اولا جزاك الله خيرا يا دكتور وربنا يبارك لحضرتك
انا برضو مشكلتى الكبرى مع الميكروسكوب
مفيش ولا مرة شريحة تظهر الا مرة واحدة بس ومتكررتش تانى
شكرا لك كثيرا يادكتور باهر
جزاك الله خيرا
ان ايضا اشتكي من الميكرسكوب
السلام عليكم اخوتي و احبائي
طبعا من كلامكم كلكم ان المشكلة الازلية هي الميكرسكوب
طبعا اني لا انفي ان هناك بعض الميكرسكوبات بها عيوب و دة كتر خرها لما نعرف ان هية بقالها كتير في الكلية و بتخدم كل يوم علي الاقل 500 طالب ( كل يوم ) يعني شغل من حديد ، و لا اخفي عليكم استعمال كل واحد فينا من درجة الاهمال حتي درجة الجدية و الحفاظ
و لكن هناك نقطة اخري و هذة مفاجئة
نسبة الطلبة التي لا تجيد الشغل علي الميكرسكوب تتعدي كثيرا عدد الميكرسكوبات العاطلة بمعني ان الطالب لا يعرف ان كان الميكرسكوب سليم ام لا .............. و الدليل ان الدكتور لما بيجي يظبتهولك بيشتغل
الموضوع كبير ..... جدا ............. لماذا؟
لان معظم الطلبة اما انهم خاليين من التركيز عند الشرح و انا لا اعرف السبب ، او هناك كسر في الوصلة بما في العقل و ما يطبق باليد او يري بالعين
بمعني ان الطالب يري ما لا يراه الدكتور او يفعل ما لا يفعله ........... بالختصار سوؤ تطبيق
ودة ياتي من اولا .......... ما تزعلوش ........... من اهمال ......... ليس اهمال يدوي .......... لا اهمال عقلي يعني الي انا بلاحظه ان الدافع عندكم قل وهذا يؤدي الي عدم الضغط علي نفسك للتمسك بالمعلومة او تنفيذما يقال .............. حتي لو لم تعرف تنفذ فانك لا تسال ......... و تستمر في التنفيذ الخاطئ حتي تستنفذ قواك و تصاب بالياس و تشتكي ..............
لا ........... الدنيا ليست كذلك و لا يجب ان تؤخذ هكذا
و نحن ناتي السكشن او المحاضرة ........... لا لكي نستعد الي امتحان عابر و انما ناتي لنتعلم .........
فارجوا اولا (الخلاصة):
1- التركيز الشديد مع الدكتور في كل ما يفعله بالميكرسكوب
2- تنفيذ ذلك بالحرف الواحد
3- عدم التهاون مع نفسك اذا شعرت بالتنفيذ الخاطئ و متابعة الدكتور في ذلك
4- اعادة ما تم عمله بعد تصحيح الخطا
5- اذا كان الميكرسكوب عطلان ............. مسرعا لابد ان تاتي باخر و اذا لم يكن هناك اخر اشتغل مع ذميلك
و لابد ان نعرف ان الميكرسكوب اداة وليس هو الهدف ............. و لكن اداة مهمة جدا
حضرتك معاك حق يادكتور فى كل كلمة
خصوصا ان الدافع قل
أولا أحب أشكرك ع فتح قناة تواصل بينانسبة الطلبة التي لا تجيد الشغل علي الميكرسكوب تتعدي كثيرا عدد الميكرسكوبات العاطلة بمعني ان الطالب لا يعرف ان كان الميكرسكوب سليم ام لا .............. و الدليل ان الدكتور لما بيجي يظبتهولك بيشتغل
ثانيا أحب أعلق ع النقطة اللى فوق دى بمثال عملى
احنا كطلبة منعرفش اذا كان الميكروسكوب سليم ولا بايظ فلو معرفناش نظبط بنقول ع طول ان الميكرسكوب بايظ
بس لو مفيش ولا ميكرسكوب بايظ محدش هيفكر فى الموضوع ده وهوه بيظبط
ثانيا الحمد لله أنا والجروب بتاعى حضرتك علمتنا ازاى نظبط الميكرسكوب صح
والسيكشن اللى فات معملنااش فيه حاجة خالص فى النص الأولانى لأن الميكرسكوب كان بايظ زى ما حضرتك قولتلنا العدسة مشبرة حضرتك اللى قولت مش احنا
ولما غيرنا الميكرسكوب بواحد من المتعانين فى الدولاب اشتغلنا لنص التانى كله
وكل واحد لواحده وطلعنا احنا التلاتة 9 شرايح صح طبعا لأن الميكرسكوب مساعدنا
طيب ليه الميكرسكوبات البايظة متتتصلحش ولو عمرها الافتراضى انتهى تتكهن
وهل احنا فى الامتحانات بنشتغل بالميكروسكوبات السليمة المتعانة ولا البايظة
وربنا يستر
السلام عليكم
اود ان ارد علي نقطة الميكرسكوبات المتعانة في الدولاب
اولا: حدث صيانة لجميع الميكرسكوبات في الاجازة الماضية
ثانيا: هناك بعض الميكرسكوبات الجديدة و هذة الميكرسكوبات تصان للامتحانات او لرفع شرائح السبوتس عليها لكي تري احسن صورة
ثالثا: لا يمكن ان اقول الا الحقيقة اذا كان الميكرسكوب عاطل ام لا خصوصا دي امانة علمية لكن اواجه في السكشن بالاستنفار الخفي و الزهق و كأن حدثت جريمة ان الطلبة استلمت ميكرسكوب اخر ...... او جايز هيتعب من المشوار لكي ياتي بواحد جديد
رابعا: اعتقد ان لا يوجد احد يفكر في نفسه و حريص علي مصلحته اكثر منك فلابد ان تصارع ......... نعم تصارع لكي تتعلم اذا كان التعلم مازال له قيمة عندك ............ و لو كان لا فلو سقت لك كلمات الدنيا فسيضيع الوقت هباء
بالمناسبة
هناك امتحان شيت السكشن القادم
يوم الخميس 6 / 11 / 2008 للمجموعة الاولي
و يوم الخميس 13 / 11 /2008 للمجموعة الثانية
و هيكون في introduction النظري فقط
اعتقد ان الدكتور صالح ابلغكم في المحاضرة و ارجو ايضا ان تبلغوا كل من لا يعرف
جزاك الله خيرا يادكتور وربنا يستر فى الشيت خصوصا ان احنا بندخل السكشن اصلا فاصلين بعد سكشن العضويه
الف شكر على اهتمامك يا دكتور انا كنت عاوز استفسر هو شيت العقاقير بتاع الاسبوع ده عن العملى بس لا عن النظرى الجزء اللى شرحه دكتور صالح ياريت اى حد يعرف يقولى وشكراااااااا