ( أنا )>>>> طب أقول له أيه بس ؟؟
    ( أحمد )>>>> قول له انك شوفتها وأعجبت بيها واخدت عنوانها ..
    ( أنا )>>>> ساعتها هيقول عليا مجنون ،،، مين دي اللي تشوفها في الشارع وتحبها وعاوز تتجوزها وانت متعرفش عنها حاجه ،،، بص أنا هقوله انها كانت بتاخد معايا دروس في الثانوي واختفت فترة معرفش راحت فين وامبارح وانا في القاهره بالصدفة قابلتها ،، هيه دلوقت بتدرس طب أزهر وساكنه في القاهره عشان تكون قريبه من الجامعه ،، ممكن موضوع طب أزهر يكون بمثابة المقنع والدليل على حسن أخلاقها ..
    ( أحمد )>>>> هيه قصه مش مقنعه بس أنا شايف إن مفيش حل تاني ،، ع العموم ربنا يوفقك ومش تنسى إوعى تقول لوالدك إننا زرناهم وإلا هتبقى كارثة وممكن يجي يقول لوالدي ووالدي يتخانق معايا..
    ( أنا )>>>> ربنا يستر ..
    تلقيت اتصال منها دار مجمله حول كيفية مواجهة والدي وإقناعه بالأمر ،، يبدو أن كل الأطراف اتفقت أن إقناع أبي أمرا مستحيلا *،، ماذا لو علموا قوة شخصيته ؟؟... بعد رحلة طويلة وصلت للبيت ،، دخلت لغرفتي وألقيت نفسي ع السرير ولم أشعر بشيء إلا عند ظهر اليوم التالي عندما فتحت عيني لأجد والدتي تحاول إيقاظي منذ فترة .... * ا
    لحلقة القادمة " أنا عايز اتجوز "

    إبراهيم رأفت

  6. #16
    Pharma Student
    تاريخ التسجيل
    Feb 2008
    الدولة
    في رعاية الله
    المشاركات
    2,005

    افتراضي

    ههههههههههههههههه......الحلقة الجايه منتظرها....انا كمان عايز اتجوز

  7. #17
    Pharma Student
    تاريخ التسجيل
    Aug 2008
    الدولة
    يارب مع الرسول
    المشاركات
    1,239

    افتراضي

    مع انى مش بقرأ الا الرعب بس شكلها قالب على رعب كل ده فى أول خمس حلقات و قصة واقعيه؟؟ طب احنا كده ماشيينها خطوة بخطوة و لا ذكريات من زمن فات؟ فى انتظار القادم ان شاء الله

  8. #18
    Moderator
    تاريخ التسجيل
    Oct 2009
    المشاركات
    4,276

    افتراضي

    تم تثبيت الموضوع .. و سيتم عمل فهرس للقصة في بداية الموضوع لتسهيل المتابعة إن شاء الله ^_^



  9. #19
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي

    الحلقة السادسة " عايز اتجوز "
    إنها المرة الأولى التي سأدنو من والدي وأعرض عليه اقتراح وأي اقتراح سيكون هذا الذي يدور برأسي ؟؟ ..
    مر اليوم بأكمله وأنا أحاول أنا أنطق حرفا واحدا لكني كلما هممت هممت أنا وتراجعت أحرفي ،، أعرف والدي جيدا ومتيقن من الجواب مسبقا لكني عاهدت نفسي أن أبذل قصارى جهدي في الحصول على فتاتي ،، الفتاة الوحيدة التي أنستي حبي الأول وجرحي الأول الذي طالما اعتقدت أنه لن ينجلي حتى بعد الموت ..
    كانت تلك تجربتي الثانية في بحر العشق وقد فشلت التجربة الأولى بنجاح عندما تزوجت محبوبتي أثناء عامي الجامعي الأول تحديدا في أثناء امتحانات الترم الأول وجاءت نتيجة الامتحانات كارثية فلم أتجاوز مادة واحدة ،، لم أكن أخشى عاقبة رفض أبي على نفسي بل عليها فما ذنبها كي تنتهي قصة حبها الأولى بجرح قد يفقدها الثقة تماما في كل الرجال ،، ويلي مازالت أولى أحرفها تدوي في مسامعى " رجاءا أنت أول رجل أثق به بعد أبي أرجوك لا تجرحني ولا تجعلني أفقد الثقة تماما في كل الرجال " ..
    أثناء خروج أبي لصلاة العشاء رفعت صوتي كي يبلغ مسامعه " أبي أريد أن أتزوج " رأيته يستدير ببطء شديد ويبتسم يبدو أنه يظنني أمازحه كالعاده ،، ثم استدار وتابع السير تجاه الباب فعاودت قولي ثانية فاستدار وبدأ رحلة من الخطوات القصيرة نحوي وإليكم ما حدث :-
    ( أبي )>>>> ياااااه دا يوم المنى يا بني ،، 3 سنين بنتحايل عليك تخطب وانت دايما بترفض وكل مرة تقول أخطب إزاي وانا لسه باخد مصروفي منك يا حاج ،، أيه اللي جد خلاك اتغيرت كده ؟؟
    ( أنا )>>>> النصيب يا حاج ،، كل شيء بميعاد مفيش انسان يعرف نصيبه فين وهيصادفه إمتى ..
    ( أبي )>>>> سبحان الله ،، دا ابراهيم ابني ؟؟ أيه الحكمة اللي نزلت عليك مرة واحده دي !!
    (أنا )>>>> طب مش تسمع كل الحكاية الأول يا حاج ؟؟
    ( أبي ) >>>> أسمع
    . ( أنا )>>>> أنا عاوز اتجوز واحده زميلتي من أيام الثانوي هيه دلوقت بتدرس طب أزهر في القاهره ..
    ( أبي )>>>> *أهلها منين ؟
    ( أنا )>>> من الصعيد لكن دلوقت همه مستقرين في القاهره
    ( أبي )>>> وكانت معاك إزاي في الثانوي وهيه من الصعيد وساكنه في القاهره ؟؟
    ( أنا )>>>> هيه مش كانت معايا في المدرسة ،، هيه كانت معايا في الدروس وحضرت اسبوع واحد بس وبعد كده اختفت ،، امبارح وانا في القاهره صدفه قابلتها وعرفت منها انها مش مرتبطة ،، أيه رأيك نروح نزورهم ولو انت ياحاج طبعا استريحت لها ولأهلها نخلص ؟؟
    ( أبي )>>> أزور مين !! يعني انت شوفتها اسبوع واحد من خمس سنين أيام ما كنت في الثانوي حبتها كده على طول !! وقابلتها صدفه امبارح لأ ولسه فاكرها وفاكراك وكمان سألتها هيه مرتبطة ولا لأ !! دا أيه شغل العيال دا ؟؟
    ( أنا )>>>> انت مستعجب بس عشان مش شفتها ،، لو شفتها مره واحده هتحبها ع طول زي ما أنا حبتها ع طول ..
    ( أبي )>>> طب والدها بيشتغل أيه ؟؟
    ( أنا )>>>> والدها متوفي ،، وهمه ناس أثرياء ووالدتها هيه اللي بتدير الثروه بتاعتهم لإن أخوها الوحيد لسه صغير عمره ممكن 13 سنه ..
    ( أبي ) >>>> وانت عرفت دا كله منين ؟؟ سألتها أكيد .
    *( أنا )>>>> من باب الاستفسار بس يا حاج والله مش أكتر
    ( أبي )>>> طب أنا معرفش حاجه في القاهره يعني لو حبيت مثلا أسأل عن أهلها ،، عن أخلاقها أسأل مين ؟؟
    ( أنا )>>> نروح نقابلهم ونعمل فترة خطوبة سنه أو سنتين لحد هيه ما تخلص تعليم وبالعشره هنحتك بيهم ونعرف أخلاقهم وعوايدهم ..
    ( أبي )>>>>> بص يا بني من الأخر أنا عمري ما هجوزك بنت من القاهره ،،، أحنا عاوزين ناس زينا يعرفوا يعيشوا معانا يفهمونا ونفهم فلاحين زينا مش واحده بتاعة مولتو ودليفري ..
    أنا ) >>>> طب بس يا حاج شوفها وانت هتغير رأيك ان شاء الله
    ( أبي )>>>> أنا مش عاوز أشوفها ومش هغير رأيي واعتبر الموضوع دا منتهي وسبني عشان أروح ألحق صلاة العشا جماعه ...
    خرج أبي وظلت عيناي متشبثة بأطراف ثيابه تحاول إدارك الموقف فأبي لم يبدي سببا واحدا مقنعا لي أو ربما قال أسبابا مقنعة لكني لم أدرك أي شيء قد يوحي بخسارة مليكتي ،، أثناء فوضى البحث عن شط لمراكبي الغرقى وجدتني أتهادى على صدر والدتي التي تابعت كل ما حدث في صمت من وراء ستار المطبخ ،، أخبرتها قصتي الحقيقية ،، ظننت أنها ستتعاطف معي لكنها على ما يبدو أصبحت أكثر رفضا بعدما علمت أنني تعرفت عليها عن طريق النت وأني زرتها في بيتها ليلة أمس ...
    ويلي عندما يتصرف القلب كالطفل يصبح الحلم مستحيلا ..... *
    الحلقة القادمة " تليفون "

    * إبراهيم رأفت

  10. #20
    Pharma Student
    تاريخ التسجيل
    Feb 2008
    الدولة
    في رعاية الله
    المشاركات
    2,005

    افتراضي

    يخربيت كده.....................حلوة الحلقة دي

صفحة 2 من 4 الأولىالأولى 1234 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •