صفحة 1 من 3 123 الأخيرةالأخيرة
النتائج 1 إلى 10 من 21

الموضوع: بسنت وأحمد (تأليف محمود المكاوى)

  1. #1
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي بسنت وأحمد (تأليف محمود المكاوى)


    القصة دى مألفها واحد من دفعتنا

    اسمه محمود المكاوى بصراحه هى جامدة

    وكمان اسلوبه فى الكتابه شيق (ده رأيي)

    انا ناقلهالكوا من وراه محدش يعرفه دلوقتى وربنا يستر

    ...
    قمه التنفيض



    احمد بيحب بسنت مووووت ومستنى منها بوست عشان يعملها كومنت
    اخيرااا بسنت عملت بوست ... النجم ماصدق وراح نازل بأول كومنت : جامده مووووووووووووووت يا بسنت ... لاااااااايك اوىىىىىى
    صاحبنا مستنى الرد ... وان اور اجو .. تو اور اجو ... 15 اور اجو ... ولا عبرته

    تانى يوم ... حسام دخل عمل لايك للبوست ...
    بسنت : ميرسى يا حسام ع اللايك


    (ترو ستورى)




    يا عينى عليك يابنى
    صاحبنا جاب اخره من التنفيض بتاع بسنت لكل كومنتاته على بوستاتها وقرر انه يضع حد للمهزله دى .... راح داخل بكل جرأه و شجاعه عندها عالوول وكاتب :
    على فكره يا بسنت انا زعلان منك خاااالص مووووت علشان انتى مش رديتى عليا (واخدين بالكوا من "مش رديتى عليا " دى ... ولو انتى عايزه مش نكون اصحاب يبقى (از يو لايك) و على كل حال (نايس تو مييت يو)

    النجم قال ف ذات نفسه .. اكيد هاتحن وتنزل بكومنت اعتذار حالا و انا اسفه يا أحمد و مكنتش اقصد والحورات دى

    بعد ربع ساعه من الانتظار والريفريشات المستمره املا فى ظهور اى نوتفيكاشن تجبر بخاطره

    وفجأه ... بيعمل ريفرش بص لقى ,,,


    Basant Ibrahim >>> +1 Add As Friend



    <<<<<<< To be continued>>>>>>




  2. #2
    Pb Elite
    تاريخ التسجيل
    Nov 2007
    المشاركات
    2,342

    افتراضي

    لذيذة القصة ودمها خفيف ولو ان ردفعل بسنت مش منطقى شويتين بس مستنيه أشوف أخر الحدوته

  3. #3
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    افتراضي

    اقتباس المشاركة الأصلية كتبت بواسطة dr/hulk مشاهدة المشاركة
    على فكره يا بسنت انا زعلان منك خاااالص مووووت علشان انتى مش رديتى عليا (واخدين بالكوا من "مش رديتى عليا " دى ... ولو انتى عايزه مش نكون اصحاب يبقى (از يو لايك) و على كل حال (نايس تو مييت يو)


    والله هو بعد الجملتين دول المفروض تعمله بلوك وتبلغ عنه كمان مش ديليت بس ههههههههههههههههههه
    جامدة جدا يا دكتور عاوزين نشوف حصل ايه بعد كدة بقا
    ...

  4. #4
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    اقتباس المشاركة الأصلية كتبت بواسطة DR.BIBO مشاهدة المشاركة
    لذيذة القصة ودمها خفيف ولو ان ردفعل بسنت مش منطقى شويتين بس مستنيه أشوف أخر الحدوته
    ههههههههههه

    دا لسه فيه عيل اسمه حسام هو بطل القصة

    اقتباس المشاركة الأصلية كتبت بواسطة د///*مطحونة*\\\ مشاهدة المشاركة
    والله هو بعد الجملتين دول المفروض تعمله بلوك وتبلغ عنه كمان مش ديليت بس ههههههههههههههههههه
    جامدة جدا يا دكتور عاوزين نشوف حصل ايه بعد كدة بقا
    ...
    [/center]

    دا مارك نفسه لو عرف احتمال يحذفه من الفيس


    ننزل بقى بشوية أحداث كمان النهاردة

    بس الحمدلله طلع لسه فيه ناس على المنتدى


    حماده منهار عاطفيا


    الواد مش قادر يصدق نفسه ان بسنت عملتله ريموف ... ازاى يا جدعان ؟؟ دى عندى بقالها فتره (قال يعنى كانت معبراه) ... وكل شويه يخش عندها عالول ويقطع ف قلبه و يقرا ...
    (add as friend) ... ايوا شالتنى يا جدعااان شالتنى


    ويقفل على نفسه الاوضه بليل و يشغل تموره (بتصعب عليا نفسى) ... ويعيط بحرقه اوى على مقطع ... انا نفسى كل اللى سامعنى يحس بقلبى اللى واجعنى مايقولش عادى وايه يعنى بتحصل كتير
    ولازم يحط المقطع ده ستاتس ليه كل يوم .. و كومنتات اصحابه كالتالى :
    الحكيم : شده وتزول ياحمد .. كلنا لها
    البرنس : يا عم فكك بقه شكلك اول مره يتعلم عليك
    اللى خلقه ضيق : ماترحمنا بقه يا جدع بأم البوستات الغم دى .. مفيش حاجه عندك ل ساندى ؟؟

    وفجأه ... خانه الرسايل نورت ...
    One Message Recieved
    أوبااااا ... شكلها رجعت يا معلللللم .. الروح ردت فيه تانى و الماوس جرى عالرساله وبيقرا
    From ...
    Hossam Ali (الواد بتاع اللايك): hhhhhhhhhhhhhhhh krfetak ya d3'ooof""








    نصـــــــايــــــح أخ


    بعد فاصل من الشتايم القبيحه بين عمك احمد و عمك حسام ف الرسايل ... حسام حس بغلطه وانه زودها حبتين مع ننوس عين ماما (احمد) ... راح باعتلوا ركوست وبكل غرابه احمد قبل الركوست وبقوا اصحاب (شايفين بسنت بتقرب الصحاب ازاى ) ...
    حسام: بص يا سيدى .. بغض النظر عن منظرك الزباله قدامها و قدام فرينداتها ... و بخلاف القفه اللى لسا معلم على قفاك من امبارح ... بس بينى و بينك البت دى نفساويه اصلا و عملت كدا مع امم غيرك .. معادا انا طبعا


    ... هاقولك على حاجه يا ريس ... لازم تبقى جينتل ف تعاملاتك مع البنات عالفيس .. يعنى اتقل عليهم ماتبقاش عامل زى العبيط كده
    أحمد : اعمل ايه يعنى .. الواحد لما بيحب مابيقدرش يمسك مشاعره
    حسام : مشاعر مين ياسطااا ؟؟؟ اللى بيكلمك ده اتهزء من بنات الفيس كلهم ف بدايه مشواره .. بس عااادى ولا ف دماغى .. اهم حاجه الاداااء


    احمد: طب اعمل ايه يا عم الاداء ؟
    حسام: بص يا عم .. نفض للبت تحبك .. حب البت تنفضلك .. انا هاقولك على حوار كده .. عندك كام واحده ميوتال مع الغندوره؟؟
    احمد : تلاته بس دول زى اخواتى بالظبط ... توتا و ميرو و محاسن
    حسام : فااااااااااااكس محاسن


    ... خلينا ف توتا و ميرو .. هما دول اللى هيعرفوا يصالحوك عليها
    احمد: طب انت ماتصالحنيش عليها ليه ؟؟
    حسام : انا ؟؟؟ هيهيهيهيهيييي ... دانا وهى شبعنا فيك تهزيق يابنى من امبااارح .. انا مكونتش عايز اقولك كدا بس ماعلينا


    انت تنزل دلوقتى ب بوست ...
    Baaad Moood :S:S
    واهم حاجه حرف (الاس) دا هو اللى بيعمل الشغل كلو


    ... وانتظر الردود يا ريس من واحده فيهم .. (اخواتك بقه)
    وانا هتابع معاك عالوول .. قشطه ؟؟
    الواد ماصدق وراح نازل بالبوست ... والكومنتات كالتالى :
    واحد:ولاااا ماترحمنا بقه

    والتانى:وانا اعملك ايه يعنى ؟؟!!
    والتالت:

    mafesh unlikeeee ya gd3aaaan ??


    وفجأه ....
    mero : eh ya a7md 5eeer ,, mal modak ??
    حسام: اوىىىى بقااااااا ... مش قولتلك هاترد عليك ؟؟ .. اتعامل بقه يا نجم

    احمد : بس هيا عامله اوف لاين دلوقتى
    حسام : يابااااا الاوف مسيره هيبقى اون ماتستعجلش على رزقك ... قولتلك اهم حاجه الاداااااااااء




    نكمل المره الجاية بقى



  5. #5
    Pb Elite
    تاريخ التسجيل
    Nov 2007
    المشاركات
    2,342

    Smile

    ههههههههههه أهم حاجة الأداء
    حسام ده شخص عجيب أخر حاجة هو عايز ينتقم من بسنت لله فى لله كده
    بس الناس ديه عايشين حياه غريبه أوى أما نشوف أخرتها


  6. #6
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    افتراضي

    ماهو الغلط لا على حسام ولا احمد الغلط عالهانم بسنت
    اما نشوف اخرتها معاهم
    بحرهم غويط اوى الشباب دول يا ساااتر
    فى انتظار الحلقة الجديدة بقا يا دكتور
    .....

  7. #7
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي



    هو تقريبا أهم شخصية فى القصة دى كلها هو الواد حسام

    حـــلــــقــــة الـــــوصــــل


    ميرو دلوقتى أوف لاين و انا مينفعش احكيلها الموضوع ف الكومنتات عشان مافضحش نفسى ... ابعتلها رساله اخليها تفتح الشات وخلاص
    أحمد: ميرو افتحى الشات لو سمحتى عايزك ف موضوع كدا
    ميرو: لأ


    بيقول لنفسه ... ايه يا جدعااااان ؟؟ هو البنات كلها مش طايقانى كدا ليه ؟؟ هو انا ريحتى وحشه ؟؟

    ميرو: معلش ياحمد مش هاعرف افتح الشات عندى ولاد و مش ناقصه وجع دماغ
    (بينى و بينكو عندها حق)


    أحمد: طب ممكن اكلمك عالياهو ؟؟
    ميرو: طيب ثوانى هاغير صورة الياهو عشان حاطه صورتى
    بيقول لنفسه ... هاتعمل فيها ملكة جمال بقه .. دا انا لسا شليفلها صوره معمولها تاج فيها كانت مربيه شنبها

    دخلوا عالياهو .. وطبعا اول كلمه لازم تتقال بين اى واد و ** عالياهو ... طبعا هنا احسن بكتيييييير
    المهم ...
    أحمد: بصى مالاخر كدا انا عايزك تصالحينى على بسنت
    ميرو: ليه حصل ايه ؟
    أحمد: لا مفيش عملتلى ريموف بس


    ميرو: وشالتك ليه ؟
    أحمد: مفيش .. انتى عارفاها خلقها ضيق .. وبتقفش على اقل حاجه .. لطعتها خمس دقايق عالشات قامت اتقمصت وشالتنى
    ميرو: للدرجادى ؟؟
    أحمد: اعمل ايه بقه يا ميرو بتموت فيا ...
    عايزك تكلميها وتعقليها كده عشان انا لو كلمتها ممكن اقفش عليا
    ( لأ حمش ياض )
    ....
    بااااااززززززز (بتاعت الياهو دى) ... حسام : باشااااااا
    (مش وقتك خالص)
    كمان بازززززز ... باااشااااااا
    أحمد: عايز ايه يابنى ؟
    حسام:عملت ايه مع محاسن ... ( أستغفر الله العظيم ) قصدى ميرو??
    أحمد: لسه بكلمها اهو
    حسام: مش عارف ليه كدا يا برنس جايلى احساس ان البت ميرو دى مش هاتفيدك
    أحمد: ليه يابنى ؟؟
    حسام:اسمع كلامى بس دا احساس لسا جايلى دلوقتى وانا احساسى مابيكدبش ابدن




    وفجأه ....
    ميرو : بقولك ايه يا أحمد ... تعرف حد اسمه حسام عندك ف الفريندات ؟؟؟
    أحمد باستغراب: لأ ... ليه ؟؟


    ميرو: دا واد كدا قليل الادب عمال يبعتلى رسايل قذره من امبارح عشان مقبلتش اضافته
    أحمد: ههههههههههههههه ... هو دا الاحسااااااس




    (باعه فى ثانية الواطى)

    كـــلام بــــنـــات
    ميرو ل بسنت: ازيك يا قمر
    بسنت: ميرووووووو ازيك يا ** يا معفنه كل ده ولا بتسألى ولا عشان اتخطبتى بقه نستينا خلاص
    ميرو :يااااه انتى لسه فاكره ..انا فسخت من بدرى



    .. ماهو كلو من قركوا
    بسنت: ليه بس كده يا روحى حصل ايه ؟؟
    ميرو:اسم النبى حارسه عاملى فيها ابو الليف وبيقولى :بتحبنى لا اشك .. مين دول اللى عالفيسبوك؟






    عايزنى اشيل كل الولاد اللى عندى عالفيس .. قولتله اوكى .. بس ماعدا رامى و ماجد و شريف و مصطفى
    دول خط احمر بينى و بينه . داحنا شله واحده من تالته سادس ف مدرسه الاخلاق الحميده المشتركه

    مقدرش اعملهم ريموف طبعا

    بسنت:لا مالوش حق الصراحه .. بس العيب مش منه العيب منك انت اللى مأخداه على كده .. أزاى يتجرأ و يقولك حاجه زى دى ؟


    ميرو: يالله خير .. اهو راح لحاله زى التلاته اللى قبلو



    ميرو: المهم .. بقولك ايه يا بيسو ...احمد دا شخص حبووب و طيووب و لذووذ اوى
    بسنت: احمد مين ؟؟
    ميرو:لحقتى تنسيه ؟؟ .. كل ده عشان مردش عليكى ف الشات ؟
    بسنت: شات ايه ؟؟ انتى بتقولى ايه اصلا ؟؟
    ميرو: احمد يا ** الواد اللى بيعملك كومنتات ده علطول
    بسنت: ااااااه .. الواد اللى شكلوا غلط ده .. ياستى افتكرلنا حاجه عدله
    (ياعينى عليك يابنى)
    ايه حكايه الشات دى بقى اللى بتقولى عليها ؟
    ميرو: هو انتى مش شلتيه عشان مردش عليكى ف الشات ؟؟
    بسنت : هو قالك كده ؟؟ .. طيب خشى عندى عالوول واقرى البوست اللى كاتبهولى قبل ماشيله على طول


    بعد ما قرت البوست ..
    ميرو :وانا اللى كنت فاكراكو روميوا وجوليت
    بس والله يا بيسو شكله على نياته خالص ..حرام عليكى اللى انتى عاملاه فيه ده .. ده شكله بيحبك اوى
    بسنت: بيأيييييييييييه ؟؟؟ .. على فكره يا ميرو لو جبتى سيرة الواد ده تانى هانخسر بعض
    ميرو : للدرجادى يا بيسو ؟؟ .. دا انتى قلبك قاسى .. اوى اوى


    واتقلب الحوار فجأه لشكله جامده اوى بين بسنت و ميرو ...
    ....
    نرجع بقه لصاحبنا اللى مقضيها كأبه وعمال يسمعلى .. انا ليه ماكونش عالجراح قادر

    (الواد ده يستحق أكتر من كده ياجدعان)
    وفجأه ... ميرو عالياهو: انت يا زفت ياللى اسمك احمد

    أحمد: ايه فيه ايه ؟؟
    ميرو: انسى انك عرفتنى و مش عايزه اشوف وشك تانى لا عالياهو ولا عالفيس و لا ف اى مكان .. ويخرب بيت اليوم اللى ضفتك فيه عالفيس و الياهو .. وعايزه اقولك كلمه اخيره .. منك لله يا أخى
    Mero is now offline




    الواد استغرب ايه ده ؟؟ هو ايه اللى حصلها دى كمان ؟؟ هى اتغيرت 360 درجه ليه من امبارح ؟؟
    يكونشىىىىىىىىىى ؟؟؟؟؟؟
    راح جارى بسرعه عالوول بتاعها وفاتح فرينداتها ..... مالقاش بسنت




  8. #8
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    افتراضي

    عايزنى اشيل كل الولاد اللى عندى عالفيس .. قولتله اوكى .. بس ماعدا رامى و ماجد و شريف و مصطفى
    دول خط احمر بينى و بينه . داحنا شله واحده من تالته سادس ف مدرسه الاخلاق الحميده المشتركه
    بسنت:لا مالوش حق الصراحه .. بس العيب مش منه العيب منك انت اللى مأخداه على كده .. أزاى يتجرأ و يقولك حاجه زى دى ؟



    ههههههههههههههههههههههه هى الناس دى منين
    عايشين معانا يعنى !!
    ايه البنات اللى عايزة الحرق دى!!
    دة زمن ايه دة بس ياربى
    وايه احمد دة كمان وايه حسام دة ايه اللى بيعملوه دة
    كمل يا دكتور كمل انا عاوزة اعرف النهاية دى عالم مستفزة اوى

    يارب يتبهدلوا كلهم
    .....

  9. #9
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي



    ههههههههههههههههههههههه هى الناس دى منين
    عايشين معانا يعنى !!
    ايه البنات اللى عايزة الحرق دى!!
    دة زمن ايه دة بس ياربى
    وايه احمد دة كمان وايه حسام دة ايه اللى بيعملوه دة
    كمل يا دكتور كمل انا عاوزة اعرف النهاية دى عالم مستفزة اوى

    يارب يتبهدلوا كلهم



    شكلهم عايشين على كوكب ريفو


    الأنــتــقــــــــــــــــــام

    أحمد ساند عالسرير .. حاطط اللاب قدامه .. وكبايه الكوفى مكس جنبه .. زووم على ملامح وشه .. رافع حاجب ومنزل التانى .. تفكير عميق وبخباثه ... مش دا احمد اللى كلنا نعرفه يا جدعان ... احمد اتغير فجأه ... بأه اسمه البرنس أحمد وهتعرفوا دلوقتى ازاى
    حسام : ولاااااا يا احماااااااااد


    احمد بكل تناكه : هااااااا ؟؟(بالفرانكو .. لزوم التناكه بقه )

    حسام: شوفت كليب ساندى الجديد ياله ؟؟؟؟ اووووف ... ناااااار د انا شوفته 4 مرات لحد دلوقتى
    أحمد بكل تناكه برضه:وبعدين يعنى ؟؟
    حسام: وبعدين ايه يا كبير ؟.. بقولك كليب ساااااندى ... انت مالك ياض النهارده كده ؟؟ مودك مش عاجبنى ؟؟
    أحمد راح واخد شفطه كوفى مكس : بص يانجم .. انا جبت اخرى مع البرنسيسه اللى اسمها بسنت دى خلاص .. البت دى لازم تتربى
    حسام: اوباااااااا .. نربيهالك يا كبير .. بس ايه اللى قلبك مره واحده عليها كده ؟؟ اومال فين الحب الحب .. الشوق الشوق ؟؟


    أحمد: خلاص فاكس الكلام ده .. انا كنت اهبل ساعتها .. بس دلوقتى فقت .. وعايز اعرفها دلوقتى انى فقت خلاص
    حسام: اوعى جيمسو بوندوو .. قشطه يا كبير .. انا بتااااعك


    أحمد: ادينى بقه اقتراحاتك وأرائك وطرقك فى الانتقام ..عايز اسمع منك الأول ؟
    حسام: بص يا سيد الناس .. تحب اعرفلك ساكنه فين وانزل انا وشلة الانس بتاعتى ونزقلها بالطوب من تحت البيت؟؟
    أحمد: انت اهبل يابنى .. هى بهدلتنى عالفيس ف لازم ابهدلها بنفس الطريقه
    حسام:طب خد الطريقه التانيه .. اضيفهالك بالاكونت التانى بتاعى ..اكونت مزه اسمها (شاديه سنكر) .. واخشلها اشرشحلها عالوول ؟؟

    أحمد: لا بلاش .. اللى اتبهدل احمد مش شاديه يا كبير .. لازم احمد اللى ياخد بتاره مش حد تانى
    حسام: الطريقه التالته والاخيره .. تبعتلها رسايل قبيحه م اللى قلبك يحبها
    أحمد: زى اللى انت بعتها ل ميرو كده ؟؟


    حسام: هههههههههههه هى قالتلك ؟؟
    .. لأ بس بينى و بينك انا مرمطتها الصراحه


    أحمد (بكل معلمه):ماعلينا يا كبير .. فكرة الرسايل دى هتبقى ف السكرته وبرضه مش هاتجب معايا .. انا عايز اخد حقى علنى .. يعنى عايز بهدله علنى ..وعندى الفكره وعايزك معايا ياكبير فى التنفيذ
    حسام: ياباشاااا انا بتااااعك .. قول يا كبييييير


    أحمد: أسمع يا ريس


    ...........







    التــــنـــفـــيـــذ
    احمد: بص يا عم .. انا عايز اخد حقى على مراحل .. يعنى نبدأها اشتغالات بعدين نخش ف الجد بقه ..
    انا كنت متابعها من فتره كل يوم كانت بتخش على بيج كبير بتاع 100 الف فانز أسمه(الش رخيص)

    وبتحط نكته فكسانه و اتنين هفأت اللى بيعملولها لايك علطول وللاسف انا كنت التالت بتاعهم


    حسام: تمام و ايه المطلوب بقه ؟؟
    أحمد: المطلوب ياسيدى اننا نخليها تحط الشتها عالبيج ونشوف شغلنا احنا بقه

    حسام: أوستاااااااذ

    ...........
    بسنت قاعده عالفيس ومزاجها حلو وبتكلم صاحبتها عالشات ..
    بسنت: اما النهارده يا رورو انا محضره نكته انما ايه .. حكااايه .. هاتموتى على نفسك من الضحك
    رورو: هو انا من حيث هاموت ف هاموت .. بس مش من الضحك خالص


    دى منظر نكت تحطيها يا بيسه .. بتجبيها منين دى ؟؟
    بسنت: لالالا دا سر المهنه يا ماما
    ...
    وفجأه ... خانه الرسايل نورت ... بسنت استغرب .. فتحت الرساله و بتقرا
    From Ahmed:
    انا وان كنت الاخير زمانه ... عليا الطلاق بالتلاته لاعرفك شغلك صح


    ...........
    نرجع لأحمد مع حسام تانى ....
    أحمد: انا هبدأ بأول كومنت وانت هتعمل زى ماقلتلك بالظبط ..ماشى ؟؟
    حسام: قشطه يا كبير .. هاتلاقينى ف افاك علطول

    .....
    بعد نص ساعه من الانتظار والريفريشات عالبيج .. نزلت النكته الجبااااره بتاعه بسنت
    (مره قنبله وقعت على قهوه ... عملت ..... بووووننننننننننننن(
    هاهاهاهاهههاهاههه مش قادره ابطل ضحك





    أحمد راح نازل بأول كومنت:اففففففف ... ايه الريحه القذره دى ؟؟ ... بطنى اتقلبت يا جدعاااان

    حسام بعده:ههههههههههههههههههههههههه
    ههههههههههه
    (استفزازيه)



    أحمد: والله كان نفسى اضحك وحاولت اجيبها بجميع الطرق بس ماعرفتش



    واحد من الفانز جاب اخره راح نازل بكومنت: اه والله يا كابتن عندك حق .. كل نكتها زى الزفت بس عشان هيا أنثى محدش عايز يقولها كده


    حسام:ههههههههههههههههههههههههههههههههههههههه

    واحد تانى من الفانز: والله انتى عايزه علقه بنكتتك دى



    بسنت:بقه كده يا حسام ؟؟

    حسام: ااااااه انا كده ... وزى ما قال الاعلان .. انا كده ... سبراااااايت
    هههههههههههههههههههههههههههههه ههه
    (هو اللى بيضحك مش انا(



    بسنت: اوكى اوكى
    حسام: يامى يامى .. تصدقى ركبى بتخبط عالجيران ... ..
    و لو عايزه تعمليلى ريموف يا قطه ... ال
    (UnFriend)
    على ايديكى الشمال تحت صورة البروفايل علطول




    واحد تانى من الفانز: حلوه :S:S:S:S:S:S:S
    .......
    بسنت شالت البوست وهى بتمووووت
    ...........
    حسام: شالت البوست يا كبييير ... انزل باللى بعدوووو



    أحمد راح واخد كوبى من الاكونت بتاعها ونازل بيه عالوول بتاع البيج وكاتب :
    يا جدعااااااااااااان .. الاكونت ده بتاع وااااد ومسمى نفسه (بساااااااانت) ..
    .
    انا لسا شايفه من شويه مغير الاسم والصوره ... اقتلوووووو
    يدوب البوست اتحط والكومنتات نزلت زى الرز من الفانز
    ....
    الاول:اه يابن ال**** ... يبقى الواد ده اللى كان بيشتغلنى امبارح من اكونت مزه سعوديه
    التانى :هيهيهيهيي .. مش ده (رامى نفخو) بتاع المعادى .. دا الواد ده متسيط بالحوارات دى عالفيس
    التالت: ريبووووووووووورت يا جدعان
    والرابع
    و الخامس
    والسادس
    وبعدين كومنت ل رورو: هههههههههههههههههههههه
    انا كدا موت على نفسى من الضحك بجد
    هههههههههههههههههههههه





    ..رسايل شتايم .. وريبورتات ... وكومنتات
    وبعدين أدمن البيج ختم الحوار ب بلوك رفيع للمازمازيل


    صاحبتنا لقت الجهاز اتشل من كتر الرسايل اللى جاتلها والريبورتات
    جالها (استبحس نفسوى) فجأه .. وهايبرتنشن مع هايبوتنشن ف نفس الوقت
    وعملت دى اكتيفيت للأكونت والجهاز اتقفل والدنيا اسودت ف وشها .. جحييييم
    وعماله تتمتم بكلام مش مفهوم: حااا .. حااا .. حتى انتى يا رورووو
    ................
    أحمد لحسام:كده المرحله الاولى خلصت يا معلم ...اناااااام بقه و انا مستريح عشان نمخمخ للى جاى...
    حسام: يا صباااااااااح دماغك العاليا
    أحمد: يا صبااااااااااح اللى بتغنى







    مووووووووودى

    عمنا قاعد عالسرير قدام اللاب .. سايب الفيس والياهو مفتوحين وكل شويه بيبص عليهم ومشغل شريط رامى جمال الجديد وعمال يلعب بيس (بلاى استيشن يعنى) .. دماغه رايقه و متكيف عالاااااخر ... كل الروقان ده عشان سببين ..
    الاول طبعا عشان خد حقه من بسنت
    و السبب التانى ..... ماتش الاهلى والزمالك النهارده

    وبعدين ......
    BUZZ
    ميرو: ازيك

    احمد استغرب جدا .. ايه ده ؟؟ .. مش كانت شالتنى هيا كمان ..
    أحمد:الحمد لله
    ميرو: عامل ايه ؟
    أحمد: الحمد لله
    ميرو: اخبارك ايه ؟
    أحمد: ما قولنا الحمد لله .. هى قصه ؟؟
    ميرو: يبقى لسا زعلان
    بيقول لنفسه ...
    هيا بتجر ناعم ولا ايه ؟

    أحمد: لا مش ف دماغى على فكره
    ميرو: رورو حكتلى ع اللى عملته ف بسنت .. هههههههههههههه انا فرحانه فيها اوى
    أحمد:عقبالك

    ميرو:
    :S:S
    أحمد: بهزر

    ميرو:لأ بجد انت طلعت مشكله

    أحمد: دى اقل حاجه عندى
    ميرو:وانا اللى كنت فاكراك قطه مغمضه
    أحمد: حساااام غيرنى ... قصدى الزمن غيرنى


    ميرو:حسام مين ؟؟ .. اااااااه الواد الصايع اللى كان بيبعتلى رسايل ؟؟
    أحمد(بخباثه): ههههههههههههه أه
    ميرو: ماشى يا احمد .. انا زعلانه منك .. لازم تاخدلى حقى منه
    أحمد: اخدلك ايه؟؟ .. دانتى ممكن تكونى انتى حسام اللى بيكلمنى دلوقتى وبتشتغلنى من ساعتها


    ميرو:هههههههه .. للدرجادى ؟؟ .. يعنى هو اللى قالك تعمل كده ف بسنت
    أحمد: لا المره دى انا اللى خططت بس هو ظبط معايا الليله
    ميرو: لا بجد انت مبهر .. انا من ساعه الحركه دى وانا نظرتى ليك اتغيرت
    أحمد: ازاى؟؟
    ميرو: مش عارفه كده حساك واحد تانى .. اعجابى بيك زاد .. تصدق بايه يا (مودى) .. لو كان خطيبى زيك كده انا مكونتش فسخت معاه



    احمد اتنفض من عالسرير .. ايه دا ؟؟ البت دى نيتها ايه بالظبط ؟ هيا بتحبنى ولا ايه ؟؟... تكونشى بتشتغلنى ؟؟ .. كل ده عشان اللى عملتو ف بسنت ؟؟ انا مش مطمن للبت دى
    ميرو: انت مشغول ؟
    أحمد(عامل نفسه مسمعش حوار خطيبها ده): لا ابدا .. وبعدين ايه مودى ده ؟؟ احنا هنهزر مع بعض ولا ايه ؟؟


    ميرو: انت زعلت ولا ايه؟
    أحمد(وهو بيضحك بعبط) : لأ ... قوليها كمان مره .. اول مره حد يقولهالى اصلا


    ميرو: مووووووودى

    أحمد (ضحكه كمان بعبط): هي هي هي هي .. شكرا


    ...............
    احمد بدأ يفوق .. ايه العبط ده ؟ .. مودى ايه و بتاع ايه ؟؟ .. والله البت دى انا مش مرتاحلها
    انا لازم اخد رأى النجم بتاعى .. هو اللى هيفيدنى ف الحوار ..

    أحمد: معلش يا ميرو .. ب رب
    ميرو:ت ي ت .. يا موووووووووودى


    (فيه حد فاهم الاختصارات دى ياجماعة)

    .........................
    احمد رن على حسام
    حسام: النجم الكبير
    أحمد: ايوا يا بنى .. هاتشوف الماتش فين ؟؟
    حسام: مش شااااااااايف زفت يا عم
    أحمد: اه صحيح انا اسف .. انا ناسى انك زملكاوى
    حسام: سنظل اوفيـــــــــــاء


    (مع الاعتذار لأخوانا الاعداء)


    بقولك يابنى البت ميرو بتكلمنى دلوقتى وقالبه ناعم .. ايه رأيك ؟؟
    حسام: هى لسه عايشه ؟؟ .. ماتدوس معاها يا عم و قضيها و خلاص ..
    أحمد: لا يا عم مش قصدى .. انا بقولك حاسس ان وراها مصيبه
    حسام: مصيبة مين يا عم دى غلبانه وعلى نياتها .. د انا بعد ماشتمتها بعتتلى رساله بتقولى فيها .. ربنا يسامحك يا وحش



    أحمد: طب اعمل ايه ؟
    حسام : اقولك انا بقه على حتت دين فكره ؟؟
    أحمد: قول
    حسام: نفترض انها عايزه توقعك .. ماتيجى نتغدى بيها قبل ماتتعشى بيك؟؟
    أحمد: ازاى ؟؟
    حسام : بص يا سيدى .. انت تشوف اخرها ايه .. لو كانت صادقه ف كلامها .. ودا اللى انا متأكد منه .. نستعملها طعم .. نوقع بيه اللى بالى بالك





  10. #10
    Pb Elite
    تاريخ التسجيل
    Nov 2007
    المشاركات
    2,342

    افتراضي

    هههههههههههه يانهار أبيض دول لو كانوا عايشين على كوكب ريفو كانوا حسوا على دمهم شويه
    كمل يادكتور عايزة اعرف اخرتهم إيه

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •