جزاك الله خيرا يا د.ياسر
بجد ناس كتيييير هيستفيدوا من الكلام ده وانا اولهم طبعا
جزاك الله خيرا يا د.ياسر
بجد ناس كتيييير هيستفيدوا من الكلام ده وانا اولهم طبعا
العزيمة القوية بتعمل حاجات كتير فعلا صعبة واحيانا مستحيلة
لكن بالله من غير توفيق ربنا مش هتعمل حاجا
أنا كنت شايل الفسيولوجى برضو
لكن ف التيرم التانى جبت الفلل مارك 110
مع انى مزاكرتش قد كده حتى العشر اسئلة مكنتش زاكرتهم ويدوب قريتهم ومزاكرتش الا خمسة كده وحظى جه الامتحان منهم ..وكنت داخل الامتحان بقول خسارة والله اشيل مادة الدكاترة عاطيانا اسئلتها
وعرفت اسئلة كتير قبل م أدخل اللجنة ..
السنة دي مزاكر التحليلية وكللنا زاكرناها ..
لكن بجد ضيعت منى نقطة قوتى وهيا توفيق ربنا ليا ..
ودخلت حليت امتحان تانى خالص هههه ..
وجبت درجة مكنتش اتوقعها حتى بعد لما خرجت من الامتحان
يلا الحمد لله ع كل شيء ..
أولا أنا بشكر دكتور ياسر على نصايحه لينا ....ربنا يجازيه عننا كل خير
ثانيا يا جماعه اللى حصلنا ده أكيد درس لكل واحد علشان يقعد مع نفسه ويفكر ويشوف هوا غلط فى ايه ويحاول يصلحه ...أنا بصراحه حاسه ان النتيجه غريبه التحليليه والعضويه اغلب الناس لا شيلينها لا واقعين جامد فيها والميكرو اللى الكل كان خايف منه ماشاء الله الناس تقريبا كلهم عدوا منه ولو حد شايله بلاقيه على درجه او اتنين ...العقاقير برضه ناس كتير واقعه فيها مع انى سمعت ان دكتور سيد هيعطى على جزؤه 5 درجات لكل الدفعه يعنى المفروض ان محدش يقل فيها كتير ...بصراحه يا جماعه النتيجه غريبه _ده بالنسبه لى _أنا اكتر مادتين نقصت فيهم هما التحليليه والميكرو بلاش اتكلم عن الميكرو لان الحمد لله انا مكنتش متوقعه انى هعدى الماده دى اصلا ...ماده زى التحليليه انا الحمد لله كنت مذاكراها كويس ولما كنت بحسب لنفسى فيها كنت بخسف بدرجاتى الارض جيت لقيت درجه غريبه وكمان العضويه امتحانها كان سهل وبرضه درجتها عندى مش زى ماكنت متوقعه بس هقول ايه يلا الحمد لله على كل شىء أكيد ان شاء الله ربنا هيعوضنا الترم التانى وباذن الله كلنا نحاول نشد من اول الترم ونذاكر ونتعلم من اللى فات وبلاش نزعل عليه لان زعلنا مش هيعمل حاجه احنا هنتعب نفسنا ونضيع وقتنا وخلاص ...ربنا يوفقنا
اتق الله ... اتق الله .. اتق الله ..
حافظ على صلاتك .. و ادعى ربنا يوفقك
جزاك الله خيرا يا دكتور ياسر
وربنا يجعله في ميزان حسناتك .. وياااارب تجيب امتياز السنة دي
ربنا كريم قوي ولازم نحسن الظن فيه دائما ونكون على يقين إنه كل ده خير لينا
قال الله تعالى في الحديث القدسي (( أنا عند حسن ظن عبدي بي ... )) ظن بالله زي ما انت عايز وان شاء الله هتنول اللي في بالك بس لازم نجتهد
كليتنا جميلة والله ... بس احنا فعلا بنقصر وبنكسل كتير !!!
لازم نحمد ربنا إنه أنعم علينا بدخولنا الكلية دي
وأنا متأكدة لو رجعنا ثانوي تاني هنختار صيدلة مش هنختار حاجة تانية .. (( ده عن نفسي يعني ))
بصراحه يادكتور ياسر أنا أول ما قرأت موضوعك فطست على نفسى من الضحك لأنه فكرنى بحاجات كتير مرت على فى السنتين اللى فاتوا وموضوعك فعلا أكدلى حاجه ان احنا مش أغبيه ولا قدراتنا ضعيفه ولا أى حاجه لأننا بنخلص مذاكره منهج ماده كامله فى 5 أيام اللى قبل الماده فاياسلام بقى لو الواحد بقى كان بيذاكر من أول السنه أو حتى مفتح فيه شويه
وموضوعك بجد جه فى وقت مناسب لى لأنى فعلا السنه دى أدركت ان مذاكره أعدادى وأولى غير السنه دى خالص وبصراحه انتوا بتوع تالته مش مقصرين معانا فى حاجه وخصوصا بعد النتيجه أنا ما اطمنتش غير من كلامكم
معلش على الاطاله
مش لوحدك ياياسر
مش عارفه بجد اقولك ايه ??
مشكلتنا بجد اننا بنزاكر وخلاص
بنحفظ عشان نعدى
ونيجى نسال بعض طب دى معناها ايه يقولك مش عارف
انا حافظها كده
انا ف اعدادى ترم اول جبت جيد 73 %
ولقيت ناس مستواها مفيش حاجة خالص ومش بيزااكرو الا ع الامتحانات وجابوا جيد جدا وامتياز كمان
جيت ف الترم التانى طنشت شويا جبت جيد بس اقل من جيد الترم الاول طبعا
وف اولى زاكرت شويا الى حد ما يعنى وللاسف بردو جيد بالعافيه
مع ان فيه ناس مزاكريين زيى بس جابوا اعلى منى
ومزاكره من نفس مصدر مزاكرتهم
انا مش هقول انى دخلت بكل الاجزاء
لاء انا كنت بردو سايبه حاجات
مش عشان حاجة لاء
انا بطيئه شويا ف المزاكره للاسف
فقلت ادخل باجزاء ضامناها واللى سايباه اصلا درجاته كانت مش كتير
ماعلينا
انا بقى قررت انى ازاكر والنتيجة دى بقى توفيق من ربنا
بس بجد انا حاسه انى مااخدتش حقى الترم الاول ده
وربنا يوفقنا
جزاك الله خيرا على الكلام ده جاى فى وقته
ربنا يكرمك ويوفقك
ربنا يوفقنا جميعا
مشكور يا دكتور ياسر
ربنا معاك
انا كنت على مشارف الضياع
لكن الحمد لله عديت
شكرا يا دكتور