ساحـــة حـــــوار الصيدلانيات

[wh_kaboo]

بسم الله الرحمن الرحيم

ملحوظه : الموضوع يختص فقط بمادة الصيدلانيات ، وأي مشاركة خارج الموضوع سوف يتم حذفها دون علم كاتبها !
بعد ما فات من مجازر

جه الوقت للصيدلانيات

مادة التخصص

ان شاء الله يكون ختامها مسك ويكون غير كل اللى فات

طبعا دى الصيدلانيات اللى الكل ركنها من اول السنة

يالا الكل يطلع اللى عنده ونشوف هنعمل فيها ايه

ويارب يكون ختامها مسك

[dr mayooya]

ربنامعانا يادكتور..بصراحه الواحد خلاص عايز يخلص..حاسه اني بمتحن من زمان اوي
ياريت كلنا نشد حيلنا لان الصيدلانيات ماده مش صغيرة
بالتوفيق للجميع

[pharmacistina]

[CENTER][FONT=Century Gothic][SIZE=5][COLOR=red][B][U]جه الوقت للصيدلانيات

مادة التخصص

[]

مادة التخصص

مهي المشكلة ان أنا قلت الكلمة دي أيام ساحة الفارماكولوجي ..

[wh_kaboo]

ايه ما فيش حد ناوى يذاكر ولا ايه ؟؟؟؟؟

طيب حد يقولنا نظام الامتحان ايه ؟؟؟؟

وتوزيعة الدرجات واى حاجة عن المادة .

[د\بوسى ربيع]

ايه ده حد ناوى يبدا انهارده انا بصراحه حاسانى بمتحن من يوم ما اتولدت

[wh_kaboo]

لا نحاول بس نعرف الورق فيه ايه ؟؟؟؟؟

والطريق ماشى ازاى ؟؟؟؟

مش عايزين نعمل زى الاساى انا بدات يوم الخميس

[Monaliza]

انا احترت والله هو فين التخصص في اللي بناخده !!!

هي الشطارة في انك عملت معجون سنان ولا كريم لحب الشباب بالكبريت !!!

ولا عملت الترم الاولاني كام لبوس ميتباعوش في السوق السودا ب 3 قرش!


ولا فين التخصص في الفارما اللي لو سألتك دلوقتي قولي ايه هي alpha agonist مش هتفتكر ! ولا جايز تفتكر اسم ولا اتنين

يلا ما علينا ..

اهم شوية ورق بيتحفظوا وبنسمي نفسنا درسنا

المهم


الصيدلانيات من ورق n طلعوا 35 ورقة كما قلت في ساحة حوار تالتة ...

حد شافهم ويعلق كده .. ويقولنا ايه انطباعه ؟ لأن العملية شكلها هتاخد اخر حبة مجهود

[Dr. Atallah F. Ahmed]

انا احترت والله هو فين التخصص في اللي بناخده !!!

هي الشطارة في انك عملت معجون سنان ولا كريم لحب الشباب بالكبريت !!!

ولا عملت الترم الاولاني كام لبوس ميتباعوش في السوق السودا ب 3 قرش!


ولا فين التخصص في الفارما اللي لو سألتك دلوقتي قولي ايه هي alpha agonist مش هتفتكر ! ولا جايز تفتكر اسم ولا اتنين

يلا ما علينا ..

اهم شوية ورق بيتحفظوا وبنسمي نفسنا درسنا

المهم


الصيدلانيات من ورق n طلعوا 35 ورقة كما قلت في ساحة حوار تالتة ...

حد شافهم ويعلق كده .. ويقولنا ايه انطباعه ؟ لأن العملية شكلها هتاخد اخر حبة مجهود

يعنى انا كنت شغوف جدا بقراءة هذه المشاركة المتحمسة و اعتقدت اننى سأخرج بمجموعة مقترحات جيدة و ثرية من كاتبة المشاركة حيث عبرت ان المستوى التدريسى فى المادة كان متواضعا و لا يناسب طموح الطلاب و اذا بى اجد الكاتبة تسأل عن ورق الكورسات........................ افلا نكون موضوعيين فيما نريد ان ننقله للغير. الحقيقة انا معك فى قضية مختلفة قد ترضى طموحاتكم و هو ان نعلم الطلاب مفاتيح المادة مع بعض الأمثلة الجديدة جدا و ملخص لما يتصل بها ثم نترك لهم تفاصيلها يستقونها من اى مصدر كيفما يشاءون (مع المتابعة التصويبية) ثم يكون الإمتحان مفتوح لكى نقيس القدرات الحقيقية لهم. لأنى أعلم ان كثير من الطلاب فى مصاف النابهين و الأفذاذ و لكن لايقيمهم الإمتحان بطريقة الحالية تقييما دقيقا. اتمنى ان يجىء هذا اليوم الذى نرى فيه التقييم الشامل المهنى. ارجوا المشاركة فى موضوع (الورقة الإمتحانية ما رأيك) لعلنا نستفيد من مشاركتكم البناءة (لا نقد فقط).

[pharmacistina]

و اذا بى اجد الكاتبة تسأل عن ورق الكورسات........................ ان نعلم الطلاب مفاتيح المادة مع بعض الأمثلة الجديدة جدا و ملخص لما يتصل بها ثم نترك لهم تفاصيلها يستقونها من اى مصدر كيفما يشاءون (مع المتابعة التصويبية) ثم يكون الإمتحان مفتوح لكى نقيس القدرات الحقيقية لهم. اتمنى ان يجىء هذا اليوم الذى نرى فيه التقييم الشامل المهنى. ارجوا المشاركة فى موضوع (الورقة الإمتحانية ما رأيك) لعلنا نستفيد من مشاركتكم البناءة (لا نقد فقط).

لو ممكن أعلق بس على حاجة يا أستاذنا الفاضل د - عطا الله

معندناش كتاب صيدلانيات في جزء د- محاسن ..
يعني نصف منهج الصيدلانيات ملهوش كتاب ..
و دة جعل أمر ورق الكورسات أمر واقع و اذا كانت الدفعة بتاعتنا 1000 طالب و طالبة , تجد مبيعات ورق الصيدلانيات 1000 نسخة لأن مفيش بديل و خصوصا ان د- محاسن مش هتحطلنا الامتحان يعني حتى لو حد قدر يكتب في المحاضرة ( لو ) برده مش هيكون كفاية انه يحل كويس في الامتحان ..

دة كله يخلينا نتوجه كلنا لورق الدروس ..
يمكن لو تركونا ندور على منهجنا ع النت و نبحث هنتعلم تعليم كويس أوي لكن ممكن مانحلش في الامتحان لأن مش دة اللي الدكتور عايزني أكتبه
و أيوة كلنا نفسنا نتعلم بصفة عامة عشان نطور مهنتنا ونطور عقولنا , لكن عايزين برده ننجح و نتخرج فبنعمل حاجات و نذاكر أحيانا كتير حاجات محناش مقتنعين بصحتها أو مش مقتنعين بأهميتها .. عشان عايزين ننجح و نتخرج ..

حضرتك عملت لنا تعليم مفتوح في بحث الميلامين و في مشروع الـ QACD ..
أنا أعتقد ان شاء الله أن المعلومات دي كانت مفيدة وان شاء الله لأن أنا لما حطيتها في بحثي كنت مقتنعة بأهميتها ..
كلنا بنتمنى اننا نتعلم تعليم حر ..


بس ان شاء الله بعد التخرج يصبح كل منا معلم نفسه , بدون امتحانات يعلم نفسه ,
و ساعتها التقييم بيكون من عند الله بكرمه الواسع ..

و دة أكتر طموح للصيدلي \ الصيدلانية ..

[wh_kaboo]

حضرتك عملت لنا تعليم مفتوح في بحث الميلامين ..

دى كانت من افضل الاشياء اللى درستها السنة دى بجد كانت حاجة ممتعة جدا

كفاية انك بتتدرس حاجة عمرها الزمنى شهرين بس حاجة جديدة مش زى باقى المناهج اللى عندنا

وكفاية اننى لما كنت بتابع الاخبار كنت بعرف هما بيتكلموا عن ايه وكنت بشرحها للناس (بتمنظر عليهم يعنى .... دكتور بقى )

ياريت كله كده ..... بس ما فيش غير كده