صفحة 1 من 2 12 الأخيرةالأخيرة
النتائج 1 إلى 10 من 17

الموضوع: من لا يتقدم يتقادم ؛فلا بصمة ولا أثر

  1. #1

    افتراضي من لا يتقدم يتقادم ؛فلا بصمة ولا أثر

    بسم الله الرحمن الرحيم
    مقدمة....

    طبعا كلنا عارفين عنوان الموضوع ده انا جبته منين ؛ده توقيع استاذنا الفاضل دكتور عطا الله ....
    بصراحة التوقيع ده تحفة وحكمة مش عادية ابدا ... وكان أحد اسباب عمل الموضوع ده.
    والتوقيع ده حالنا كلنا اليوم ...
    من مؤسسات علمية لحد دولة كاملة... اللى بيتقدم و بينافس هو اللى بيبقى اسمه ويضع بصمته ويهيمن
    اما من يقف فى مكانه محلك سر .... -معتقدا انه يحافظ على مكانه- فى حقيقته متأخر ويتأخر لأن كل من حوله يسير ويتقدمبينما هو يتراجع ويتراجع.....

    وعشان شفنا التطوير اللى بيحصل فى كليتنا السنة دى من الأشراف الأكاديمى ولحد الدواليب الجديدةوما بينهما وكل ده تحت البرنامج اللى كليتنا ماشية عليه عشان تعتمد وتبدا تدخل فى المنافسة العالمية...

    التطوير اللى بدأ خلانى اعتقد ان كليتنا فى يوم من الأيام هتبقى من الكليات الرائدة فى علم الصيدلة ...
    بل من الممكن ان تكون الرائد الأول على الأطلاق.
    ولكن مازال الطريق طويلا والأصلاح والتطوير يحتاجان الى صبر واخلاص واستمرار فى العمل بلا كلل .

    وكمساهمة متواضعةمنى كان هذا الموضوع......
    فى هذا الموضوع سوف استعرض بعض النقاط المهمة لتطوير مادتين اساسيتين هما الكيمياء العضوية والتحليلية.
    وايضا بعض النقاط الخاصة بالتطوير بشكل عام .

    أولا الكيمياء العضوية الصيدلية :معلومات عامة
    1. مدة الكورس 5 semesters
    2. تقسيمات الكورس semesterللفرقة الأعدادية واثنان لكل من الفرقة الأولى والثانية.
    3. أهداف الكورس:- اهداف عملية ذات طابع متقدم :-
      The objectives of the Organic Chemistry course are to enable the student to gain an understanding of the following general areas of study:


      1.1 The basic principals of organic chemistry concerning structures, nomenclature, preparation, properties and reactions of different organic compounds whether aromatic or heterocyclic. In addition to the mechanistic point of view of many of them.

      1.2 Functional group transformations.

      1.3 The stereochemical aspects of different reactions and their effects on the outcome of such reactions, on properties or even biological activity of products.

      1.4Spectroscopic techniques and their application for structure elucidation of organic compounds.

      1.5 Determination of physical constants and chemical identification of unknown organic compounds either single or in mixtures.

      Synthesis of organic compounds (one step synthesis).1.6
    4-التطبيق العملى للكورس :- التعرف على المجموعات الوظيفية- qualitative analysis- العضوية.

    دى المهارات الأساسية اللى لازم الطالب يكون عارفها بعد انتهاء الكورس -فى العام الثانى-
    طب اي بقى المشكلة وليه انا بتكلم فى لموضوع ده طالماالكلام ده كويس وجميل.

    أول مشكلة هى التقسيمات
    الطالب بيدرش الكيمياء الفراغية -فرع عمره ماسمع عنه فى المرحلة الأعدادية وفى ترم واحد على الرغم انها اساس لعلم فى غاية الأهمية اسمه molecular modeling or molecular docking
    و بيدرس المجموعات الوظيفية الأليفاتية فى سنة كاملة والأروماتية والحلقات غير المتجانسة فى سنة واحدة .
    طب هو ده معقول !!!
    كيمياء الحلقات الغير متجانسة والأروماتية هى اساس الكيمياء الطبية والتصنيع الدوائى وتتاخد فى ترم واحد لكل منهما .. لأوكمان مش لوحدهم ده معاهم فرع فى غاية القوة والخطورة - Spectroscopic techniques
    ثلاث فروع من الكيمياء العضوية فى غاية الأهمية للصيدلى يتاخدوا فى سنة واحدة بس اكيد اضعف كورس العضوية بشكل كبير وكان ماشى على نسق من كل بستان زهرة ..
    والطالب محتاج يدخل متأسس فى الفروع دى كويس جداجدا لأن محدش هيشرح له الأساسيات دى تانى.

    واضح ان فى اختلال في توزيع قوة المنهج على الفترة اللى بيتم تدريسه فيها او بمعنى اخر ان فترة الكورس غير كافية ايضا........

    طب ازاى نحل الموضوع ده ومن غير ما نزود فترة الكورس !!
    بسيطة كل اللى هنعمله ان احنا نحول جزء من المنهج ل interactive course يعنى جزء تفاعلى وطبعا الجزء اللى هنختاره هو جزء المركبات الأليفاتية لأتها كبيرة جدا وبتاخد وقت طويل كمان ما بيكفهاش.
    طب يعنى ايه interactive course ؟؟
    الطريقة دى بتعتمد على ان الدكتور بيدى اساسيات المنهج وبعدين يخلى الطلاب هم اللى يبحثوا عن التطبيقات
    برضه مش واضحة ...طيب for example
    The studied object is nucleophilic substitution
    the student should know the general mechanism of reaction and some specification or exception; so that he can apply it on all aliphatic compound that undergoes this tybe of reaction
    يعنى الدكتور مش لازم يدى النوع ده من التفاعلات فى كل مرة بيدرس فيها مركب جديد
    يكفى فقط انه يكون شرح القاعدة العامة والحالات الخاصة .
    ده كان مجرد مثال ممكن يطبق على اى جزئية أخرى من الكورس.
    وبكده نكون ضربنا عصفورين بحجر ؛قللنا الوقت المطلوب وعودنا الطالب على التفكير والبحث .
    -وعلى فكرة معظم الناس عندنا فى تانية كانت مذاكرة كورس الحلقات الغير متجانسة بهذه الطريقة -
    بس كده احنا بنعذب الطالبلأن هيبقى عليه حمل تقيل شويه طب ازاى نخففه!!

    بان احنا نزود كفاءة العملى أكترhow؟؟
    طبعا كلنا عارفين ان عملى العضوية قاصر علي التحليل الكمى للمجموعات الوظائفية وتخليق مركبات فى خطوة واحدة.. وده طبعا لأن توفير المواد والأجهزة الازمة للتطبيق على المنهج ستكلف الكلية ثروة طائلة -مستحيل يعنى تتعمل-
    هنا يأتى دور التكنولوجيا المتطورة.....



  2. #2

    افتراضي

    مرحبا بعودتك مرة أخرى ..
    والحمد لله الناس بدات تحس ان فيه شغل بجد فى الكليه ..

    بالتوفيق .. وساقرا الموضوع كامل لاحقا ان شاء الله .. وساعقب عليه ..

    تحياتي لك ..

  3. #3

    Exclamation تتمة الموضوع

    اعتذر عن التأخير فى اتمام الموضوع لأنقطاع الأتصال
    التتمة

    ولكن فى نفس الوقت كان ارتفاع اسعارهذه الأجهزة حال دون ذلك فى البلاد النامية-مثل مصر- وصار الاعتماد على التكنولوجيا الحديثة أمرا لا مفر منه ساهم فى ذلك التطور والثورة الكبيرة التى يشهدها عالم الحاسب اليوم

    ولذلك قام بعض عباقرة الحاسب بالتعاون مع أساتذة العلوم المختلفة بابتكار ما يسمى
    (Virtual lab)
    المعامل التخيلية

    والمعامل التخيلية هى صورة طبق الأصل من معامل فى غاية التطور تحتوى على بيانات

    ومراجع علمية تمنح مشغلها الفرصة لعمل تجارب كان يستحيل عملها على ارض الواقع

    فى ظل الإمكانيات الحالية ....

    وقد قمت بالبحث بدقة عن مثل هذه البرامج وانتقيت برنامج يكاد يحقق ما يتطلبه

    الواقع الحالىفى الكلية ونستعرض البرنامج فىالسطور التالية
    فى الحقيقة يخدم البرنامج ثلاث مواد رئيسية هم الصيدلانيات الفيزيائية والكيمياء التحليليلية والعضوية
    نتحدث الأن عن الكيمياء العضوية
    synthesize products
    work up reaction mixtures and perform
    use nuclear magnetic resonance (NMR), infrared

    spectroscopy (IR), and thin-layer chromatography

    (TLC) as analytical tools;
    · purify products by distillation or recrystallization;
    · perform qualitative analysis experiments on
    unknowns using functional group tests with actual
    video depicting the results of the tests.
    The simulation allows for more than 2,500,000
    outcomes for synthesis experiments and can assign over 300 different qualitative analysis unknowns

    وواضح جدا امكانيات البرنامج فى تطبيق الكثير من التفاعلات اللى عمرنا ماكنا هنقدر نطبقهافى ظل العدد الكبير للطلاب .
    ده بالنسبة للتخليق اما التفاعلات فكالتالى
    ?Alkyl Halide Solvolysis

    ?Nucleophilic Substitution

    ?Williamson Ether Synthesis

    ?Alkene Formation

    ?Nucleophilic Substitution

    ?Williamson Ether Synthesis

    ?Amine Formation

    ? Alcohol Reactions

    ?Alcohol Halogenation

    ?Alcohol Dehydration

    ?Spectroscopy

    ?Interpreting IR Spectra

    ?Interpreting NMR Spectra

    ?Qualitative Analysis

    ?Qualitative Analysis – Alkenes

    ?Qualitative Analysis – Alcohols

    ?Qualitative Analysis – Aldehydes

    ?Qualitative Analysis – Ketones

    ?Qualitative Analysis – Acids

    ?Qualitative Analysis – Esters

    ?Qualitative Analysis – Amines

    ?Qualitative Analysis – Amides

    ?Qualitative Analysis – Halides

    ?Qualitative Analysis – Ethers


    والكثير الكثير من المميزات الأخرى ولمن يهمه الأمر يمكن ان ابعث له

    بمجمل المعلومات عن البرنامج ككل
    ومازال للحديث بقية
    اترككم مع الصور

    .......................




    I.R chart




    ودى صورة جميلة انا شخصيا بحبها



    ودى عقوبة اللى مبيلتزمش

    غدا ان شاء الله نكمل


  4. #4

    Thumbs up تتمة الموضوع

    ملخص ما سبق
    تكلمنا عن ضرورة استخدام اسلوب المحاضرة التفاعلية والبحث الذاتى لتحقيق اهداف الكورس فى وقت قصير وبكفاءة عالية ؛وايضا عن زيادة كفاءة العملى باستخدام برامج المعامل التخيلية التى توفر خبرة معملية يستحيل فى ظل الأمكانيات الحالية تحقيقها ؛واستعرضنا امكانيات هذا البرنامج الجبار اللى ياريت نشوفه عندنا فى الكلية

    تتمة الموضوع :-
    النقطة الثانية والهامة هو نظام قيادة العملى او التوجيه الطلابى اثناء السكاشن

    تعالوا نرى وقت كورس العضوية مثلا فى جدول الفرقة الأولى ....
    الفترة الزمنية للسكشن هى 5ساعات بينما الوقت الفعلى الذى يستغرقه السكشن هو اقل من 3 ساعات وذلك ببمعبمعدل ربع ساعة فى المتوسط لكل sample ......

    فى الحقيقة الربع ساعة هذه لا يتم استخدام سوى 5-7 دقائق فى الشغل العملى والباقى يضيع فى الثرثرة والحديث بين الطلاب وكتابة السكيم !!!!!
    بهذا المعدل ييتحقق الجهد الحقيقى للسكشن فى زمن يساوى اقل من 1.5ساعة!!!
    وهذا كلام حقيقى يعرفه كل طالب تعدى المرحلة الأعدادية.
    توجيه الطلاب اثناء السكشن ضعيف مع بعض الأستثناءات والوقت الكبير المخصص للسكاشن لا يتم استخدامه
    لا يوجد اى اختبارات او كويزات شيتات ذات طابع تقويمى الا مع اختبار شفوى وشيت اخر الترم

    هذه المشكلة تجعل سكشن العضوية (ممل) وهذه الكلمة على لسان احد المعيدين اللى بحترمهم.

    كيف نحل ونستفيد من هذا الوقت الضائع!؟
    ذلك باعادة توجيه منهج العملى ليساير منهج النظرى بحيث يتم مناقشة تطبيقات وأفكار تتعلق بالنظرى
    يعنى كمثال
    course is spectroscopic techniques
    ايه العملى اللى اخدناه عن الجزء ده
    للأسف جزء مهم جدا زى ده فى التحاليل الشرعية والأبحاث الأكاديمية العملى اللى فيه صفر
    والتطبيق الوحيد هو اسئلة عن الامدا ماكس .........
    لكن I.R ,N.M.R لاشىء على الأطلاق
    وطبعا الكلية لها عذرها فى عدم توفيرها الأجهزة الازمة دى ..بس فى حاجة اسمها بدائل وابتكار وتجديد

    مثلا لما كنا بنعمل synthesis methyl salycilate ممكن يتوزع على كل مجموعة charts مختلفة للI.R or N.M.R
    لتقييم الطلاب وقدراتهم على معرفة التحليل الطيفى للمركب النهائى .
    فى نفس الوقت لن نتمكن من تطبيق هذه الفكرة اذا لم يتوافق التدريس النظرى مع المنهج العملى.

    المعيد له دور اكبر من ذلك فى المعمل ودوره لا يتوقف على اكمال الscheme او املاء الخطوات ولكن يجب ان يقوم بتوعية الطلاب واعلامهم بالموضوعات التطبقية الحديثة المتعلقة بالمنهج الذى يتم تدريسه

    وانا بوجه رسالة للدكتور محمود بكر عميد الكلية
    ياريت يادكتور يكون فى اهتمام اكتر بقسم العضوية وتطويره بأحدث الأجهزة لأنه اساس الكيمياء الطبية وكيمياء العقاقير . وعلوم اخرى متقدمة زىالmodeling&docking

    يارب اكون وصلت المشكلة اللى قابلتنا فى الكيمياء العضوية وقدرت اوصف الحلول المناسبة
    لو فى استفسار او اى حاجة مش مفهومة انا مستعد للتفسير.

    كده الكيمياء العضوية خلصت اتبقى الكيمياء التحليلية



  5. #5
    Pharma Student
    تاريخ التسجيل
    Oct 2007
    الدولة
    Mansoura
    المشاركات
    186

    افتراضي

    موضوع رائع ومميز يا دكتور

    وفى انتظار البقية عن الكيمياء التحليلية وارائك حول تطوير المنهج

  6. #6
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    بانتظار رأي حضرتك في الكيمياء التحليلية ..

    و جزاك الله كل خير على الاشتراك في التطوير ..

  7. #7
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    وعشان شفنا التطوير اللى بيحصل فى كليتنا السنة دى من الأشراف الأكاديمى ولحد الدواليب الجديدةوما بينهما وكل ده تحت البرنامج اللى كليتنا ماشية عليه عشان تعتمد وتبدا تدخل فى المنافسة العالمية...
    تلاقيك مكنتش لابس النظارة بتاعتك

    يلا مش مهم

    كلامك كله كلام جميل عن الكيمياء العضوية

    وبجد اكتر حاجة عجبتنى هى virtual lab

    شكلها كده هتكون تجربة قوية لو بدأت تتنفذ

    اما بالنسبة لوقت السيكشن فانا معاك فى الحكاية دى

    وحكاية شيتات فى المعمل عن spectroscopy

    دى فكرة جميلة

    افكارك كلها كويسة بس واضح ان الخيال مسيطر عليها بدرجة كبيرة

    بس المشكلة اساسا ان الطلبة مش عندها ثقة فى دكاترة العضوية
    وده كان سبب رئيسى فى ان احد محاضرات العضوية لم تتجاوز 20 طالب فى المدرج

    وحضورهم للمعمل اساسه الغياب مش للشغل

    بيتهيألى الفكرة الوحيدة المتاحة واللى سهل جدا تنفيذها
    هو ان يبقى المعيد المسئول على العملى يمر على الطلبة اثناء شغل العملى
    وياخد الغياب على الشغل
    مش على الجثة


  8. #8
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    بس المشكلة اساسا ان الطلبة مش عندها ثقة فى دكاترة العضوية
    وده كان سبب رئيسى فى ان احد محاضرات العضوية لم تتجاوز 20 طالب فى المدرج

    وحضورهم للمعمل اساسه الغياب مش للشغل
    لا ..

    لا متقولش كدة يا دكتور ..
    ازاي ؟؟
    د- فاطمة النبوية كانت بتعطي محاضرة قد تكون الأحسن على مستوى الكلية ..
    بيقولوا د- ماجدة نصر كمان ( ما درستنيش ) ..
    وبعدين الحضور القليل مش معناه ان دة السبب ..
    لكن في أسباب كمان ..
    وبعدين ليه بنعمم الحكم على القسم كله ؟؟

  9. #9

    افتراضي الكيمياء التحليلية..

    كلية الصيدلة بتكتسب تميزها من تنوع وشمول المادة العلمية بها يعنى بتدرس كل المجالات العلمية لأنها كلية تطبيقية يعنى يفترض انها تستفيد من النظريات العلمية وفروع العلم المختلفة والكيمياء التحليلية احد العلوم اللى دخلت فى اهتمام الصيدلة لأنها ضرورية فى quality control و الـاكد من ان الدواء مطابق لمواصفات عالمية محددة ... لو لاحظنا هنلاقى ان الكيمياء العضويةكانت بتختص بمهارات ماقبل التصنيع ؛على عكس الكيمياء التحليلية اللى بتختص بمرحلة ما بعد التصنيع ... عشان كده العلم ده بيدرس عندنا فى صيدلة ... طب تعالوا نشوف اهداف الكورس فى المرحلة الأعدادية كان فى anion &cation .......physical chemistry.....general chemistry طب الكيمياء الفيزيائية والعامة اساسيات للمراحل القادمة ؛لكن الأنيون والكاتيون بحجمها الحالى اللى بيجرس الطالب فيه الكشف عن هذه الأيونات وكيفية الكشف عن عنصر فى وجود اخر والى اخره كمية كبيرة من المعلومات يستحيل على الطالب انه يحفظها او حتى يفهمها ويستفيد بها... دا غير ان تطبيقاتها فى السنين اللى بعده قاصرة على عدد محدود من المجموعات يعنى مش كل الanion &cation لهم تطبيق فى علم الصيدلة يبقى ايه الاحتياج لدراستهم اصلا . انا شايف ان دراسة الفرع ده بحجمه الضخم ده ثقال كاهل على الكلية والطالب دون سبب وجيه... طب تعلوا نشوف الموقف الظريف ده احنا درسنا فى اعدادى كل اللأنيون والكاتيون ...كلها وجينا فى تانيةفى جزء الspectroملحقناش ندرس الatomic absorption بالشكل اللى يتناسب مع قوة العلم ده واهميته فى التطبيقات الصيدلانية... على الرغم ان الatomic spectraهو الطريقةالحديثة للكشف على وجود العناصر دى ... العالم قلل من استخدام reagentالكشف عن العناصر دى لأنها مكلفة وبعضها مضر بالصحة واحنا لسة شغالين بيها وكلنا فاكرين يوم الكشف عن الكبريت كان شكله ايه ولا نسينا رائحة البيض الفاسد !!! طيب هو ده المشكلة الوحيدة للتحليلية!!! لأ مشكلة التحليلية الأساسية هو التكرار !!! ايوا التكرار اللى يبيتاخد فى النظرى هو نفسه اللى بيتاخد فى العملى تعالوا نوضح اكثر.... مثلا فى اولى منهج التحليلية كله بيتكلم عن المعايرات الأعتياديةclassical titration من اول معايرات حمض مع قاعدة لحد معايرات المتراكباتcomplexmetry حد يقوللى بالله عليكم ازاى الكلام ده يتاخد فى سنة كاملة والinstrumental تتاخد فى اقل من سنة عرفنا كل حاجة عن المعايرات القديمة اللى العلم اقر انها غير دقيقة وعليها كلام كتير واستخدامها فى الصيدلة محدود.... وخدنا كلام مش كافى -واتلغى الباقى- عن الأجهزة الحديثة واللى ليها تطبيق حديث فى الصيدلة ونتائجها موثوق فيها الدكتور حسن الراضى وهو بيشرح التحلليل الشرعى للnarcoticمكانش بيقرب لأى طريقة instrumental الا بسيط جدا وكان بيتعجب من عدم معرفتنا بالكلام ده على الرغم ان احنا فى اخر سنه هندرس فيها تحليلية. واضح ان نفس المشكلة اللى فى العضوية موجودة فىالتحليلية وهى ان المنهج مش متوزع صح او الperiorityمش مظبوطة.... ليه دائما الأهتمام بيكون بالقديم ...اصل عمرنا هنتقدم طول ما احنا بندرس مناهج قديمة . التحليلية اكثر مادة عندنا حصل فيها الغاء مقارنة بمناهج سابقة وللأسف -رغم ان انا مش عايز اقولها - كان فيها أخطاء علمية ... بعيدا عن سرد المشكلات ايه هو الحل الحل ان المعايرات تتنقل العملى وتدرس فى العملى اللى واخد عدد كبير من الساعات وما بيتمش الأستفادة منه بالقدر المتوقع ويتفرغ النظرى لجزء التحليل الألى اللى هيثبت الطالب ويخليه مستعد انه يتعامل مع الأجهزة دى فىالواقع العملى نوعا ما .. تخيلوا يا جماعة ان جهازGc محتاج تدريب 6شهور قبل استعماله وعشان يعطى افضل نتيجة وده لواحد دارس الجهاز كويس فما بالكم بواحد مش عارف الا معلومات بسيطة عنه لو حصل ان العملى انفصل وبقى جزء لوحده ده مش هيفيد الطلاب بس لأ وكمان المعيدين اللى هيكتسبوا خبرة تدريسية لا تتوفر الا للمعيدين اللى بيدخلوا شرح العملى . العمل التانى هو ان قسم التحليلية هو اقل الأقسام استخداما للمديا والوسائط المتعددة كل اللى بيعملوا انه بيشرح كلام وبس دون صورة اوشكل توضيحى او فيديو ... على الرغم ان فى مثل بيقول صورة تغنى عن الف كلمة. طب نتيجة الكلام ده ايه ... تعالوا نشوف مع بعض فى سكشن الكيمياء التحليلية الترم الأول عرض لنا الدكتورمحمد العوضى -ربنا يكرمه- حهاز اسمهglassmembrane electrode ده كان تطبيق جميل ورائع فى الترم التانى دكتورة مارى عرضت نفس الجهاز ولكن لم يتعرفه احد ولم يتعرف احد حتى على مكوناته ايه رأيكم فى الموقف ده .. خلال ترم واحد لم يتعرف احد على جهاز سهل زى ده طيب امال لو حد طلب منه تشغيله هيعمل ايه بصراحة الموقف ده دليل ان فى حاجة غلط التحليلية مش ان انا امسك جهاز واحفظه واحفظ العوامل المؤثرة عليه التحليلية انى اعرف اشغل الجهاز واعمل تطبيق بيه يا جماعة احنا انهينا كورس الكيمياء التحليلية دون عمل T.L.cأقل التكنيكات قوة فى علم الchromatography هنرجع لشكلة الأمكانيات .. زى ماقلنا فى العضوية هنقول فى التحليلية الحل هو الVirtual lab يبقى فى اختصار الأقتراحات الازمة لتطوير مادة التحليلية 1- فصل منهج العملى عن منهج النظر ى وفى نفس الوقت استخدام المعامل التخيلية والوسائط المتعددة لتقريب الصورة للطلاب 2-التركيز على التطبيقات الصيدلانية للتحليل الألى 3- تجديد المنهج بما يتناسب وتقدم التحليل الألى فى الوقت الحالى 4- ضرورة عمل معرض يتوفر فيه الأجهزة الحديثة على هيئة مجسمات خشبية او غير ذلك لكى يتمكن الطالب من التعرف على الأجهزة ومكاوناتها 5-عقد امتحانات ميد ترم بالنسبة للعملى بما يتناسب مع عدد الساعات على عكس اللى كان بيحصل ان القسم كان بيعمل امتحان عليه 10 درجات على عدد ساعات قيمتها تساوى اكثر من50 درجة مما يؤدى لأختلال ميزان التقويم وللحديث بقية اعتذر عن عدم التنسيق لأن جدول التحرير لا يعمل عندى مش عارف ليه!!
    التعديل الأخير تم بواسطة عبدالله عبدالرحمن ; 06-07-2009 الساعة 02:50 PM

  10. #10
    عضـو هيئـة التـدريـس
    تاريخ التسجيل
    May 2007
    المشاركات
    186

    Exclamation

    ألف شكر Dr Dark Yami على موضوعك و على ايجابيتك في التعامل مع مشاكل الكلية لكن اسمح لي أن اتفق و اختلف معاك في بعض النقاط

    اقتباس المشاركة الأصلية كتبت بواسطة dark yami مشاهدة المشاركة
    الكيمياء التحليلية احد العلوم اللى دخلت فى اهتمام الصيدلة لأنها ضرورية فى quality control و الـاكد من ان الدواء مطابق لمواصفات عالمية محددة ... لو لاحظنا هنلاقى ان الكيمياء العضويةكانت بتختص بمهارات ماقبل التصنيع ؛على عكس الكيمياء التحليلية اللى بتختص بمرحلة ما بعد التصنيع ... عشان كده العلم ده بيدرس عندنا فى صيدلة ...

    كلام جميل و وجهة نظر صحيحة تعكس فهمك لأشياء.... كتير من الطلبة لا يدركونها

    اقتباس المشاركة الأصلية كتبت بواسطة dark yami مشاهدة المشاركة
    طب تعالوا نشوف اهداف الكورس فى المرحلة الأعدادية كان فى anion &cation .......physical chemistry.....general chemistry .................. انا شايف ان دراسة الفرع ده بحجمه الضخم ده ثقال كاهل على الكلية والطالب

    أنا متفق معاك تمام أن الكم اللي الطالب بيدرسه في اعدادي كبير جدا و أنه فوق طاقة أي طالب و ان شاء الله سيتم مراعاة ذلك في اللائحة الجديدة و ان شاء الله هتتحل عقدة اعدادي الموجودة حاليا بسبب اللائحة القديمة

    اقتباس المشاركة الأصلية كتبت بواسطة dark yami مشاهدة المشاركة
    جينا فى تانيةفى جزء الspectroملحقناش ندرس الatomic absorption بالشكل اللى يتناسب مع قوة العلم ده واهميته فى التطبيقات الصيدلانية... على الرغم ان الatomic spectraهو الطريقةالحديثة للكشف على وجود العناصر دى ...

    متفق معاك أيضا في هذا الكلام و فعلا جزء التحليل الالي (instrumental) مظلوم في اللائحة الحالية و للأسف لا يستطيع القسم أن يدرس أي موضوع من التحليل الآلي في الفرقة الاعدادية أو الأولى (يعني لا يستطيع أن يقوم بإعادة توزيع مواد التحليلية بين السنوات المختلفة) لأن ذلك سيكون مخالف للائحة الحالية، لكن بأطمنك أن في اللائحة الجديدة سيتم مراعاة ذلك و زيادة الاهتمام بالتحليل الالي بالاضافة الى أن سيكون هناك مقرر اختياري لدراسة التحليل الآلي المتقدم Advanced Instrumental Analysis و ده هيكون نظام جديد أن الطالب هيكون له مقررات اختيارية حسب رغبته.

    اقتباس المشاركة الأصلية كتبت بواسطة dark yami مشاهدة المشاركة
    مشكلة التحليلية الأساسية هو التكرار !!! ايوا التكرار اللى يبيتاخد فى النظرى هو نفسه اللى بيتاخد فى العملى تعالوا نوضح اكثر............... ايه هو الحل الحل ان المعايرات تتنقل العملى وتدرس فى العملى اللى واخد عدد كبير من الساعات وما بيتمش الأستفادة منه بالقدر المتوقع ويتفرغ النظرى لجزء التحليل الألى

    أنا مختلف معاك تماما في هذه النقطة ففي رأيي أن العملي لازم يكون تطبيق لما يدرسه الطالب في النظري لدرجة أن كتير من الطلبة يروا أن ميزة في التحليلية أن العملي مرتبط جدا بالنظري فده من ناحية بيخللي الطالب يشتغل تطبيق عملي حقيقي لما يدرسه في النظري و بالتالي ده هيساعده في فهم المعلومة و تثبيتها، و من ناحية أخرى كتير من الطلبة يروا أن شرح العملي بيساعدهم في النظري و بيوضح لهم نقاط قد لا تتاح الفرصة لدكتور النظري أن يوضحها في المحاضرة...فكما ذكرت رأيي أن الوضع المثالي أن تكون مناهج العملي هي تطبيق لما يدرسه الطالب في النظري ولا يمكن أن نعتبر ذلك تكرار بل هو تركيز focusing على أجزاء معينة في المنهج و توضيحها، هذا بالاضافة إلى أن العملي يهتم أكثر بما يخص الحسابات و طرق التعامل مع الأدوات handling and precautions و هذا يكون مكملا للأساسيات النظرية التي يدرسها الطالب في منهج النظري.
    اللي ممكن يتعمل أن يكون في تطبيق لما يدرسه الطالب في منهج التحليلي الآلي و ده عقبته طبعا زي ما انت عارف الامكانيات لأن أجهزة التحليل غالية جدا ، و احنا بنحاول نعمل ده على قد ما نقدر و أضعف الايمان أن احنا نوريك الجهاز شكله و تركيبه ايه بس مش هنقدر نخللي كل طالب يشتغل عليه.

    اقتباس المشاركة الأصلية كتبت بواسطة dark yami مشاهدة المشاركة
    فى اولى منهج التحليلية كله بيتكلم عن المعايرات الأعتياديةclassical titration من اول معايرات حمض مع قاعدة لحد معايرات المتراكباتcomplexmetry حد يقوللى بالله عليكم ازاى الكلام ده يتاخد فى سنة كاملة والinstrumental تتاخد فى اقل من سنة عرفنا كل حاجة عن المعايرات القديمة اللى العلم اقر انها غير دقيقة وعليها كلام كتير واستخدامها فى الصيدلة محدود....

    أنا لا أعرف مين اللي قال لك هذا الكلام ... اسمح لي أختلف معاك تماما هنا
    آه محدش يختلف أن التحليل الالي مهم جدا جدا في الوقت الحالي و يجب الاهتمام به أكثر في المناهج و زي ما قلت ده ان شاء الله هيحصل في اللائحة الجديدة ..... لكن لا يمكن أن نقول أن المعايرات Titrations أصبحت بلا أهمية ... أحب أوضح لك أن كثير جدا من تحاليل المواد الخام في دستور الأدوية الأمريكي و البريطاني حتى الآن تعتمد على المعايرات Titration، و لو ذهبت في رحلة لأي شركة أدوية محترمة ستجد كل الأدوات اللي أنت بتستخدمها موجودة عندهم حتى السحاحة..... و ده رأيته بنفسي....و حتى لو الموضوع تقدم شوية ممكن يجيبوا أجهزة تعمل معايرة بنفس فكرة السحاحة .... ياريت ترجع لمحاضرة التطبيقات الصيدلية للكيمياء التحليلية و هتلاقي الكلام ده متوضح بالصور و هتلاقي مكتوب المعلومة الآتية:
    Titration is still the official assay method for a very large number of RAW materials.....lllll

    Titrat*is numerously mentioned in pharmacopeias


    BP 1998


    1314 times




    BP 2007

    1565 times





    USP 2002
    1105 times




    USP 2005


    1200 times

    ازاي بعد كده نقول أن المعايرة بقت طريقة قديمة و عليها كلام كتير!!!!!
    المعايرات البسيطة دي رغم بساطتها لكنها تتميز بمميزات كتيرة جدا من أهمها ثبات نتائجها و عدم تأثرها بالظروف المحيطة... يعني بمعنى آخر لو انت شغال على جهاز من أحدث أجهزة التحليل و حدث مثلا تغير في شدة التيار الكهربي و ده ما أكثره في مصر أو حصل تغير في درجة الحرارة المحيطة بالجهاز أو ما شابه...فإن النتائج يحدث فيه تخريف جامد جدا و الشغل يقف و ده شفته بعيني في الكلية... بعكس المعايرة titration لو الدنيا اتهدت مش هتتأثر نتائجها ....... لذلك مازال الاعتماد عليها كبير في تحاليل المواد الخام.
    عيوب المعايرة هي أنه صعب استخدامها نسبيا في تحاليل مخلوط من أكثر من مادة (mixture) أو في تحليل المستحضرات الصيدلية لوجود intereference جامد، كما أن من عيوبها أن حساسيتها قليلة يعني لا تستطيع تعيين التركيزات القليلة جدا من المواد ودي بتحتاج أجهزة حساسة.
    لكن زي ما قلت ده مش معناه أنها عفا عليها الزمن و الدليل هو دساتير الأدوية اللي هي أساس الشغل في أي شركة أدوية

    اقتباس المشاركة الأصلية كتبت بواسطة dark yami مشاهدة المشاركة
    ....واضح ان نفس المشكلة اللى فى العضوية موجودة فىالتحليلية وهى ان المنهج مش متوزع صح او الperiorityمش مظبوطة.... ليه دائما الأهتمام بيكون بالقديم ...اصل عمرنا هنتقدم طول ما احنا بندرس مناهج قديمة !!


    زي ما قلت لك قبل كده أن فعلا فيه مشكلة عدم ملائمة لتوزيع و أولويات تدريس المناهج بس زي ما قلت صعب تغيير ده حاليا للالتزام باللائحة اللي بتحدد ده لكن ان شاء الله اللائحة الجديدة هتراعي ده بالاضافة إلى أن سيتم ان شاء الله إضافة مادة جديدة في اللائحة القادمة تدرس لطلاب السنة الأخيرة او قبل الأخيرة و هي مادة
    Quality Control
    و أعتقد أنها هتعمل نقلة كبيرة في إلمام الطالب بطبيعة العمل في رقابة الجودة داخل الشركات و هي من الوظائف اللي أصبح عليها إقبال كبير من الصيادلة في الوقت الحالي لأنها فعلا وظيفة محترمة

    أما جزئية أن المناهج التي يتم تدريسها قديمة فأنا أختلف معاك تماما فيها
    و أرجو أن الكلام اللي زي ده يجب التأكد منه قبل ذكره
    فليس من الصعب أن يكون المنهج حديثا لأن ده مش هيكلف اللي هيدرسه حاجة
    و عموما أنت لو تصفحت لوائح كثير من الجامعات في أوروبا و أمريكا و في اليابان و قرأت العناوين التي يتم تدريسها ستجد أنها متشابهة كثيرا مع ما تدرسه
    أو بطريقة أسهل لو اطلعت في المكتبة على أي كتاب كيمياء تحليلية اصدار 2008 أو 2007 ستجد نفس الكلام
    فأنا أختلف معاك في عدم حداثة مناهج النظري مع العلم أن الطالب هنا أو في الخارج لا يدرس كل شيء عن التحليلية لكن هناك مستوى معين يتم تدريسه للطالب يشمل أساسيات كل موضوع و هناك مستوى أعلى أكثر توسعا لطلاب الدراسات العليا
    لكن بالنسبة لمناهج العملي طبعا ليست متقدمة بالشكل الكافي و طبعا الأسباب الرئيسية لذلك هي زيادة عدد الطلبة و قلة الامكانيات فزي ما قلت صعب جدا أن مثلا أنزل جهاز للطلبة زي الpH meter و هو من أبسط الأجهزة في شغلنا .... أصلا موجود منه في الكلية كلها 8 أجهزة!!!

    اقتباس المشاركة الأصلية كتبت بواسطة dark yami مشاهدة المشاركة
    .... زى ماقلنا فى العضوية هنقول فى التحليلية الحل هو الVirtual lab ــ


    متفق معاك تماما المعامل التخيلية بتحل مشاكل كتير جدا بس فعلا أنا بحثت كتير على النت عن برامج المعامل التخيلية و وجدت كتير بس الحلو فيها غالبا بيبقى يحتاج شراء بمبلغ كبير أو بيعطيك نسخة تجريبية غير مكتملة الامكانيات
    لكن عامة أنا بأوجه هنا دعوة لكل الطلاب بالمشاركة في مثل هذا النشاط فكثير من الطلاب اثناء تصفحهم للنت يجد أمامه برامج مفيدة جدا في هذا المجال فيا ريت ينشرها على المنتدى حتى تعم الفائدة و يكون مشكورا لو وصلها لدكاترة المادة المختصة مع العلم أن هذه البرامج موجود منها في كل فروع الصيدلة
    وفعلا الموضوع ده عايز اهتمام أكبر من الكلية في الفترة القادمة و شكرا على طرحك ليه

    اقتباس المشاركة الأصلية كتبت بواسطة dark yami مشاهدة المشاركة
    ... التحليلية اكثر مادة عندنا حصل فيها الغاء مقارنة بمناهج سابقة !!


    صعب أوي ان تخرج بهذا الحكم ...أولا ليست المناهج السابقة هي المعيار أن فيه الغاء أم لا
    ببساطة عدد الساعات كل عام نفس العدد و الطالب بياخد منهج على قد عدد ساعاته
    و بالأمانة مش معنى أن انت لقيت حاجة درست سابقا و لم تدرسها أنت، أنه تم إلغائها بسبب تقصير من المحاضر لكن لو حاجة اتلغت أو نقول بشكل أدق اختصرت فهذا لأن بيبقى فيه حاجة تانية أهم تم التوسع فيها لأهميتها ... لكن عدد الساعات ثابت
    بمعنى آخر ليه ما تقولش أن المناهج السابقة هي اللي كان فيها حشو غير مفيد و تم تنقيته..... ده على فكرة - والله - مش تحيز بس أنا باقول كده لأني فعلا شايف الدكاترة بتعمل ايه و النظام ماشي ازاي ففعلا بيتعبوا جدا... و خد بالك أن دكاترة الشفوي الخارجيين بيراقبوا ده و هما بيمتحنوا الطلبة و بيقدروا يعرفوا الطالب درس الكم الكافي أم لا ... و على فكرة الحمد لله سمعة طلبة المنصورة كويسة جدا بشهادة الدكاترة الخارجيين في الشفوي...و يارب تستمر كده علطول باقتراحاتكم الدائمة
    و ايجابيتكم في التعامل مع السلبيات في الكلية

    اقتباس المشاركة الأصلية كتبت بواسطة dark yami مشاهدة المشاركة
    ... بعيدا عن سرد المشكلات ايه هو الحل الحل ان المعايرات تتنقل العملى وتدرس فى العملى اللى واخد عدد كبير من الساعات وما بيتمش الأستفادة منه بالقدر المتوقع ويتفرغ النظرى لجزء التحليل الألى اللى هيثبت الطالب ويخليه مستعد انه يتعامل مع الأجهزة دى فىالواقع العملى نوعا ما .. !!


    زي ما قلت قبل كده في تعليقي أني أختلف معاك تماما في هذه النقطة لأن كما قلت الوضع المثالي أن يكون العملي هو تطبيق لما يدرسه الطالب في النظري ليزيد استيعابه للمعلومة


    اقتباس المشاركة الأصلية كتبت بواسطة dark yami مشاهدة المشاركة
    ...تخيلوا يا جماعة ان جهازGc محتاج تدريب 6شهور قبل استعماله وعشان يعطى افضل نتيجة وده لواحد دارس الجهاز كويس فما بالكم بواحد مش عارف الا معلومات بسيطة عنه !!


    بجد أنا سعيد أن فيه طلبة عندها اهتمام بالبحث في هذه الموضوعات بس لا أعتقد أبدا أن فيه كلية صيدلة بتدرب طلابها على جهاز زي GC لأن ده مكلف جدا .....ده الجهاز الوحيد اللي في الكلية معطل بقاله سنين عشان التكاليف ... و برده المعامل التخيلية ممكن تساعد لكن طبعا مش هتعطي نفس الفائدة زي الشغل العملي.

    اقتباس المشاركة الأصلية كتبت بواسطة dark yami مشاهدة المشاركة
    ... . العامل التانى هو ان قسم التحليلية هو اقل الأقسام استخداما للمديا والوسائط المتعددة كل اللى بيعملوا انه بيشرح كلام وبس دون صورة اوشكل توضيحى او فيديو ... على الرغم ان فى مثل بيقول صورة تغنى عن الف كلمة. طب نتيجة الكلام ده ايه ...!!


    لا أوافقك نهائيا ... و أرجو منك سؤال زملائك في أولى عن منهج عملي هذا العام..... يكفي أن أقول لك أن تقريبا كل التجارب كان مع الطلبة ألوان جميع مراحلها قبل و أثناء و بعد المعايرة (صور حقيقية) .... ويمكنك مشاهدة أمثلة لذلك بنفسك في قسم محاضرات الفرقة الأولى بالمنتدى .... كما تم الاستعانة بأكثر من فيديو في بداية العام يوضح للطلبة لقطات عن عملية المعايرة (titration) .... و كمان في سنة تانية أثناء مشاهدة الطلاب لجهاز الpolarograph تم الاستعانة ب animation توضح ذلك و كذلك أيضا عند مشاهدة جهاز HPLC ...... لذلك أرى أن حكمك اللي ذكرته ظالم و غير دقيق...(يا ريت نصيحة و أرجو أن يتسع صدركم لكلامي..... بشكل عام عند تعبيرك عن رأيك .... خد بالك أوي من استخدام صيغة المفاضلة مثل اكثر مادة عندنا حصل فيها الغاء أو أقل الأقسام استخداما للميديا والوسائط المتعددة .....بلاش منها إلا بعد التأكد تماما من كل جوانب الموضوع قبل اصدار الحكم)


    اقتباس المشاركة الأصلية كتبت بواسطة dark yami مشاهدة المشاركة
    ... . ـglassmembrane electrode خلال ترم واحد لم يتعرف احد على جهاز سهل زى ده طيب امال لو حد طلب منه تشغيله هيعمل ايه بصراحة الموقف ده دليل ان فى حاجة غلط التحليلية مش ان انا امسك جهاز واحفظه واحفظ العوامل المؤثرة عليه التحليلية انى اعرف اشغل الجهاز واعمل تطبيق بيه !!


    ليس مطلوب منك في هذه المرحلة أن تتعلم كيفية تشغيل كل الأجهزة لأن ده صعب زي ما قلت قبل كده مع كثرة عدد الطلبة و ارتفاع سعر الأجهزة... زي ما قلتلك قبل كده ... الجهاز اللي انت ذكرته منه 8 فقط في الكلية كلها رغم أن انت شايفه بسيط بس غالي!!!

    اقتباس المشاركة الأصلية كتبت بواسطة dark yami مشاهدة المشاركة
    ... يا جماعة احنا انهينا كورس الكيمياء التحليلية دون عمل T.L.cأقل التكنيكات قوة فى علم الchromatography هنرجع لشكلة الأمكانيات .. زى ماقلنا فى العضوية هنقول فى التحليلية الحل هو الVirtual lab ـ!!


    انتو لم تعملوا TLC بس عملتم حاجة قريبة منه جدا اسمها Paper Chromatography ..... و انت لا تتخيل تكلفة أن ننزل TLC للطلبة و تكلفة ال solvents المستخدمه و... و.. و....و لو قلنا أن الحل في الvirtual lab برده فكرة ممتازة لكن غير كافية لتحقيق ما تطالب به في مشاركتك... و عامة على منتدى الفرقة الثانية كان فيه موضوع عن الTLC و أحد زملائك نزل صور توضيحية رائعة ليه و كمان نزلت فيديو توضيحي لذلك في نفس المكان

    اقتباس المشاركة الأصلية كتبت بواسطة dark yami مشاهدة المشاركة
    ... .يبقى فى اختصار الأقتراحات الازمة لتطوير مادة التحليلية 1- فصل منهج العملى عن منهج النظر ى وفى نفس الوقت استخدام المعامل التخيلية والوسائط المتعددة لتقريب الصورة للطلاب !!


    كما ذكرت أختلف معك في الجزئية الأولى و أتفق معاك تماما في الثانية

    اقتباس المشاركة الأصلية كتبت بواسطة dark yami مشاهدة المشاركة
    ... .ـ 2-التركيز على التطبيقات الصيدلانية للتحليل الألى !!


    أتفق معاك تماما و هذا الحل تم تطبيقه جزئيا بمحاضرة التطبيقات الصيدلية للكيمياء التحليلية و أتمنى تكون حضرتها و عندك نسخة منها (موجودة أيضا على المنتدى)
    و أيضا سيتم تطبيق هذا الحل تماما بشكل مؤثر جدا ان شاء الله في اللائحة الجديدة مع تدريس مادة رقابة الجودة quality control

    اقتباس المشاركة الأصلية كتبت بواسطة dark yami مشاهدة المشاركة
    ... .ـ 3- تجديد المنهج بما يتناسب وتقدم التحليل الألى فى الوقت الحالى !


    أعتقد أن ده بيتم بشكل ملائم لكن ينبغي الاستمرار فيه بشكل دائم لأن التطور في هذا المجال يسير بسرعة الصاروخ .... لكن كما ذكرت ليس من المفترض أن يدرس الطالب كل شيء عن التحليل الآلي في هذه المرحلة .... الطالب يدرس الأساسيات ... للعلم المفروض ان السنوات الأولى في الكلية بتبقى اسمها Basic Sciences

    اقتباس المشاركة الأصلية كتبت بواسطة dark yami مشاهدة المشاركة
    ... .ـ4- ضرورة عمل معرض يتوفر فيه الأجهزة الحديثة على هيئة مجسمات خشبية او غير ذلك لكى يتمكن الطالب من التعرف على الأجهزة ومكوناتها !!


    فكرة ممتازة في بعض الأجهزة أو لتوضيح طريقة عمل بعض الأجزاء في الأجهزة و ياريت فعلا يكون هناك مجال لمشاركة الطلاب مع أعضاء هيئة التدريس بالقسم في ذلك .... و أنا شخصيا أرحب بذلك....

    اقتباس المشاركة الأصلية كتبت بواسطة dark yami مشاهدة المشاركة
    ...ـ 5-عقد امتحانات ميد ترم بالنسبة للعملى بما يتناسب مع عدد الساعات على عكس اللى كان بيحصل ان القسم كان بيعمل امتحان عليه 10 درجات على عدد ساعات قيمتها تساوى اكثر من50 درجة !!


    أتفق معك في أهمية امتحانات الmid term في كل المواد نظري و عملي لأنها فعلا مفيدة جدا ..والكلية عندها فعلا نية لذلك .. و أعتقد أن قاعة الامتحانات الالكترونية ستساعد في تنفيذ هذه الفكرة


    في النهاية بجد أشكرك و ياريت كل زملائك يبقوا فعالين و تفكيرهم ناضج زيك
    و أتمنى أن انت تتقبل الاختلاف في الرأي ... و زي ما بيقولوا الاختلاف في الرأي لا يفسد للود قضية
    و أرجو المعذرة للاطالة بس فعلا الموضوع شدني

    والله أسأل أن تكون هذه الكلمات خالصة لوجهه و نافعة لكل من يقرأها

    شكرا
    و السلام عليكم و رحمة الله


















    التعديل الأخير تم بواسطة :HOPE: ; 07-07-2009 الساعة 02:22 AM
    .
    .
    Dr Mohamed El-Awady

صفحة 1 من 2 12 الأخيرةالأخيرة

المواضيع المتشابهه

  1. بسمة امل
    بواسطة WHITE HEART في المنتدى المسابقة الأدبية الأولــى
    مشاركات: 0
    آخر مشاركة: 13-03-2010, 04:51 PM
  2. تصلب شرايين القلب
    بواسطة ambitious pharmacist في المنتدى منتدى الصحه
    مشاركات: 2
    آخر مشاركة: 13-07-2009, 01:43 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •