التدريب فى الصيدليات

[الفراشة الرقيقة]

يا جماعة لو سمحتوا إحنا لو إتدربنا فى الأجازة دى هل هنستفيد ؟؟ الواحد نفسه يحس إنه دكتور هههههههههههه كل واحد يقول وجهة نظره

[Messi]

احنا ما نفرقش كتير عن (دبلوم الصنايع) حاليااااااااااا

سوري يعني في اللفظ......بس دي الحقيقه..

احنا ولا حاجه لسه......باستثناء بس ورقتين الفارما بتوع د.شحته..

وهم اساسا كمان مش مفيدين قوي...

التدريب الصح.....من بعد سنه تانيه فما فوق...

مش واحنا لسه في اعدادي..

[harypotter]

احنا ما نفرقش كتير عن (دبلوم الصنايع) حاليااااااااااا

سوري يعني في اللفظ......بس دي الحقيقه..

احنا ولا حاجه لسه......باستثناء بس ورقتين الفارما بتوع د.شحته..

وهم اساسا كمان مش مفيدين قوي...

التدريب الصح.....من بعد سنه تانيه فما فوق...

مش واحنا لسه في اعدادي..

مش معاك ياعليوة التدريب من دلوقتى هيفيدك فى دراستك
وحكاية انك مش عارف حاجة الوقتى دى متفرقش كتير
انتا عايز تكتسب خبرة فى المجال بتاعاك
وبعدين لازم تبتدى من الاول كدة علشان تبقى خبير فى مجالك

[BoNbOoNa]

انتا عايز تكتسب خبرة فى المجال بتاعاك
وبعدين لازم تبتدى من الاول كدة علشان تبقى خبير فى مجالك

وبأزن الله انا هجرب من السنة دى ومتاكد أنها هتفرق معايا

تمام اوي . . اكتر رد عجبني في الموضوع
استمر علي نفس التفكير و ربنا يوفقك ان شاء الله

في حاجات كتيـر جدا ممكن تتعلموها في الصيدلية بغض النظر عن الدراسة
زي نظام الادارة في الصيدلية و المخزن ... يعني ايه طلبية و يعني ايه مرتجعات ..
التعامل مع الناس سواء مرضي - مندوبين - زمايلك في الصيدلية
تتعودوا علي خط الدكاترة الرائع و تبدأ تفك الخط و تصرف روشتات
تاخدوا فكرة عن قياس الضغط و السكر
تعرفوا أماكن الأدوية في الصيدلية لأن كل صيدلية ليها استراتيجية خاصة في ترتيب الأدوية
النقطة الأخيرة دي مهمة ،
لو هتنزلوا في نفس الصيدلية اللي هتتدربوا فيها كمان سنتين ان شاء الله ركزوا علي اماكن الدواء عشان لما يبدأ التدريب في تانية و تالتة ان شاء الله تكونوا ملمين بأغلب اماكن الأدوية و بكده تكونوا قطعتوا شوط كبير و تدخلوا علي الجد علي طول .. مش لسه هتدوروا المضاد الحيوي فين و الأقراص فين طب و حقن التلاجة فين ... الخ
و علي فكرة التدريب بيسهل الدراسة شوية بعد كده لأن اسامي ادوية كتير بتبقي already مرت عليك قبل كده في الصيدلية فسهل تعرفها
كنت بفرح أوي لما دكتور يقول اسم دواء في المحاضرة و انا افتكر اسمه و افتكر لون العلبة و ممكن كمان افتكر موقف مضحك حصل مع الدواء ده

بجد هتفرق معاكم كتير ، و ده عن تجربة
ممكن تقرأوا ملخصها من هنا : http://www.pharma-board.com/board/showthread.php?t=10631

و في الموضوع ده حلو أوي ، ممكن تاخدوا منه فكرة عن قراءة الروشتات : http://www.pharma-board.com/board/showthread.php?t=10197
معرفتش اشارك فيه الا بعد ما وقفت فترة في الصيدلية

و علي فكرة انا اللي بيقف معايا في الصيدلية 3 بنات .. محدش فيهم من صيدلة
مستخفوش بدبلوم الصنايع بالذات لو عنده خبرة ... هتلاقوهم اساتذة ما شاء الله بالذات في قراءة الروشتات ..
استفيدوا من أي حد حتي العامل اللي بينضف و حاولوا تجمعوا خبرة علي أد ما تقدروا

ربنا يوفقكم ان شاء الله يا اعدادي سابقا - أولي حاليا

[مهداه]

احنا ما نفرقش كتير عن (دبلوم الصنايع) حاليااااااااااا

سوري يعني في اللفظ......بس دي الحقيقه..

احنا ولا حاجه لسه......باستثناء بس ورقتين الفارما بتوع د.شحته..

وهم اساسا كمان مش مفيدين قوي...

التدريب الصح.....من بعد سنه تانيه فما فوق...

مش واحنا لسه في اعدادي..

انتوا بتقولوا فيها
دا حتى بتاع الدبلوم ده لو واقف ف صيدليه هيبقى احسن بكتير
هبقى افكر معاكوا ف الموضوع ده بكره
مستقبل مشرق ف كليه صيدله
واجازه ممتعه بره كليه صيدليه

[harypotter]

أهية الدكتورة فى تانية ودا رأيها وأحنا لسة فى اعدادى يعنى الفرصة لسة قدمنا يبقى لازم نتدرب عملى ولا أية؟؟؟؟؟؟؟؟؟؟

[cefzil]

طيب احنا هنروح ندرب ازاااااااااااااى ...... يعنى هنروح نقولهم ايه

[LOVELY BIRD]

انا رايي اننا مش ننزل صيدليه دلوقتي
يعني معقول الصيدلي هيدربنا بنفسه لا طبعا هيسيب واحد بدبلوم ولا بكالوريوس تجاره يعمل علينا دكتور وممكن حد كمان يسالنا في حاجه لما يعرف اننا في صيدله وطبعا_هنرد_وهيبقى منظرنا حلو اوي


بيتهيالي نستنى سنتين ولا حاجه لما نبقى قربنا نبقى دكاتره

[AbU ElKhAiR-Let`s Go]

بصراحه اعتقد ان التدريب هيدينا خبره كبيره جدا
وهيفيدنا كتير
وخصوصا لو حاولنا نستفيد بأكبر قدر ممكن

[M.32L]

ياجماعه بالراحه شويه موضوع التدريب ده مالوش لازمه حالا زى ماقال عليوه ودكتوره مهداه احنا ماخدناش حاجه لها دعوه بالتدريب والوقوف فى الصيدليه لسه بدرى اووى اووى على التدريب عشان تتدرب عاوز شهر او اكتر بعد ما تكون اخدت لمعلومات اللى تأهيلك للوقوف فى الصيدليه انت حالا صغير اووى انك تقف فى الصيدليه اولا هتقف شهرين هتتعلم فيهم كم رهيب لانك مااخدتش حاجه لسه تانى حاجه هيتنسوا على ماتوقف تانى و مش هاتتعامل كويس لانك لسه ولا حاجه عشان تقف بالنسبه للصيدلى او (اى شخص تانى بيوفق فى الصيدليه)يعنى بهدله ومالهاش لازمه ولسه بدرى عليها اووى احنا كان بيجى يتدرب عندنا دكاتره فى تانيه ونالته وكانو لسه لايتلكموا اى خبره توهلهم لانهم بيبعوا حبايه كتيوفان حتى الموضوع ده عاوز تفكير كويس لانه مش سهل خالص مش مجرد انى اقف ابيع وخلاص بس هبيع ايه صدقونى الموضوع صعب ومش سهل هاتخد وقت عشان تعرف مكان الاصناف وترتيب بس مش عشان تبيع او نوصف او تقرا روشته او تحليل او ........ويكون عندك القدره لتنظيم الدوا للمريض واعطائه بديل الدوا المكتوب الافضل (لو كان مش ملائم ) ومحتاج صبر وخبره ووقت صدقونى لسه بدرى على الموضوع ده