بتفكر فى ايه ؟؟

[Mohamed Al Gohary]

ياريت اللى اتخرجوا وخلاص خدوا شهادة البكالوريوس .. يقولوا لنا بيفكروا فى ايه ؟؟

هل فى السفر للخارج ؟؟ هل فى العمل فى صيدليه ؟؟ هل العمل فى شركة ادويه ؟؟ هلى فى التكليف ؟؟

ام ماذا ؟؟

[WhiteBird]

خلينا دلوقتى نركز فى دراستنا ونسيب كل حاجه لوقتها
بس ادعى ربنا يوفقنا السنين الجايه

[heba541]

انا رايى ان كل واحد فى الكليه لازم .....لازم يبقى عارف هيشتغل فى ايه بعد التخرج لان الحلم ده هيتعمد عليه هل هيزاكر جامد ولا نص نص
ايه المواد اللى مهمه بالنسبه لى فبالتالى هيركز عليها وهكذا.........شكرااااعلى الموضوع

[Mohamed Al Gohary]

وللاسف مفيش ولا واحد من اللى اتخرجوا عبرنا وقال ناوى على ايه .. ده زى مايكون مش عاوزين يعملوا اى حاجه تفكرهم بالكليه ..

[dr noha]

هو حضرتك فعلا مُصر على الإجابة ؟؟!

يمكن محدش عاوز يجاوب من باب ...
"يَا أَيُّهَا الَّذِينَ آمَنُوا لاَ تَسْأَلُوا عَنْ أَشْيَاءَ إِن تُبْدَ لَكُمْ تَسُؤْكُمْ ......"

بس على فكره حكاية ان المفروض تركز على مواد معينة علشان وظيفة معينه مش المفروض تكون طريقة تفكيركم يعنى ...
لأن الموضوع مش مواد على قد ما هو طريقة حياه ..

يعنى لو حابب مجال الدعاية مثلا

يبقى لازم تعرف أنك لازم تكون

صبور "يعنى ممكن تيجى أو لأ" .... بتعرف تتكلم كويس .. و تهتم طبعا بمظهرك و تحاول تكون مؤثر فى اللى حواليك

بس برضه لازم تعرف ان فى الايام دى بتعتبر وظيفه مش دايمة و كتير بيعتيروها مرحله انتقاليه مش أكتر ... و طبعا الهدف منها معروف

لو عايز تقف فى صيدلية

و دى أعتقد كل الصيادلة لازم يمروا على الموضوع ده سواء قبل أو بعد التخرج حتى اللى بيفكر فى حاجة تانية غير شغل الصيدليات ...
و هو فى رأيى مش وحش زى ما فى ناس متخيلة بس حاول بقى تستعدله من دلوقتى بوقوفك كتير فى الصيدلية .. و انتو عندكوا تدريب فى تانية و تالته حاولوا تأخدوا الموضوع بجد أكيد هتستفيدوا و هيوفر عليكم تعب بعد كده

أو ممكن تستنى التكليف

بس دا مش كتير من الولاد بيأخده إلا اللى بيكون فى حتت كويس زى مستشفيات الجامعة و كده ... غالبا البنات اللى بتأخده و هو يعتبر أكتر وظيفه ثابته فى شغل الصيادلة

هو الكلام ممكن يكون كتير بس أنا لازم أقوم دوقتى
بس خلاصته ...
إنكم فى الكليه ... يعنى الفرصه لسه فى أديكم أنكم تحددوا مستقبلكم
و خلوا هدفكم واضح قدامكم و إن شاء الله هتوصلوله .....

[:HOPE:]

انا رايى ان كل واحد فى الكليه لازم .....لازم يبقى عارف هيشتغل فى ايه بعد التخرج لان الحلم ده هيتعمد عليه هل هيزاكر جامد ولا نص نص
ايه المواد اللى مهمه بالنسبه لى فبالتالى هيركز عليها وهكذا

السلام عليكم يا شباب
أنا رأيي مختلف شوية لأني ارى أن الطالب عليه أثناء فترة الدراسة أن يجهز نفسه للعمل في جميع مجالات الصيدلة فمن غير المنطقي أن يحجر الطالب على تفكيره من سنة أولى أو اعدادي أنه هيشتغل في مكان كذا يبقى هذاكر مادة كذا كويس و المواد التانية لأ، فالمفترض أن الطالب في الكلية يدرس ما يؤهله للعمل في مختلف مجالات الصيدلة
خلاصة رأيي أن على الطالب ألا يشغل نفسه كثيرا بمكان معين للعمل بعد التخرج بل عليه أن يجتهد جدا في مذاكرته و يركز فيها في هذه المرحلة ليكون جاهز للعمل في أي مكان حسبما ييسر الله له
و جزاكم الله خيرا

[Mohamed Al Gohary]

د/نها .. دوكتور Hope ِمرا جزيلا على ما قدمتوه من نصائح لنا ..

[احمدلطفى]

شكرا علي هذه النصائح الغاليه

[أميرة الحسانين]

المستقبل بيدالله

[Mohamed Al Gohary]

ونعم بالله ..