صفحة 1 من 10 123 ... الأخيرةالأخيرة
النتائج 1 إلى 10 من 92

الموضوع: نصايح مهمه لدفعة أولى الجديدة .. شرح كامل ومبسط لمواد أولى

العرض المتطور

المشاركة السابقة المشاركة السابقة   المشاركة التالية المشاركة التالية
  1. #1

    lecture نصايح مهمه لدفعة أولى الجديدة .. شرح كامل ومبسط لمواد أولى

    السلام عليكم ورحمة الله وبركاته ..

    أولاً مبروك لكل الناجحين .. واللى بقوا فى سنة أولى الوقتى ..

    ثانياً هقولكم كلمة سنه أولى أحلى سنه فى الكلية ..

    ثالثا وهو الأهم انا هقولكم وأشرح لكم مواد أولى فى إيجاز عشان تفهموا هتاخدوا ايه وهتمشوا ازاى فى السنه دى ..


    الكيمياء التحليليه :
    بتتكرز على الــ titration .. ودى طريقه لتحديد تركيز sample باستخدام تفاعله مع حاجه تانيه .. هتاخدوا اليترم الاول نوعين منه .. الـ aquous و الـ non-aquous .. الجزء الأول بتدرسه الدكتوره ناهد .. والجزء التانى بيدرسه الدكتور ولش ..
    والتيرم التانى بيكون برضه titration بس بأنواع معينه .. وبرضه بيكون جزئين جزء للدكتوره ناهد وجزء للدكتور ولش ..
    العملى بيكون هو هو النظرى .. وده بيسهل حاجات كتير .. خصوصا فى شيت العملى .. والشغل ذات نفسه بيكون سهل وبسيط ومش محتاج اى مذاكره خالص .. فقط تبقى بتعرف تشتغل ازاى ..
    أهم حاجه تعرفوها ان تحليلة أولى ماده جميله اوى اوى وسهله .. خصوصا لو الدكتوره ناهد هى اللى هتديكم برضه ..



    الكيمياء العضويه :
    دى فيها كتير من الثانويه العامه .. بس بتوسع كبير جدا .. يعنى التيرم الاول هناخده الـ Alkanes والـ Alkenes والـ Alkynes والـ Alcohols و الـ Alkyle halides والـ Ethers والـ Thiols .. والتيرم التانى بتاخده الـ Aldehydes & Ketones والـ Carbohydrates والـ Carboxylic acids والـ drevatives of carboxylic acids والـ Amines والـ Amino acids ..
    وكل حاجه من دول بتاخده فيها التسميه وطرق التحضير والتفاعلات ولو فيه تطبيقات طبيه ..
    والعملى بيكون عباره عن سامبلز .. وبتعملوا عليها تفاعلات .. وفى الامتحان بينزل لك سامبل على هيئة unknown والمطلوب منك انك تكتب اسكيمة التفاعلات بتاعته وتعرفه هو ايه .. وده الفرق بين اولى واعدادى .. انت فى اعدادى كنت بتكتب الاسكيمه وخلاص .. لكن فى أولى انت مطلوب منك تعرف ايه ده ؟؟



    العقاقير :
    اسمها فى اولى النباتات الطبيه .. فى التيرم الاول بتاخدوا شوية انترودكشن على الليف .. وبعدين بتاخده leaf ومعاهم dusting powder ..
    وجزء الـ leaf بتاخده كل الـ leaves اللى بيكون لها قيمة طبيه .. وبتاخده لكل واحده الـ origin بتاعها .. والـ active consituents اللى فيها .. وكمان الـ uses بتاعتها .. ولو ليها رسومات T.S .. وكمان الـ Powder بتاعها .. والـ chemical test .. وشوية notes كده عليهم .. والـ dusting powder بيكون عباره عن البودر اللى بيكون له استخدام طبى .. وبرضه بتاخده فيه نفس حاجه الـ leaf زى مثلا الـ talc powder بودرة التلك ..
    والتيرم التانى فيه bark و flower و wood و animal products وبرضه زى الـ leaf بتاخده كل حاجه عنه ..
    العملى بيكون عباره عن شوية عد معين من الـ Leaves فى التيرم التانى مش كل اللى فى النظرى طبعا .. والتيرم التانى برضه عدد معين من الـ folower و الـ bark والـ wood .. وفى الامتحان بينزل لك عينه unknown والمطلوب منك تعرف هي ايه وتكتب الاسكيمة بتاعتها .. وبيكون فيه شيت وشوية spots كده ..
    أهم حاجه تعرفها عن العقاقير فى اولى انها محتاجه حفظ رهيب .. وتبدا فيها من بدرى ما تسيبهاش ايام الامتحانات .. لانها محتاجه مراجعه كتير عشان تثبت فى الدماغ ..



    الصيدلانيات :
    من المواد الجميله جدا اللى هتحبوها .. وانا جايب فيها امتياز على فكره .. وهى بتتكلم عن الادويه .. كيفية صناعتها وكيفية تعبئتها وتخزينها ..
    يعنى اى دوا فى الدينا بيكون من 3 حاجات drug + vehicle + additives ( دوا و ومذيب زى الماء و بعض الإضافات ) الـ drug اللى هوا الدوا بيتاخده فى العقاقير .. الـ additives و الـ vehicle بتاخدهم فى الصيدلانيات ..
    التيرم الاول هتاخدوا الـ solution والـ suspension والـ emulsion والـ powder والـ colloid والـ capsule والـ tablet وشوية calculation كده ..
    التيرم التانى بتاخدوا الـ oral solution اللى هو اى دوا بيتبلع والـ external preparation اللى هى زى المراهم والكريمات والمس يعنى اى دوا بيستخدم استخدام خارجى ومش بيتبلع .. وجزء تانى فيه بقيت الـ calculation بتاعة التيرم الاول وجزء الـ suppository اللى هو اللبوس .. وجزء الـ Incomptability ..
    العملى هتاخدوا فيه الروشتات ازاى بتتكتب .. ومكوناتها .. وهتتاخدوا شوية تحضيرات تعلموها .. وفى الامتحان بينزل لكم تحضيره واحده تعلموها ..
    هى ماده محتاجه حفظ برضه .. لكن مع الفهم الحفظ هيبقى سهل ..



    المواد الطبيه :
    هى عباره عن مواد من كلية طب .. وهى physiology و anatomy و histology و psychology ..
    التيرم الاول بتاخده physiology بس .. جزء منه بيكون من صيدله وجزء منه بيكون فى طب .. وبتاخدوا فيها اجهزة الجسم من الناحيه الوظيفيه .. الجهاز الهضمى والتنفسى والدم والاخراجى .. وهكذا ..
    التيرم التانى بتاخده anatomy و histology ودول بيبقول سهلين .. فى الـ histology الدكتور بيحدد 10 اسئله short notes بيجيب منهم 5 فى الامتحان .. والـ anatomy الدكتور برضه بيحدد أجزاء مهمه فى المنهج ..
    الـ psychology يكون منفصل كماده لواحدها وليها امتحان لواحدها .. وبيكون منهج صغير كده ..



    ده بالاضافه للحاسب الآلى ..




    أتمنى إنى أكون أفدتكم .. وأى حد عنده استفسار انا تحت امركم .. وشدوا حيلكم .. وان شاء الله اعمل لكم التوبيك ده السنه الجايه زى الوقتى .. بس فى قسم الفره التانيه ..

    تحياتى ..

  2. #2
    مسئول الجمعية العلمية
    تاريخ التسجيل
    Nov 2007
    المشاركات
    1,173

    افتراضي

    مشكور يا دكتور جوهرى وأتمنى لك دوام النجاح والتوفيق
    وأشوفك لسنة الجاية وانت بتكلمنا عن منهج تانية

  3. #3
    Pharma Student
    تاريخ التسجيل
    Mar 2008
    المشاركات
    254

    افتراضي

    شكرا يا دكتور وجزاك الله خيرا

  4. #4
    Pharma Student
    تاريخ التسجيل
    Sep 2007
    الدولة
    on my special world
    المشاركات
    212

    افتراضي

    شكرا ليك يادكتور ولمجهودك الجميل

    ويارب التوفيق ليك ديما

  5. #5
    Pb Elite
    تاريخ التسجيل
    May 2007
    الدولة
    In Oyster
    المشاركات
    3,817

    افتراضي

    شكرا ليك يا دكتور بجد كان نفسى حد يكلمنا عن اولى جزاكم الله خيرا

  6. #6
    Pharma Student
    تاريخ التسجيل
    Nov 2007
    الدولة
    هناااااااك
    المشاركات
    265

    افتراضي

    [شكرا ليك يا دكتور بجد كان نفسى حد يكلمنا عن اولى جزاكم الله خيرا
    و انا كمان والله كان نفسى حد يكلمنا عن اولى و شكرا ليك يا دكتور و عاوزين انشاء الله السنة الجاية كمان
    تعملنا شرح مبسط عن مواد تانية

  7. #7

    افتراضي

    العفو يا جماعه على ايه .. وشدوا حيلكم .. واى حد عاوز حاجه انا تحت امركم ..

  8. #8
    Pharma Student
    تاريخ التسجيل
    Apr 2009
    الدولة
    In My Home
    المشاركات
    849

    افتراضي

    اقتباس المشاركة الأصلية كتبت بواسطة Gohary مشاهدة المشاركة
    العفو يا جماعه على ايه .. وشدوا حيلكم .. واى حد عاوز حاجه انا تحت امركم ..
    شكرا يا دكتور حضرتك افدتنا كتير

  9. #9
    Pharma Student
    تاريخ التسجيل
    Apr 2009
    الدولة
    In My Home
    المشاركات
    849

    افتراضي

    اقتباس المشاركة الأصلية كتبت بواسطة Gohary مشاهدة المشاركة
    العفو يا جماعه على ايه .. وشدوا حيلكم .. واى حد عاوز حاجه انا تحت امركم ..
    شكرا يا دكتور حضرتك افدتنا كتير

  10. #10
    Pharma Student
    تاريخ التسجيل
    Apr 2009
    الدولة
    In My Home
    المشاركات
    849

    افتراضي

    لو سمحت يا دكتور بالنسبة لجزء الدكتورة قدرية دة صعب جدا هو احنا ممكن ندخل الامتحان من غير ما نزاكره

صفحة 1 من 10 123 ... الأخيرةالأخيرة

المواضيع المتشابهه

  1. نصايح مهمه لدفعة أولى الجديدة .. شرح كامل ومبسط لمواد أولى
    بواسطة Mohamed Al Gohary في المنتدى الفرقة الاولى 2011
    مشاركات: 74
    آخر مشاركة: 26-12-2010, 07:06 PM
  2. شرح مختصر لمواد أولي كلينيكال
    بواسطة BoNbOoNa في المنتدى الصيدلة الاكلينيكيه
    مشاركات: 14
    آخر مشاركة: 26-02-2010, 07:08 PM
  3. نصايح مهمه لدفعة أولى الجديدة .. شرح كامل ومبسط لمواد أولى
    بواسطة Mohamed Al Gohary في المنتدى الفرقة الاولى 2010
    مشاركات: 39
    آخر مشاركة: 18-02-2010, 11:58 PM
  4. ما النصائح الموجهة من تالتة لدفعة تانية الجديدة؟
    بواسطة M_DE3BES في المنتدى الفرقة الثانية 2008
    مشاركات: 3
    آخر مشاركة: 13-07-2008, 11:45 PM
  5. ساحة حوار لطلبة أولى ( الدفعة الجديدة ) ... اتكلم من القلب ;-)
    بواسطة Dr.Sheko0o0o في المنتدى الفرقة الاولى 2008
    مشاركات: 1454
    آخر مشاركة: 13-07-2008, 09:11 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •