صفحة 3 من 3 الأولىالأولى 123
النتائج 21 إلى 26 من 26

الموضوع: فرصة عمل بالسعودية

  1. #21
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    طيب فى عقدين عمل .. فى الخبرا ..

    الراتب 3500 أساسى + 1 % مبيعات شهرى + السكن عليهم + استقدام الزوجة لو فى عليهم + تذاكر الطيران من هنا عليهم ..

    بالاضافة لشهر أجازة سنوية مدفوع الراتب ..

    إيه رأيك .. أقبل .. و لا لآ ؟؟

    و محدش له دعوة بالمكان ( الخبرا ) ... ليا ناس كتير هناك ..

  2. #22
    Pb Elite
    تاريخ التسجيل
    Apr 2007
    الدولة
    life prison
    المشاركات
    1,312

    افتراضي

    هى دى محتاجة سؤال ي دكتور ياسر طلما العقد موثوق فيه
    توكل على الله واقبل الراواتب فى النازل والهنود والبنجال واكلين الجو
    وعرفت ان السودانيين داخلين بتقلهم
    واسفة انى تدخلت فى امر ميخصنيش بس والله الرواتب فى
    النازل طبعا دا بسبب الصيادلة البنات بتنزل تشتغل بأى راتب
    اهى بتسلى نفسها وبتساعد فى احتياجات البيت
    ربنا معنا جميعا يارب وييسر لنا امورنا جميعا

  3. #23
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    اقتباس المشاركة الأصلية كتبت بواسطة dr/noony مشاهدة المشاركة
    هى دى محتاجة سؤال ي دكتور ياسر طلما العقد موثوق فيه
    توكل على الله واقبل الراواتب فى النازل والهنود والبنجال واكلين الجو
    وعرفت ان السودانيين داخلين بتقلهم
    واسفة انى تدخلت فى امر ميخصنيش بس والله الرواتب فى
    النازل طبعا دا بسبب الصيادلة البنات بتنزل تشتغل بأى راتب
    اهى بتسلى نفسها وبتساعد فى احتياجات البيت
    ربنا معنا جميعا يارب وييسر لنا امورنا جميعا
    عادى و الله يا دكتورة .. أنا كنت باخد رأيكوا ..

    بس أنا رفضته للأسف .. بعد ما قبلته و كنت بجهز ورقى ..

    قعدت مع الراجل السعودى .. و اتكلمنا سوا .. و بعدين الراجل الصراحة أبدى إعجابه بيا ..

    و قاللى عاوز يشغلنى فى شركة .. أو مصنع شركة .. مش مجرد صيدلية ..

    فقلتله على الدبلومة .. و كده .. قاللى خلصها .. و ابعتلى .. و أنا هظبطك .. ..

    طلع سعودى .. بس شكله من بلدنا .. جدع .. هههههههههه .. و خد تليفوناتى و ادانى تليفوناته .. و قاللى لو احتجت أى حاجة و إنت بتدرس كلمنى ..

    بصراحة استغربت الراجل ده .. و قلت شكله داخل على طمع

  4. #24
    Pb Elite
    تاريخ التسجيل
    Apr 2007
    الدولة
    life prison
    المشاركات
    1,312

    افتراضي

    اقتباس المشاركة الأصلية كتبت بواسطة ..::ciZar_Resala::.. مشاهدة المشاركة
    عادى و الله يا دكتورة .. أنا كنت باخد رأيكوا ..

    بس أنا رفضته للأسف .. بعد ما قبلته و كنت بجهز ورقى ..

    قعدت مع الراجل السعودى .. و اتكلمنا سوا .. و بعدين الراجل الصراحة أبدى إعجابه بيا ..

    و قاللى عاوز يشغلنى فى شركة .. أو مصنع شركة .. مش مجرد صيدلية ..

    فقلتله على الدبلومة .. و كده .. قاللى خلصها .. و ابعتلى .. و أنا هظبطك .. ..

    طلع سعودى .. بس شكله من بلدنا .. جدع .. هههههههههه .. و خد تليفوناتى و ادانى تليفوناته .. و قاللى لو احتجت أى حاجة و إنت بتدرس كلمنى ..

    بصراحة استغربت الراجل ده .. و قلت شكله داخل على طمع
    خير يا دكتور ءان شاء الله رزق وهيجى فى وقته
    (وعلمت ان رزقى لن يأخذه غيرى فاطمئن قلبى )

  5. #25
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    بمناسبة الحديث عن صيدليات النهدى .. و إنها أكبر مجموعة صيدليات ..

    حبيت أنقلكوا كلام واحد من اللى سافروا السعودية .. لعل و عسى حد ينتفع بيه ..


    زميلكم احمد منصور مندوب دعاية الرياض فارما
    شدني الكلام الموجود هنا عن النهدي وحسيت ان فيه لخبطة كتير فحبيت اقول اللي اعرفه يمكن يستفيد منه حد
    علي فكرة انا من الدفعة المحظوظة اللي اتقدمو لشركة النهدي السنة اللي فاتت-مارس - 2008ورفضنا نوقع العقود بعد ما اتقبلنا وعدينا الامتحان-اللي بالمناسبة امتحان صوري غرضه تلميع صورة ادارة الصيدليات في الشركة قدام الادارة العليا وسد خانات مصاريف وبس ده اللي عرفته بعد ماجيت علي السعودية دعاية وبقي لي اصحاب من ادارة وصيادلة الشركة-رفضناها بعد سؤالنا للناس اللي في الفيلد هنا زمايلنا اللي شغالين فعلا فلصيدليات
    النهدي بيدي مرتب متوسط الحال بالمقارنة بباقي الصيدليات فيه مجموعات هنا زي وايتس واوكسيجن وميركوري والمتحدة والحكمة النهضة اعلي منه فبدل السكن-تقريبا -بالفين ريال فلسنة-واعلي في الاساسي- 9 ساعات3500 فلشهر
    النهدي فيه سترس وعد انفاسك وريبورتات منك كل لحظة فليوم انت معرض لمخالفات واهانات من اول بياع الزبالة اللي لودخلك ومعجبوش منظرك يتصل علي الرقم المجاني اللي متعلق فلصيدليات وعلي الاكياس بمشرفك او مدير المنطقة ويزرك مخالفة لغاية السواق السواق السواق اللي بيجبلك الطلبية اليومية ودول فئة كان ليها الفضل في فصل عدد كبير من صيادلة النهدي الخلاصة انت ملكش سعر هناك زي ما سواق قالها مرة لصيدلي انتو العشرة منكو بقرش
    الصيدلي درجته الوظيفية بالشركة lb1ودي نفس درجة مراقب عمال في المستودع ده يديك فكرة عن الاهانة اللي مستنياك
    الصيدلي في النهدي ملوش زيادة سنوية وده بالرغم ان كل موظفين الشركة من اول عامل الكافيتريا لغاية الرئيس التنفيذي حتي لو اتعين من 6 شهور بس ليه زيادة سنوية كل علي حسب درجته ده معناه ان العامل اللي فلمستودعات لو قضي فلشركة 4 سنين بس هيعديك فلراتب ولسه هيسبقك طبعا بالمقارنة باي صيدلي حتي لو بقاله 10 سنين—ملحوظة صيدلي مبيعجزش يعني
    الصيدلي هو الشخص الوحيد فلصيدلية اللي شغال عامل وكاشير وحارس امن ومندوب دعاية ومساعد ومحاسب جوه صيدليته فظروف 12 ساعة 28 يوم فلشهر شغل بتتحسب عليك بالدقيقة مطلوب منك اداريات وورقيات تهد الجبال يوميا و كارت دخول وخروج بالدقيقة فضغط شغل اقل صيدلية 300 ذبون توصل لالف زبون فلصيدليات الكبيرة فليوم تتحمل اهاناتهم وسفالتهم ودلعهم عليك حتي بقيت هنا مشهورة بين الزباين انهم ياخدوا ارقام المشرفين ويتصلو عليه قدام الصيدلي لو بصيتله بصه معجبتوش وطبعا هتتظبط فمخالفة وعشان تاخد فكرة عن المخالفات
    لو مش لابس القميص اللبني اياه ابو ريالين ---500ريال
    لو دخنت سجاير او المشرف شم ريحة سجاير فلصيدلية او زبون بلغ انك بتشرب سجاير---500ريال وانذار اول
    التاني طبعا فصل مع حرمان مستحقاتك
    العمولة------مفيش حاجة اسمها عمولة هو بيديك 1000-2000 ريال اخر السنة عن السنة ---كلها ويقولك بوس ايديك واشكر ده لو كملت
    ملحوظة هاااامة جدا السترس والتارجت فصيدليات النهدي اكبر بكتير من
    الدعاية وبشكل لاعلمي ولا اخلاقي +منغير مقابل اصلا


    كلمة اخيرة معظم اللي سافرو مارس 2008 من الل اعرفهم قدمو استقالات وراجعين بلدانهم بتجربة رهيبة
    من اول تقطيع العقود دي حقيقة علي فكرة لغاية المعاملة غير الادمية لغاية زي مارحت زي ماجيت والباقي اللي مرجعوش معظمهم معجزين عهد تتراوح من 20000ريال الي 100000ريال بيكملو فلشركة عشان عليهم فلوس ليها تتخصم من راتبك بيبقي تقريبا 50% من الراتب تتخصم كل شهر لغاية ما تسدد بس خلي بالك احتمال كبير جدا تعجز تاني فلصيدلية الجديدة بالمناسبة التعجيز فصيدليات النهدي بقي ظاهرة لان معظم الصيدليات واسعة وضغط الزباين كتير +العهدة بيتحملها الصيادلة بس علي عكس المجموعات التانية مفيش عهد في معظمها او بيتحملها الطقم اللي شغال فلصيدلية كله عمال وصيادلة +مستودعات النهدي في ظل حكاية طلبية كل يوم دي بتضطر تمضي علي طلبية ومبتلحقش تجردها او تجردها علسريع كده + النهدي مبيسمحش لوجود عينة تجيلك انت تحطها تحمي بيها نفسك من التعجيز ولا حاجة دي فيها فصل علطول مع انه اجراء عادي جدا فكل الصيدليات الخاصة يبيعو عينات وبضاعة سليمة لحمايته من التعجيز عشان كده نادرا نادرا ما تعجز الصيدليات الخاصة ولو حصل بيبقي الف ولا الفين بالكتير ودي نقطة مهمة خلو بالكو لو صيدلية خاصة ممكن يبقي الباكيج اقل من النهدي بحاجة بسيطة بس انت مسموحلك تعمل صفقات وشغل بيدخلك مبلغ محترم جدا كل شهر توصل بيه لمستوي ممتاز +راحة الشغل والدوامات وده للناس اللي عاوزة تقعد فترة فلسعودية بتفرق معاهم وده فلنهاية هو اللي يهم اللي بيسافربرة اللي يهمه في الاخر هو بيحوش ايه (الفرق بين الصادر والوارد)(بين دخلك واللي بتصرفه وبتخسره)


  6. #26
    Pharma Student
    تاريخ التسجيل
    Sep 2007
    المشاركات
    220

    افتراضي

    برجاء قراءه هذا الموضوع اولا بالنسبه للسعوديه

    الهدف ليس كما يعتقد الكثيرين ابعاد الصيادله عن مصدر رزق ولكن الهدف النصيحه لمن يريد النصح

    والله عز وجل يعلم بما قلوبنا وبالتوفيق للجميع http://www.pharma-board.com/board/sh...%E1#post320522

صفحة 3 من 3 الأولىالأولى 123

المواضيع المتشابهه

  1. مقتل صيدلي مصري بالسعودية
    بواسطة بحلم ببكره في المنتدى المنتـدى العـام
    مشاركات: 12
    آخر مشاركة: 23-09-2010, 04:55 PM
  2. فرصة كورس Ccpgفى المنصورة 25\9
    بواسطة dr_baby في المنتدى قسـم الخريـجين
    مشاركات: 0
    آخر مشاركة: 09-09-2010, 01:49 AM
  3. فرصة عمل بصيدلية بالمنصورة .....
    بواسطة kim sam soon في المنتدى وظائف للصيادلة
    مشاركات: 0
    آخر مشاركة: 21-08-2010, 09:05 PM
  4. فرصة لعمل الخير
    بواسطة DR.BIBO في المنتدى المنتـدى العـام
    مشاركات: 1
    آخر مشاركة: 14-07-2009, 04:58 PM
  5. هل هناك فرصة ل.....
    بواسطة EverLasting في المنتدى المنتـدى العـام
    مشاركات: 8
    آخر مشاركة: 12-08-2008, 05:52 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •