مشاهدة نتائج الإستطلاع: مواصافات الكتاب الجامعى المثالى

المصوتون
26. أنت لم تصوت في هذا الإستطلاع
  • أرى ان يستبدل الكتاب الجامعى بمرجع عالمى معتمد او كتاب مرجعى بترقيم عالمى

    6 23.08%
  • أن يتضمن الكتاب جزء خاص بالباوربوينت الخاص بالمحاضرات

    18 69.23%
  • أن يتضمن الكتاب العديد من الإيضاحات الشارحة و الصور و الرسوم و الجداول المقارنة

    23 88.46%
  • أن يكون الكتاب مبوبا و مفهرسا بعناية بأرقام الصفحات و المواضيع و المصطلحات

    24 92.31%
  • أن يتضمن الكتاب ملحق خاص بالمصطلحات الخاصة بالمادة و تعريفها مختصرا.

    22 84.62%
  • أن يتضمن الكتاب أسئلة متنوعة و MCQ بعد كل باب للتقييم الذاتى

    24 92.31%
  • أن يتضمن الكتاب ملحق خاص بأسئلة الإمتحانات السابقة أو إمتحانات مقترحة

    20 76.92%
  • يشير الكتاب لعنواين مواضيع اضافية متعلقة بالموضوع كنوع من التعلم الذاتى له 5% من أسئلة الإمتحان

    14 53.85%
  • يستخدم الكتاب البنط و الأيقونات و الألوان لجذب اهتمام الطالب و تركيزه على نقاط او تطبيقات

    23 88.46%
  • يجب ان يشير الكتاب لبعض المواقع العلمية و الحكومية على الإنترنت للإستزادة عقب كل بابا

    15 57.69%
  • ان يترك ورقة ابيض كفاصل و لتدوين الملاحظات عقب كل باب.

    17 65.38%
  • أن يكون الكتاب الجامعى الخاص بالقسم معتمد من إدارة الكلية

    16 61.54%
  • يوجد بالكتاب إستبيان لتقييم جودته حسب معايير الجودة الخاصة بالكتب العلمية تسلم لإدارة الكلية

    15 57.69%
  • أن يشمل الكتاب سيرة ذاتية مختصرة عن عضو او اعضاء هيئة التدريس المعنيين بتدريسه

    12 46.15%
إستطلاع متعدد الإختيارات.
صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 21

الموضوع: كتب الصيدلة ...رأيك يهمنا

  1. #11
    Pharma Student
    تاريخ التسجيل
    Nov 2007
    الدولة
    منصورة
    المشاركات
    180

    افتراضي

    اشكر استاذنا الجليل الدكتور عطا ء الله على اهتمامه

    رايى هو

    كون وجود كتاب جامعى فى الاساس ده مشكلة فى حد ذاته

    معظم دكاترتنا سافروا بره وعارفين النظام ازاى

    مفيش حاجة اسمها كتاب جامعى اصلا

    هى مجموعة مراجع تتحدد فى بداية الدراسة والمحاضر يحدد المواضيع المطلوبة

    والطلبة تعمل بحث عن الموضوع الفلانى وبعدين تحصل مناقشة
    واللى مش يفهم حاجة طبعا يسئل المحاضر


    ثانيا ؛

    مهما بلغ بينا الفقر يا جماعة مش هنكون زى الهند(70% من السكان تحت خط الفقر)

    الهند بتاخد مراجع معينة للطلبة وتعمل منها نسخة اسمها نسخة الطالب

    وباسعار زهيدة جدا

    ثالثا : ايه قيمة الكتاب من غير المحاضرة (ده لو افترضنا ان فيه كتاب )

    مش معقولة يكون عليا محاضرة الساعة 9 الصبح لغاية واحدة بعد الضهر

    وسكشن الساعة 4 ونص ؟؟؟؟؟؟

    هل ده معقول؟؟؟؟؟ وفى نفس اليوم


    اذا قلنا ان فيه كتاب يبقى لازم شروطه كالاتى (من وجهة نظرى )

    لازم فهرسة علمية فى اخر الكتاب

    اشكال توضيحية ومش لازم نجيب الاشكال المعقدة نجيب اشكال كاريكاتورية توضح الفكرة خصوصا كتب الفارما والميكرو

    الدكتور حسن الراضى عامل كتاب كويس جدا

    والدكتور عطاالله كتاب الفيتو كويس برضو

    لكن ملاحظة على الكتابين هى صور النباتات

    بصراحة مش واضحة

    كتب الصيدلانيات بقى افضل كتاب بالنسبة ليا كان كتاب سنة اولى

    وجزء الدكتور حسن الصباغ كان كويس جدا وشرحه فى الكتاب كان جميل

    انا طولت ونفسى اقول كمان بس نكمل وقت تانى ان شاء الله

  2. #12
    Pharma Student
    تاريخ التسجيل
    Nov 2007
    المشاركات
    199

    افتراضي بسم الله الرحيم الرحيم

    فى البدايه شكر خاص للدكتور عطا الله على اهتمامه بما يشغل بال كل الطلبه وقربه منا دائما
    فعلا موضوع الكتاب الجامعى والدروس الخصوصيه من اهم المشاكل التى قابلتنى فى الكليه واكيد ده كان نفس الحال مع كل الطلبه
    على العموم انا اؤيد اراء معظم زملائى ان الكتاب طبعا لازم يكون بخط واضح وبأسلوب سلس وبسيط عشان يساعد على المذاكره ولا نضطر اسفين ان احنا نلجأ للورق لان اسلوبه سهل وعدده اقل وزى ما بنقول جايب من الاخر
    والاهم من كده يا دكتور ان دكتور الماده يشرح بنفس اسلوب الكتاب عشان نقدر نتابع معاه
    لان اللى بيحصل ان الدكتور فى لمحاضره بيشرح بأسلوب وتلاقى الكتاب بأسلوب تانى مليان رغى وحشو ويجيب العقد النفسيه سوررررررررى يعنى يا حماعه هيا دى الحقيقه
    مع جزيل الشكر والتقدير:اسماء ثالثه :

  3. #13
    Pharma Student
    تاريخ التسجيل
    Jul 2007
    الدولة
    Mansoura
    المشاركات
    8

    افتراضي

    عجبنى اوى كتاب المديسنال وكتاب الفارما . ياريت كنت اتعملت افتح الكتب واذاكر منها من اول سنه فى الكليه . ياريت كل الكتب تبقى زى الكتب دى . وبشوف ان احنا لازم نهتم بطلبلبة اعدادى علشان ده اللى بيحدد هو هيمشى ازاى بعد كده .

  4. #14
    Pharma Student
    تاريخ التسجيل
    Jul 2008
    المشاركات
    22

    افتراضي

    انا رايى مهم اوى ان يكون الكتاب ملخص من خامه جيده
    الطلبه تتجه لورق الدروس لان فيه الكلام اللى الدكتور بيقوله بالنص فمحدش بيبص للكتاب فليه الدكتور مايختصرش السكه وينذل ملخص اه على الاقل يوفر فلوسنا ومش المفروض ان اللى ينزل يكون مرجع م المراجع موجوده فى المكتبات و على النت
    انا بحس انه الكتاب عباره عن واجب على الدكتور فعشان يخلصه بسرعه يعمل copy&paste
    ويريح نفسه زى ما احنا بننقل حاجان كتير

  5. #15
    Pharma Student
    تاريخ التسجيل
    Oct 2009
    المشاركات
    100

    افتراضي

    انا ذى ما قلت لحضرتك قبل كده انا بدرس Software engineering ، عندى كتابين من دار نشر Head First التابعه لدار نشر O'Reilly ، الكتاب الاول :
    Object Oriented Analysis And Design
    http://www.headfirstlabs.com/books/hfooad/
    و ده الفصل الثالث من الكتاب مجانا للتحميل - 10 ميجا
    http://www.oreilly.com/catalog/hfobj...apter/ch03.pdf

    و الكتاب التانى
    Object Oriented Design patterns
    http://oreilly.com/catalog/9780596007126/

    الكتابين بيستغلوا طريقه عمل المخ و ال cognitive science فى انتاج شبه فيلم قصير ملىء بالصور و القصص و الاحداث و الفوازير و الغموض و كلاب بتهوهو و شركات بتنهار و اخطاء برمجيه تتسبب فى سرقه بنوك ... الخ عشان المنهج المرتبط بالقصه يلزق فى دماغك ، الكتب تخلوا من الفقرات ، مجرد تعليقات يعنى انا عمرى مانسى فى اول كتاب OO analysis & design رأس مقطوعه و محطوطه على الترابيزه و بتقول لنفسها it sucks to be abstract class without body ، الجمله دى بتخلص يعنى ايه abstarct class ، و فى منطقه تانيه من الكتاب أم بتدى ابنها الصغير للخادمه عشان هى رايحه للشغل عشان يشرح مبدأ ال Delegation فى البرمجه ، و تقطيع البيتزا عشان يشرح ال Composition ، و مادام فيه صوره و معلومه ، يبقى نص دماغك اليمين و الشمال هيشتغل ، كتب Head First بينصح بيها الاساتذه فى MIT و StanFord .

    لا تعليق على كتب الكليه

  6. #16
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة مصطفى فرغلى مشاهدة المشاركة
    انا ذى ما قلت لحضرتك قبل كده انا بدرس Software engineering ، عندى كتابين من دار نشر Head First التابعه لدار نشر O'Reilly ، الكتاب الاول :
    Object Oriented Analysis And Design
    http://www.headfirstlabs.com/books/hfooad/
    و ده الفصل الثالث من الكتاب مجانا للتحميل - 10 ميجا
    http://www.oreilly.com/catalog/hfobj...apter/ch03.pdf

    و الكتاب التانى
    Object Oriented Design patterns
    http://oreilly.com/catalog/9780596007126/

    الكتابين بيستغلوا طريقه عمل المخ و ال cognitive science فى انتاج شبه فيلم قصير ملىء بالصور و القصص و الاحداث و الفوازير و الغموض و كلاب بتهوهو و شركات بتنهار و اخطاء برمجيه تتسبب فى سرقه بنوك ... الخ عشان المنهج المرتبط بالقصه يلزق فى دماغك ، الكتب تخلوا من الفقرات ، مجرد تعليقات يعنى انا عمرى مانسى فى اول كتاب OO analysis & design رأس مقطوعه و محطوطه على الترابيزه و بتقول لنفسها it sucks to be abstract class without body ، الجمله دى بتخلص يعنى ايه abstarct class ، و فى منطقه تانيه من الكتاب أم بتدى ابنها الصغير للخادمه عشان هى رايحه للشغل عشان يشرح مبدأ ال Delegation فى البرمجه ، و تقطيع البيتزا عشان يشرح ال Composition ، و مادام فيه صوره و معلومه ، يبقى نص دماغك اليمين و الشمال هيشتغل ، كتب Head First بينصح بيها الاساتذه فى MIT و StanFord .

    لا تعليق على كتب الكليه
    شكرا يا مصطفى على ملاحظاتك الجيدة. مفيدة للغاية..... خلينى اشوفك
    "من لا يتقدم يتقادم .. فلا بصمة و لا أثر"

  7. #17
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    الكتابين بيستغلوا طريقه عمل المخ و ال cognitive science فى انتاج شبه فيلم قصير ملىء بالصور و القصص و الاحداث و الفوازير و الغموض و كلاب بتهوهو و شركات بتنهار و اخطاء برمجيه تتسبب فى سرقه بنوك ... الخ عشان المنهج المرتبط بالقصه يلزق فى دماغك ، الكتب تخلوا من الفقرات ، مجرد تعليقات يعنى انا عمرى مانسى فى اول كتاب OO analysis & design رأس مقطوعه و محطوطه على الترابيزه و بتقول لنفسها it sucks to be abstract class without body ، الجمله دى بتخلص يعنى ايه abstarct class ، و فى منطقه تانيه من الكتاب أم بتدى ابنها الصغير للخادمه عشان هى رايحه للشغل عشان يشرح مبدأ ال Delegation فى البرمجه ، و تقطيع البيتزا عشان يشرح ال Composition ، و مادام فيه صوره و معلومه ، يبقى نص دماغك اليمين و الشمال هيشتغل ، كتب Head First بينصح بيها الاساتذه فى MIT و StanFord
    الكلام ده رائع ... انا اعشق النوعية دي من الكتب ... و اكيد بتجبرني علي التركيز حتي لو في فرع لا أتحمس عند القراءة فيه
    بس .... فيه مشكلة ...
    هو احنا اصلا مش متاح عندنا موضوع كتب الاقسام و المذكرات ....
    بس انا رأيي ان المفروض كتب الكلية تمرن علي القراءة من text book
    يعني .. لو الكتب اتعملت كلها " comic like books " ,,, هيبقي فيه gap كبييير جدا بين الطالب و الـtext book
    لانه اتعود علي صور و نكت و ألوان و قليل جدا من الكلام
    مممم هو الكتاب المفروض يجمع بين الاتنين ... متسألونيش ازاي ؟!!
    ممكن يتعمل مثلا زي ميكي جيب
    صور و الوان و لفتات مضحكة في البداية تاخد منها الbasics اللي المفروض تكون حاضرة في الذهن بخصوص مادة معينة و تدخلك في المود بتاعها
    و بعدين ... تستفيض في الموضوع بشكل منظم تدريجيا من اسلوب عامي الي رسمي الي علمي زي الـtext books
    و بعد كل فقرتين تلاتة حاجة تجدد التركيز , صور .. توصيل ... متاهة ... اختلافات لكن انت اللي بتحطها مش بتعينها
    ( يعني تفرق مثلا بين الـhorse shoe و الnormal sclerides برسم الlegnification و هكذا . . )
    واكيد النمط بيختلف في كتاب لاعدادي مثلا ... عن كتاب لبكالوريوس

    اعتذر عن الاطالة
    و السلام عليكم
    التعديل الأخير تم بواسطة BoNbOoNa ; 19-11-2009 الساعة 06:25 AM

  8. #18
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    طبعا بالإطلاع على موضوع "الدروس الخصوصية" و موضوع "ورق الكورسات جريمة ام غنيمة؟" وضح ان الكتاب الجامعى يعتبر عامل مؤثر فى زيادة الدروس الخصوصية و اللجوء الى ورق الكورسات.
    و نود هنا لمزيد من تدقيق تطلعاتهم للكتاب الذى يسد فجوة المعلومات فى أى مادة بطريقة شيقة و جاذبة لكم (حتى تأكلوه أكل) ان تشاركوا فى هذا الإستبيان. اذا كان لكم اراء اخرى او اضافية حول مواصفات الكتاب الجامعى او تناوله إداريا او علميا او ماديا فلا تترددوا فى المشاركة.
    "من لا يتقدم يتقادم .. فلا بصمة و لا أثر"

  9. #19
    Pharma Student
    تاريخ التسجيل
    Sep 2008
    المشاركات
    3,366

    افتراضي

    السلام عليكم
    ازى حضرتك يا دكتور يا رب تكون بخير

    جميل جدا جدا جدا من حضرتك انك تربط بين استفتاء الدروس والورق وتطوير الكتاب الجامعى.,
    بجد والله لو كل الدكاتره عملوا زى حضرتك كده ممكن مصر توصل لأنها تاخد حق الفيتو

    بالنسبه لعلاقه الكتاب بورق الدروس _مش الدروس لأن نسبه الطلبه اللى بتاخد دروس اقل من اللى بتشترى ورق لأن نسبه الاعتماد على الورق ممكن تكون واصله ل99.9 % _ فهى كبيره جدا,

    هأقول لحضرتك مثالين السنه دى بيمثلوا العلاقه بين الكتاب والدكتور والطالب وورق الدروس,
    لان اى استثناء من هذه العناصر سيمثل حلقه مفقوده فى هذه المشكله.,

    اول مثال جزء الفسيولوجى الخاص بصيدله تحديدا جزء د.حسن الكاشف و الصيدلانيات جزء د.حمدى عبد العليم

    الكتاب كالأتى

    ثمنه معقول جدا جدا ومناسب للكل.. يحتوى حرفيا على كل كلمه الدكتور بيقولها فى المحاضره واللى موجوده قدامنا على البوربوينت مع رسوم توضيحيه ...

    طول التيرم بأحضر كل محاضرات الفرع ومعايا الكتاب وقلم رصاص يمكن مجمل الزياده اللى كتبتها فى كل فرع كانت جمله

    والنتيجه انى لم اشترى ورقه واحده لأى فرع فيهم ..طول التيرم بأذاكر من الكتاب ومش مضايقه بالعكس مستريحه ومطمئنه جدا .,

    للامانه كل اللى اشتريته كانت تجميعه مراجعه فسيولوجى لأنى وجدت فيها الجداول بالاضافه ان كان فيه فرعين تانيين كميتهم كبيره .,

    بالنسبه لفرع د.حمدى فأنا والله لم اشترى ولا ورقه واحده له ..

    والحمد لله الامتحان كان من الكتاب ومن اللى د.حمدى بيقوله طول التيرم. والحمد لله النتيجه كانت امتياز فى المادتين

    المثال التانى هو كتاب العقاقير التيرم دا .,

    للأسف الكتاب لا يحتوى على اى شئ مما يقال فى المحاضره وللأسف لم نستطع بأى حال من الأحوال الحصول على البوربوينت..,

    انا بأحضر بالكتاب والنتيجه كل مره انى بأفضل اقلب فى الصفحات بسرعه على امل انى اجد ما اسمعه ولكن النتيجه انى باقفله واكتب عناوين وخلاص

    ومش معقول انى ارجع اذاكر من عناوين وبس

    الفكره ان الكتاب فعلا محتاج تغيير ومحتاج اهتمام لأنه بدايه

    حل مشكله الورق والدروس دى بطريقه كبيره جدا..

    مره تانيه بأشكر حضرتك على اهتامك واعطائنا فرصه اننا نقول رأينا., واسفه على الاطاله

  10. #20
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة منى نور مشاهدة المشاركة
    الفكره ان الكتاب فعلا محتاج تغيير ومحتاج اهتمام لأنه بدايه

    حل مشكله الورق والدروس دى بطريقه كبيره جدا..
    و جزاكم مثله يا منى نور و شكرا على هذه المشاركة المتميزة.
    نريد من الطلاب مزيد من الدخول على هذا الإستبيان و الاستبيانات الاخرى (الإرشاد الأكاديمى - العشرة الأوائل - ورق الكورسات) بكثافة كبيرة لأنى أريد أن اقدم تقرير عن هذه القضايا و الإستبيانات للأستاذ الدكتور حسن الكاشف عند تواجدى فى مصر هذا الصيف ان شاء الله.
    "من لا يتقدم يتقادم .. فلا بصمة و لا أثر"

صفحة 2 من 3 الأولىالأولى 123 الأخيرةالأخيرة

المواضيع المتشابهه

  1. رأيك ايه في فصل السكاشن ؟؟؟؟؟؟؟
    بواسطة Ramy Saad في المنتدى منتدى المناقشات
    مشاركات: 77
    آخر مشاركة: 09-01-2012, 08:35 PM
  2. ايه رأيك فى اللى انت عملته فى نفسك؟ (رأيك مهم)
    بواسطة a_elkamhawy في المنتدى المنتـدى العـام
    مشاركات: 9
    آخر مشاركة: 01-08-2009, 01:10 AM
  3. ...رأيك يهمنا...
    بواسطة same7 في المنتدى الفرقة الاولى 2009
    مشاركات: 4
    آخر مشاركة: 07-07-2009, 03:06 AM
  4. رأيك يهمنا فى استبيان الأداء التدريسى
    بواسطة Dr. Atallah F. Ahmed في المنتدى التطوير المستمر لكليات الصيدلة
    مشاركات: 6
    آخر مشاركة: 18-05-2009, 09:57 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •