استفسارات خاصة بالدعاية

[drsherbiny]

متشكرة جدا جدا يا دكتور علي ردك وجزاكم الله خيرا

تحت امرك

فعلا في ناس قالولي سيجما طالبة ناس .... هي سيجما اللي عند حي الجامعة تقريبا

ايوة حي الجامعه عماره شركة سيديكو الدور الرابع او التالت وهناك بردو ايبكس ومالتي ايبكس شركتين محترمتين

وياريت تقولي رايك في فاركو

هيا شركه محترمه كبدايه والايمدج بتاعتها حلوه ووادويتها واكله السوق بلا شك وده ميزة وعيب في نفس الوقت

ميزة: التحقيق بيكون سهل انشاء الله بشويه مجهود
عيب: المندوب لا يهتم به هناك لان وظيفته تعتبر كماليه الي حد ما وده بيظهر ف ان المرتب قليل شويه ومفيش عربيه

بس كبدايه جميله جدا ويمكن النقل منها لشركه اخري اعلي في الماديات بسهوله وخصوصا لو دخلتي فاركو بي
وهيا احد فروع فاركو المتخصصه في الانتي بيوتك فقط

ربنا يوفقك للخير دايما وتدل الناس ع الصح

امين يا رب

واسفين ع الازعاج والاسئلة الكتير

I am in ur services

[dr..asma]

مش عارفة أشكر حضرتك ازاي يا دكتور ربنا يوفقك ويباركلك ف شغلك ..... هي فاركو قالولي لسا هيحددوا معاد الانترفيو ولسا مردوش ...
وسيجما رحتها النهارده وقالولي هما حاليا مش محتاجين بس قالولي هاتي السي في بتاعك ...
متشكرين جدا يا دكتور علي تعبك وجزاكم الله خيرا

[drsherbiny]

You Are Wellcome

[محمد أبوبكر خفاجى]

كنت عايز اسال عن شركة المهن الطبية؟؟

[drsherbiny]

كنت عايز اسال عن شركة المهن الطبية؟؟

لو مش قدامك غيرها روح بس تحط في بالك انها بدايه بس ومتطولش فيها وانته فيها ابدا اعمل انترفيوهات في اماكن تانيه
مشاكلها الحرق فيها كبير وهيا شركه سامبل يعني تخش بكراتين السامبل للدكاتره وخلاص

[swordfish]

طب يادكتور بالنسبة للشركة المتحدة ايه هى طبيعة العمل فيه بالنسبة للصيادلة كمندوبين بس ؟

[elektra]

سؤال ضرورى يادكتور وارجو الرد بسرعة
اية افضل شركة ايفا فارما ولا ايبيكو ولية بالضبط ولو عندك معلومات عن المرتب والتفاصيل هنا وهنا يبقى تمام اوى
شكرا مقدما

[dr/noony]

موضوع رائع جزاك الله كل خير يا دكتور
انا نفسى اشتغل m r بس مستنية فرصة كويسة
ربنا يسهل ويوفقنا كلنا يارب

[dr..asma]

سلام عليكم والله يادكتور انا حاولت اشتغل ميديكال ريب بس للاسف مابيرضوش بالنقاب وبعد ما خلاص فقدت الامل اتصلت عليا شركة سيديكو بعد مااشتغلت شهر ونص ف صيدلية ..بس عايزين ورقة اني متنازله عن التكليف ياريت توضحلنا رايك ايه ف موضوع التكليف وهل كل الريب بيتنازلو عن التكليف وشكرا ع الموضوع .........

[drsherbiny]

طب يادكتور بالنسبة للشركة المتحدة ايه هى طبيعة العمل فيه بالنسبة للصيادلة كمندوبين بس ؟

انا بعتذر لزملائي عن التاخير في الرد لانشغالي ببعض الامور الخاصه بعملي
الشركه المتحد للصيادله هيا شركه معتمده لتوزيع الادويه علي الصيدليات والمخازن طبيعه عمل الصيدلي فيها بيكون اختيارين
اما مدير تيلي سيلز وده بيكون مدير للموظفين اللي بياخد طلبات الصيدليات والمسئول عن تنفيذ الطلبات دي
صيدلي الفرع وده بيكون صيدلي كبير سنا غالبا
اما مندوب في شركه المتحده اول مره اسمع عن الموضوع ده
-----
[

سؤال ضرورى يادكتور وارجو الرد بسرعة
اية افضل شركة ايفا فارما ولا ايبيكو ولية بالضبط ولو عندك معلومات عن المرتب والتفاصيل هنا وهنا يبقى تمام اوى
شكرا مقدما

انا اسف اني رديت متاخر جدا بس دي كانت ظروف بجد

في فرق شاسع جدا ما بين الاتنين في كذا حاجة

الاتنين شركتين مصريتين الاتنين منتجاتهم قويه الاتنين منتجاتهم معروفه وشغاله جدا
الفرق بقه ايبيكو الادويه ارخص الادويه اساس مش محتاجه كلام المندوب وظيفته انه بيدخل بكراتين السامبل للدكتور الاهتمام بالجانب العللمي مش تمام اوي الاسترس فيها مش عالي غالبا في تحقيق


ايفا شغلها طحن شويه عدد الزيارات اكتر شركه معتمده زي اغلب الشركات علي السرفسه عالادويه والمؤتمرات وكده فيها استرس عالي شويه

المرتباب الكل بيتجه للزياده دلوقتي اخر حاجة سمعتها عن ايفا ان المرتب بالاكسبنسات بيوصل 2900 ايبكو مرتبها ضعيف شويه كانو بيقولو في زياده الله اعلم

العربيه ايفا بتدي فيرنا بعد 3 شهور الي 6 شهور ايبيكو كانت بتدي لانوس تقريبا

شوفي بقه حسب المعلومات دي اه المفضل ليكي وتوكلي علي الله



في الاخر احب ااقولك قبل ماتدخلي اي شركه اعرفي الدوا الاول اللي هتشتغلي عليه
-----

موضوع رائع جزاك الله كل خير يا دكتور
انا نفسى اشتغل m r بس مستنية فرصة كويسة
ربنا يسهل ويوفقنا كلنا يارب

الفرص كتير يا دكتورة اهم حاجة تعملي سي في وتوزعي كوبي منه علي الشركات اللي انتي عاوزة تشتغلي فيها وربنا يوفقك ويحققلك امنيتك
-----

سلام عليكم والله يادكتور انا حاولت اشتغل ميديكال ريب بس للاسف مابيرضوش بالنقاب وبعد ما خلاص فقدت الامل اتصلت عليا شركة سيديكو بعد مااشتغلت شهر ونص ف صيدلية ..بس عايزين ورقة اني متنازله عن التكليف ياريت توضحلنا رايك ايه ف موضوع التكليف وهل كل الريب بيتنازلو عن التكليف وشكرا ع الموضوع .........

موضوع التكليف ده عامل مشاكل كتير قوي للراغبين في الدعايه الفكره ببساطه ان شركه الادويه بتامن عليك والحكومه بتامن عليك ومينفعش يتامن عليك مرتين بالاضافه ان ده ضامن انك مش تسيبيهم بعد ما تاخد تدريب معاهم وكده

انا عن نفسي مقدمتش في حركه تكليفي وطلعت ورقه واديتها للشركه بس ممكن الرجوع والتقديم في الحركه الجايه لانك ليك فرصتين


الناس بتعمل اه في الموضوع ده بقه ؟؟؟

اولا قوليلهم انك لسه متخرجه وانك متكلفتيش اساسا وانك مش هتعرفي تجيبي الورقه الا لما تبدا حركه التكليف

في احتمالين ياما يكبروا دماغهم لحد اما تيجي حركه التكليف يا اما يصروا علي انك تجيبيها ويقولولك اصرفي

في الحاله دي هتروحي وزاره الصحه تطلعي ورقه انك لغيتي تكليفك مختومه بختم الوزاره وتوقيع مدير عام تكليف الصيادله وتديها للشركه بس لازم تعرفي ان الورقه دي ملهاش لازمه يعني ولا كانك لغيتيه اساسا ولو جات حركه التكليف هتلاقي اسمك عادي جدا فهبا نقدر نقول عليها اشتغاله

في ناس بقه بتجيب الورقه دي بعدين بتقدم في التكليف عادي من غير الشركه متعرف وتستلم التكليف ومتستلمش جواب التامين ومتروحش التكليف او تزوغ منه او تجيب عقد وتاخد اجازة بس تحايل يعني


في الاخر هقولك في بعض الشركات مش بتسال علي التكليف ولا بتعوز الغائه زي سيجما

وربنا يوفقك وانا تحت امرك في اي استفسار