لقب طبيب صيدلي ((Ph.D ))؟؟؟!!!!!

[kareem_abuzaid]

أنا عاوز أعرف ليه هنا في مصر في نقص دايما في المعلومات . متهيألي ده شيء حتى ملحوظ في شوارعها . فين وفين لما تلاقي يافطة تدلك على الطريق . تبقى داخل الدخلة وما أنتش عارف رايح على فين !!!!!
اذا كان أنا ابن البلد وبقول كده . يلا مش موضوعنا . أنا عاوز بس أعمل قذف فكري بس ياريت تساعدوني فيه . الكلام الي هقوله ده مش مستند لأي مقال أو موضوع منقول من النت هنا في مصر. لأني دورت وملقتش ودية المصيبة عشان كده قلت ألجأ ليكم .
أنا عارف ممكن يطلع تفكيري غلط في غلط بس أديني بحاول وياريت ألاقي رد فعل منكم .
قالونا هنا في الكلية أن الي بيدخل صيدلة أكلينيكية بيبقى لقبه طبيب صيدلي . المشكلة مش في اللقب احنا يكفينا شرفا لقب صيدلي . بس طالما دخلت في موضوع لازم تكمله لحد الاخر . منين بتقول طبيب صيدلي وأنا مش معايا Ph.D .ولا ايه رأيكم يا جماعة . والدليل على كده لما جينا نسأل عن أن الشهادة الي هنخدها من الصيدلة الأكلينيكية بتعادل ماجيستير مش عارف مين في اجتماع العميد رد وبسرعة قال لأ . مخلانيش حتى عارف أوصل صوتي للعميد . لأن المعروف أن Ph.D بتعادل ماستر . طيب منين الكلام ده جيبته أن Ph.D بتعادل ماستر . بص ياسيدي على اللينك ده : (( ملحوظة الي هتقراه في اللينك ده موجود في السعودية ))
http://www.kfu.edu.sa/Colleges/Colle...ollege12-1.asp
وأنا مستغرب الحقيقة من الحكاية دية ولو جانا نشوف مثال هنا في مصرعلى حكاية ال Ph.D وان كان مثال مش واضح كده وملوش منظر ولا شكل بس شوفوه كده يمكن يساعدكم في ردكم عليه ادي اللينك : (( هنا اقرا الحته الي في الاخر ))
http://www.alexpharmacy.org/acadegar.html
لاحظ ان هنا قال دكتور في الصيدلة الأكلينيكية بتعادل ماجيستير بعدين ياخد دكتوراه أمال لقب دكتور في الصيدلة الأكلينيكية ده جه منين قبل ما ياخد دكتوراه من أصله !!!!!!!
مش حاجة غريبة ولا أنا الي فاهم غلط ؟؟؟؟؟؟
ياريت يا جماعة الي يقرا الموضوع سواء كان involved in أو لأ يحط رأيه في الحكاية دية .
وشكرا .

[عامر إبراهيم]

أولآ بالنسبة للقب خريج الصيدلة الأكلينيكية وضحناه فى موضوع "ماذا تريد أن تعرف عن الصيدلة الإكلينيكية؟"

بالنسة لجامعة الإسكندرية, فانا وضحتلك يا كريم إن دى رسالة فكرتها نفس فكرة رسالة الماجيستير وبتعادلها, وبيبقى تخصص صيدلة إكلينيكية, فابيبقى إسمه زينا دكتور صيدلى,

لكن مش مقصود بيها الدرجة العلمية, مقصود بيها زى دكاترة طب, دكتور مخ وأعصاب و..... يعنى مش لازم يكون عامل دكتوراه ولا حاجة.

الفرق بينك وبين الإسكندرية, إنك بتتخرج كأنك مجهز رسالة الماجيستير فى الصيدلة الإكلينيكية,

علشان كده بيبقى معاك بكالريوس علوم صيدلانية تخصص صيدلة إكلينيكية, وده بيوفر عليك برنامج زى برنامج الدراسات العليا الموجود فى الإسكندرية.

على العموم أنا مش قادر أفهم موضوعك كله بصراحة,

لكن كل اللى عايزك تفهمه إن كلمة دكتور هنا مش مقصود بها درجة علمية,

وفى الآخر, أنصحك أنك تسأل حد عندنا من الكلية, هو أكيد يعرف الصح فين!!!

تحياتى;

[kareem_abuzaid]

خلاص يبقى أنت معايا انها بتعادل ماستر . مفضلش غير ان احنا نتأكد من حد عندنا في الكلية . خلي الموضوع ده بقى لما نبقى نروح بعد العيد ان شاء الله . على فكرة بياخدوها في أمريكا والسعودية في 6 سنين 2 منها اعدادي والباقي دراسة صيدلية واخر سنة rotation وبالنسبة للشهادة معتش في امريكا حاجة اسمها بكالريوس علوم صيدلية بقى اسمها Doctor of pharmacy ودية advanced عن البكالريوس ولسه الحقيقة معرفش اذا كانت بتعادل ماستر هناك ولا لأ؟ أول معرف هقولكم . ياجماعة لسه الموضوع active الي عنده معلومة في الموضوع ده ياريت يضيفها أو على الأقل يرمي السلام .هو فيه ايه قد كده الصيام مأثر عليكم !!!!!! وشكرا يا عامر على اهتمامك بردك على مواضيعي والله انت الى مشجعني احط مواضيع .