خطر داهم لابد أن نتصدى له

[dr/M.Eldesoki]

أرجوكم ياجماعة بعد إذنكم ممكن نجتمع 5 أو 10 طلاب ونذهب للدكتور عبد المنعم على سوء السلوك
الذى بدى من بعض الطلاب فى المحاضرة السابقة
فيجب علينا الذهلب للدكتور عبدالمنعم للإعتذار له عما قد حدث منا لأننه قد قال بأنه قد يترك التدريس للفرقة الأولى هذا العام وبذلك فنحن سوف نخسر الكثير والكثير فكل منا يعلم قدر الدكتور ويعرف مدى سهولة امتحاناته وأنه ممتاز فى شرحه فبهذا قدعلمتم ما معنى كلمة خطر داهم وأرجو منكم تقبل الموضوع مع كل الإحترام والسلام عليكم ورحمة الله وبركاته.

[الدكتورة م]

عندك حق يا دكتور

[dr\sora]

انا شايفه ان الاعتذار مش هيفيد بحاجه.قبل كده اعتذرنا لد/طارق
دلوقتي هنعتذر لد/عبد المنعم؟؟و بعدين هنعتذر لدكتر مين تاني؟؟؟؟؟؟ احنا لازم نغير من اسلوبنا جوه المدرج.و نعرف قيمة الدكاتره اللى عندنا
و الا هنتعرف ف الكليه ب(دفعة الاعتذرات)

[د///*مطحونة*\\\]

انتوا عملتوا ايه؟
فى حد فى الدنيا يزعل دكتور عبد المنعم؟
لازم فعلا تعتذروله لانه بجد شخصية جميلة جدا
ونعم الاستاذ ونعم الدكتور ونعم المعلم
واكيد ان شاء الله يقبل اعتذاركم

احنا فى اخر محاضرة قال فينا قصيدة لسة عندى ومسجلاها لحد دلوقتى

[الدكتورة م]

يعنى لازم نعرف اسلوب كل دكتور ونتعامل معاه على اساسه يعنى فيها ايه لو هنسكت ساعة ونستفيد اكتر ما نيجى لمجرد الحضور وهما مش بياخدوا غياب اصلا فيا ريت نتفهم الوضع ونكون محل احترام جميع الدكاترة بالذات دكتور عبد المنعم من الدكاترة اللى يستهلوا بجد كده

[dr\sora]

يعنى لازم نعرف اسلوب كل دكتور ونتعامل معاه على اساسه يعنى فيها ايه لو هنسكت ساعة ونستفيد اكتر ما نيجى لمجرد الحضور وهما مش بياخدوا غياب اصلا فيا ريت نتفهم الوضع ونكون محل احترام جميع الدكاترة بالذات دكتور عبد المنعم من الدكاترة اللى يستهلوا بجد كده

و الله عندك حق يا دوك يعنى كمان مش معقول اننا نعمل زى الاطفال
نغلط ونعتذر و نرجع نغلط تاني و كأننا مبنتعلمش من اخطائنا
كمان كده اللي بيتكلموا دول بيظلموا زمايلهم معاهم

[فراشة الربيع]

والله يا جماعة انا مش عارفة اللى بيحضروا وطول ما هم قاعدين بيتكلموا طب جاين ليه علشان مش لاقين مكان تانى يقعدوا فيه
ولا على راى اللى قالها الميدان اللى تحت كانوا قاعدين فيه ولما بداوا يعملوا الاسانسير طلعوا المدرج

يا جماعة بجد لازم نلتزم واللى مش عاوز يروح المدرج او يحضر المحاضرة ما يروحش
السنة اللى فاتت احنا اعتذرنا لدكتور سرى والسنة دى لدكتور طارق ودلوقتى دكتور عبد المنعم
بجد ربنا يهديهم ويهدينا معاهم ولو فى حد فعلا رايح فعلا انا ممكن اروح بجد لانى بجد بحب دكتور عبد المنعم وبحترمه جدا وشرحه حلو اوى بجد
يا رب يسامحنا ومايزعلش مننا ويفضل معانا يكمل الترم
اسفة على الاطالة

[dr/M.Eldesoki]

فعلا هل فيه حد يزعل دكتور عبد المنعم ؟ المشكلة مش فينا احنا بنحضر المحاضرة وبنكون قمة فى الإنتباه معاه لكن فيه مجموعة من الطلاب لا أملك أن أقول لهم ربنا يهديكم بياخدو كورسات ومش عاوزين المحاضرة لكنهم عاوزيين يضايقونا بس بييجو يقعدو يتكلموا ويضايقونا ويضايقوا الدكاتره.

[Messi]

هوه معتش ورانا الا شويه عيال ؟؟؟؟؟؟؟؟

كل شويه واحد عامل نفسه فيها كبير و يقعد يستهبل في المحاضره
واحنا نروح نعتذر بداله

والاخر لو محدش اعتذر..... يبقي فيه غضب علي الدفعه
وانتوا فاهمين طبعا يعني غضب ع الدفعه .....

بصراحه انا زهقت
مش ممكن يكون فيه 10 عيال يضيعوا 1000 محترم ومحترمه

وانا مش هقول عليهم غير ((عيال))
لان الي مش يحترم استاذه يبقي لا يستحق مني الاحترام


وشكراااااااااااا

[samarالمصريه]

ياجماعه احنا كده موصلناش لحل احنا المفروض نقرر ونتوكل علي الله ونروح نعتذر للدكتور
اما الحلول التانيه ان احنا نغير اللي حوالينا في الوقت الحالي بتهيألي صعب ان احنا نغير طريقه تفكير حد
المهم ان احنا نخاف علي نفسنا من زعل الدكاتره لان احنا جربنا في اعدادي يعني ايه دكتور يزعل واتعلمنا من النبات وشفنا امتحانه
يعني نروح للدكتور ونفهمه اللي بيحصل علشان ماياخدناش بذنب غيرنا وخصووووووووووصا الدكتور عبد المنعم لان كلنا سامعين عن امتحاناته الجميله وكمان الشفوي وبعيدا عن الامتحان فهو محاضر متميز جدا واسلوبه رائع فياريت مانخسروش لانه اقسم في المحاضره انه ممكن يسيبنا لدكتوره اول مره هتشرح(مع كامل الاحترام) وياريت منضحيش بخبرته
وانا بجد فرحانه انكم فتحتوا الموضوع ده لانه مهم ولو مفكرناش فيه ممكن الحكايه دي تيجي علي دماغنا