فى الموضوع ده هنتكلم عن المواقف المضحكة والمحرجه اللى بتحصلنا فى الصيدليه وما اكثرها
سواءالاخطاء اللى بتطلع مننا نتيجه عدم المعرفة اوعدم الخبره او الاسئله الغريبه اللى بيسالها الناس
مستنيه اضحك على المواقف اللى هتيحكوها
فى الموضوع ده هنتكلم عن المواقف المضحكة والمحرجه اللى بتحصلنا فى الصيدليه وما اكثرها
سواءالاخطاء اللى بتطلع مننا نتيجه عدم المعرفة اوعدم الخبره او الاسئله الغريبه اللى بيسالها الناس
مستنيه اضحك على المواقف اللى هتيحكوها
أنا شوفت الموضوع ده الصبح يا دكتورة أقصد الظهر وقلت ان شاء الله هحكى فيه
بس أنا دلوقتى هقوم وان شاء الله أى موقف مضحك حصلى او هيحصلى ان شاء الله هدخل وأقوله هنا
شكرا يا دكتوووووووووووووووورة
بسم الهادى عليه توكلنا
كنت انا بقى وقفة لوحدى فى الصيدلية وطبعا معرفش حاجة يعنى ممكن اضيع الصيدلية
لقيت وحدة جاية بتقولى عاوزة حفاضات من ام 75 قرش ..انا قلتلها بامبرز ؟؟
قالتلى اه ..قلتلها بامبرز ولا حفاضات ..؟؟ قالتلى حفاضات ..(ايه اللبخة دى )
قلتلها طب هيا فين ؟ ههههههههههه ...اتحججت بقى انا لسة بتدرب ولسة جاية (شكلى وحش اوى)
قمت مدخلاها جوة تجبها ..بعد كده قلتلها هيا بكااام ؟؟
ادتنى الفلوس ومشت ..بس
الحمد لله عرفت مكانها دلوقتى ..وبقيت كويسة فى ازاى اعرف افرق بين البامبرز الصغير والوسط
والكبير ابو جنيه وربع .. دى الحاجة الوحيدة اللى انا سريعة فى صرفها
موضوع جميل بجد
وموقف حلو
تقريبا نفس الموقف ده اللى حصل مع ريماس
كنت واقفه لوحدى وبعدين قعدت أقول يا رب حد ييجى بقى عشان عاوزة أبقى حرة كده وأنا ببيع
المهم لقيته بيقولى عاوز بيبى فاين
والله والله عرفاه
وعارفه العلبة بتاعته اللى مرسوم عليها الواد الحلو ده
المهم روحت فين
عند المناديل على أساس فاين وكده
قالى لأ ده بامبرز
قلتله اااااااااااااه
يا كثوفى
جبتله كل المقاسات قالى لا ولا حاجة من دول
كلم خالى فى التليفون وسأله قاله خلاص لما آجى هجيبه معايا ان شاء الله
يعنى مش غلطانه مكنش موجود أصلا
بعد شوية جالى واحد تانى بيقولى عاوز كبسولتين مضاد حيةى
قلتله يعنى اسمهم ايه؟
قالى هما اسمهم كده
طب أعمل ه ايه
المهم قالى دول بناخدهم عشان الفراخ
قلت مدام فراخ يبقى أديله أى حاجه بقة
جبتله كبسولتين ايموكس
قالى أيوه هى دى
اللهم لك الحمد
اديتهمله وبقوله هما بكام؟
قالى الواحدة بنص جنيه
قلتله ماشى اتفضل الباقى
أختى كانت معايا بتقولى انتى اللى هتسأليه ولا هو اللى يسالك
شويتين وجتلى بنوته صغيرة
عاوزة بيبى درينك
أنا طبعا عينى ع الحتة بتاع اللأطفال اللى فيها سريلاك وكده
قعدت أدور مش لاقيه
قلتلها هى عامله ازاى
قالتلى علبه كده مكتوب عليها بيبى درينك
المهم ملقتهاش
جه خالى بيقولى طبعا مبعتيش حاجة قلتله والله احنا من غيرك ولا حاجه
المهم البيبى درينك كان جوه
وأنا يعنى أعرف منين
بما أننا بنقول مواقف محرجه
فأنا هقول موقف بس من غير تريقه ماشى
اتفقنا
بس للأسف بأه ان الموقف ده حصل أدام الدكتور الصيدلى
يعنى كان احراج بجد
المهم
احنا قاعدين كويسين وحلوين وبنكلم وكله تمام بعد العصر مباشره
أم اجه واحد قال للدكتور ان فى حد متخيط
وعايزين يغيروله على الجرح وعايزين الحاجات المطلوبه
طبعا الدكتور قالى هات قطن وجبته والحمد لله
هات شاش جميل خالص
هات بلاستر ...ما أنا شاطر أهوه
هات بيتادين مطهر
طيب هجيبه أهو
طبعا أنا بحسب أجيب أى علية بيتادين ألاقيها
ما هو كله مطهر
هتفرق يعنى
لقيت الدكتور بيقولى اللى جنبها
رحت باصص على اللى فى ايدى ليقيتها مكتوب عليها
vaginal wash
يا نهار أبيض
وبرضه من غير أقرأ المكتوب على اللى جنبها
جبتها بسرعه ورحت للدكتور
وأنا فى قمة الخجل
وكانت المصيبه الثانيه
الدكتور بيقول للراجل البيتادين مش موجود
بعد أما الراجل مشى
أنا :نعم أمال ده اى يا دكتر؟؟؟؟؟؟؟
وكان رد الدكتور اقرا اللى مكتوب على العلبه
وطبعا ربنا يحفظكوا من الموقف ده
احراج فوق الوصف
قرأت لقيت
البيتادين طلع غرغره للفم
وكانت النصيحه اللى بعد كده على طول
ركز واقرا كويس وا تسرعش
شكرا يا دكتوره على الموضوع ده
التعديل الأخير تم بواسطة AbU ElKhAiR-Let`s Go ; 29-07-2010 الساعة 11:32 PM
ههههههههههههههههههه,,,,مواقف حلوة اوى بجد