الامتحانات

[د\بوسى ربيع]

بسم الله الرحمن الرحيم

من يومين كده بدانا نسمع خبر فى الكليه بيقول ان الامتحانات هتكون فى اسبوعين علشان يعوضونا عن الاسبوعين الاجازه نفسى افهم ايه علاقه ده بده بس ما علينا وان اللايحه دى هتتعلق فى مكان ظاهر علشان نشوفها وان ده قرار وزير التلعيم العالى طب ف شويه نقط ياريت اى حد يوضحهلنا

اولا -هنخلص العملى امتى لما نمتحن فى اشهر 12

ثانيا ازاى هنتمتحن 3 مواد فى اسبوع واحد واربعه فى الاسبوع التانى اى عقل هيستوعب ده احنا على ما بنرجع بعد الشفوى بيكون الساعه على الاقل 5 هنلحق نذاكر ماده فى اقل من يوم ونصف ده طبعا على اعتبار اننا راجعين كلنا نشاط وحيويه

ثالثا وده الاهم ازاى السبع دفعات دول هيمتحنوا على يومين يعنى نقول كل يوم 3 دفعات الزحمه فى الكليه هتكون فظيعه كاننا بنعمل حفله لانتشار وباء انفلونزا الاخنازير

رابعا بقى ايه الفايده اللى هتعود علينا من كل ده لو هى الاجازه احنا متنازلين على الاجازه بدال بدانا الدرسه ليه مش كل حاجه تمشى طبيعى احنا مش هنستفيد حاجه من اجازه واحنا مضايقين جدا بس نتيجه وحشه

سورى جدا على الاطاله بس ياريت اى حد فاهم يفهمنا

[Larine_Resala]

انا اكرملي تجيلي الانفلونزا عن اني امتحن كل يومين

دا احنا بالمنظر دا مش هنلحق نخلص اي حاجة


بالنسبة لطلبة اعدادي مش فارقة معاهم لانهم مش بيمتحنوا شفوي فممكن ينزلوهم يمتحنوا ع الساعة 12 انما الباقي يعملوا ايه خصوصا ان احنا بنمتحن نظري وشفوي يعني لما تكون امتحاناتنا كل يومين هنلحق نمتحن امتى؟؟؟؟؟؟؟

[rose_pharm]

وانا بردو معاكي يا دكتورة بوسي ومنتظرين الرد

ويارب يكون رد قاطع وواضح عشان الكلام كتير ويضايق

[عبدالله عبدالرحمن]

طبعا الموضوع مستفز جدا
وفى عدم مراعاة للطلبة
او حتى معايير الجودة اللى قاعدين يقولوا عليها
بس قبل مناقشته
هل تقدر نعمل حاجة
يعنى
لو قلنا لأ حد هيعبرنا
ولا الموضوع هيبقى ساحة للنواح والغضب وخلاص
انا مش شايف اى حلول
طالما الموضوع جاى من الوزير..
يبقى الموضوع خرج منم ايد الكليات
ده محتاج حاجة كبيرة اوى عشان نمنع الموضوع
و لو كان عندنا اتحادات طلابية قوية بما يكفى للتعبير عن الطلاب
كان ممكن الصوت يبقى قوى ويوصل
ولكن..
انتم اعلم بالواقع
لو فى اى حاجة نقدر نعملها انا مشترك
مثلا تكتبوا ورقة وتوقعوا عليبها بالرفض
او تقديم شكوى للمجلس الأعلى للجامعات
هو ده الحل
طالما ان الجامعة مقدرتش تعترض على قرار سيادته

[Larine_Resala]

انا اللي عايزة افهمه ازاي قرار واحد يمشي على جميع الكليات وكل كلية ليها نظامها

هما فاكرينا زي الكليات النظري مجرد كلمتين يتكتبوا في الورقة والسلام؟؟؟؟؟

ولو أي حاجة هتتعمل عشان تمنع الموضوع دا فباذن الله هكون معاكم فيها

[Mohamed Al Gohary]

هى الامتحانات مش فى 12 ولا حاجه .. الامتحانات ان شاء الله هتبقى في 1 .. وهى فعلا اسبوعين وده قرار من وزير التعليم العالي يعني اللى عاوز يعترض او يعمل اعتصام او يعمل مظاهره فى مجلس الشعب بقى هناك .. ويعمل استجواب ..

خلونا نتكلم بواقعيه اكتر .. مش شايفين اننا لما كنا بنمتحن كل ماده اسبوع .. كنا بنقعد نمتحن تقريبا شهر ونص .. ده غير فترة امتحانات العملي والفتره الاتسجماميه بين العملي والنظري .. كانت مدة الامتحانات بتوصل شهرين ونص تقريبا .. لما يبقى التيرم 4 شهور ونص ومعتدش انه يزيد عن كده بل ممكن يقل .. يبقى ايه ؟؟ شهرين ونص امتحانات وشهرين دراسه ؟؟
المفروض والطبيعي والبديهي ان مدة الامتحانات تبقى اقل بكتير من فترة الدراسه .. لكن احنا كان عندنا العكس تماما ..

كمان موضوع اسبوع ده اصلا كان بيبقى ممل .. وطويل وكده كده مكناش بنذاكر فيهم كنا نرجع يوم الماده نريح واليومالتاني نبدا نشوف الورق وتقسيمة المنهج .. اليوم التات مش عارف ايه .. وبعدين نبدا مذاكره ..

انا مش ضدكم بالعكس .. انا اول ما عرفت صدمت .. بس بعد ماقعدت افكر فيها لقيت نفسي بحلل كده .. خصوصا لو اعتبرناها امر واقع واتفرض علينا .. لازم نبدا نفكر هنتعامل معاه ازاى ..

انا شخصيا مش موافق ان يبقى بين كل ماده وماده اسبوع .. وفي نفس الوقت مش موافق ان الامتحانات تبقى يوم ويوم .. يعنى هو لا كده لا كده .. خير الامور الوسط يا سيادة الوزير .. ويا مسئولي التعليم ..

[محمد سمير]

هو بجد ما ينفعش خالص حكاية الامتحانات كل يومين

واعتقد الدكاتره عندنا عارفين كده

مين اللى هيقدر يخلص ماده معينه فى يومين او ثلاثه ايام

ده احنا بيبقى قدامنا خمس ايام وبنبقى بالعافيه يعنى مخلصين الماده


بجد حكاية الامتحانات كل يومين دى هتبقى صعبه معانا

ياريت ننظر للموضوع بواقعيه وبدراسه اكتر وان تكون مصلحة الطالب فى المقدمه

[Mohamed Al Gohary]

طبعا الموضوع مستفز جدا
وفى عدم مراعاة للطلبة
او حتى معايير الجودة اللى قاعدين يقولوا عليها

جانبك الصواب تماما .. بالعكس هذه هى معايير الجوده النموذجيه لان الاهتمام فى فترة الدراسه يجب ان يكون بالعمليه التعليميه .. وليس الامتحانيه .. وانا وضحت فوق وقلت ..

مش شايفين اننا لما كنا بنمتحن كل ماده اسبوع .. كنا بنقعد نمتحن تقريبا شهر ونص .. ده غير فترة امتحانات العملي والفتره الاتسجماميه بين العملي والنظري .. كانت مدة الامتحانات بتوصل شهرين ونص تقريبا .. لما يبقى التيرم 4 شهور ونص ومعتدش انه يزيد عن كده بل ممكن يقل .. يبقى ايه ؟؟ شهرين ونص امتحانات وشهرين دراسه ؟؟
المفروض والطبيعي والبديهي ان مدة الامتحانات تبقى اقل بكتير من فترة الدراسه .. لكن احنا كان عندنا العكس تماما ..

ده محتاج حاجة كبيرة اوى عشان نمنع الموضوع
و لو كان عندنا اتحادات طلابية قوية بما يكفى للتعبير عن الطلاب
كان ممكن الصوت يبقى قوى ويوصل
ولكن..
انتم اعلم بالواقع

سيادتك عشان تعترض فى الحاله دي .. انت بتعترض على قرار وزاري .. يعني تروح لنائب الدايرة بتاعة سيادتك وتخليه يعمل استجواب لسيادة الوزير .. طبعا مش نائب واحد ..
لمزيد من التفاصيل .. كتاب دستور جمهورية مصر العربيه هيبقى موجود فى معرض اسرة رساله ان شاء الله .. ممكن تعمل نفسك مش واخد بالك انه تبع نشاط طلابي وتروح تستعيره وتقراه

[mohamed samir]

يا جماعة انتوا مش واخدين بالكو من حاجة : معنى انا الامتحانات تكون يوم ويوم ده معناه ان اكتر من دفعة هتمتحن فى نفس اليوم

وبكده مستحيل الكل يمتحن شفوى فى يوم واحد

وبكده فى ناس هتمتحن شفوى تانى يوم وعلى ما تخلص وتسافر وتروح بيتهم يكون اليوم خلص ويا دوبك يلحقوا ينامو ويجيوا يعيطوا تانى يوم (قصدى يمتحنو تانى يوم )

وعلى رائ واحد صاحبى "الامتحانات دى هتكون فلة شمعة منورة"

[dina j]

السلام عليكم و رحمة الله
أنا بجد مش عايزة أغلط فى حد بس الموضوع غريب و عجيب و الله اعلم جايز لو اتكلمنا و قلنا حاجة يبدأو يفكروا و الله أنا أول ما سمعت الكلام ضحكت و افتكرتها اشاعة من اياهم بس بعد ما شفت الاعلان اللى متعلق قدام الكلية استغربت و خاصة من سياق الكلام و أكتر حاجة استفزتنى كلمة تعويض من اللى قال اننا عايزين تعويض و لا حتى أجازة هو أصلا كده حد هيعدى علشان يكون فيه تعويض يلا عوضى على الله و حسبى الله و نعم الوكيل و ع العموم لو فيه اى حاجة ممكن نعملها أنا معاكم يا جماعة علشان بجد لو النظام ده تم تطبيقه فى صيدلة أظن معظمنا عارف النتيجة هتكون عاملة ازاى....

لنا الله