الموضوع جمييييييييييييييييييل يا دكتور والله احنا كمان بنتقطع من اللي بيحصل لهم وأسرع رد فعل هو البكاء والدعاء، احنا مفيش في ادينا حاجة أكتر من كده للأسف...
احنا كمان مجتمعنا محتاج تصليحات كتيييييييير ... الناس نفسها لم يعد عندها حتي الدافع للخيرلما بقيت حاسة اني عايشة في عالم كله خداع وخصومات ومحرمات وبس ، نادر جدا لما أقابل حد محترم حد كويس عنده الأخلاق والمباديء..
موضوع الاختلاط والولاد والبنات واللي بنشوفه ده والله من غضب ربنا علينا...
للاسف الشباب ولاد وبنات اغلبهم معادوش بيفكروا غير في انه ازاي كل واحد يلفت نظر الطرف التاني
والله العظيم أنا عنت بقرف من الجو ده ..المفروض ان دي تصرفات عيال مراهقين واحنا دلوقتي في مرحلة الجامعة يعني فين العقل؟؟؟
بس المضوع بيبقي تعود لو الانسان عود نفسه علي الصح من الأول وهو صغيرعمره مهيعمل الغلط وهو كبير...
وحتة الموضة واللبس وكده الشياكة مطلوبة طبعا مش عشان حاجة أنا
أحب أكون شيك لنفسي مش لأي سبب تاني...
مفيهاش حاجة لما ناخد من الموضة اللي يناسبنا ولا يتعارض مع دينا وأخلاقنا
في بنات فاكرة ان الشياكة في اللبس المش محترم والله بالعكس
أجمل حاجة ان الجمال للبنت بالذات يزينه الاحترام والخجل والحياء لأن البنت هي رمز الحياء
فاذا سقط هذا الرمز سقط الحياء نفسه
ومش دي بس العيوب اللي في مجتمعنا ، بس دول اللي بارزين اوي
احنا فقدنا قيم كتير عشان همشنا دينا
وهمشنا أخلاقنا...
ربنا يهدي الجميع