Drug- Drug interaction ووو Drug-Food interaction هو دة شغلنا

[pharmacistina]

السلام عليكم ورحمة الله و بركاته
موضوعي النهاردة حاسة انه مهم .. و كنت أتمنى لو ألاقيه بالفعل موجود و مثبت عشان أشارك فيه ..
عايزة الزملاء و الزميلات يشاركوا معايا في انشاء مرجع الكتروني لينا ( الموضوع دة ) فيه تفاعلات الأدوية مع أدوية أخرى من الناحية الفارماكولوجية .. و تفاعل الدواء مع الطعام ..
لأن أعتقد في ظل ظروف شغلنا و تدخل من يعلم و من لا يعلم في مجالنا أصبح لازم نكون أوعى بدورنا من غيرنا .. و لازم نخاف على صحة المريض في المقام الأول و نحميه من أخطاء الأطباء الشائعة ( و كل ابن آدم خطاء ) فيما يتعلق بتعارض الأدوية ..
نقدر بعد تأسيس مرجعنا و فهمه و النقاش فيه نتصل بالطبيب المعالج نناقشه في تعارض الأدوية و نقوم بدورنا بشكل صحيح و مين عارف .. يمكن تكون دي نقطة بداية لتقليص دور الدبلومات في الصيدلية .. فهناك فرق بين ما يستطيعون فعله و ما نستطيع نحن - كصيادلة - فعله .
مقدمة طويلة أظن كلكم عارفينها .. هبدأ بعون الله بعرض بعض المعلومات .. يا رب تتفاعلوا مع الموضوع و عارفة ان في هنا في المنتدى مجموعة ممتازة من الدكاترة لو شاركوا في الموضوع هيحقق نجاح ممتاز ..
رجاااااااااااااااااااااااااااااااااااااااااااااااا اااااااااااء .. اللي يكتب حاجة يقول مصدرها .. من أجل الثقة لأن مش معقول أكلم طبيب أقوله كذا بيتعارض مع كذا يقولي ( سيادتك جبتي المعلومات منين ؟؟؟ )

الرجاء الثاني هو تثبيت الموضوع .. مش عشانه بتاعي و الله .. لكن لأنه مهم فعلا ..
شكرا لكل من يشارك بمعلومات في الموضوع ..

[pharmacistina]

1- paracetamol must not be taken with alcoholics or it leads to a severe liver damage which is fetal so presistant heavy drinkers should not take oaracetamol as analgesic also Paracetamol is not formulated in form of a spirit

يعني ممنوع الباراسيتامول يوصف مع روشتة أحد مكوناتها فيه كحول بنسبة كبيرة .. و ممنوع يتعمل في صورة Spirit و هي تحضيرة فيها نسبة عالية جداا من الكحول ( ممكن أكتر من 50 % ) ..

لأن أخد الباراسيتامول مع الكحولات بيعمل تلف في وظائف الكبد ممكن يؤدي للوفاة ..
و ممنوع الناس اللي بتشرب الخمور ( المشروبات الكحولية ) تتعالج بالباراسيتامول كمسكن _ و لو اتعالجوا بيه يكون أحسن لأنهم يستاهلوا كل شيء وحش _ بس كل واحد بيعمل اللي عليه ..

دي أول معلومة .. جبتها من مرجع كبير في مكتبة الكلية اسمه Drug interactions .. ممكن أي حد يروح يطلع عليه .. كتاب فعلا رائع و قيم جداا جدااا

[pharmacistina]

2- Aminoglycosides eg ( Gentamicin ) must not be taken with Clindamycin or it leads to an acute renal Failure
مش أي combinations من المضادات الحيوية ينفع تتكتب ...
حذار من اعطاء جنتاميسين موجود في الصيدلية بنفس الاسم مع كلينداميسين اللي موجود في صورة كليناسين Clinacin .. و الا بيحصل فشك كلوي ..

[pharmacistina]

3- The nephrotoxic effects of aminoglycosides eg ( gentamicin & tobramycin ) increase when taken with cephalosporins
المثال على كدة .. ما ينفعش تيجي روشتة فيها جنتاميسين مع ديوريسيف لأن دة بيزود التأثير السام على نيفرونات الكلى .. قبل ما أعرف دي ياما طلعنا روشتات فيها جنتاميسين مع ديوريسيف و ما خفي كان أعظم .. الجهل وحش أوي ..

[pharmacistina]

Avoid food if rapid analgesia by Asprin ( and other salicylate ) is needed as food delays the absorption of Asprin

يعني لو عندك صداع أوي .. و اخترت تاخد أسبرين ( ريفو مثلا ) .. من المستحسن عدم الأكل
مع ان من المتعارف عليه ان الدوا على معدة خالية ضار .. لكن هنا لو عايزين تاثير الدوا يظهر بسرعة يؤخذ الأسبرين بدون أكل ..


و على العكس تماما نلاقي الـ Morphine
Food increases the bioavailability of morphine

[pharmacistina]

5- Vitamin K not taken with Anticoaggulants
دة شيء طبيعي لأن فيتامين K معروف انه بيساعد على تجلط الدم و توقف النزيف و في حقنة اسمها Amri-K بتستخدم as Haemostatic موجودة في الصيدلية .. و أدوية الــ Anticoaggulants بتمنع تجلط الدم و بتزود سيولته .. هل يعقل نعطي شيء و عكسه ؟؟!!

و لازم نحذر المريض اللي بياخد Anticoaggulants من تناول الأطعمة المحتوية على فيتامين K زي السبانخ و فول الصويا و الجبنة الشيدر مش عارفة اشمعنى هي النوع دة من الأجبان بس الأطعمة دي جبتها من الصفحة دي

http://www.bodybuildingforyou.com/vi...upplement.html

[sosoo]

جزاك الله خيرا
موضوع رائع بصراحة
وان شاء الله كلنا نشترك فيه
:d

[summer breeze]

جزاك الله خيرا يادكتوره فارماستينا على المعلومات القيمه دي واحلى حاجه فيها انها مختصره وكمان حضرتك

كاتبه comment على كل معلومه وده بيوصلها اكتر مشكووووووووووووووره يادكتوره على مجهودك وربنا يجعله في

موازين حسناتك اللهم اميييييييييييين يارب العالمين

[A H M E D]

موضوع جميل جدا يا دكتورة

وإن شاء الله لو عندي معلومات هقولها

فيه كتاب للدكتور الشابوري اسمه Drug- Drug interaction

بيتباع في المكتبات (مش غالي )

بس مفيد جدا

[pharmacistina]

شكرا لكل من مر ع الموضوع ورد .. شكر خاص لــ د -Summer breeze ع الدعوة الحوة .. ربنا يسمع دعائك و يجزيكي كل خير ..
د - أحمد لو تقولنا بيتباع فين في المنصورة ( في أي مكتبة ) و كام سعره نكون شاكرين جدااا لحضرتك .. و يا ريت تفيدنا بمعلومات من الكتاب على بال ما نبقى نشوف هنشتريه امتى ..