السلام عليكم ورحمة الله وبركاته ..
بعد السلام وبدون أى مقدمات الموضوع ده معمول عشان نشجع بعض على المزاكرة ،
الحمد لله معظمنا خلص امتحانات العملى ،
واللى لسه ماخلصوش ممكن يزاكروا العضوية فى يوم واحد ان شاء الله وهيكون كافى جدا ،
ويزاكروا نظرى اليومين دول ..
ممكن البعض يحس ان الموضوع متأخر بس ان شاء الله نحاول ننجز ، وربنا يوفقنا جميعا ..
الموضوع ده اتعمل هنا السنة اللى فاتت وحسيت انه ما شاء الله كان مشجع الناس وساعدهم كتير ..
فنحاول ان شاء الله نستغل الوقت اللى قدامنا ولو كان بسيط ،
ونبدأ نذاكر ( نبدأ بالنسبة للناس اللى لسه هتبدأ زيى كده ) ..
ولو حد حب يسأل فى أى حاجة يسأل وان شاء الله اللى يعرف الاجابة يجاوبه ..
واللى عنده جدول حلو وظريف كده للمذاكرة يقوله .. مافيش مانع ..
نفسى بجد نشجع بعض ونخرج من الموضوع بفايدته ..
وما نبقاش ننسى دعاء قبل المذاكرة : " اللهم إني أسألك فهم النبيين، و حفظ المرسلين، و الملائكة المقربين، اللهم اجعل ألسنتنا عامرة بذكرك، و قلوبنا بخشيتك، و أسرارنا بطاعتك، إنك على كل شيء قدير، حسبنا الله و نعم الوكيل.."
دعاء بعد المذاكرة : " اللهم إني أستودعك ما قرأت و ما حفظت و ما تعلمت،فرده عند حاجتي إليه، إنك على كل شيء قدير، حسبنا الله و نعم الوكيل.."
وفيه كمان دعاء حلو قوى للسرحان اللى بييجى لنا
اثناء المذاكرة و ده كمان لطرد الشياطين ،
ياريت كلنا نحفظه ونبقى نقوله ........
" اللهم انك قد سلطت علينا من يرانا هو وقبيله من حيث لا نراهم ،
اللهم باعد بيننا وبينهم كما باعدت بين المشرق والمغرب
ويأسهم منا كما يأستهم من رحمتك،
وقنطهم منا كما قنطهم من عفوك . ."
أنا منتظرة تفاعلكم وتشجيعكم ، وبالتوفيق للجميع ان شاء الله ..