مشاهدة نتائج الإستطلاع: المرشحون للوزارة (انتخب الذى يحقق امانيكم)

المصوتون
56. أنت لم تصوت في هذا الإستطلاع
  • Barbie

    1 1.79%
  • dr/noony

    21 37.50%
  • **SAMAR_RESALA**

    1 1.79%
  • *محبة رسول الله*

    30 53.57%
  • رحيق

    2 3.57%
  • عائشة

    1 1.79%
صفحة 1 من 10 123 ... الأخيرةالأخيرة
النتائج 1 إلى 10 من 100

الموضوع: وزير للصحة

  1. #1
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي وزير للصحة

    لو اصبحت وزير الصحة......
    - ليس على الله ببعيد -
    ماهى بنود خطتك (سجل خمس بنود فقط بحد أقصى) للنهوض بالوضع الصحى فى البلد
    و
    ما هى إجراءاتك (الوسائل) التى ستتبعها حتى تنفذ خطتك
    ثم
    كيف تقيس النجاح في تنفيذ خطتك؟

    هيا يا وزير/ وزيرة



    ملحوظة:

    1. يجب ان تحلم و لكن مع الحلم جهز ادوات التنفيذ فى نفسك و بإمكانيات البيئة التى ستنطلق منها لتحقيق ذلك الحلم. سجل ما تريد على هيئة خريطة ذهنية و لا تضيع هذه الورقة.
    2. فكر فى هذا الأمر و انت فى حالة المذاكرة النشطة هذه الأيام و لكن احلم فقط حسب جدول المذاكرة (يعنى خليها فترة تجديد و ترويح) وليكن هذا الحلم دافع لك اثناء و بعد المذاكرة.
    3. يمكنك المشاركة بجزء و كمل بعدين , ما فى مشكلة.
    4. تعالو نتدرب معا كيف نفكر لبلدنا و أنفسنا و المستقبل الجميل الذى اثق بقدومة ان شاء الله و ستملؤنه . الأمل نعمة من الله فى نفوسنا.


    5. نريد وزير كان يحلم انه وزير و ليس وزير لم يخطر على باله يوما انه سيكون وزير.
    6. المشاركات مفتوحة للوزراء و الوزيرات من الطلاب
    7. الأمر خاص بوزارة الصحة و اى حلم بوزارة اخرى سنقيل صاحبه فورا.
    8. من سيحبط المشاركين و يسفه من احلامهم سنزيل مشاركته فورا و بدون زعل.
    "من لا يتقدم يتقادم .. فلا بصمة و لا أثر"

  2. #2
    Pharma Student
    تاريخ التسجيل
    Jul 2007
    المشاركات
    39

    افتراضي

    طبعاً دا شرف كبير لى يا دكتور لكونى أول من يرد على هذا الموضوع الراائع ، و جزاكم الله خيراً


    و الله يا دكتور أنا مفكرتش قبل كدا أكون وزيرة بس لو مسكت الوزارة فسوف أقوم بالآتى :
    1- رفع الأجور للسادة الأطباء و الهيئة المعاونة ( لمرتبات عالية ) ، وذلك تعويضاً عن غلق جميع العيادات الخارجية .
    2- زيادة أعداد المستشفيات ، و تجهيزها بأحدث الأجهزة الطبية و المعدات ، و الكوادر البشرية المحترمة .
    3-وضع نظام رقابة حازم لمنع التهاون ، و التلاعب .
    4- زيادة المبلغ المخصص للعلاج على نفقة الدولة .
    5-وضع نظام و أسس للعلاج على نفقة الدولة . ( مقصورة على المحتاجين فقط وليس الوزراء !!! )
    6- الإهتمام بعيادات المدارس و الكليات ( مش مجرد سريرين ، و حقنة وواحدة قاعدة منعرفش دى دكتورة ولا ايه ؟؟ )
    7-ستكون مهمة الطبيب تشخيص المرض فقط ، و على السادة الصيادلة صرف الدواء الملائم للحالة ( مما يعيد للصيدلى كرامته و هيبته مرة أخرى ) .
    8- سيكون هناك تخفيضات على الأدوية .
    9- وضع نظام مراقبة صارمة على الصيدلاليات .

    و سيتم قياس مدى نجاح تلك الخطة عن طريق قياس التغير فى المستوى الصحى لأفراد المجتمع خلال خمسة أعوام مثلاً .

    خالصى تحياتى القلبية لشخصكم الكريم (^___^)
    التعديل الأخير تم بواسطة barbie ; 07-06-2010 الساعة 02:25 AM

  3. #3
    Pb Elite
    تاريخ التسجيل
    Apr 2007
    الدولة
    life prison
    المشاركات
    1,312

    افتراضي

    جزاكم الله كل الخير وجعلكم اهل لهذا المنصب أكثر منا
    كان نفسى ارد من زمان والله يا دكتور بس حضرتك اكيد عارف دعوات حضرتك لينا جميعا
    قبل اى حاجة دى مسئولية كبيرة جدا ولازم نعرف اننا هنتسأل قدام ربنا سبحانه
    وتعالى عن اى تقصير عشان كده انا شخصيا لا اطمح لهذا المنصب ولا اى منصب
    فيه مسئولية لكن الاهم انى اكون عضو نافع فى جسد هذا المجتمع بما يعيننى الله عليه

    لو اصبحت وزيرا /ة

    1-اختيار البطانة الصالحة من العاملين وخصوصا المقربين فبتوفيق من الله ثم
    اخلاصهم وصلاحهم نستطيع التغير الفعلى ........................
    2-العمل على الاهتمام بجودة تعليم الفريق الطبى وكذلك الحرص على التعليم
    المستمر بارسال البعثات للخارج واستقدام كبار الاساتذة من الخارج
    وعمل اختبارات دورية لكل اعضاء الفريق للتأكد من جودة النظام
    2- زيادة أعداد المستشفيات ، و تجهيزها بأحدث الأجهزة الطبية و المعدات ، و الكوادر البشرية المحترمة .
    6- الإهتمام بعيادات المدارس و الكليات ( مش مجرد سريرين ، و حقنة وواحدة قاعدة منعرفش دى دكتورة ولا ايه ؟؟ )
    3-الاهتمام بالتوعية الصحية من خلال قناة وزارة الصحة التليفزيونية واجراء
    حملات التوعية الميدانية بالاستعانة بالصيدليات والقوافل الميدانية فالوقاية خير من العلاج
    4-زيادة مستشفيات الطوارئ وخاصة على الطرق (طبعا لكثرة الحوادث فى مصر )
    6-

    8- سيكون هناك تخفيضات على الأدوية .
    9- وضع نظام مراقبة صارمة على الصيدلاليات .
    كذلك رقابة على شركات الادوية وطرق التداوى بالطب البديل
    ووضع نظام جديد لتداول الادوية وهو نظام unit dose
    بمعنى يتم صرف كمية الدواء على حسب مدة استخدامه
    وهو نظام معمول به فى دول العالم المتقدم ...............
    7-مشروع طور مستشفاك ده مشروع كنت هقترحه على
    مدير المستشفى للى هشتغل فيهاءان شاء الله .......................
    وهو ببساطة عمل صندوق للتبرعات من العاملي بالمستشفى والمترددين عليها وكل
    مبلغ يتم جمعه يخصص لتطوير قسم من اقسام المستشفى (وايضا صدقة جارية على كل متبرع )
    التعديل الأخير تم بواسطة dr/noony ; 07-06-2010 الساعة 12:29 PM

  4. #4
    Pharma Student
    تاريخ التسجيل
    Mar 2008
    الدولة
    alone on the moon
    المشاركات
    639

    افتراضي

    خلاص أنا هعمل حسابى أبقى فى التشكيل الوزارى الجديد
    وهحط الخطه من دلوقتى
    هو بجانب المسؤليات التقليديه لوزير الصحه
    فى برده جوانب تانيه تستحق الإهتمام

    1- الإهتمام بالطب البديل( هيبقى فى كل مستشفى قسم للعلاج المكمل بالأعشاب
    فيه أساتذة العقاقير من كليات الصيدله أو صيادله حاصلين على دبلومات أو ماجستير فى العقاقير والنباتات الطبيه )

    وده لإن الدجل والسرقه إنتشرت أوى فى حكاية الأعشاب وبيعملوا وصفات وبيدوها للناس (الحكايه دى سببت مشاكل صحيه جامده أوى لحد أعرفه
    فلازم نزود الإهتمام بالمجال ده بمعاونة المتخصصين

    وكمان هعمل أقسام للعلاج بالأبر الصينيه وأبعت بعثات من الأطباء للصين يتعلموا و أحاول على قد ما أقدر أدخل المجال ده فى مصر

    وكمان هيبقى فى قسم وهيبقى مهم جداً برده وهو قسم التغذيه هيبقى فيه أطباء متخصصين
    المريض يدخل على الطبيب المتخصص ومعاه تشخيص حالته والعلاج المصروف له ويبقى فيه توعيه يآكل إيه ويبعد عن إيه وإيه الأكل اللى بيتعارض مع العلاج اللى هو بيآخده ويمشى معاه على نظام غذائى مناسب لحالته


    تانى حاجه هركز على الأمراض المنتشره فى مصر على وجه الخصوص
    يعنى مثلاً بما إن مصر هى الأولى على العالم فى الفشل الكلوى
    ده غير فيروس سى والأورام السرطانيه
    فهزود الميزانيه المخصصه لعلاج الأمراض دى بالذات وكمان ميزانية البحث العلمى المتعلق بالأمراض دى
    وهستقبل تبرعات من رجال الأعمال لرعاية الأبحاث دى



    وكمان هفعل نظام الصيدله الإكلنيكيه فى مصر ويبقى الصيدلى ضمن الفريق الطبى
    ومستشار دوائى له دور مهم فى الخطه العلاجيه
    وده لإنه أكتر واحد خبير بالدواء وتأثيره ونفعه وضرره .. وفى الأول والآخر ده هيبقى فى مصلحة المريض

    وأكيد برده ههتم بالتمريض وحكاية المعاهد بتاع التمريض دى هلغيها خالص لازم الممرضه تبقى خريجة كلية تمريض 4 سنين ومؤهله
    لإن التمريض عامل مهم جداً فى المنظومه الطبيه لازم تبقى على وعى ودراسه تؤهلها لدورها المهم ده


    معلش كنت بتكلم بلهجه حالمه شويه
    لأ مش شويه دول كتير
    أصلى نسيت إنى هبقى وزيره فى مصر
    بس دلوقتى فوقت



  5. #5
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    ان شاء الله سنجرى استفتاء على افضل مشارك يصلح كوزير / وزيرة للصحة من حيث إستيفاءه للبنود المطلوبه بمجرد وصول عدد المشاركين المرشحين الى 20.

    ملحوظة: لم يشارك الى الان وزراء من الرجال...... خلاص تركتم الساحة و انكفأت الامال
    "من لا يتقدم يتقادم .. فلا بصمة و لا أثر"

  6. #6
    Pharma Student
    تاريخ التسجيل
    Mar 2009
    الدولة
    يا رب مع النبى
    المشاركات
    1,178

    افتراضي

    السلام عليكم
    موضوع رائع كالعادة يا دكتور

    وأنا على فكرة فكرت كتير قبل كده انى اكون وزيرة بس مش شرط صحة بس حاجة اعرف من خلالها اصلح أحوال البلد....

    أفكارى:

    1-أولا يا دكتور أنا هنظر للموضوع نظرة عامه
    يعنى هشوف ايه اسباب معظم الأمراض اللى بنواجهها.

    يعنى مثلا قرأت مؤخرا فى احدى الجرائد عنوان أصابنى بصدمه وهو :
    (كوب ماء واحد يكفى للإصابة بالفشل الكلوى)
    فعلي كوزير صحة أن أهتم بتنقية مصادر المياه بالتعاون طبعا مع الجهات المختصة.
    وغيرها من المصادر التى تؤدى الى الاصابة بالأمراض ....

    2-أنا يوميا أرى مستشفيات المنصورة من طوارئ وعام ودولى وكلى ووالله لا أتحمل المنظر...
    المستشفيات نفسها ممكن تموت المريض

    بمعنى ان المستشفى لازم يكون فيه فريق مخصص لتنظيفها وفريق مشرف على كده
    لان ده طبعا بيأثر على نفسية المريض...

    3-أكيد لازم أهتم بالطبيب من ناحية أجره عشان هو كمان يهتم بالمريض.
    أنا كنت بزور مستشفى الأورام فى احدى المرات ووجدت ست كبيرة فى السن قلبى اتقطع عشانها كانت بتنادى على الدكتور وهو مش معبر وكمان لازم اهتم بأجر الممرضة

    طبعا لازم اعين فريق معاينه علشان اتأكد ان الأطباء والممرضات بيشتغلوا بضمير
    4- أزود عدد المستشفيات المجانية بحيث انها تكون زى المستشفيات الخاصة من حيث الكفاءة والنظافة والمعاملة وأخصص لده ميزانية ثابتة
    5- أنا بنفسى كوزير صحة لازم أشرف على المستشفيات على قد ما أقدر ومش المستشفيات الكبيرة طبعا ده انا اتعمد انى أذهب للمناطق اللى مؤكد هيكون فيها خلل.

    6- فيه اقتراح كويس قوى بس احنا كدولة نامية ممكن ميطبقش وهو ان يكون فيه طبيب لكل أسرة

    7- كمان يا دكتور انا ممكن اتعاوزن مع وزراء آخرين من أجل تفعيل العمليه دى كوزير المالية لزيادة الأجور مثلا

    لأن دلوقتى فى الدول المتقدمة لازم كل واحد يعمل فحص كل 6 شهور فلو كان فيه مرض مش هيلحق انه يتطور وهنلحق نعالجه

    لكن عندنا فى مصر الناس بيلاقوا مش معاهم فلوس فبيتعبوا ويعدوا ويقولوا مش مهم لحد ما خلاص المرض ينتشر وبعد كده يفكروا يروحوا للطبيب.
    ان شاء الله هكمل بس
    ادونى فرصة افكر فى حاجات تانيه احسن ان شاء الله
    -----
    جاجة برده جميلة جدا انى استخدم العقاقير فى العلاج لأنها وان لم تنفع لن يكون ضررها مثل ضرر ال chemicals اللى مش بتنفع زى ما بتضر بصراحة.

    أهتم أكتر بمواد صيدلة اللى هتنفع الصيدلى فى مجاله.

    أعمل صيدلة أقسام:
    بحيث انه معظمنا مش هينتفع بالمواد اللى بندرسها
    بل هيقتصر بس على اللى هيعملوا دراسات واللى هيشتغلوا فى مجال التصنيع.

    انما الغالبية العظمى مش هينتفعوا بده .

    ربنا ييسر والاقى فى دماغى افكار تانيه ان شاء الله.....
    التعديل الأخير تم بواسطة *محبة رسول الله* ; 08-06-2010 الساعة 11:37 PM

  7. #7
    Pb Elite
    تاريخ التسجيل
    Apr 2007
    الدولة
    life prison
    المشاركات
    1,312

    افتراضي

    استكملا للمشاركة السابقة
    8- تأمين صحى لكل مواطن بغض النظر عن احواله المادية
    (لازم نوحد المعاملة ونزود ثقافة التضامن الاجتماعى بمعنى انى هعالج الكل زى بعض
    بس لو سمحت ايها المتيسر اتبرع مثلا بتطوير غرفة فى مستشفى اعمل وقف خيرى
    مثلا حد بتحبه توفى اعمل له صدقة جارية انا شفت فى فيلم امريكى كان معمول مخصوص
    للتفرقة بين نظام الرعاية الصحية فى امريكا ودول اخرى منها انجلترى
    تخيلوا فى تسعيرة للروشتة متزدتش عن 6.65 جنيه استرلينى فى المقابل
    فى صندوق تبرعات فى كل صيدلية براحتك عاوز تتبرع تتبرع
    http://www.youtube.com/watch?v=edN3khuzaTw
    سبحان الله مش مسلمين لكن حياتهم منظمة وكأنهم مسلمين )
    9-زيادة وسائل الاتصال بالوزارة لتلقى شكاوى واقتراحات المواطنين من خلال
    -ساعتين يوميا فى القناة التليفزيونية
    -جروب خاص بالوزارة على الface book
    -اللقاء الاسبوع او النصف شهرى مع الوزير
    -طبعا الموقع الالكترونى للوزارة
    نستكمل فى مشاركة قادمة ءان شاء الله

  8. #8
    Pharma Student
    تاريخ التسجيل
    Mar 2009
    الدولة
    يا رب مع النبى
    المشاركات
    1,178

    افتراضي


    other suggetions"
    - لازم ندعم الوحدات الصحية بالأجهزة الطبية أكتر من كده.

    لأن الوحدات الصحية الموجوده بالقرى هى النقطة اللى نقدر من خلالها نحافظ على صحة المواطنين لأن هى المتاحة أمام أغلب الناس...


    -تزويد المستشفيات المجانية بالأدوية التى يكثر استخدامها من قبل الناس .

    -الرقابة على الصيدليات وعدم السماح لغير الصيدلى بصرف الدواء.

    -تخفيض أسعار الأدوية خصوصا الأدوية اللى بيستخدمها الناس بمعدلات كبيرة واللى بتكون لأسعارها مرتفعة.

    -وكل ده مش هيحصل الا اذا كان فيه ضمير ...

    لأن وزير الصحة لوحده معتقدش انه هيقدر يعمل حاجة غير اذا كان فيه مساعدة من باقى الأطراف خصوصا الأطباء والممرضات.

    To be continue
    ان شاء الله

  9. #9

    افتراضي

    (سجل خمس بنود فقط بحد أقصى)
    المفروض اي حد سجل اكتر من 5 بنود يتم عزلة فوراً بسبب مخالفة تعليمات رئاسة الوزراء .. او إهمالة في قراءة شروط الوزارة ..

    و في الحالتين ( سواء مخالفة تعليمات او اهمال ) فهو لا يصلح للوزارة



    .,,

  10. #10
    Pharma Student
    تاريخ التسجيل
    Jan 2010
    المشاركات
    228

    افتراضي

    انا لو وزيرة
    1-لازم لازم هاضع حد لعدد الصيدليات الموجودة فى مصر وهاقفل جميع الصيدليات اللى مش واقف فيها صيدلى بلا استثناء وهاسمح بصيدلية واحدة بس لكل دكتور واللى عاوز يطور من نفسة يروح يشتغل فى البحث العلمى واكتشاف الادوية
    2-هاشجع البحث العلمى جدا جدا جدا جدا واخصص لة معظم الميزانية المتاحة وامنع سفر الاصباء والصيادلة الكفء الا باذن شخصى منى (لان احنا اولى بهم)
    3-هاحاول اصلح العلاقة بين الاطباء والصيادلة بعقد ندوات تجمع بينهم وتوضح دور كل واحد بالظبط احنا مش اعداء ولا بنتنافس مين اشطر ومين يعرف اكتر من التانى احنا بنتعاون علشان خاطر المريض اللى ائتمننا على نفسة
    4-تحسين مناهج كلية الصيدلة لان المناهج كلها بالاجماع تقيس مستوى الحفظ والصم ودة صدمنى اول ما دخلت الجامعة كنت اتوقع احنا اللى بندور ونبحث ونكتشف المعلومة لكن للاسف بالطريقة دى لسا قدامنا كتيييييييييير قوى علشان نوصل وايضا مناهج كلية الطب لانها مااختلفتش كتير عن مناهج صيدلة واعتقد دة الحال فى معظم الكليات
    5-واخيرا هاخصص ثمن كشف الطبيب وتكون لاتزيد عن 30 جنية وراتبة من المستشفى حوالى 400 جنية وبكفاءتة فى الشغل يقدر يترقى ويكبر ويزيد راتبة بدل الاستغلال اللى بنشوفة دلوقتى وكل ما كان التخصص كان اصعب غلت الفلوس دة حرام لان المريض مش هيروح الا لو كان فى امس الحاجة لية واللى اكيد هاعملة انى مش هاكتفى بكدة وانى هاتابع دة باستمرار وهانزل شخصيا فى جولات تفتيشية مفاجاة اسبوعيا للتاكد من تنفيذ افكارى والمعاقبة الصارمة جدا جدا للمخالف وهى تتراوح من الغرامة المالية الكبيرة الى الحبس وان تكرر الخطا يمنع من ممارسة المهنة نهائيا دون رجعة وهاقابل المواطنين واسالهم عن مقترحاتهم والحاجات اللى عاوزينها تتنفذ واسالهم عن تقييمهم ليا
    وانا مش هاحتاج غير ناس امينة تساعدنى وتحرص على نهضة بلدها وتمدنى بافكار ومقترحات دائما وتلومنى اذا قصرت
    ودى هى الصورة اللى نفسى اشوف عليها بلدى على الاقل فى مجال واحد الا وهو الصحى واتمنى انه يحصل قريب جدا جدا

صفحة 1 من 10 123 ... الأخيرةالأخيرة

المواضيع المتشابهه

  1. عاجل...زيارة وزير التربية و التعليم لمدرسة الخلفاء الراشدين
    بواسطة Dr Anonymous في المنتدى المنتـدى العـام
    مشاركات: 10
    آخر مشاركة: 08-04-2010, 03:11 AM
  2. مشاركات: 11
    آخر مشاركة: 05-01-2010, 01:01 PM
  3. قرار وزير التعليم العالى ان المتحانات تبقى اسبوعين بس؟؟؟؟
    بواسطة Dr/HULK في المنتدى المنتـدى العـام
    مشاركات: 18
    آخر مشاركة: 15-10-2009, 04:48 AM
  4. أمسية "الطريق إلى الامتياز " مجانآ لد. إبراهيم الفقى
    بواسطة عامر إبراهيم في المنتدى الجمـعيه العلميـه
    مشاركات: 2
    آخر مشاركة: 12-01-2009, 10:26 PM
  5. مشاركات: 15
    آخر مشاركة: 31-12-2008, 09:33 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •