مشاهدة نتائج الإستطلاع: هل تثق بأهمية الصيدلة الإكلينيكية؟

المصوتون
82. أنت لم تصوت في هذا الإستطلاع
  • بالطبع نعم!

    60 73.17%
  • لا أعرف!

    11 13.41%
  • لا أعتقد ذلك!

    11 13.41%
إستطلاع متعدد الإختيارات.
صفحة 5 من 5 الأولىالأولى ... 345
النتائج 41 إلى 47 من 47

الموضوع: ماذا تريد أن تعرف عن الصيدلة الإكلينيكية؟

  1. #41
    Pharma Student
    تاريخ التسجيل
    Sep 2011
    المشاركات
    14

    افتراضي

    السلام عليكم انا عاوزه اسال الدكاتره بس ايه هي مجالات عمل الصيدلي الكلينيكال المختلفه تماما دي وليه كلامكم عنها او عن عن طبيعة شهادته كلام عايم مش موضح اي حاجه الدكتور عامر تفضل مشكور ووضع الصيدلي تحت الميكروسكوب ومعرفناش بموضوعيه ايه بقي ميزة الكلينيكال يعني الصيدلي اسمه صيدلي والتاني دكتور صيدلي ده بيتكتب فين او مين اللي بيندهلك يا صيدلي او يا دكتور صيدلي. الصيدلي بيدي الدوا للمريض ويتمناله الشفا (ده لو افترضنا ان هو ده بس فعلا اللي بيحصل) والكلينيكال بيعمل ايه زياده ؟ اكتر احتكاكا بمعني ايه بالظبط بيكشف بسماعه ويطلب اشعه وتحاليل والا ازاي. الصيدلي بيسلم عالطبيب فالطرقه والكلينيكال اكتر احتكاكا بيه!برضه ازاي يعني بيقعد معاه فاوضة الكشف مش فالصيدليه ؟ الصيدلي بيمضي حضور وانصراف (وده لاثبات احقيته في الراتب الشهري)والكلينيكال مبيمضيش مبيقبضش يعني والا ايه؟ ونيجي للابحاث اللي اتعملت لاهمية الكلينيكال ليه مجبتش حاجه اتعملت فمصر او حتي فدولة عربيه ليه محدش من المشاركات كلها جاب تفاصيل عمل يوم للكلينيكال عشان نشوف الفرق فعلا وحتي فكلام حضرتك عن اهمية الصيدله الاكلينيكيه تطرقت للدور الطبيعي للصيدلي مش اكتر. انا لا اقلل من اهمية المجال بس محدش وضح مميزاته اللي تخلي الناس تدفع المبالغ الكبيره دي للسعي ليه كل اللي بيتكلم بيوضح سلبيات وظيفة الصيدلي فمصر وده عيب سيستم مش عيب فخريج الصيدله او الكورس اللي درسه واخيرا المقارنه غير عادله بالمره يادكاتره زي اللي بيقارن بين طالب فمدرسه حكومي وطالب فمدرسه لغات او انترناشونال مثلا ياريا يا دكاتره حد يشرح الفرق بواقعيه بدون مسميات او عن تجربه عمليه. *

  2. #42
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي

    و عليكم السلام ورحمة الله وبركاته

    مفيش تجربة عملية اد كده في مصر لسه يا دكتورة
    او كلام من ارض الواقع
    لان البرنامج لسه جديد
    و ملوش ملامح مستقبلية بعد التخرج واضحه غير السفر للخارج و حتى ده مش واضح بدرجه كافية
    حتى التعيين في الكلية للاوائل او الدراسات العليا كل ده مش واضح وكلام عايم زي ما حضرتك قلتي
    و لسه مطبقش في مستشفيات كتير في مصر

    نقلا عن احد زمايلنا اكبر مننا بسنة

    عن نظام كلينكال عن دكتور في مستشفى 57357
    قالهم ان الطبيب البشري بيعمل تشخيص للحالة وبيحدد نوع ال cancer و بيعمل report كامل للحالة
    وبعد كده الصيدلي الاكلينكي هو اللي بيحدد العلاج بالجرعات بتاعته ومواعيدها بالظبط
    حضرتك عارفة طبعا ان الجرعات خاصة في الاطفال بتتحسب عن طريق الوزن وليها حسابات تانية عشان لو فيه اي drug interaction
    بيكون الطبيب مش ملم بيها اوي

    لكن الصيدلي العادي (مبحبش اقولها على قكرة عشان بحس بتمييز )

    ده زي التكليف كده بتيجي الروشتات وهو يحضرها و يصرفها

    ده الفرق الاساسي بينهم
    بس طبعا في مجالات شغل تانية كتير طبعا للصيدلي الاهلي

    لو في استفسار او حاجة انا مجاوبتوش او حاجة حضرتك حابة تستوضحيها انا في الخدمة



  3. #43
    Pharma Student
    تاريخ التسجيل
    Sep 2011
    المشاركات
    14

    افتراضي

    مشكور يادكتور علي اهتمامك وردك اللي اسعدني لانه اثبتلي وجهة نظري. اثناء دراستنا فالكليه كل الدكاتره كانو دايما بيتطرقوا لموضوع الفهم الخاطئ لدور الصيدلي فمصر وان الصيادله اساسا دورهم ان الطبيب(او الفيزيائي لو هنتكلم مظبوط) بيشخص والصيدلي يوصف العلاج ويحسب الجرعات ويعطي تعليمات الاستخدام بناءاً علي التاريخ المرضي للمريض وكمان بيحضر الدوا نفسه وهو ده تقريبا اللي بيقوم بيه زميلك فمستشفي الاطفال. اتمني ان ينصلح حال المهنه وتمارس بشكلها الصحيح فكل مكان. لكن السؤال يادكتور طالما ان ملامح مستقبل القسم غير واضحه استناداً لكلام حضرتك سواء فمصر او فالخارج ايه اللي يخلي الطالب يكلف نفسه ويدفع ده كله وفالاخر وارد جدا انه يتخرج وميلقيش اي فرق ؟ وهل تنسيق القسمين واحد والا المصاريف دي بتعادل فرق فالتنسيق؟ وهل الدكاتره القائمين علي تدريس مواد الكلينيكال اصلا خريجين قسم كلينيكال والا هما نفسهم دكاترة الكليه ومعيدينها ؟ *

  4. #44
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي

    مشكور يادكتور علي اهتمامك وردك اللي اسعدني لانه اثبتلي وجهة نظري. اثناء دراستنا فالكليه كل الدكاتره كانو دايما بيتطرقوا لموضوع الفهم الخاطئ لدور الصيدلي فمصر وان الصيادله اساسا دورهم ان الطبيب(او الفيزيائي لو هنتكلم مظبوط) بيشخص والصيدلي يوصف العلاج ويحسب الجرعات ويعطي تعليمات الاستخدام بناءاً علي التاريخ المرضي للمريض وكمان بيحضر الدوا نفسه وهو ده تقريبا اللي بيقوم بيه زميلك فمستشفي الاطفال. اتمني ان ينصلح حال المهنه وتمارس بشكلها الصحيح فكل مكان.
    تمام كده
    هو زميلي بيقول نقلا عن دكتور في مستفى الاطفال لكن هو مبيعملش حاجو لسه
    مفيش حد اتخرج من كلينكال المنصورة حتى الان


    اقتباس المشاركة الأصلية كتبت بواسطة (Dr enas) مشاهدة المشاركة
    لكن السؤال يادكتور طالما ان ملامح مستقبل القسم غير واضحه استناداً لكلام حضرتك سواء فمصر او فالخارج ايه اللي يخلي الطالب يكلف نفسه ويدفع ده كله وفالاخر وارد جدا انه يتخرج وميلقيش اي فرق ؟ *
    اول حاجة عدم الرغبة في الوقوف في صيدلية او شغل ميديكال ريب
    تاني حاجة ان دايما اول ناس بتتخرج بيبقى ليهم فرصة انهم يشتغلوا في افضل اماكن عشان بتبقى كل اماكن او معظم اماكن الشغل فارغة مفيش فيها حد
    يمكن دول اكتر سببين


    وهل تنسيق القسمين واحد والا المصاريف دي بتعادل فرق فالتنسيق؟
    التنسيق واحد يعني اي طالب دخل كلية صيدلة ممكن يقدم كلينكال

    وهل الدكاتره القائمين علي تدريس مواد الكلينيكال اصلا خريجين قسم كلينيكال والا هما نفسهم دكاترة الكليه ومعيدينها ؟

    للاسف مفيش قسم كلينكال في الكلية
    اللي بيدرس نفس دكاترة الكلية
    هما طبعا في مواد كتير هي نفس المواد بس برده في مواد مختلفة
    المفروض يكون في قسم خاص لكلينيكال في الكلية عشان المواد دي
    المواد دي بتدرسها اقسام تانية زي الصيدلانيات مثلا
    و انا شايف معلش انها مش تخصصهم
    يعني مثلا في ماده اسمها clinical pharmacy
    بندرس فيها روشتات و تفاعلات ادوية مع بعض
    دي يدرسها قسم الصيدلانيات ليه ؟!


  5. #45
    Pharma Student
    تاريخ التسجيل
    May 2009
    المشاركات
    129

    افتراضي

    السلام عليكم
    لو سمحتم يا دكاتره : في واحده قريبتي عاوزه تدخل كلينيكال وسألتني عن مميزاتها ؟
    أنا عارفه ان كلينيكال دراستها حلوة أوي وان لها مستقبل بس بره مصر
    فعاوزه اعرف هي ليها شغل في مصر ولا لأ ؟؟
    وأنا كنت أعرف عن دبلومة الكلينيكال اللي بتتاخد بعد ما نخلص ولما سألت عليها د/ صالح الشرقاوي قالي انها تعادل ماجيستير في الصيدله الاكلينيكيه بالرغم من انها بتكون سنه واحده بعد التخرج وتكلفتها قليله ... علشان كده كنت عاوزه اعرف ليه بيدخلوا كلينيكال علشان أقدر
    أفيدها
    ؟؟ وهل فعلاُ بالدبلومه دي ممكن نشتغل كلينيكال؟؟؟

  6. #46
    Pharma Student
    تاريخ التسجيل
    Dec 2009
    المشاركات
    805

    افتراضي

    و عليكم السلام و رحمة الله و بركاته
    بالنسبة للدبلومة أنا قابلت واحدة في الصيدلية متخرجة سنة 2006 بتقول لي بقالها 3 سنين بتحاول تاخد الدبلومة مش عارفة ......مش عارفة علشان الإقبال عليها و لا السبب إيه؟؟
    ده اللي أعرفه عنها .....بالنسبة للشغل في مصر مش بيان للموضوع ملامح لأن مافيش دفعات اتخرجت غير ثقافة كلنيكل لسه مانتشرتش في الوسط الطبي قوي
    لكن كل حاجة علشان تتأسس بتاخد وقتها ..........دي وجهة نظري

  7. #47
    Pharma Student
    تاريخ التسجيل
    Jan 2012
    المشاركات
    3

    افتراضي

    شكرا يا دكتر عامر على المعلومات القيمة دى............. انا فى صيدلة عادية مش اكلينكال بس عاوزة اعلق على حاجة.........................
    دور الصيدلى فى الشغل الحكومى ان يبقى محصور على تناول الدواء وعدم تعاملة المباشر مع الدكتور المعالج دة نظام مفروض علية مش هوة اللى بيكسل يعنى................يعنى الذنب مش ذنبة دة ذنب نظام فاسد استمر 30 سنة وان شاء اللة هيتصلح مع الوقت............
    وعاوزة اقول حاجة كمان الصيدلى بعد التخرج المفروض انة على دراية كاملة بكل حاجة تخص الدوا (الجرعات والمواعيد وdrug_drug interactions ومع food وغيرة ........) واللى بيساعدة فى كدة كورسات الotc وغبرها
    فى حاجة كمان ...................
    يعنى اية بتاع صيدلة اسمة صيدلى وبتاع اكلينكال اسمة دكتور صيدلى ؟؟؟؟؟؟؟؟؟؟؟؟؟؟
    الكلام دة غير صحيح على الاطلاق.............وما لوش اى معنى انا اول مرة اسمعة
    انا لسة لحد الوقتى مش عارفة الفرق بين صيدلة واكلينكال اية؟؟؟؟؟؟؟؟؟لان اللى انت قولت علية دة هوة دة المفروض دور الدكتور الصيدلى العادى لكن احنا مش عارفين ناخد مكانا فى المجتمع حتى برة الشغل الحكومى
    -----
    اكيد كلينكال مهمة ................ بس للاسف احنا عاوزين برامج توعية بمهمتها الحقيقية وكمان مكانها فى المجتمع

صفحة 5 من 5 الأولىالأولى ... 345

المواضيع المتشابهه

  1. ساحة حوار الصيدلة الإكلينيكية 2010
    بواسطة BoNbOoNa في المنتدى أرشيف إكلنيكي 2010
    مشاركات: 1509
    آخر مشاركة: 27-07-2010, 09:46 PM
  2. ((ماذا تريد النساء؟؟؟))
    بواسطة monmona في المنتدى المنتـدى العـام
    مشاركات: 12
    آخر مشاركة: 15-07-2009, 01:30 AM
  3. ماذا تعرف عن صحه اللسان؟
    بواسطة Sincerity في المنتدى منتدى الصحه
    مشاركات: 5
    آخر مشاركة: 17-08-2008, 09:09 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •