صفحة 1 من 7 123 ... الأخيرةالأخيرة
النتائج 1 إلى 10 من 61

الموضوع: بناء على طلب الجماهير ... شرح مبسط لمواد تانية

  1. #1

    افتراضي بناء على طلب الجماهير ... شرح مبسط لمواد تانية

    بناء على طلب الجماهير .. ..

    جيت على نفسى وقعدت افتكر اللى خدته فى سنه تانيه علشان اشرحه لكم بشكل مبسط




    ونبدأ ...



    الميكروبيولوجى :

    العلم اللى بيتهم بدراسة الكائنات الدقيقه اللى بتعيش فى البيئه وتأثيرها على الإنسان .. والامراض اللى تسببها .. وكيفية القضاء عليها ..

    التيرم الاول : جزء الـ sterilization وده اكبر جزء وبيكون عليه الدرجة الاكبر فى الامتحان .. وهو عباره عن طرق التعقيم لضمان عدم

    وجود تلك الكائنات الدقيقه .. بالاضافة إلى الـ bacteria وهو شامل لدراسة البكتريا بخصائصها واشكالها واحجامها وتركيبها .. كمان جزء

    الـ viruses والـ Fungi وبندرس فيهم نفس ما فى الـ bacteria ..

    التيرم التانى : بقى بناخد الـ antibiotic وده بشهادة الجميع أصعب جزء فى مواد تانيه كلها .. وبيبقى عليه 40 درجه فى الامتحان ..

    وده بيدرس الـ antibiotics وبناخد فيها عائلاتها والميكانيزم بتاع قتلها للكائنات الدقيقه .. كمان جزء الـ contamination وده جزء صغير

    بيبقى عليه خمس درجات وده بيكلم عن تلوث الاغذيه والاطعمه بالميكروبات وازاى تستخدم الـ preservatives لحفظها .. كمان جزء

    الـ genetics engineer ودى زى اللى اخدناها فى اعدادى فى الحيوان بس بتوسع اكبر .. وهو جزء كبير اوى برضه ومهم .. مع الـ

    antibiotics .. كمان جزء الـ biotechnology وده هناخد فيه تصنيع اللبن والجبنه والخميره والخل .. وهو يعتبر كـapplication على الـ micro organisms ..



    العضويه :

    التيرم الاول : جزء الـ introducation اسمه الـ aromatisty وهو بيهدف الى الكشف عن المركب العضوى ما اذا كان اروماتى ام لا ..

    كمان جزء الـ aromatic halides وجزء الـ aromatic aldehydes وجزء الـ aromatic carboxylic acid وجزء الـ aromatic nitro compound

    وكل الاجزاء دى بناخدها زى اولى بالظبط .. ناخد الـ nomencleature والـ synthesis والـ reactions ..

    التيرم التانى : بناخد جزء اسمه الـ hetero بتدرس الـ five membered ring اللى هى اى حلقة خماسيه تبقى اربع ذرات كربون والذرة

    الخامسه hetero وذرة الـ heteri بتبقى يا اما O او N او S و الـ six membered ring اللى هى حلقة سداسيه .. خمس ذرات كربون او

    اقل .. والباقى ذرات hetero .. الجزء التانى spectroscopy وده بيكلم عن الاجهزه .. وبيحتوى على اربع اجهزه IR infrared و U.V

    ultraviolet و mass spectroscopy و nuclear magnetic radiation وكل جهاز له تركيبه واستخدامه والاستخدام مهم جدا .. وده بناخده

    برضه فى التحليلية ..



    التحليلية ..


    التيرم الاول : جزء الـ electrochemical cells عباره عن دوائر كهربيه بتشرح الآنود والكاثود بتاعها وانواعهم وهما ايه وقوة التيار

    والرسمه بتاعتهم .. وجزء الـ oxidizing &reducing agents بيتكلم عنهم بالتفصيل الممل .. وعن الـ application بتاعتهم اللى بيوصلوا حوالى 100 ..

    التيرم التانى : جزء الـ planner analysis ودول عباره عن اربع اجهزه .. بيتاخدوا برسوماتهم ودول بيعملوا تحليل للمواد وفصلها عن

    بعضها عملياً .. وازاى تعرف نسبة كل ماده لواحدها قد ايه من الـ mixture .. بعد كده جزء الـ photometry وكمان الـ florumetry وهما

    جزئين فيهم كتير من بعض اسمهم سوا الـ spectroscopy وده بيكلم عن الـ infrared و الـ ultraviolet والأطوال الوجيه بشكل عمومى

    وازاى نستخدمهم فى تحليل المواد وده زى اللى هناخده فى العضويه نفس الموضوع ...




    الصيدلانيات ..

    التيرم الاول : اول حاجه الـ colligative properties اللي هي الحاجات اللي تغيرها بيؤدي الي تغير ثابت في خصائص الماده .. وفيه

    شوية قوانين كده بس من غير الاثبات بتاعها .. بعد كده جزء الـ solubility وده بيتكلم عن ذوبان الغاز فى الغاز وذوبان الغاز فى السوائل

    واهم حاجه ذوبان سائل فى سائل دا هيمسكهم بالتفصيل والحاجات اللي بتاثر عليهم بعد كده جزء الـ dispersion وده بيتكلم عن

    توزيع الـ solid فى الـ liquid زى الـ suspension اللى خدناه فى أولى .. بعد كده جزء الـ surface tension وكمان عن الـ surface active

    agent .. وجزء اخير بيتكلم عن الـ polymer وتكوينه وتركيبه .. وغالبا الجزء ده بيتساب ..


    التيرم التانى : فيه جزئين .. الجزء الاول اللى هو الـ diffusion & dissolusion وده بيكلم عن انتشار المواد الصلبه فى السائل زى

    دوبات قرص الدوا ازاى بيتفكك ويتحلل لحد ما يوصل للدم .. كل ده بقوانين للحفظ بس مش بييجى عليها مسائل ولا حاجه .. الجزء

    التانى اللى هو الـ systems وده بينقسم لحاجتين neotonian & non neotonian اللى هما السوائل دول اسمهم system هيتكلم عن

    تاثير كل واحد منهم بالحركه وان ساعات لو حركت السيستم هيتحول من حاله لحاله لزوجته تتغير يعني بالزياده او النقصان يعني

    الاساس ف الفصل ده هو اللزوجه .. ومحدش يقول لى يعنى ايه .. عشان انا نفسى معرفتش افهم اى حاجه ..




    العقاقير ..

    التيرم الاول : جزء الـ fruit وده زى الـ leaf والـ bark والـ flower كده اللى كانوا فى أولى .. بناخد الـ fruits اللى فيهم active

    constituent بنستخدمها فى الدوا .. وبناخد بقى الـ origin بتاعهم .. والـactive constituent والـ uses وكده .. وزيه جزء الـ seed نفس

    الموضوع .. وجزء اسمه الـ biochemical reaction وده عامل زى الفيسيولوجى اللى كنا خدناه فى اعدادى ..


    التيرم التانى : بقى فيه جزء الـ subterranean وده بيتكلم عن اجزاء النباتات اللى تحت الارض زى الـroot كده بالظبط .. وبرضه زى الـ

    leaf والـ bark والـ flower فى اولى وزى الـ fruit والـ seed فى تانيه .. هناخد برضه الـ active constituent والـ uses وكده .. بعد كده

    بقى جزء الـ narcotics وده جزء اللى هو بتاع المخدرات .. وجزء الـ unorganized drugs وده بيكلم عن الحاجات اللي بتخرج من النبات

    لكن مابتبقاش ليها صفه محدده فى الاناتومي زى الصمغ والجيلاتين ..





    كده مواد تانيه كلها خلصت ..

    وأتمنى إنى أكون أفدتكم .. وأحب أشكر زملاتى وإخواتى اللى فى رايحين تالته اللى ساعدونى جداً فى عمل التوبيك ده ..

    ولو فيه اى استفسارات محدش يسأل لأنى شخصياً مش فاهم أى حاجه انا كتبتها


    اقتباس المشاركة الأصلية كتبت بواسطة د/منار مشاهدة المشاركة


    شكراجدا لد/جوهري وطبعا ماقدرش ازود حاجه عن اللي قاله في شرح المواد لانه جزاه الله خيرا قال


    كل حاجه بس عندي اضافات بسيطه بالنسبه للمواد وطريقة المذاكره طبعا تركيزنا اولا علي الترم الاول


    الترم الاول بجد كويس هو طبعا مشكلة تانيه ان المنهج كميته اكبر فبجد بجد حاولوا تلموا الموضوع من

    الاول وتهتموا من الاول بالنسبه للمواد اسهل ماده تقريبا الصيدلانيات لان كميتها صغيره

    وكمان الله يجزيه خير د/الشابوري شرحه فوق الممتاز بجد اهتموا بحضور محاضراته لانه بيجيب

    حاجات في الامتحان مش موجوده في الكتاب وبيقولها في المحاضرات وعمل معانا كده لترم الاول

    وجاب مساله كامله علي قانون مش موجود في الكتاب بس كان قاله في المحاضره الخارجي اهتموا

    بجزء د/ الشابوري جدا لان عليه 50 درجه د/ الشابوري امتحانه الترم اول كان يعني شويه هو ماكنش

    صعب بس كان جايب حجات من بين السطور وحجات اتقالت في المحاضره

    اما الجزء التاني ف لد/ اسامه او د/ ثناء ودا جزء كويس اللي كان بيدينا د/ اسامه جزءه عليه 30 درجه

    وبجد جزءه جميل وسهل وكله من الكتاب وامتحانه كان سهل

    يبقي كده بالنسبه لصيدلانيات طالبين


    1/حضور المحاضرات لد/ الشابوري مهم جدا وطبعا د/اسامه


    2/مذاكره جزء د/ الشابورى من الكتاب لان كتابه جميل جدا وطبعا للي بيحب يذاكر من الكتاب


    3/محاوله كتابة المعلومات اللي اتقالت في المحاضه خاصة في جزء د/ الشابوري


    اما بالنسبه لاصعب ماده فالباقي كله زي بعضه بس ممكن الميكرو تكون غريبه عنكم شويه لانكم لاول

    مره هتدرسوها بس بجد في الميكرو حاولوا يكون معكم المنهج لان فعلا احنا في الترمين كنا بنذاكر منهج

    ونروح نلاقي الامتحان منهج تاني تماما تابعوا من الاول اهتموا بالعملي وماتخرجش من السكشن الا

    وانتم عارفين كل حاجه واي حاجه تقف معاكم روحوا لد/ عبد العزيز هو معيد بس فعلا ربنا يكرمه

    يبقي المطلوب بالنسبه للميكرو


    1/معرفة المنهج


    2/اهتمام بالعملي


    3/مذاكره من الاول


    اما العقاقير/فهي عقاقير زي اي عقاقير استخدامات ومواد فعاله هي كويسه وامتحاناتها كويسه برده بس طبعا معتمده علي الحفظ جدا وجزا اسمه البيوسنسس طبعا عامل زي فسيولوجي اعدادي زي ما
    د/ جوهري قال

    يبقي المطلوب من العقاقير


    1/حضور محاضرات


    2/حفظ


    3/حفظ



    اما بالنسبه للتحليليه فطبعا هي عاديه بس لو د فتح الله هو اللي اداكوا ركزوا اوي واهتموا اوي اوي لان

    امتحانه الترم الاول كان محتاج تشغيل دماغ اوي اوي اوي وكان جايب محتاجه فهم وعليه برده 50

    درجه اما الاجزاء التانيه فلو لد/ ناهد فطبعا يبقي يا سعدكم يا هناكم فهي شرحها ممتاز وامتحاناتها سهله

    وعليها 30 درجه

    المطلوب


    1/الفهم للمثال


    2/حضور المححاضرات


    3/الاهتمام بالعملي



    اما بالنسبه للعضويه فغنيه عن التعريف بس شدوا حيلكم فيها اوي لان معرش الصراحه الاستف ع

    سناتكم هيكون عامل ازاي بس فعلا عندنا كان درجاتهم مش كويسه في الترمين مع ان الامتحان الترم

    الاول كان سهل



    انا اسفه طولت عليكم بس فعلا غرضي كله انكوا تهتموا من الاول لان تانيه طويله وهتتفاجئ في الامتحانات بكمية منهج كبيره طبعا كلامي لسه بدري عليه بس علشان تتحفزوا من الاول ووالله اللي هيهتم ويمشي بالنظام ده مش هيقل عن امتياز
    وجزاكم الله خيرا اسالكم الدعاء






    اقتباس المشاركة الأصلية كتبت بواسطة Gohary مشاهدة المشاركة

    العفو يا جماعه .. وشكرا اوى دكتوره منار .. وعلى فكره يا جماعه التوبيك ده انا عملته السنه اللى فاتت قبل ما اخش سنه تانيه

    ووالله يا جماعه ما تقلقوا خالص .. سنه تانيه هى تقيله شويه اه عن سنه اولى بس .. سهله وتقدروا تقدروا فيها كمان .. بس عاوزه شوية اهتمام عن اولى ..


    التحليليه تعتبر تقيله عن تحليلية اولى .. وعاوزه اهتمام وحفظ .. وحاولى تركزوا فى شغل العملي .. لان تجربة التيرم الاول محتاجه انك تكون اشتغلتها قبل كده كويس .. لو هتنزل لكم تجربة الفينول زى كل سنه ..

    العضوية : من وجهة نظري كان احسن جزء فى العضوية كله عضوية تانيه التيرم الاول .. هتاخدوا الـ armomaticity كل المركبات اللى فيها حلقات بنزين .. وميتا وأرثوا وبارا .. وتحويلات .. بجد كان جزء ممتع جدا .. بس خدوا بالكم من العملي لانه بينزل mixture من مركبين وانت بتفصل وبعدين بتتعرف .. برضه اهتم بالشغل اوى فى السكاشن ..

    العقاقير : التيرم الاول نفس سنه اولى .. fruit و seed و herb بنفس النظام origin & A.C & Ch.test وهكذا .. مع جزء اسمه biosynthesis بيكلم العمليات الحيوية اللى بيعملها النبات .. وبناء للمواد الاساسيه بتاعته .. زى اللجنين ..
    التيرم التاني بقى هتاخدوا جزء الناركوتكس .. وما امتعه هتحسوا انكم دكاتره بجد .. ود حسن الراضي بجد لازم تحضره له تحس انك قاعد مع واحد صاحبك مش مع دكتور بيشرح لك محاضرة ..

    الصيدلانيات : اسمها الصيدله الطبيعيه .. يعني هتميل للفيزيا شوية .. درجة الحرارة والضغط .. هى بالنسب لاولى تعتبر صغيره جدا .. والعملى بتاعه زى تجارب شبيهه بتجارب الفيزيا شوية .

    الميكرو : تعتبر ماده جديدة عليكم .. بس والله جميله .. وهتحبوها لو ذاكرتوها كويس من الاول ..



    شدوا حيلكم ربنا معاكم .. واى حاجه تواجهكم مترددش ..

    إسأل استشير

    التعديل الأخير تم بواسطة Amira ; 15-07-2009 الساعة 05:10 PM سبب آخر: اضافه جزء د/منار و الجزء التانى لــ د/ جوهرى

  2. #2
    Pharma Student
    تاريخ التسجيل
    Jun 2009
    الدولة
    In Ma Kingdom
    المشاركات
    147

    افتراضي

    teslam ya doctor gohary

    ta3bnak ma3ana

    rabena yewafa2na isa elsana el gaia w yewafa2ak enta kaman



  3. #3
    Pharma Student
    تاريخ التسجيل
    Mar 2008
    المشاركات
    1,473

    افتراضي

    اقتباس المشاركة الأصلية كتبت بواسطة Gohary مشاهدة المشاركة

    كده مواد تانيه كلها خلصت ..

    وأتمنى إنى أكون أفدتكم .. وأحب أشكر زملاتى وإخواتى اللى فى رايحين تالته اللى ساعدونى جداً فى عمل التوبيك ده ..

    ولو فيه اى استفسارات محدش يسأل لأنى شخصياً مش فاهم أى حاجه انا كتبتها
    ربنا يطمنك يادكتور زى ماطمنتنا

    ياترى ياسنة تانية حكايتك هتكون ايه معايا
    اهىء اهىء اهىء

    الكلام ده بجد كبير اوى ... وباين كدة مواد تانية فيها حفظ بالهبل
    حفظ حفظ حفظ

    رحمتك ياااااارب

  4. #4
    Pharma Student
    تاريخ التسجيل
    Feb 2009
    الدولة
    فى رعاية الله
    المشاركات
    348

    افتراضي



  5. #5
    Pharma Student
    تاريخ التسجيل
    Oct 2007
    المشاركات
    504

    افتراضي

    اولا جزاك الله كل خير على المجهود

    ربنا يكرمكم فى تالتة

    ويقوينا على تانية يــــــــــــــــــــــارب

  6. #6
    Pharma Student
    تاريخ التسجيل
    Sep 2007
    المشاركات
    203

    افتراضي

    شكرا يا د/ جوهري علي الموضوع المفيد ده
    واللي خلاني بدل ما كنت عايزه السنه الجاية تبدا بفارغ الصبر
    دلوقتي مش عاوزاها تيجي اصلا
    ربنا يخليك لينا وتعقدنا كمان وكمان
    بس والله شكرا ليك بجد انك عطيتنا فكره عن سنه تانيه علشان نعمل حسابنا قبل ما ندخلها

  7. #7
    Pharma Student
    تاريخ التسجيل
    Mar 2009
    المشاركات
    209

    افتراضي

    ألف شكر لحضرتك يادكتور

    وان شاء الله تعملنا موضوع زيه

    السنه الجايه .


  8. #8
    Pharma Student
    تاريخ التسجيل
    Oct 2007
    الدولة
    El Mansoura
    المشاركات
    123

    افتراضي

    الف شكر يا دكتور على الموضوع المهم ده و تعبنا حضرتك معانا
    بس الظاهر ان سنة تانية حلوة تدعو الى التفاؤل
    ربنا يستر و تعدى على خيييييييييير و ربنا يوفقنا فيها
    و ربنا يوفقك انت كمان يا دكتور و تعملنا موضوع زى ده السنة اللى جاية بس ياريت يا دكتور تركز السنة دى عشان ما تتعبش فى التفكير لما نطلب منك الموضوع ده تانى السنة اللى جاية ان شاء الله

  9. #9
    Pharma Student
    تاريخ التسجيل
    Oct 2008
    الدولة
    Gooogle earthe
    المشاركات
    397

    افتراضي

    شكرا يا دكتور جوهري على الموضوع دا
    وباين كده إن سنة تانية مالهاش حل
    ربنا يوفقنا إن شاء الله

  10. #10
    Pharma Student
    تاريخ التسجيل
    Nov 2008
    الدولة
    في بيتنا
    المشاركات
    91

    افتراضي

    شكراجدا لد/جوهري وطبعا ماقدرش ازود حاجه عن اللي قاله في شرح المواد لانه جزاه الله خيرا فال كل حاجه بس عندي اضافات بسيطه بالنسبه للمواد وطريقة المذاكره طبعا تركيزنا اولا علي الترم الاول
    الترم الاول بجد كويس هو طبعا مشكلة تانيه ان المنهج كميته اكبر فبجد بجد حاولوا تلموا الموضوع من الاول وتهتموا من الاول بالنسبه للمواد اسهل ماده تقريبا الصيدلانيا لان كميتها صغيره وكمان الله يجزيه خير د/الشابوري شرحه فوق الممتاز بجد اهتموا بحضور محاضراته لانه بيجيب حاجات في الامتحان مش موجوده في الكتاب وبيقولها في المحاضرات وعمل معانا كده لترم الاول وجاب مساله كامله علي قانون مش موجود في الكتاب بس كان قاله في المحاضره الخارجي اهتموا بجزء د/ الشابوري جدا لان عليه 50 درجه د/ الشابوري امتحانه الترم اول كان يعني شويه هو ماكنش صعب بس كان جايب حجات من بين السطور وحجات اتقالت في المحاضره اما الجزء التاني ف لد/ اسامه او د/ ثناء ودا جزء كويس اللي كان بيدينا د/ اسامه جزءه عليه 30 درجه وبجد جزءه جميل وسهل وكله من الكتاب وامتحانه كان سهل يبقي كده بالنسبه لصيدلانيات طابين
    1/حضور المحاضرات لد/ الشابوري مهم جدا وطبعا د/اسامه
    2/مذاكه جزء د/ الشابور من الكتاب لان كتابه جميل جدا وطبعا للي بيحب يذاكر من الكتاب
    3/محاوله كتابة المعلومات اللي اتقالت في المحاضه خاصة في جزء د/ الشابوري
    اما بالنسبه لاصعب ماده فالباقي كله زي بعضه بس ممكن الميكرو تكون غريبه عنكم شويه لانكم لاو مرهتدرسوها بسبجد في لميكرو حاولوا يكون معكم المنهج لان فعلا احنا في الترمين كنا بنذاكر منهج ونروح نلاقي الامتحان منهج تاني تماما تابعوا من الاول اهتموا بالعملي وماتخرجش من السكشن الا وانتم عارفين كل حاجه واي حاجه تقف معاكم روحوا لد/ عبد العزيز هو معيد بس فعلا ربنا يكرمه يبقي لمطلوب بالنسبه للميكرو
    1/معرفة المنهج
    2/اهتمام بالعملي
    3/مذاكره من الاول
    اما العقاقير/فهي عقاقير زي اي عقاقير استخدامات ومواد فعاله هي كويسه وامتحاناتها كويسه برده بس طبعا معتمده علي الحفظ جدا وجزا اسمه البيوسنسس طبعا عامل زي فسيولوجي اعدادي زي ما د/ جوهري قال يبقيالمطلوب من العقاقير
    1/حضور محاضرات
    2/حفظ
    3/حفظ
    اما بالنسبه للتحليليه فطبعا هي عاديه بس لو د فتح الله هو اللي اداكوا ركزوا اوي واهموا اوي اوي لان امتحانه الترم الال كان محتاج تشغيل دماغ اوي اوي اوي وكان جايب محتاجه فهم وعليه برده 50 درجه اما الاجزاء التانيه فلو لد/ ناهد فطبعا يبقي يا سعدكم يا هناكم فهي شرحها ممتاز وامتحاناتها سهله وعليها 30 درجه المطلوب
    1/الفهم للمسال
    2/حضور المححاضرات
    3/الاهتمام بالعملي
    اما بالنسبه للعضويه فغنيه عن التعريف بس شدوا حيلكم فيها اوي لان معرش الصراحه الاستف ع سناتكم هيكون عامل ازاي بس فعلا عندنا كان درجاتهم مش كويسه في الترمين مع ان الامتحان الترم الاول كان سهل
    انا اسفه طولت عليكم بس فعلا غرضي كله انكوا تهتموا من الاول لان تانيه طويله وهتتفاجئ في الامتحانات بكمية منهج كبيره طبعا كلامي لسه بدري عليه بس علشان تتحفزوا من الاول ووالله اللي هيهتم ويمشي بالنظام ده مش هيقل عن امتياز
    وجزاكم الله خيرا اسالكم الدعاء

صفحة 1 من 7 123 ... الأخيرةالأخيرة

المواضيع المتشابهه

  1. شرح مبسط لمواد الفرقة الإعدادية
    بواسطة Mohamed Al Gohary في المنتدى الفرقة الاعدادية 2012
    مشاركات: 36
    آخر مشاركة: 09-10-2011, 01:54 PM
  2. شرح مختصر لمواد تانية كلينيكال
    بواسطة BoNbOoNa في المنتدى الصيدلة الاكلينيكيه
    مشاركات: 22
    آخر مشاركة: 25-09-2010, 05:53 AM
  3. بناء علي طلب الجماهير قصيدة رومانسية في حب التحليلية
    بواسطة Hope1 في المنتدى المنتدى الأدبي
    مشاركات: 12
    آخر مشاركة: 22-04-2010, 08:06 PM
  4. القاموس الطبي الناطق........ بناءا علي طلب الجماهير
    بواسطة hamyo-pharma في المنتدى E-Books & Dictionaries
    مشاركات: 14
    آخر مشاركة: 05-01-2010, 07:28 AM
  5. بناء على طلب الجماهير ... شرح مبسط لمواد تانية
    بواسطة Mohamed Al Gohary في المنتدى الفرقة الثانية 2009
    مشاركات: 102
    آخر مشاركة: 15-03-2009, 10:14 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •