مشاهدة نتائج الإستطلاع: رأيك فى إمتحان الألكالويد 2010

المصوتون
32. أنت لم تصوت في هذا الإستطلاع
  • هل الإمتحان فى مستوى الطالب العادى؟

    8 25.00%
  • هل يقيس الإمتحان المهارات الذهنية العليا كالربط و التحليل؟

    23 71.88%
  • هل الإمتحان يقيس بعض الخبرات المهنية؟

    9 28.13%
  • الأسئلة صعبة

    4 12.50%
  • الأسئلة سهلة

    2 6.25%
  • الأسئلة سهلة و لكن تحتاج لحذر و تروى.

    23 71.88%
  • الإمتحان لا يتناسب و طريقة مذاكراتنا التقليدية.

    9 28.13%
  • هل تحبذ الإكثار من برامج التعلم الذاتى (مثل التاميفلو) ليضاف للمنهج

    15 46.88%
  • هل عرض نموذج الإجابة مفيدة لك بعد الإمتحان كما تم.

    14 43.75%
  • هل عندك إضافات او ملاحظات (من فضلك دونها فى مشاركات هذا التوبيك)

    2 6.25%
إستطلاع متعدد الإختيارات.
صفحة 1 من 2 12 الأخيرةالأخيرة
النتائج 1 إلى 10 من 20

الموضوع: امتحان الألكالويد أعطنا رأيك

  1. #1
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي امتحان الألكالويد أعطنا رأيك

    الطلاب الأحباب بالفرقة الثالثة
    موفقين ان شاء الله فى إمتحان الفايتو نظرى و شفوى.
    من أجل التطوير و التحسين أود ان أحصد أراءكم فى جزء الألكالويد من حيث النقاط التى فى الإستبيان أعلاه. مرفق الإجابة النموذجية لجزء الألكالويد أيضا من أجل المساعدة فى التقييم. يهمنى ان تكون أراءكم بدون انفعالية او شخصانية لأنها كذلك تفيدينى فى تطوير و تحسين الأداء لكم و للجيل القادم من الطلاب هنا أو فى أى جامعة أخرى. جازاكم الله خيرا مقدما.

    نماذج الإجابة (انقر الصفحات مرتين للتكبير فى صفحة منفصلة)


    التعديل الأخير تم بواسطة Dr. Atallah F. Ahmed ; 17-01-2010 الساعة 06:58 PM
    "من لا يتقدم يتقادم .. فلا بصمة و لا أثر"

  2. #2

    افتراضي

    فى البداية جزيل الشكر والعرفان لحضرتك
    على الامتحان
    وانا هكتفى بالقول ان
    الأمتحان لم يكن تسميع ووحفظ ولكن كان هناك تناغم
    بين عملية ربط المعلومات واستخراج الأجابة الصحيحة
    وفى نفس الوقت يقيس بعض المهارات الخاصة بالذاكرة
    الأمتحان كان متوازن من حيث قياس المهارات المختلفة
    ولكن تعجبت جدا من اختفاء الكالويد معينة مثل الكينا والنيكوتين
    الوقت مناسب
    صيغة الأسئلة كانت سهلة ومفهومة
    هذا النوع من الأختبارات لا نراه كثيرا فى كليتنا
    ولكن اتمنى ان نرى مثله فى باقى المواد
    لا حرمنا الله
    من جهودك وامتحاناتك يا دكتور
    تقبل مرورى السريع
    وان شاء الله سأسهب بالتفاصيل خلال الأجازة


  3. #3

    افتراضي

    في البداية طبعا شكرا جدا لحضرتك يا دكتور على كل شيء .. لانى لو عددت هذه الاشياء فلن أوفي حق حضرتك ..

    جزاك الله كل خير عنا

    بالنسبه للامتحان :

    اول سؤال كان عباره عن solve problems وكان طالب اتنين يتحلوا مع ولازم اجابة رقم واحد .. وده بصراحه بيحط الواحد في حيرة انه يحل انهى واحد خصوصا لما لكون مجمع اجابة الاتنين ..
    النقطه الاولى على الـ semisynthesis of cocaine ودى كانت اساسيه ..
    والتانيه والتالته عباره عن فصل خليط ..

    تاني سؤال كان الـ matching وده بصراحه اكتر سؤال خد منى وقت .. لانى قريته الاول تقريبا مرتين كامل وبعد كده بدات اوفق .. بس فكرة طريقة اجابته كانت جميله وسهلت لينا كمان الحل والمراجعه ..

    السؤال التالت بقى بصراحه كان جميل جدا .. وانا شخضيا كنت مستمتع وانا بحله .. عبارة عن استراكشرات الكالويد .. وجايب عليها اسئله .. name , use , chem.test وهكذا .. وعملناه فى جدول يا دكتور زى ما حضرتك قلت

    السؤال اللى بعد كده اعتبرته سؤال التفكير بتاع دكتور عطالله .. فاهتميت بيه .. الاول كان شكل فزورة وانت تحلها جايب معلومه اساسيه وهى anticancer بالاضافه لمعلومه كمان عن كل الكالويد والمطلوب انى اعرفه واقول الـ mechanism of action ..

    الفقرة التانيه دى اللى قعدت افكر فيها كتبر . هو المطلوب اكشف عن وجود الـ ergot من غير اى chem.test والحمد لله هداني ربنا للاجابه فى الاخر

    واخر سؤال جه بالنص فى امتحان السنه اللى فاتت وهو عبارة عن mixture بتاع الـ areca ..


    وبس .. يمكن يبان حجم الامتحان طويل .. بس كان معقول جدا .. لو حد مذاكر ومجمع المعلومات فى دماغه ..


    وبقولها تاني .. ان حضرتك فعلا اثبت ان قياس كفاءة الكورس مش من خلال مستوى امتحانه .. وده اهم حاجه خرجت بيها من الامتحان ..


    جزاك الله كل خير عنا يا دكتور عطالله .. وزادك الله علما ينتفع به ان شاء الله ..
    -----
    الأمتحان لم يكن تسميع ووحفظ ولكن كان هناك تناغم
    تمام جدا ...

  4. #4
    Pharma Student
    تاريخ التسجيل
    Jun 2007
    المشاركات
    450

    افتراضي

    شكرا يادكتر على الامتحان ... ووقت حضرتك وتعاونك معانا بجد

    بالنسبة للامتحان بيتهيالي بشكل مجمل ان الكويزات اللي حضرتك نزلتهالنا كانت اسهل منه .. او يمكن عشان كنت بحل الكويزات وليا فرصة اني اراجع وافكر في الحل !؟

    جزء A كان سهل الحمد لله ومباشر ...
    انما B ف خد مني وقت كتير في الحل .. وحسيت اني تهت ولما راجعت نموذج الاجابة اكتشفت ان معنديش الا جملة وحدة اللي صح بس !؟
    اكيد العيب مني ... بس زيي زي غيري كتير من الطلبة ( المستوي المتوسط او اقل ) السؤال خد وقت كبير في حله .. وضاعت درجاته ولخبطت اوي في التفكير في حله وحسيت ان الجمل شبه بعض
    ف دا بجد فرّق بين اللي مزاكر بتركيز وبجد واللي مزاكر عشوائي او تركيزه ماساعدهوش في الحل

    يادكتر ... هوا فعلا لو الاجابة فيها غلطة وحدة مش هتتحسب حاجة صح ؟ يعني لو مجاوبة A&B صح بس C غلط كدا بتكون الدرجة مش محسوبة ؟!


    وبالنسبة للفرع C
    دا السهل الممتنع فعلا ... محتاج تركييز في الحل وطالب مراكر ومراجع كويس

    واخيرا D
    سؤال 1 .. كان فيه كلام كتير وكتابة .. يعني يادكتر نرجع لنقطة الحفظ مش الفهم ..
    و2 كان سؤال للطالب المتميز ... اللي مش كل الطلبة حلته صح فعلا دا بيقيس المهارات الذهنية
    و3 مباشر

    وبجد شكرااا يادكتر على تعب حضرتك طول التيرم معانا وتفاعلك معانا سواء في المحاضرات او المنتدى وحتى بعد الامتحان انك تتواضع وتتقبل منا أراءنا عن الامتحان شرف كبير لينا ان حضرتك دكتورنا ... الفاضل

  5. #5
    Pharma Student
    تاريخ التسجيل
    Jul 2009
    الدولة
    Away from the way
    المشاركات
    703

    افتراضي

    جزاكم الله خيرا دكتور عطا الله

    تقريبا دى من المرات القليلة اللى أحس فيها
    انى بمتحن المادة اللى كنت بذاكرها

    وكمان حسيت انى طالب محترم
    عارف السؤال طالب يعرف منه ايه بالظبط ؟

    انا اول مامسكت الورضة بدأت علطول ف الالكالويد
    ماضاعش منى الا حاجات بسيطة الحمد لله
    لانى ماكنتش ركزت عليها ف المذاكرة
    ألا هو الـ acyl moity للكابسايسن دى هيا حلقة البنزين وماعليها ؟
    غير الـ side shain صح ولا ؟


    واتلخبطت ف الانتى كانسر

    وكتبت اللاندا ماكس للارجوت 318 زى ماهيا موجودة ف الكتاب

    بس نموذج الاجابة بيقول 366




    وطبعا لانى ذاكرت الفولاتيل اويل خطف كدا
    ومالحقتش اراجع عليها ... ماعرفتش احل حاجة خالص

    دا انا حتى ماكتبتش الـ HPLC



    الحمـــد للــــــه الذى بنعمته تتم الصالحات

  6. #6
    Pharma Student
    تاريخ التسجيل
    Oct 2007
    المشاركات
    285

    افتراضي

    السلام عليكم ورحمة الله وبركاته
    بغض النظر عن حلي فالإمتحان كان فيه أسئلة ذكية فعلا يعني بتقيس فهمنا لحاجات معينة يعني أنا لما شفت سؤال التاميفلو قلت لازم اللي بعده يكون عن الميكانيزم وفعلا لقيت كده
    بس أنا حابة أتكلم عن حاجة أحب تكون متوفرة في الإمتحانات وهي الحمد لله كانت موجودة في كذا سؤال وهي إن الدكتور اللي بيحط الإمتحان يسأل نفسه هو الإمتحان ده هيقيس إيه لأني بحس إن من الدكاترة اللي يجيب امتحان انتقاما للدفعة انها ما بتحضرش ودكاترة بتحط أسئلة حتى لو كانت أسئلة مش مفيده بس لأنها عرفت إنها مش موجوده في الورق ... لكن المهم الامتحان يكون مقياس لأن اللي هيحله أحسن هيكون صيدلي أنجح لأننا بنسمع عن ناس بعد ما تتخرج يقولوا دا كان بيجيب امتياز بس ما بيفهمش حاجة في شغله وده نتيجة للامتحانات اللي بتقيس الصم والحفظ واللي محصلتها لاشيء مثلا لو في طالبين واحد حفظ 30 استركشر وجاب امتياز والثاني ماحفظهمش وجاب جيد في فرق لكن لما يتخرجو بعد سنة أو اتنين هيكون اللي حفظ ال 30 استركشر نسيهم أكيد والمحصلة إن الاتنين متساوين في الكفاءة وقد يكون اللي جاب جيد كان بيهتم بالفهم أكتر . ممكن حد يقول بس اللي حفظ ال 30 استركشر أكيد حافظ بقية المنهج بس أنا عارفة إن مناهحنا كبيرة وما بنلحقش نحصل كل حاجة وبنهتم باللي بيهتم بيه الدكتور والللي عليه درجات يعني لو الدكتور بيهتم بحاجات مفيدة هنذاكر الحاجات المفيدة ولو بيهتم بأرقام واستركشرات هنحفظها ...
    وكمان لما واحد يكون متخرج بامتياز ومش كفء فدا عيب على الكلية يقلل الثقة بيها... والمنهج والإمتحانات لو الغرض منها واضح ولو الاهتمام في الحاجات اللي احنا هنطبقها في التدريب في الصيدلية وبيزود معرفتنا بالدواء والغذاء فدا إن شاء الله هيثبت معانا جزء كبير منه أما لو الاهتمام بالمعلومات اللي بتتطاير فدا بيخلينا أقل كفاءة في المستقبل ..
    في دكاترة بيكون عندها استعداد إنها تقولنا إن السؤال جاي لأننا كده هنذاكره ونكون حققنا الغرض من المادة .
    وطبعا بشكر حضرتك لأنكم اهتميتم مثلا بإضافة التاميفلو لأنه مفيد لينا...
    وجزاكم الله خيرا

  7. #7

    افتراضي

    وكتبت اللاندا ماكس للارجوت 318 زى ماهيا موجودة ف الكتاب

    بس نموذج الاجابة بيقول
    366


    دكتور عطالله كان قال ان الـ fresh solution بيدي فلورسنس عند 366nm

  8. #8
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة Gohary مشاهدة المشاركة


    دكتور عطالله كان قال ان الـ fresh solution بيدي فلورسنس عند 366nm
    مفيش مشكلة حتى للى كتبها 318نم, المهم انه استخدم الفكرة الصح فى المكان المناسب.
    -----
    اقتباس المشاركة الأصلية كتبت بواسطة dr_miiido مشاهدة المشاركة
    ألا هو الـ acyl moity للكابسايسن دى هيا حلقة البنزين وماعليها ؟
    غير الـ side shain صح ولا ؟
    و جازاكم الله خيرا مثله.
    الـ acyl moity المقصودة هى الـ side shain فقط التى تنتهى بـCO
    التعديل الأخير تم بواسطة Dr. Atallah F. Ahmed ; 18-01-2010 الساعة 07:43 PM
    "من لا يتقدم يتقادم .. فلا بصمة و لا أثر"

  9. #9
    Pharma Student
    تاريخ التسجيل
    Dec 2007
    الدولة
    on my computer
    المشاركات
    3,478

    افتراضي

    بجد كالعادة فكرة روعة من استاذنا الدكتور عطاالله بارك الله فيه

    وياريت لو تتنفذ على طول هتجيب فايدة كبيرة جدا يمكن مش لينا

    بس زى ما استاذنا قال للاجيال القادمة ومهمة جدا لتطوير الكلية
    وياريت لو نخرج من حيز الحفظ الصم ده احنا مش فى كلية نظرية

    ولا أدبية علشان نحفظ الكلمتين

    وندخل الامتحان نفضى اللى عندنا ونخرج مش فاكرين حاجة حتى للشفوى

    مرة تانية بشكر د/عطاالله جدا

    وبالتوفيق لينا كلنا ان شاء الله

  10. #10
    Pharma Student
    تاريخ التسجيل
    Nov 2009
    المشاركات
    67

    افتراضي

    جزاكم الله خيرا يا دكتور على مدى اهتمامك بالطلبة والتطوير
    الامتحان فعلا كان كويس جدااااااااا بالنسبة للمادة والكم الكبير من المعلومات الى فيها
    واجمل حاجة ....تنوع الاسئلة وانها بتستوعب المنهج كله تقريبا
    كنت باحمد ربنا كتير وانا باحل وحاسة ان مجهودى وتعبى الحمد لله بفايدة
    وفعلا خرجت نفسى اراجع واشوف نموذج الاجابة وفرحت لما لقيته هنا فى المنتدى
    اكيد برده اجاباتى لاتخلو من اخطاء
    زى فصل الميكشرز ....انا للاسف ما خدتش بالى ان لازم نفصله كpure base
    وقلت ان طالما مش مطلوب فى السؤال زى امتحان السنة الى فاتت يبقى المهم طريقة الفصل وفقط
    وباشكر حضرتك مرة تانية يادكتور
    واتمنى ان حضرتك تحاول قدر الامكان تقلل من اعتماد الامتحانات على الحفظ وفقط
    زى فكرة رسم الاستركشر واحنا نتعرف عليه او نصلح الحاجات المهمة فيه ....فكرة جميلة جدا
    لان صعب الطالب يفتكر كل الكم ده من الاستركشرات ويرسمها

    مش للاسف عندنا فى بعض المواد بيكون الامتحان مجرد حفظ واهمال للفهم تماما

    ومش عايزة اقول ان الطالب الى فاهم لكن مقدرته على الحفظ بسيطة بيعانى وبيتعب جامد وفى الاخر مايلاقيش نتيجة كويسة
    لكن الطالب الى مممكن مش فاهم او مش بيحضر حتى محاضرات ....بمجرد انه يحفظ اسئلة واجوبة امتحانات سابقة بيحل وينجح وممكن يتفوق كمان
    يااااااااارب الكلية دايما تتقدم وتتطور للاحسن
    واسفة للاطالة
    بارك الله فيكم ووفقكم دايما لكل خير

صفحة 1 من 2 12 الأخيرةالأخيرة

المواضيع المتشابهه

  1. شفت المعرض ده ...طب إيه رأيك ؟؟؟
    بواسطة متفائل في المنتدى المنتدى الاسلامى
    مشاركات: 3
    آخر مشاركة: 18-04-2010, 01:58 PM
  2. ايه رأيك فى اللى انت عملته فى نفسك؟ (رأيك مهم)
    بواسطة a_elkamhawy في المنتدى المنتـدى العـام
    مشاركات: 9
    آخر مشاركة: 01-08-2009, 01:10 AM
  3. ما رأيك فى امتحان العضوية
    بواسطة m_pharmacist89 في المنتدى الفرقة الثانية 2009
    مشاركات: 53
    آخر مشاركة: 17-06-2009, 11:36 PM
  4. قول رأيك في امتحان الأبلايد
    بواسطة Alaa_Resala في المنتدى الفرقة الرابعة 2009
    مشاركات: 11
    آخر مشاركة: 13-06-2009, 04:53 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •