السلام عليكم ورحمة الله ياريت يادكاتره نعمل موضوع عن حالاتotcالبسيطه اللي بتقابلنا في الصيدليه كبدايه كده قبل ماندخل في المواضيع الكبيره دي لأن طبعا انتو عارفين ان الذاكره مازالت ضعيفه وكمان نبدأ بحاجات بسيطه كده عشان تفتح نفسنا
السلام عليكم ورحمة الله ياريت يادكاتره نعمل موضوع عن حالاتotcالبسيطه اللي بتقابلنا في الصيدليه كبدايه كده قبل ماندخل في المواضيع الكبيره دي لأن طبعا انتو عارفين ان الذاكره مازالت ضعيفه وكمان نبدأ بحاجات بسيطه كده عشان تفتح نفسنا
اقتراح رائع يا دكتورة، حضرتك ابدئي وان شاء الله كل الزملاء اللي بيشتغلوا يشاركوا حضرتك
السلام عليكم ورحمة الله وبركاته انشاء الله نبدأ ف عرض الحالات البسيطه اللي ممكن تقابلنا ف الصيدليه وطبعا ياريت كل اللي عنده فكره عن حاجه يقولها عشان كلنا نفيد بعض ولو حد شايف ان في حاجه غلط ف طريقة العلاج يقول عشان نعرف الغلط
-----
أول حاله ممكن نعرضها حاجه بنتعرض لينا كتير وهي حالة البرد أكيد بيدخلنا ناس كتير تقولك عايز حاجه للبرد ياتري هتوصفله إيه وإيه الإحتياطات اللي لازم تاخدها وانت بتوصف وازاي نقدر نفرق بين common cold وبين influnza ولو المريض اللي جاي ده طفل ازاي أتعامل معاه وامتي أنصحه انه لازم يروح للدكتور ياريت نبدأ نناقش الموضوع مع بعض ومنتظره اقتراحات الساده الزملاء
بسم الله الرحمن الرحيم
بالنسبه للفرق بين ال common cold و influenza
-اولا:
المسبب ل common cold هو rhino virus اما ال influenza مسببها هو influenza virus وده 3 انواع A بيتنقل من الحيوان للانسان وB ,C ودول بيتنقلوا من انسان لانسان
Common cold بيجي للانسان على مدار السنه كلها لكن بيزيد الاصابه بيه في الخريف وفي الشتاء اما influenza الانسان بيصاب بيها في الشتاء واحيانا الخريف لكن مش بتيجي في الصيف
-ثانيا :
الاعراض : ال common cold بتكون اعراضه تدريجيه يعني مثلا شويه تعب في الزور ثم احتقان في الانف ثم rhinorrhea
اما الانفلوانزا بتكون اعراضها ليها sudden onset : رعشه وجع والام في الجسم واشهر حاجه ارتفاع درجه حرارة الجسم
البرد ملوش تطعيم لكن الانفلوانزا ليها تطعيم وده بينزل في الصيدليات في شهر 9 وبيتسحب في شهر 2 يؤخذ مره واحده في السنه للوقايه وده زي (influvac,fluarix)
- ثالثا :
العلاج :
العلاج في البرد او الانفلوانزا بيكون symptomatic treatment بمعنى انه علاج للاعراض الموجوده في كلا الحالتين مثلا
الالم والاحساس بتكسير الجسم في الانفلوانزا يبقى لازم ياخد مسكن زي aspirin وده ممنوع للاطفال تحت 12 سنه لذلك الامن ياخدو أي دواء فيه paracetamol ولازم ناخد بالنا برده ان الباراسيتامول ممنوع برده لمرضى الكبد (due to its ****bolite : NABQI ) لكن فيه دوا في الصيدليات اسمه (hepamol) ده الوحيد اللي فيه باراسيتامول وينفع لمرضى الكبد لان مضاف ليه methionine ده حمض اميني بيتصنع منه في الجسم ماده اسمها جلوتاثايون هي اللي بتقدر تخلص الجسم من ال NAbQI))
نرجع للعلاج :
ممكن المريض اللي حاسس باحتقان يستخدم decongestant ودي بتكون موجوده على هيئه نقط او spray زي (afrin , otrivin) بس لازم ناخد بالنا انها بتعمل تضييق للاوعيه الدمويه يعني مش هتنفع لمرضى الضغط المرتفع ولا ينفع تسخدم مع( البيتا بلوكار ) ..ولازم نقول للمريض انه ميستخدمهاش اكتر من 5 ايام لانها بتعمل حاجه اسمها rebound nasal congestion وكدا المريض يضطر يستخدم ال decongestant على طول. وكمان مينفعش تتاخد مع CNS stimulant
-وبيكون موجود برده مع ادويه البرد sedating antihistamine زي مثلا مادة ال chlorpheneramin وفايده الماده دي انها بتمنع ال inflammatory mediator فتقلل الالتهاب دا غير ان المواد دي لها antimuscurnic effect وبالتالي هتقلل ال nasal discharge بس لازم ناخد بالنا انها بتعمل sedation يعني ماينفعش ياخدها المريض وهو نازل الشغل او وهو بيسوق العربيه
الادويه اللي موجود فيها sedating antihistamine زي (flurest,cometrex)
• امته نرجع للطبيب في حالات البرد والانفلوانزا ؟
1/ لما يحصل secondary bacterial infection ودي بتتعرف من :
لما يكون فيه wet cough يعني كحه فيها بلغم ويكون متغير لونه
او يكون فيه الم في الاذن
وفي الحاله دي الدكتور بيكتب مضاد حيوي
2/ المريض لازم يرجع للطبيب لما يكون asthmatic patient او لو كان فيه lung or heart disease
دي بعض المعلومات عن البرد والانفلوانزا وياريت اللي عنده تصحيح لاي معلومه غلط او عنده اضافه لمعلومه تانيه يضيفها
التعديل الأخير تم بواسطة diamond ; 01-12-2010 الساعة 10:50 PM
السلام عليكم ورحمة الله وبركاته جزاكي الله كل خير يادكتوره وطبعا المعلومات دي جميله جدا ومفيده بس انا حابه ألفت نظر الساده الزملاء إلي نقطه هي حاجه موجوده ف الصيدليات لعلاج البرد اسمها تلت تلاتات ودي بتكون عباره عن 3حبات مسكن وخافض للحراره زي الباراسيتمول مثلا و3 حبات مضاد للإحتقان ومضاد للهستامين مثلا زي ساين أب أوفلورست لحد كده مفيش مشكله المشكله ان بيكون معاهم 3 حبات مضاد حيوي غالبا بيكون اوكسي تتراسيكلين(لأنه أرخص مضاد حيوي) وطبعا احنا عارفين ان كورس المضاد الحيوي لازم يكون كامل
بسم الله الرحمن الرحيم
في حاجه أحب أضيفها لكلام الدكتوره بالنسبه لحقن البرد زي السيفاجين مثلا عباره عن سيفارول +انالجين بس دي فيها مشكله لأنها ممكن تعمل حساسيه بسبب الأنالجين لذلك لازم اختبار حساسيه قبل الحقن وكمان انها بتتاخد وريد فقط دي في حد ذاتها مشكله أكبر وبعدين انا شايفه انهم شوية برد مش مستاهلين حقن إلا إذا كانت درجه الحراره عاليه أوي فلازم ياخد حقن مضاد حيوي وده طبعا بأمر الطبيب لان لحد كده هتكون مهمتنا انتهت _ ياريت لو حد من الزملاء عند أي معلومات أخري عن الموضوع يقولها
بسم الله والصلاة والسلام علي رسول الله
بالنسبه لو المريض ده طفل أو رضيع هنتصرف معاه ازاي
أولا لو هو طفل يعني سنه أكتر من سنتين هنديله مثلا حاجه زي كونجستال شراب معلقه 3 مرات يوميا ولو في ارتفاع ف درجه الحراره نديله دولفين لبوس خمسه وعشرين لبوسه كل 12 ساعه أو كل 8ساعات حب الحاله ولو الطفل عنده احتقان ف الأنف نديله اوتريفين أو افرين أو لايس نقطه 3مرات يوميا لمده 4 أيام فقط
ثانيا بالنسبه للرضع طبعا هياخد اورال دروبس زي رينو ستوب (سودوافدرين+كاربينوكسامين)وده مضاد الإحتقان أيضا نديله نقط لإحتقان الأنف زي اوترفين بس انا بفضل اوتريفين بيبي سالين وأيضا نديله لبوس خافض للحراره زي دولفين أو سيتال وبالشفا انشاء الله
ماكان من توفيق من الله وماكان من خطأ من نفسي ومن الشيطان
طبعا موضوع الotc
ده موضوع كبير وله أساسياته
وفى كتب كثير بتناقشه
مشاركة زى مشاركة دكتور دايموند مشاركة ممتازة
ولكن
انا عايز اناقش حاجة مهمة
جدا
بالنسبة للسودافيدرين
فى منشور من وزارة الصحة نازل بعدم استخدامه
للأطفال أقل من 6 سنوات
وعامة عدم استخدام خافضات الحرارة
ايضا مع الأطفال الى سن 12 عام
دون استشارة الطبيب
ايضا من المعروف انه
لا يجب استخدام خافض الحرارة
دون معرفة سبب ارتفاعها
ومعالجته سواء باستخدام المضادات الحيوية
او العلاج المناسب فى حالات العدوى المختلفة
كل الكلام اللى فوق ده
للأسف محدش بيطبقه
وكل الدكاترة بيوصفوا للأطفال
الحاجات دى
ياترى انتوا رأيكوا ايه
لو العلاجات دى
بطلت تتكتب ايه
هو البديل فى رأيكوا
بسم الله والصلاة والسلام علي رسول الله
طبعا كلام حضرتك د عبدالله صحيح لكن في حاجه لاحظتها ان النقط التي تحتوي علي سودوافدرين زي رينوستوب مكتوب عليها لا تستخدم للأطفال أقل من 6 سنوات طيب لو طفل عنده اكتر من ست سنوات هياخد نقط ليه أصلا ولما لقيب طبيب الأطفال دايما يكتبها للرضع مثلا 4 شهور 6 شهور اتصلت بالدكتور قالي اصرفيها هي بس مكتوب عليها كده بس هي بتستخدم للرضع فانا أخدت بكلامه وصرفتها _ أما بالنسبه لخافض الحراره انا لم اسمع شئ بخصوصه ولا أعرف البدائل ممكن تكون إيه
بسم الله والصلاة والسلام علي رسول الله
وانت كده واقف ف الصيدليه زي الأسد طبعا وجالك عم عبدو الراجل الطيب اللي بيرفع من معنوياتك دايما ويقولك يادكتور(مش زي باقي الناس تقول يا أستاذ أويا آنسه) المهم عم عبدو ده مريض كبد وكان عند الدكتور وجاي يصرف الروشته بتبص انت ف الروشته لقيت الدكتور كاتبله لاكتيلوز شراب فسألته هو انت عندك امساك ياعم عبدو قالك لأ قعدت تفكر ياتري الدكتور كاتبله لاكتيلوز ليييييه ياريت حد يفكر معانا ويقولنا