صفحة 2 من 2 الأولىالأولى 12
النتائج 11 إلى 18 من 18

الموضوع: صيدلاوي من أول السطر

  1. #11
    chemist girl
    Guest

    Unhappy

    اقتباس المشاركة الأصلية كتبت بواسطة Mouri Ran مشاهدة المشاركة
    الندو اتأجلت يوم الاتنين .. يا رب تشوفي ردي يا رب ..
    بنفس التفاصيل (المكان والمعاد) بس يوم الاتنين مش الأحد..
    للاسف انا مش هروح
    ابقوا قولولولي عالمضمون

  2. #12
    chemist girl
    Guest

    افتراضي

    ها يا Mouri Ranقوليلي الندوه كانت عامله ايه؟واستفدتي والا لأ؟
    كان نفسي احضر........وقوليلي لو فيه ندوه تانيه

  3. #13
    Moderator
    تاريخ التسجيل
    Aug 2011
    الدولة
    Mansoura
    المشاركات
    1,631

    افتراضي

    أنا حضرت فعلًا .. مش عارفة فيه ندوة تانية ولا لأ بصراحة

    خلاصة اللي حصل:
    الندوة كانت من جزئين .. جزء من الساعة 11 وربع كدا للحد صلاة الضهر ودا حضر فيه 3 دكاترة .. أستاذ ورئيس قسم الميكروبيولوجي أ وائل النجار
    http://mudb.mans.edu.eg/muQA/QA/CVBu...D=21334&Lang=A
    وأستاذ في قسم الكيميا الحيوية أ ممدوح الششتاوي
    http://mudb.mans.edu.eg/muQA/QA/CVBu...D=21338&Lang=A
    ودكتور تاني كنت أسمع عنه بيدي كتير إعدادي اسمه سري عطا ودا جه متأخر.
    كلمونا عن الكلية وعن التغيير اللي بعد الثورة وعن مجالات صيدلة في الشغل وتاريخ الكلية والنشاط اللي فيها وصعوبته قبل الثورة وكمثال ازاي عانوا عشان بس يعملوا مسجد يصلوا فيه وكان الكلام في الفترة دي كله كلام عام واستقبلوا سؤالين تقريبا بس وأغلبية الأسئلة كانت عن كلينيكال وطبعا اللي قالوه كان نفس اللي اتقال هنا خمسين مرة ان لسا كلينيكال مخرجتش دفعات في المنصورة وان النظام دا مش ليه أي امتياز داخل مصر وخريجه زيه زي التاني لاننا مش بنطبقه لسا في المستشفيات وان الميزة بتكون برا ماديا في كل دول الخليج اللي بقت بتطبقه..
    وللصدق بس دكتور وائل هو من مؤسسي أسرة الحياة من أكتر من 30 سنة زي ما عرفنا من الدكتور التاني اللي كان معاه.

    دي الفقرة الاولى وبالنسبالي كانت حلوة في اني أقعد مع أستاذة كبار من كليتي زي دول ويكلمونا بكل بساطة وطيابة ويقولوا لنا لو عايزين أي حاجة أثناء الدراسة تعالوا لنا ويشيلوا الرهبة اللي ممكن تكون بيننا وبين استاذة الكلية بعد كدا.

    الجزء التاني كان ألطف وأهم وكان عن مواد الدراسة ونظامها حضره 3 استاذة بردو
    أ فاطمة النبوية من الكيميا العضوية http://srv63.mans.edu.eg/eu/QA/CVBui...1200062&Lang=A
    ودي كلمتنا عن مادتها (الكيميا العضوية) اللي هناخدها التيرم التاني مش الأول في إعدادي وكمان هناخدها في أولى وتانية
    وأ ناهد محمود من الكيميا التحليلية http://srv63.mans.edu.eg/eu/QA/CVBui...1201203&Lang=A
    ودي أكتر واحدة حبيتها (وكمان هتدرس لنا السنة دي )وبردو بخصوص مادتها اللي هي الكيميا التحليلية كلمتنا عن اللي هندرسه فيها في التيرم الأول إعدادي (ودي مادة منتهية ولازم نهتم بيها كويس عشان تيرم واحد ومش هيتعوض) وبردو هندرسها في أولى وتانية بعد كدا.
    وتالت دكتور هو أ جلال معتوق ودا من قسم العقاقير وبصراحة كان داخل جد شوية وقعد يتكلم كتير انا عن نفسي سرحت جامد بس كان بيقول كلام مهم وبيقول انتو كلكوا متفوقين وجايبين فوق 97 بس دا مش معناه تطنشوا لإن الي جايب 97 دا ممكن تلاقيه ساقط في الكلية وممكن تلاقيه جايب امتياز واننا لازم نشد حيلنا وما إلى ذلك يعني..
    وعموما التلاتة كلمونا عن أهمية حضور المحاضرات وانها الأساس في دراستنا وتلت اللي بييجي في الامتحان بيكون من المحاضرة مش من أي ورق أو مذكرات أو حتى الكتاب وقالوا أحسن شيء اننا نكتب معاهم وبعدين مثلا الأصحاب يقعدوا مع بعض وكل واحد يشوف ايه اللي ناقص في تلخيصه عن التاني .. وبردو أكدوا اننا منركنش في المذاكرة عشان منتعبش آخر السنة وعلى الأقل نحضر ونفهم كويس ونقرأ بس اللي أخدناه بعدها عشان مننساش..

    كنا قاعدين في مدرجنا بتاع إعدادي اللي في الدور الرابع ودا اللي هناخد فيه محاضراتنا والعدد كان كبير أكتر من كل اللي توقعته بصراحة.
    وعمومًا بعد اللي قلته دا اللي محضرش مفاتوش حاجة تقريبا خالص.. والمعلومات كان قليل منها اللي جديد وكل الفكرة كانت في دخولنا الكلية شوية وتعرفنا بمجموعة من أستاذة أعضاء هيئة التدريس.


    يا رب أكون أفدتك وإن شاء الله هنتقابل ونتعرف في الدراسة .

  4. #14
    chemist girl
    Guest

    Thumbs up

    ميرسي جدا ليكي
    بس قوليلي سجلتي فالمنتدى ازاي؟
    و رقم الكارنيه؟

  5. #15
    Pharma Student
    تاريخ التسجيل
    Feb 2008
    الدولة
    في رعاية الله
    المشاركات
    2,005

    افتراضي

    اقتباس المشاركة الأصلية كتبت بواسطة chemist girl مشاهدة المشاركة
    ميرسي جدا ليكي
    بس قوليلي سجلتي فالمنتدى ازاي؟
    و رقم الكارنيه؟
    ايوه برقم الكارنيه واسمك وهما بيتأكدوا من البينات وبيسجلوا حضرتك عالمنتدي

  6. #16
    Moderator
    تاريخ التسجيل
    Aug 2011
    الدولة
    Mansoura
    المشاركات
    1,631

    افتراضي

    أنا سجلت بالرقم اللي كان في الكشف الطبي .. الرقم الطويل دا اللي قدام الاسم .. مش عارفة هو بيكون رقم الكارنيه ولا لأ .. بس هو دا الرقم اللي لقيته ليا لإن طبعا مفيش كارنيهات دلوقتي خالص وانا بقالي أكتر من سنة نفسي أسجل ..
    لو طلع رقم الكارنيه مختلف هغير دا تاني بقى..

  7. #17
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    اقتباس المشاركة الأصلية كتبت بواسطة Mouri Ran مشاهدة المشاركة
    أنا سجلت بالرقم اللي كان في الكشف الطبي .. الرقم الطويل دا اللي قدام الاسم .. مش عارفة هو بيكون رقم الكارنيه ولا لأ .. بس هو دا الرقم اللي لقيته ليا لإن طبعا مفيش كارنيهات دلوقتي خالص وانا بقالي أكتر من سنة نفسي أسجل ..
    لو طلع رقم الكارنيه مختلف هغير دا تاني بقى..
    غالبا مادام اتقبل تسجيلك فى المنتدى بالرقم ده يبقى أكيد هو الـ id اللى هيبقى على الكارنيه ان شاء الله , اللى عاوز يسجل يسجل بقى بالرقم الطويل

  8. #18
    Pharma Student
    تاريخ التسجيل
    Sep 2011
    الدولة
    IN the life
    المشاركات
    467

    افتراضي

    شكرا ليكم
    انا اخيييييييييييييييييرا سجلت فالمنتدى وهعرف اقرا كل اللي فيه
    وانا فانتظار قبولي

صفحة 2 من 2 الأولىالأولى 12

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •