ألف مبروك للجميع
ألف مبروك للجميع
أنا بقى كنت لسة داخلة البيت من السفر
وكنت مرهقة جدااااا بس قولت افتح اشوف اية الاخبار
قعدت اقرى كل تعليقاتكم اللى فاتتنى فى (اى اخبار عن النتيجة ) وانا عايشة حياتى فى المصيف
المهم جربت افتح موقع النتيجة كانت لسة مابانتش
قعدت اتصفح المنتدى شوية لانة كان واحشنى جدااااااااااا
وبجرب بالصدفة الموقع لقيت قدامى (اعدادى صيدلة )
أنا قلبى قعد يدق وكان خلاص هيخرج من جسمى
أول حاجة عملتها كتبت موضوع على المنتدى علشان اعرفكوا
وبعدين قريت آية الكرسى وكتبت الاى دى وسميت الله وغمضت عينى
فتحت لقيتنى الحمد لله مش ملونة وبصيت على التقدير لقيتة جيد
اول حاجة بصست عليها بعد كدة العضوية ما كنتش اتوقع ابداااااااا انى اقدر فيها
يلا الحمد لله عدت على خير
التعديل الأخير تم بواسطة طيور الجنه ; 25-07-2010 الساعة 06:32 PM
ان بقي كنت في الكلية وكنت قاعدة في المدرج في دورة بعدين لقيت واحدة بتزعق في التليفون بتقول اعدادي بانت قمت بسرعة علي نادي التكنولوجيا وجبته طبعا بصيت الاول علي التقدير بس الحمدلله عدت علي خيرالمهم عملت اية يا د.asoom
انا بقى كنت ظابطة المنبه ع الساعة 10 وراحت علية نومة لحد 12.30 قومت بسرعة صليت وبعدين بفتح على النتائج المعلنة لقيت اعدادى صيدلة بانت والله مكنتش عايزة افتح من خوفى بس قولت هى كدة كدة جاية فسميت وفتحت بصيت الاول ع الالوان الحمد لله ملقتش حاجة وبعدين شوفت التقدير اهم حاجة انى الحمد لله عديت ومبرووووووووووك لكل الناجحين
انا فى الفيوم حاليا كنت قعده بارده جدا ومش عايزاها تظهر واحنا قعدين فى ندوه واحده قالتلى نتيجة صيدله بانت اتقلبت 180 درجه وبدا قلبى يدق وكل شويه استلم رساله من اصحابى بيقولولى درجتهم وانا هموت مش عارفه اعمل ايه وكمان النت هناك للبنات من 8 يااه الاولاد قالولى نجهالك بس مين نتفضح قعدت استحمل الى ان وصل الحال الى الفرقعه واحده صاحبتى اتصلت بيى قالتلى اجهالك طبعا بعد تردد وافقت وقعدت على اعصابى وبعدين نجحت ياااااااااااااااااااه كان كابوس لاء وايه جيد مبروك ليكم ياجماعه
احنا بقينا فى اولى
أنا قلت افتح الكمبيوتر على الساعة عشرة وربع وانا عارفة انها مش هتظهر دلوقتي وبعدين فتحت احدث النتائج المعلنة ولقيت اعدادي بانت دق قلبي بسرعة جدا وعلى الرغم اني كنت عايزه اعرف النتيجة باي طريقة لكن في الوقت ده ماكنتش عايزه اعرفها وبعدين قلت بسم الله وغمضت عيني وبدات افتحها اليمين وبعدين الشمال وشوفت التقدير الاول وبعدين درجات المواد والحمد لله نجحت وخلصت من الكابوس ده
ومبروووووووووووك لكل الناجحين
انا بقة كنت نايمة وبعدين صحيت على صوت رسالة من الموبايل ان النتيجة بانت قومت وفتحت المنتدى وجبتها فى الاول اتضايقت عشان وقفت على امتياز ب3 من عشرة بس الحمد لله على كل شئ ومبرووووووووووووك لكل اعدادى اخيرا خلصنا منها وبقينا فى اولى بس هنفضل برده اصغر ناس فى الدفعة