السلام عليكم
يا ريت يا جماعة يبقي في موضوع مغلق يتحط فيه المحاضرات والسكاشن والحاجات المهمة بس عشان بجد المنتدي بقي يلخبط خالص ومش عارفين نوصل لحاجة
جزيتم الجنة
SHEREIF
بسم الله الرحمن الرحيم
السلام عليكم ورحمة الله وبركاته
لو سمحتو يا جماعة بعد اذنكم انا عملت موضع يكون فيه جداول العملى كلها علشان تسهل عليكم معرفة المواعيد بدلا من انى اعمل لكل ماده موضوع جدول خاص بيها
ده علشان المواضيع ما تكترش وتكون قليلة على قدر الامكان علشان يبقى سهل على الناس المتابعة ان شاء الله
علشان السنة دى انا عارف انها مش سهلة واحنا بنحاول على اد ما نقدر نوفر فى الوقت بحيث ان كل المواضيع تكون كلها ادام اى حد فينا فيقدر يتابع ويشوف اللى هو عاوزة بسرعة ومايضيعش وقت فى البحث عنه
وياريت يا جماعة تقولو رايكم واى حد شايف ان كدة غلط او عنده اقتراح افضل ياريت يقوله يا جماعة
وحذفت موضوع كتاب الفايتو لان فى موضوع الاستفتاء ده ممكن حضراتكم تتكلمو فيه
ولو انتو شايفين ان المفروض ان الموضوع يرجع هايرجع ان شاء الله
وباذن الله هانخلى الموضوع ده لطلبات الاعضاء من مشرفين القسم بحيث ان اى حد عنده اى طلب من المشرف او اقتراح بحيث اننا نخلى قسم الفرقة التالتة ده احسن قسم ياريت يكتبه هنا