الفارماكولوجى"تعليقات واستفسارات"

[dr/noony]

اولا بشكر د/احمد جداااااااااا ع سعة صدره ووقته لينا جزاك الله كل خييييييير
ثانيا الفارما مادة جميلة جدااااا وممتعة فعلا بس بتبقى عاوزة وقت قبل الامتحان
بس عشان تتلم صح اربع ايام فى الترم اللى فات كانت مدمرة ماشى اللى فات
مات وارجو ان الجدول يكون كويس الترم ده ءان شاء الله ما علينا
بالنسبة للعملى بصراحة الترم ده ف الفارما بالذات بدأنا بداية صح جداااااا
هو ده اللى كان المفروض نعمله من الاول ندرس المرض بعمق ونطبق
ف الcases وبكده نفهم اكتر ويبقى فيه متعة ف السكشن
مش زى الاول قاعدين مخنوقين ومش فاهمين اى حاجة
اما الاساى بشكرك كل المعيدين بجد غاية ف التعاون
مفيش حاجة بنسأل فيها الا لما يساعدونا فيها ربنا
يجزيهم كل خييييييييييييير يارب
بس هى فعلا مشكلة التعامل مع الحيوانات
بس ملهاش حل لازم نتعود لان ف الامتحان محدش هيمسكهلنا
واسفة ع الاطالة

[phd_w]

بشكر د/احمد جداااااااااا ع سعة صدره ووقته لينا جزاك الله كل خييييييير

[drsherbiny]

احب اشكر الدكتور احمد علي تواجده معانا واحب اعرف الناس ان الدكتور احمد خريج 2008

يعني قريب مننا جدا في السن واكيد هيتفهمنا وهيتفهم مشاكلنا ولك جزيل الشكر تاني يا دوكتور

تاني حاجة اجب ااقول

بالنسبه للفارماكولوجي انا شايف بالنسبه للترم الاول منهج الكيسز العملي مكانش ليه علاقه بالنظري قوي يعني
ومعظم الناس مكنتش مستساغاه والشيت اللي جه لم يتعلق بما درسناه وحسينا انه مهم مقل حالات التوكسو دروم
الترم التاي نفس المود وانا بروح السكشن بيكون كله عمليه املاء وخلاص طب ليه مش تنزل الماده العلميه نحضر بيها السكش وحضرتكم تشرحولنا ؟؟؟؟

[drsherbiny]

سؤال محرج تاني ياريت يا ريت يا ريت حضرتك ترد عليه
ايه راي حضرتك في امتحان الفارماكولوجي الترم الاول
ايه راي حضرتك في منهج العملي الفارما

[..::ciZar_Resala::..]

د / أحمد رمضان

بالنسبة للترم الأول ..

أنا شايف إن عملى الفارما كان لذيذ جداً و خصوصاً ال Toxidrome .. بجد حسينا إننا فعلاً دكاترة و ممكن نقف فى ED و كانت دراسة عملية ممتعة جداً .. حتى و إن كنا مش فاهمين حاجة فى الأول .. و ده لأن منهج النظرى مكنش فى الوقت ده واصل لمنهج العملى .. لكن بعد ما الدكتور طارق خلصلنا الجزء بتاعه اكتشفنا إن ال Toxidrome دى جميلة جداً و كويسة جداً .. أو ده رأيى الشخصى ..

و بالنسبة لل deficiency ..

فكان إن بعض المعيدين مش عارف منهج النظرى واقف لحد فين .. فكان لما يقول حاجة و ميلاقيش حد فاهم .. عشان يريح دماغه يقول " خدتوها فى النظرى " نقول مخدناهاش .. يقول " هتاخدوها " ..

برده فى البعض القليل جداً من المعيدين طريقة شرحه غير مرضية .. كنا بنحس إنه بيكلم نفسه .. أو بيفتكر حاجات من الماضى !!!

أما الامتحان ..

فأنا بيتهيألى أن هناك عيبين :

العيب الأول .. فينا احنا .. لأن فى أسئلة الناس كانت بتجاوبها من مواد تانية "الطبية " .. و فى أسئلة كان مغزاها غير مفهوم للبعض الكثير من الطلبة ..

لكن المفروض إنى كطالب فى كلية الصيدلة و فى السنة التالتة .. المفروض إنى أكون اتعلمت إزاى أفكر كدكتور .. و الحمد لله المشكلة دى مكانتش عندى .. و لا عند بعض زمايلى اللى سألتهم ..

أما بالنسبة للدرجات :

فى ناس كتيرة جداً مظلومة فى درجات الفارما و ال bioassay .. و بالتالى اللى بيتكلم أو بيقول حاجة بيقول " قسم ال toxicology " هو اللى عنده الغلط ده !!!

أما امتحان ال bioassay ::

فجزء الدكتور شحتة كان جميل جداً .. و تقريباً كل الأسئلة من الشيت اللى امتحناه فى المدرج ..
أما جزء الدكتور حسن الكاشف .. فللأسف .. فى ناس كتير جداً استهترت بجزء ال statics ده و فى ناس محلتش فيه .. و فى ناس مفهمتش كويس إيه المطلوب .. ده بالإضافة لأن جزء الدكتور حسن طويل جداً .. بعكس ما قد يتراءى للناظر من أول وهلة إنه مجرد MCQ لكن .. ده كان كل واحدة بمسألة كاملة الحل !! و الحل كان مطلوب وجوده !!

فالحمد لله على كل حال ..

و ف انتظار تقييم الترم التانى إن شاء الله

[drsherbiny]

يا سلام لو نقول الحق ولا نخاف في الله لومه لائم

[..::ciZar_Resala::..]

بتلمح لإيه يا حبيبى ؟؟

و الله ده رأيى يا شربينى .. و أنا شايف إن لو امتحان الفارما مستواه كان جه أقل من كده .. كان هيبقى زى الصيدلانيات ..

ثم إن أنا عبت على القسم ..

لأن درجات الفارما و الأساى نازلة ..

و منتظر نتيجة الفرقة الرابعة فى التوكسو .. لتقييم القسم ككل .. حتى و إن كان الدكاترة اللى بيدولنا مختلفين عنهم تماماً .. لكن فى النهاية إحنا كطلبة بعتبرها " سياسة قسم " .. مش سياسة دكتور بعينه

شكراً على تعليقك على كلامى يا شربينى

..::..::..::..

[yojeena]

د / أحمد رمضان



فكان إن بعض المعيدين مش عارف منهج النظرى واقف لحد فين .. فكان لما يقول حاجة و ميلاقيش حد فاهم .. عشان يريح دماغه يقول " خدتوها فى النظرى " نقول مخدناهاش .. يقول " هتاخدوها " ..

برده فى البعض القليل جداً من المعيدين طريقة شرحه غير مرضية .. كنا بنحس إنه بيكلم نفسه .. أو بيفتكر حاجات من الماضى !!!

انا متفقه مع رأي الدكتور الكلام ده مضبوط فعلا
اما بالنسبه للامتحان بتاع الفارما فانا ناقصه عن اللي توقعته 13 درجه مع العلم اني وانا بحسب دايما بقلل نفسي عشان ما تصدمش وبعد النتيجه اتفاجئت بالدرجه حتي اني ما كنتش مصدقه لغايه لما النتيجه اتعلقت
بس الحمد لله علي كل حال لكن الاهم هيحصل نفس النظام ده الترم التاني ولا ايه!!!!!!!!!

[..::ciZar_Resala::..]

أنا عاوز الناس تاخد بالها من حاجة يا جماعة ..

الناس لو بصت لجزء الكتور طارق فى الكتاب هتلاقيه صغير ..

و جزء الدكتور حسن أكبر .. و جزء الدكتور شحته أكبر منهم الاتنين ..

لكن الدكتور طارق قال إن توزيع الدرجات " إن شاء الله " هيكون بالتساوى بينهم ..

فياريت الناس تاخد بالها من احتة دى .. و متتخدعش بالكم ..

و إن شاء الله يكون الترم التانى أفضل .. عند الكل

[portsmouth]

لا .. ان شاء الله درجات التوكسو هتبقى عاليه لان جزء د حاتم و د ناريمان كانوا على هيئه mcq وكان عليهم 58 درجه وتقريبا اللى كان مذاكر امتحانات السنين اللى فاتت هيجيب اقل حاجه 50 وبالنسبه لل 22 درجه الباقين كانوا 5 اسئله short note ل د سيد عمار وده اكيد هيكون على حسب التصحيح والعملى كان عباره عن شيت سهل جدا وطبعا الشفوى انت وحظك

المجمل ان شاء الله هتكون درجات التوكسو عاليه