اشترك الان مجانا في اسرة (في الكلية)
بسم الله الرحمن الرحيم ..
يسعد اسرة ( في الكلية ) ان تعلن عن
فتح باب الاشتراكات الجديده في الاسره ..
بالاضافه الى تجديد اشتراكات و تحديث بيانات الاعضاء ..
فابنوجه الدعوه لكل طلبة كلية الصيدله .. و الغير مشترك بالاسره ..
اننا حنسعد جدا بأشتراكه معانا .. و اكيد ان شاء الله حيستفيد من اشتراكه في الاسره ..
زي ما احنا حنستفيد من نشاطه معانا ..
و ان شاء الله خلال فتره قصيره حيتم اضافة السي في الخاص بالاسره على الموقع للتعرف عليه ..
بنرحب بكل اللي يحب يشترك لأول مره .. من الفرق المختلفه لكلية الصيدله ..
و بنعلن عن مفاجأة لكل المشتركين الجدد ..
و هي ان الاشتراك من النهرده .. و لغاية اول يوم في الدراسه مجاني للجميع ..
( الاشتراك كان 7 جنيه على فكره)
و ده عشان نبدأ ان شاء الله الشغل و التحضير و الانشطه خلال النصف الثاني من الاجازه .
كل اللي عليكم هو ابداء نيتكم دخول الاسره من خلال الموضوع ده ..
و ارسال رساله خاصة ليا .. ( AlaDDin )
او الوصول ليا بأي طريقه ممكنه بقى ..
بتحتوي على
الاسم الثلاثي ..
الفرقة ..
رقم التليفون ..
الايميل ..
القدرات ..
( يعني لو حد بيعرف يرسم .. حد بيعرف يكتب مواضيع .. يكتب شعر ..
يعمل مصنوعات يدويه ..يا ريت اي حاجه من دي تتكتب )
( بالنسبه للبنات متقلقوش .. البيانات دي محدش حيحصل عليها ..
و لو حصل و تم استخدامها حيكون من قبل احدى بنات الاسره .. مش من قبل اي ولد .)
و بالنسبه لأعضاء الاسره القدامى بقى..
ارجوا من اللي مستعد للمشاركه الجاده خلال العام القادم و الاجازه ان شاء الله ..
تحديث بياناته .. و ابداء رغبته في كده ..
و برضه لغاية اول الدراسه تجديد الاشتراك مجاني .. ( انشالله ماحد حوش )
و برضه ده من خلال ارسال رساله خاصه ليا .. ( AlaDDin )
او الوصول ليا بأي طريقه ممكنه بقى ..
الاسم الثلاثي ..
الفرقه ..
رقم التليفون ..
الايميل ..
القدرات ..
( يعني لو حد بيعرف يرسم .. حد بيعرف يكتب مواضيع .. يكتب شعر ..
يعمل مصنوعات يدويه ..يا ريت اي حاجه من دي تتكتب )
و ده عشان نقدر نعمل كشف محدث بأسماء اعضاء الاسره ..
و نقدر نحدد من خلاله تقسيمة العمل .. و نبدأ ان شاء الله الشغل بقى .. عشان منتأخرش اكتر من كده..
و يا ريت جميع الاعضاء تبدأ في دعوة اصحابهم في الكليه للاشتراك ..
و تحاولوا تبلغوا كل اعضاء الاسره الغير موجودين على المنتدى او النت ..
و ممكن احد الاعضاء يحدث للتاني بناء على رغبته مفيش مشاكل ..
المهم ننتهي من الموضوع سريعا ..
شكرا للجميع .. و مستنيكم جميعا ..
و خليكوا فاكرين ..
ToGether we make the Difference
FilKolia Family
رد مع اقتباس
