عندما تخرج الصراصير....(ق.ق)

[DR.BIBO]

القصة جميله وفكرتها جديده كالعاده المغزى اللى وصلنى ان الاوهام ممكن تخلى صاحبها يلقى بنفسه الى التهلكة
بتفق مع دكتور احمد فى موضوع كلب لكن موضوع دهس الصرصار ده بالرغم انى وانا بقرا القصة كنت متوقعة النهاية ديه بس بيتهيالى ان عدم خروج الصرصور ابدا معناه انه عرف قيمته وقيمة اوهامة وعرف مكانه للابد
فى انتظار المزيد

[SHEREIF]

مش عارف اقولك ايه يا محمد
بس انا رايى ان القصة غالبا بتبقى لاى حد فى المجتمع اى حد بسيط بنحاول نفهمله فكرة صعبة باننا نحكيله قصة بحيث انها تبقى ابسط وتوصله بسرعه وتثبت فى عقله
صح ولا ايه رايك ؟
وانا معرفش ايه مقومات القصة القصيرة وشروطها والحجات دى بس اللى انا عاوزة انك توصلى الفكرة بابسط طريقة
القصة على فكرة مستواها عالى اوى يعنى انا مثلا دخلت صيدلة من دبلوم صنايع فمقدرتش اوصل ايه الهدف من القصة دى يعنى

[محمد فهمي]

قصة حلوة بس حضرتك متاكد انه كان بيكلم صرصار

شكراً يادكتور أحمد علي مرورك...
تخيل بس إنو صرصار وكله هيبقي تمام...

-----

تحفه
واجمل ما فيها انها فصحى

شكراً يادكتورة...ومبسوط إن فيه شيء عجبك في القصة..
-----

بسم الله الرحمن الرحيم
لذيذة و فكرتها واضحة ...بس مش عارفة حسيت انها طويلة شوية

لو كانت لذيذة وواضحة يبقي ده يشفعلنا شوية طولها...
شكراً لحضرتك علي مرورك..

[محمد فهمي]

أنا عارف انها ملحوظات بسيطة أوى و سريعة لكن برده حبكتك للقصة و اسلوبك كان مميز و مش عارف الاحق على كم الأفكــار و الحكم اللى ممكن تستخلص من القصة الشيقة ذات العنوان المتفرد ..

تسلم ايدك يا محمد

شكراً ياأحمد علي تواجدك الجميل وكلماتك أسعدتني...نورتني والله.....وبالنسبة للملحوظات:

1-هو ليه ما ردش على كلام الصرصور .. مش هو قاله " اتفقنا ؟ " , ما قالش " اتفقنا " ليه ... و بعدين ليه بيسأله " من أين جئت ؟" .. مش هو لسه قايله انه خرج من البالوعة ! ..
إلا إذا كنت تقصد أن هذا الشخص من شدة الدهش لم يركز فى كلام الصرصور و فقط " سرح " فى الموقف و ما أفاقه و لفت انتباهه هو ال " هؤ هؤ " فقط ؟

بالفعل أقصد ذلك.. فالشخص من عدم اهتمامه واندهاشه أيضاً لم يركز في كلام الصرصار بشكل كبير....

2-" أعتقد أن استخــدام لفظ " صرصور " مع نبرة تهكم و احتقار أكثر إهانة من لفظ " كلب" بالنسبة للصرصور

أنا لا اعتقد ذلك ياأحمد..
فعندما تقول للحمار...ياحمار!...هل يغضب!! بالطبع لا!!
وعندما تقول للدكتور.. يابشمهندس....سيغضب بالتأكيد فهناك من يعتبرها إهانة وتهكم..
والعكس عندما تقول للزبال(مع احترام لجميع المهن طبعاً)...يادكتور..هنا سيشعر بالإهانة الشديدة..
لذلك إذا قلت للصرصور..ياصرصور حتي ولو كان بتهكم لن يغضب لأنك ناديته بإسمه الذي يعتز به.. بالرغم من أنه لفظ مهين لباقي المخلوقات ...ومن هذه الفرضية
عندما تقول له ياكلب.. او ناديته بلفظ أي حيوان آخر يحمل معناً ورمزاً للإهانة...سيثور غضباً لأنك هنا تسبه بالفعل..
أرجو أن يكون رأي مفهوم..

3- لماذا لم يدهس الرجــل الصرصور فى النهاية !؟ .. أعتقد كان يبقى كده أفضل علشان يبان الفرق بين خيالات الصرصور الواهية " انه يملك العالم لأن بنظرته المحدود شاف الماسورة المتفجرة على إنها إنفجار نووى دمر العالم .. بفرض صحة إن الصراصير فعلاً ممكن تحتمل الاشعاعات النووية " و بين الواقع الحقيقى اللى يبقى ملموس أوى لو الصرصور دُهس بقدم الرجل ..
- أردت أن لايُدهس الصرصور.. وللسبب الآتي:
حتي يعيش دائماً متذكراً لحجمه الضئيل.. وهذا أقسي من الموت الذي سيريحه من الإحساس بالدونية..فالموت هنا سيكون راحه وأكرم له ولكن أنا أريده أن يظل يشعر بقيمته الحقيقية والمهانة فيموت ألف مرة وليست مرة واحدة ويكون عبرة..

* الصراصير هنا رمزاً لأولئك الذين لايعرفون أحجامهم الطبيعية ويثرثرون ويتبجحون لغواً من القول لافائدة منه.. إنهم هذا الزبد الذي يريد دائماً أن يطفو ويظهر للعيان ويقول ها أنا هنا بصوته العالي الصاخب.. إنهم الجهلة ضيقي الأفق الذين لايرون أبعد من أنوفهم.. إنهم المتسلقون المنتفعون الذين يترقبون الفرص للخروج..
لقد كان هؤلاء في مكان مخفي مظلم لايتفوهون في وجود أصحاب العقول والفكروالحكمة لأنهم سيعلمون مصيرهم جيداً إذا تحدثوا.. وعند غياب العاقلون - أو يعتقد الصراصير أنهم غير موجودين-.. تبدأ الصراصير في الخروج من أماكنها القذرة ليقذفونا بقذارتهم

إنني أجعل الصرصور رمزاً لذلك الرجل التافه الذي يتحدث في أمر العامة...فنحن في زمن الرويبضة..
قال رسول الله :
((سيأتي على الناس سنوات خداعات يصدق فيها الكاذب
و يكذب فيها الصادق و يؤتمن
فيها الخائن و يخون فيها الأمين و ينطق
فيها الرويبضة . قيل : و ما الرويبضة ؟
قال : الرجل التافه يتكلم في أمر العامة )

* الجانب الآخر من الإستفسار:
الصراصير تتحمل الإشعاعات النووية وهذه معلومة حقيقية بالفعل.. فهي الأقدر علي العيش في ظل الظروف الصعبة من الإنسان..
فالشخص العاقل الحساس الذي يفهم تكون معرفته أحياناً سببا لعذابه وموته المبكر ولحرقة أعصابه وعقله (ولجلال عامر لنا مثال في أزمته القلبية وهي في الآخر أجال)
أما الرجل البارد التافه البليد تجدهم في الغالب لهم طول البقاء والصحة الجيدة لايهتمون بهموم العامة سوي همومهم الشخصية وليذهب الآخرون للجحيم..
وهذا الكلام نسبياً وليس بصفة مطلقة..

أشكرك ياأحمد علي اهتمامك..لك خالص تحياتي

[محمد فهمي]

جميلة جدااااااا يا دكتور كالعادة طبعاً
الحبكة الفنية وطريقة سرد القصة مميزة جدااااا
تسلم الأيادى يا دكتور وبالتوفيق
تقبل مرورى وتقديرى

شرفني مرورك المندي الجميل يادكتورة..وشكراً لكلماتك الجميلة
ولكِ تقديري..

-----

روووووووووعة بلا ادنى شك
فكرة جديدة "لانج"
واسلوب شيق جداااااا
دمت مبدعا

ربنا يعزك يادكتور أحمد..مبسوط من كلامك الجميل..
ودمت أنت أيضاً كذلك..

-----

فكرة رااااااائعة يا دكتور كالعادة واسلوب مميز

شكراً علي اهتمامك وتواجدك ورأيك أسعدني يادكتورة..

-----

كالعادة .. مستوى عالي .. و فكر متجدد و متطور و محدث ..

ليا شوية ملحوظات يا سيدي .. يا ريت تقبلها مني :

أول : برغم إن بعض الكلمات و الجمل العامية دخلت في الموضوع و لطفته قليلا و كسرت اللغة الفصحى ، إلا أنها في نفس الوقت فصلتني و أنا بقرأ ..

ثانيا : اتفق مع دوك أحمد شكري في تعليقه على موضوع " كلب " ده .. و اتفق معه أيضا في بقية ملاحظاته الجميلة ..

بس بعيدا عن الملاحظات دي .. بجد ما شاء الله عليك .. فكر و مستوى رائع جدا .. اتوقع لك مستقبل مشرق في هذا المجال .. و نصيحتي لك : " استمر " .. و ربنا يوفقك إن شاء الله ..

تقبل مروري و خالص تحيتي .. صديقي العزيز ..

شكراً علي كلامك الجميل ياحجازي...ربنا يكرمك.. ومنورني دائماً
وبالنسبة للملحوظات أنا رديت عليها في الأول
وموضوع اللغة العامية.. دول كلمتين تلاتة في القصة يعني مش مشكلة لو فصلت.. لأني بشحنك من جديد للمتابعة..
وشكراً علي نصيحتك الخالصة.. وربنا يوفقنا كلنا إن شاء الله في طموحنا المشروع
لك خالص تحياتي وتقديري..

-----

okay .. that was weird
طويلة زيادة عن اللزوم والمفهوم أصغر من الحوار المتناول + ملاحظات
دوكتر أحمد ومحمد

not ur best
but still good

P.S : Slow down in handling ideas
تقبل مرورى ,,

لكٍ المرور المميز دائماً يادكتورة آية..وبالنسبة للملاحظات انا شرحت كل حاجة وعلي فكرة القصة مش طويلة أوي بس المشكلة في تقبلنا واستعدادنا..
وهعمل بنصيحتك إن شاء الله في موضوع التمهل ده.. لأنه بالفعل مهم..
شكراً علي وجودك وكلماتك يادكتورة..

[محمد فهمي]

القصة جميله وفكرتها جديده كالعاده المغزى اللى وصلنى ان الاوهام ممكن تخلى صاحبها يلقى بنفسه الى التهلكة
ده جانب مهم..بس المقصد الرئيسي هي متي يحدث عندما تندلع الفوضي..تخرج الصراصير. والباقي أوضحته..
بتفق مع دكتور احمد فى موضوع كلب
تم توضيح مفهومي للنقطة دي..
لكن موضوع دهس الصرصار ده بالرغم انى وانا بقرا القصة كنت متوقعة النهاية ديه بس بيتهيالى ان عدم خروج الصرصور ابدا معناه انه عرف قيمته وقيمة اوهامة وعرف مكانه للابد
تمام وصح 100%
فى انتظار المزيد

نورتي الموضوع وجملتيه بتواجدك يادكتورة هبة.. ومبسوط جداً من رؤيتك للقصة
شرفتيني والله يادكتورة..مع خالص احترامي..
وبالتوفيق إن شاء الله..

-----

مش عارف اقولك ايه يا محمد
بس انا رايى ان القصة غالبا بتبقى لاى حد فى المجتمع اى حد بسيط بنحاول نفهمله فكرة صعبة باننا نحكيله قصة بحيث انها تبقى ابسط وتوصله بسرعه وتثبت فى عقله
صح ولا ايه رايك ؟
وانا معرفش ايه مقومات القصة القصيرة وشروطها والحجات دى بس اللى انا عاوزة انك توصلى الفكرة بابسط طريقة
القصة على فكرة مستواها عالى اوى يعنى انا مثلا دخلت صيدلة من دبلوم صنايع فمقدرتش اوصل ايه الهدف من القصة دى يعنى

أولاً شكراً لوجودك ياشريف واهتمامك الجميل..
وبالنسبة لتساؤلاتك:
أي قصة لازم تخلق نوع من التساؤل والدهشة لدي المُتلقي وتخلق نوع من التفكير والتفكر، فليست وظيفتي هنا أن أقول للقارئ بطريقة مباشرة صريحة: في النهاية أريد أقول كذا.....لا.. بل أضع له خيطاً ظاهراً ليمسك به ويصل منه للغرض من القصة وليصل منه للمتعة الفكرية والشعورية أيضاً..
فهي ليست مقالاً بل القصة حياة نستخلص منها العبر والحكم بشيء من التفكر.. وهنا يأتي دور القاريء الذي يمتلك الوعي الفكري والنفسي والمعرفي..أي لديه القدرة علي التفكير.. الإحساس.. ويمتك قدراً من المعلومات.. أو أي منهما..

أرجو أن تكون حصلت علي إجابات لتساؤلاتك واستفساراتك..
لك تحياتي وتقديري ياشريف.. ومنتظلرك تنورني دائماً..

[chocolata]

انت اكيد عامل الموضوع دا بغرابته وتميزه فى نفس الوقت عشان تربكنا وبالتاكيد نجحت
اولا الفكرة فى حوار صرصور مع ان انسان مختلفه وانا اقصد اركان الحوار
دا زائد فى الموضوع فيه لمسات سياسيه وكوميديه كمان الى حد ما
الفكرة اعتقدتها الاول ان الصراصير رموز الفساد بعد كده حسيت لا مش كده بصثراحه نظلم الصراصيرى لان الحربايات اللى عندنا واضحين اوى اوى بيغيروا جلدهم بس عشان يناسبوا كل عصر مش اكتر
بعد كده مبقتش عارفه دا صراع اكيد مابين انسان وانسان اخر قيمته من قيمه الصرصار فعلا
وبعد كده قيت قنابل نوويه فقلت الموضوع دخل فى فكرة الدمار الشامل
ومازلت طبعا مش قادرة احدد الفكره تهت معاك جدااااااا
لكى هى جديد نبرة السخريه والحوار
المثير للغرابه هو دخول العاميه فجاه بدون منطق وفى كلمات بسيطه وفى شتايم كمان طز وكلب
قلت ايه اللى بيحصل
طب لو هنطبق شويه حلمنتشه هنا اوك بس مش كده
كفايه كده اوى
اتمنى تولى فعلا ايه الغرض
واذا كان فى تخمين سليم انا قلته
لكن شكرا على الخلطه العجيبه والمختلفه ايضا


شيكو

[محمد فهمي]

أولاً شكراً علي مرورك الكريم يادكتورة شيكو...
منورانا علي طول والله وبتشرفينا دايماً..وننظر دائماً كلامك الواعي..
بالنسبة للغرض الأساسي من القصة فقد ذكرته سابقاً..وبالفعل زي ماحضرتك بتقولي هتلاقي حاجات بتفهميها من القصة أثناء القراءة وترجع تاني تفهم حاجة تانية..وفي الآخر هنعرف الغرض الأساسي..وده مش توهان لأ القصة فيها معاني عديدة ولكن في النهاية ستكون هذه المعاني خادمة لنهاية القصة ودافعة لها وليست مشتته لغرضها الأساسي وبالتالي التوهان ده استفدت منه بطريقتين: 1.تفهمي القصة علي اوجه عديدة أثناء القراءة وتعطي كذا فكرة
2. كل الكلام اللي في القصة والتوهان ده هيوصلني لغرضي الاساسي وده المطلوب..يعني ماكنش فيه توهان من الأساس..هوا توهان مش توهان أو توهان خادع..

شكراً علي مرورك بجد والله فأنا بستفاد من كلماتك الواعية فعلاً وأعتذرعن تأخري في الرد..

[moh_2010_ph]

تصوير ممتاز يا دوك معبر عن الفكرة .. عاجبني التصوير اووي ..
تسلم الايادي

[محمد فهمي]

شكراً يادوك محمد.. ربنا يكرمك..