برنامج الاسعافات الاوليه المكثف ... عملى ***

[mohamed88]

برنامج الإسعافات الأولية المكثف

بالتعاون بين أسرتى
صيدلى المستقبل و النجاح

البرنامج ببساطه ... عبارة عن ورشة عمل للإسعافات الأولية هايكون فيها تدريب عملى مكثف لعدد محدود من الطلبه - 15 طالب فقط - .

البرنامج مقسم الى باقتين

الباقة الاولى ( باقة الاسعافات الاولية ) وفيها هاندرس :
- الحقن بكل انواعه ( وريد , عضل , تحت الجلد , فى الجلد )
- قياس نسبة السكر فى الدم
- قياس ضغط الدم
- النزيف
- الجروح
- الحروق
- الأربطة والجبائر



الباقة الثانية (مبادئ إنقاذ الحياة ) وفيها هاندرس :
- الإنعاش القلبي الرئوي
- انسداد الممر الهوائي
- الصدمة
لكل من الرضع والأطفال والبالغين و ازاى أنقذهم من مواقف تهدد حياتهم بالخطر زى الغرق الصعق الكهربي الاختناق ... الخ




البرنامج زى ما قلنا عبارة عن ورشة عمل ل 15 طالب فقط فى المره الواحده مدتها 6 ساعات لكل باقه على محاضرتين بينهم استراحه نص ساعه و تنتهى الباقه فى يوم واحد.



النظام هايكون كالتالى ... 15 طالب فى المعمل الدكتوره بتشرح الكلام نظرى فى 5 دقايق وبقيت الوقت الناس بتشتغل عملى واحد واحد على الدمى
مثال : الحقن هتشرح الدكتوره الاول ازاى طرق الحقن نظريا وبعدين الكل يشتغل عملى على الدميه الخاصه بالحقن وهكذا فى كل الموضوعات فى الباقتين .



المكان ... معامل قسم الحالات الحرجة بكلية التمريض جامعة المنصورة .



الزمان ... اجازة نص السنه ايام الاحد والاثنين والثلاثاء من كل اسبوع يعنى 6 ايام فى الاجازة . فى اليوم الواحد مجموعتين مجموعه بتشتغل باقة الاسعافات ومجموعه بتشتغل باقة انقاذ الحياة فى المعمل التانى .

الحجز و الاستعلام : 0108855798 أو 0112346506
مكتبة زين بسنتر الجامعه والسعر 40 جنيه لكل باقه والباقتين مع بعض 70 جنيه

ودى صور من المعامل ...

[SHEREIF]

ان شاء الله معاكم
وبالتوفيق للجميع

[noureleman]

ممكن حد من بره الكليه يجي
يعني في كلية طب مثلا ؟

[تابعة محمد]

ممكن حد من بره الكليه يجي

يعني في كلية طب مثلا ؟

بالتاكيد و ايضا للناس الى من بره المجال الطبى .
اصلا دورة الاسعافات مفروض كل الناس تكون عارفها و حتى فى اوربا و الدول المتقدمة بتدرس للطالب منذ نعومة اظافره .

[عامر إبراهيم]

ماشاء الله
بصراحة مستوى عالى
لولا انى واخدها قبل كده مع كلية تمريض كنت خدتها تانى وبصراحة بفكر لأن فى تطور كبير فى مستوى العملى زي مانا ملاحظ عن أيام ماحضرتها
بالرغم من ان سنة ماحضرت الدورة دى كانت أحسن تطبيق عملى فى كلية تمريض وتقريبآ مافيش جهات تانية بتقدم عملى لكن السنادى بتشرف إن إحنا مشاركين فى تنظيم الدورات دى بالتطور الجميل ده فى العملى وبجد لولا إن فى غيرى ممكن يستفيد من بحضوره الكورس كنت حجزت مكان لنفسى تانى
وزي ماد. تابعة محمد قالت إن الدورة دى مهمة لكل الناس
أكيد هي مهمة بالذات لينا إحنا الصيادلة
أنا خليت أختى اللى فى حقوق تحضرها
يبقى من باب أولى طلاب صيدلة وطب يحضروها ويستفيدوا منها
وأنا بستغرب إن هي مش بتتعمل فى كلية طب وبالصدفة عرفت انها ممكن تتعمل لطلاب طب ب ٢٥٠ جنيه ومدعمة من الإتحاد
فى الوقت اللى الدورات دى متوفرة من كلية تمريض والهلال الأحمر
وعلى فكرة ياجماعة
دورات الإسعافات الأولية معتمدة فى مصر من الهلال الأحمر وتمريض فقط، يعنى مش مصرح لحد يدى حقن أو يمارس الإسعافات الأولية إلا للى واخد شهادة من الجهتين دول علشان مايعرضش نفسه للمسائلة القانونية
عارف إن كلنا بندى حقن
لكن ميزة من ميزات دورة تمريض هي التدريب العملى المتميز فى كل المواضيع
حتى الحقن فى الوريد والعضل بيتم التدرب عليه عملى على عرائس كأنك بتحقن حقيقى وتسحب دم أو تحقن بجد

بجد بجد بجد دى فرصة ماتتعوضش لكل طلبة صيدلة

وبالتوفيق ليكم كلكم فى الإمتحانات والإجازة

والحمد لله السنادى أسرة النجاح وأسرة صيدلى المستقبل موفرين كافة الإمكانيات للإستفادة من الإجازة بالصورة القصوى
سواء من خلال دورة الإسعافات الأولية و مبادئ إنقاذ الحياة
أو برنامج الصيدلة التدريبى المجانى
وبالتوفيق لينا جميعآ يارب

[شيماء حمزة]

بالتوفيق ان شاء الله

[الفراشة الرقيقة]

معادها إمتى ؟ و هل فيه دورة تانية فى أجازة الصيف

[mohamed88]

معادها إمتى ؟ و هل فيه دورة تانية فى أجازة الصيف

معادها ان شاء الله .... الاحد والاثنين والاثلاثاء من كل اسبوع فى اجازة نص السنه ... يعنى 6 ايام فى اسبوعين الاجازه ... فى اليوم الواحد بيكون فى باقتين شغالين فى نفس الوقت ... باقة الاسعافات فى معمل وباقة انقاذ الحياه فى المعمل اللى جنبه ... كل باقه عباره عن 6 ساعات فى يوم واحد ...
بنبدأ من 9 الصبح على محاضرتين بينهم استراحه نص ساعه ...

[SmSm]

مكتبة زين بسنتر الجامعه
أنا رحت امبارح و اللي واقف هناك معندوش اي علم بالموضوع ده واول مره يسمع عنه!!!!!!!

[mohamed88]

مكتبة زين بسنتر الجامعه
أنا رحت امبارح و اللي واقف هناك معندوش اي علم بالموضوع ده واول مره يسمع عنه!!!!!!!

اللى معاه الحجز فى مكتبة زين اسمه أ / محمود و معاه كشوفات الحجز من يوم الخميس اللى فات ... ولو رحت تانى ومالقتهوش اتصل عليا فى اى وقت ... 0108855798 ...