لو مش صيدلى؟؟؟؟

[قناع الذهب]

السلام عليكم ورحمة الله وبركاته......
ازيكوا يا جماعة عاملين اية فية موضوع جة على بالى وعايزين نتكلم فية مع بعض لو ما عندكوش مانع
هو مطلوب فية اراء البنات اكتر بصراحة بس كمان عايزين الشباب يدخلوا ويقولولنا رأيهم اية وخصوصا فى الفترة دى
يللا نبدأ....................
طبعا البنات كلها دلوقتى فى الفترة بتاعة تانية وتالتة ورابعة ممكن يبدأ يتقدملها عريس واتنين وتلاتة واكتر

طيب الف مبروك يا عروسة دلوقتى انتى جالك عريس
عشرة على عشرة
ومافيهوش ولا غلطة
دين واخلاق وعيلة وشكل حلو وكل حاجة يعنى كاامل من مجاميعة
هنقول الف مبروك؟؟؟؟؟

لالالالا استنوا شوية ثوانى بس دا مش صيدلى ؟؟؟؟

اية ولا دكتور يالهوى ؟؟

ولا حتى مهندس ياعالم ؟؟؟؟

هتتصرفى ازاى ياترى هتبدأى تفكرى بالعقل وحدة وحدة وتقولىاذا جاءكم من ترضون دينه وامانتة فزوجوة

ولا هيكون رد فعلك العكس تماما وترفضى حتى تشوفية اصلة مش دكتور؟؟؟

ولو اختك او قريبتك(للشباب) اتحطت فى الموقف دة هتقوللها اية وهتنصحها باية وهتعرف تأثر عليها ولا لا؟؟؟

وهتكون معاها ان هو يا صيدلى او دكتور يا اما بلاش ؟؟؟

ولا هتحاول تفكر مع اختك دى وتقنعها بوجهة نظرك؟؟؟

مستنية مشاركتكم وارائكم لان الموضوع مهم جدا وحيوى جدا ومؤثر محدش يدخل ومايردش
بس يقول وجهة نظرة الحقيقية عشان لو حد اتحط فى المشكلة دى ودخل معانا يستفيد

مستنياكوا عايزة اراء كويسة ........سلاااااااااااام

[* Esraa_resala *]

الاول موضوع جميل جزاك الله خير
هو بصراحه موضوع محير جدا بس تعرفى كل شئ نصيب يعنى ممكن تلاقى فى الشخص ده حجات كتير

تتمنيها ومش هتلاقيها فى الدكتور او المهندس والموضوع بيفرق حسب الراحه النفسيه للشخص ده

بس برده مانقدرش ننكر ان ممكن فرق التعليم يسبب مشاكل بس ده لو فرق كبير يعنى ماتكنيش دكتوره

وهو تعليم ثانوى ولا دبلوم وتقللى ممكن ينفعو مع بعض بخلاف ناس نادره جدا

ده راى فى الموضوع عامه اما عن نفسي فانا بكل صراحه هدور على الى ارتحله نفسيا فى كل حاجه دينه

وخلقه وتكون دراسته برده متماشيه مع تعليمى بس ده مش معناه لازم يكون دكتر بس على الاقل احس

انه انسان مثقف وكان متفوق فى دراسته شخص طموح دايما بيحب يحسن نفسه دايما بمعنى اصح بيحب

النجاح وبيسعى ليه . اجمالا لكلامى انى لازم هلاقى فيه حجات كتير تعمينى عن اى حلم انى ارتبط بدكتور


============================



Gohary

[قناع الذهب]

شكرا يا د\سوسو على رايك الجميل ومشاركتك
ممكن الواحدة فعلا يجيلها دكتور وميكونش عندة اخلاق ولا دين وتندم علي الارتباط بية
بس برضة ممكن خريج اى كلية تانية يكون واخدها كزوجة وكمشروع تجارى اهو يتجوز وتبقى مراتة دكتورة ويفتح صيدلية ببلاش
بس فانا رايى ان الموضوح محير ومحتاج نقاش واراء كتير

[Mohamed Al Gohary]

موضوع حيوى .. وموجود كتير جدا الايام دى .. طبعا اهم حاجه بين العروسين يبقى فيه توافق بينهم فى المستوى الاجتماعى والعلمى والمادى .. علشان يحصل توفيق ..

[قناع الذهب]

صح الكلام وبعدين اهم حاجة ميكونش اقل منها فى المستوى العلمى كتير عشان مايحسش انو اقل منها ويعمل لها مشاكل بعدين
يعنى مش شرط دكتور صيدلى بس اهم حاجة يكون متفوق جدا فى مجالة وطموح ومناسب من ناحية المستوى المادى والثقافى ومقبول شكلا بس........ كدة مش هيبقى فية مشكلة ومش عيب فى حقة انة مش صيدلى

[~Am@ny~]

دلوقتى انتى جالك عريس
عشرة على عشرة
ومافيهوش ولا غلطة
دين واخلاق وعيلة وشكل حلو وكل حاجة يعنى كاامل من مجاميعة

طيب والله الكلام جميل خالص كده
وهى اى بنت ف الدنيا هتعوز ايه غير شخص محترم ومتدين ويحافظ عليها ويصونها
اما عن مسأله التعليم فطبعا المفروض يكون مؤهل عالى يعنى خريج اى كليه
مش مشكله بقى دكتور او صيدلى او مهندس ...المهم يكون فكره ناضج ومثقف
او على الاقل نسبه تفكيره تكون متقاربه لحد كبير من البنت الى هيخطبها
عشان يقدروا يعيشوا انما لو هو اقل منها ف المستوى العلمى انا اعتقد انه مستحيل يتوفقكوا ف حياتهم المستقبليه
هو هيغير منها ومحدش يقول لا مش هيحصل ............وهى هيجى يوم وتحس انه اقل منها
وتقول لنفسها انها المفروض كانت ترتبط بالاحسن منه والحياه هتبقى ممله
وانا رايى ان اى بنت تفكر كويس جداا قبل لما توافق على قرار مصيرى زى ده لان دى عشرة عمر
مش حاجه طارئه وهتعدى ......فالتانى السلامه وف العجله الندامه
وكل شئ قسمه ونصييييييييييييب
وشكرا كتييييييييير للموضوع الجميل ده


====================================



Gohary

[قناع الذهب]

كلام مظبوط
شكرا على مرورك

[dreamy girl]

والله هو موضوع جميل ومهم كمان في نفس الوقت انا عن نفسي اهم حاجه عندي الاخلاق وانه يكون على دين وخلق بالنسبة للتعليم افضل انه يكون في نفس مستوى تعليمي علشان محسسهوش او محسش انه اقل مني ودي حاجه متبقاش لطيفة خالص بس في الاول والاخر الجواز قسمة ونصيب ومحدش عارف نصيبه فين

[Alaa_Resala]

مش كل حاجة الشهادة طبعا
وايه يعني اما ميكنش صيدلي او طبيب او مهندس
هي كده الدنيا خلصت ومعادش فيه محترمين؟؟
هو الزواج محتاج توافق علمي واجتماعي وثقافي إلى حد كبير

مش عشان انا صيدلانية يبقى مرتبطش غير بصيدلاني
لا بس مش من المعقول ان صيدلانية ترتبط بواحد معاه دبلوم مثلا
مش تحقيرا ليه ...لا إطلاقا..
بس هي مشكلة توافق وتقارب ..عشان دول هيعيشوا مع بعض حياتهم كلها فلازم يكون فى حاجات مشتركة بينهم ..عشان يقدروا يتعايشوا مع بعض

مجمل رأيي:
ليس بالضرورة يكون مهندس أم طبيب أم صيدلي
المهم: توافق وأشياء مشتركة..وثقافة مشتركة
والأهم: الخلق والدين

[monosh]

كلاااااااااام جامد قوى،وجميل جدااااا

بس مش لما فترة تانية أو تالتة أو رابعة حتى دى تنتهى على خير

ونقول ان الأمن مستتب...........ساعتهابقى نشوف ابن الحلال ده دكتور،ولا برده دكتور

مشكورة يا دكتورة ع التوبيك