ليه ساكتين علي الظلم

[dr/mero]

بصراحة يا جماعة انه حاسة بوجع كل واحد كتب أي كلمة عن الظلم اللي اتعرض له لانه مفيش حد بيحس حاجة الا إذا كان اتعرض ليها وأنا بصراحة ولا مرة أدخل لدكتور شفوي عضوية بالذات ويطلع كويس 4 تيرم شفوي ولا واحد يطلع كويس مش عمكنتش عارفة ساعتها العيب فيا ولا فيه بس بعد كل الي كتبتوه اتاكدت انه منهم بس ،حتى العملي بنكون طالعين متأكدين ان احنا حاين كويس بس برده مفيش فايدة بالنسبة للنظري أكتفي بالصمت عملا بحديث الرسول فليق خيرا أو ليصمت وأنا لو اتكلمت مش هقول خير وحسبنا الله ونعم الوكيل

[NonY]

بجد يا جماعة بغض النظر عن اى حاجة
اشمعنى الدفعة دى بالذات ؟

[د/منار]

اولا احب اعتذر للناس كلهم لاني حاسه اني اتفهمت خطأ او بمعني اصح اخترت عنوان التوبيك خطأ ياجماعه انا مش خالص ظلم ادكاتره لاني صراحة بحب دكاترتي كلهم لانهم فعلا بيدونا حقنا في المحاضرات وفي كل حاجه حتي لو الامحانات جت صعبه بيراعوا ف التصحيح ياجماعه المقصود كله اننا نحاول نحل مشاكلنا اثناء الدراسه لاننا اما نكون يد واحده يكون احسن لان ممكن المشكله اللي تقابلني تقابل غيري ومانقدرش نتصرف
وليا شكرخااااص لد/ توتي لاني اعتقد انها اكتر واحده فاهماني جزاكي الله خيرا
-----

احنا العرب الوحيدين في الدنيا دي اللي لسة بنعتقد بنظرية الموامرة وان احنا حد ظالمنا والظروف والناس وامريكا و قوى خفية

مع ان لو شفنا التقديرات -ما شاءالله- قربنا نوصل لثانوية عامة

انا شايف ان اللي بيشيل ماده اكيد في نوع من التقصير من جهته

اما اللي يدخل لدكتور درجاتة مش قوي في الشفوي- او ييجيلة عينة صعبة في العملي- فدي مسالة حظ- بتاثر على النتيجة- بس عمرها ماتسقط حد

اولا د/ محمد احنا بنشكرك فعلا ع مرور حضرتك وتعاونك معنا لان ده هيساعدنا كتييير في حل مشاكلنا دايما وياريت ماتحرمناش من رايك بس يا دكتر انا عامة الموضوع مش قصدي ع ظلم الدكاتره بس مش معني كده ان مفيش حد بيتظلم لا في بيتظلم كتيييييييييييييييييير لو مش بيتظلم الفردبعينه انه مثلا يكون شايل الماده ع 3 او 4 درجات بس بيتظلم اما حد غيره مايستاهلش انه ينجح في الماده وف الاخر ينجح ويجيب امتياز طبعا كلنا لازم نذاكر بس اكيد اما نشوف عدم عدل بيكون في احباط ممكن يؤدي الي عدم المذاكره

[Mohamed Reda]

انا فاهم قصدك يا منار طبعا وكل ده كان بيحصل معانا برضه وزحمة الشفوي وكل الكلام ده

انا مش بدافع عن حاجة.. احنا فعلا ينقصنا النظام

بس عاوز اوضح حاجة:

مش معنى ان واحد شايل الماده على نص درجة انه اتظلم، او هو اللي ظلم نفسة لان الدكتور مابيشوفش التقدير التراكمي للطالب

ورقة النظري بتتصصح من غير مايشوف الاسم، وبعدين درجة النظري بتتجمع مع الشفوي والعملي في الكونترول/ يعني الدكتور مابيشوفش الدرجة النهائية للطالب الا بعد ظهور النتيجة- ده اذا شافها اساسا- حتى الدرجة النهائية للطالب في ورقة النظري الدكتور مابيشوفهاش لان كل دكتور بيصحح سؤاله بس

ف اللي بيحدد درجة الطالب النهائية هو الطالب نفسه من مجموع ال 3 امتحانات (تجمع بالكمبيوتر) -
طبعا فيه كمان درجة الرأفة 9

[د/منار]

جزاك الله خيرا يا دكتر احنا اسفين ع الازعاج بس اتمني ان حضرتك تشاركنا دايما بخبرتك ومعلوماتك وربنا يجعله ف ميزان حسناتك

[Mohamed Al Gohary]

بس بقى انا عندي سؤال فعلا محيرني حدا .. ليه ديما الناس بتشيل على نص درجه او درجه ..

وتسال اى حد قعد السنه .. يقول الماده الفلانيه لو خدت فيها نص درجه او درجه اعدي السنه ..

قليل اوى لما تسمع واحد شايل او قاعد على عشرين تلاتين درجه ..

[آيه محمد]

بس بقى انا عندي سؤال فعلا محيرني حدا .. ليه ديما الناس بتشيل على نص درجه او درجه ..

وتسال اى حد قعد السنه .. يقول الماده الفلانيه لو خدت فيها نص درجه او درجه اعدي السنه ..

قليل اوى لما تسمع واحد شايل او قاعد على عشرين تلاتين درجه ..

فعلا
والله بجد حاجه تقهر لما يكون الواحد شايل الماده علي نص درجه
او حتي خمس درجات
وخاصه لو الماده دي مبيحبهاش

[Dr/HULK]

انا اعرف واحد شايل العضوية على جايب فيها 170

درجة يعنى لو خد ربع درجة تبقى 0.5

بعد كده النص يبقى درجة كاملة

يدخل فى الرفع يبقى نجح فيها

[Anas]

أنا شلت علم النفس السنة اللي فاتت على درجة واحدة

و السنة دي جبت في العضوية 170.5 ... يعني لو كنت نص الدرجة دي نقصتها في أي حتة كان زماني دلوقتي في خبر إن

و افتكرت الشفوي و اللي حصل فيه لما الدكتور اداني 22 و رجعتله كلمته خلاها 24 ... و لما الدكتور عاطف الطنطاوي اداني أعلى درجة في العملي في المعمل بتاعنا " 25 " ... تخيلت ان لو كان حد فيهم عمل حاجة كده ولا كده كان زماني دلوقتي تييييييييييييييييييييييييييييييت

الحمد لله على كل حال ... و ما زال سؤال الجوهري قائما

[sara adel]

النص درجه اللى بتتكلموا عنها دى ممكن يكون السبب فيها الطالب نفسه ومش ممكن ده اكيد انا مش عايزه حد يفهمنى غلط ليه بتفكروا فى نص درجه مع ان الانسان بيضيع بنفسه درجات مش درجه كام حد فينا كسل يزاكر فى شيت كم حد فينا كسل يكمل الكتاب واستهتر فى السكاشن ومكنش بيحضر كام حد فينا كسل يحضر محاضرات واعتمد بس على الورق لو دورتوا بجد هتلاقوا الغلط فينا احنا عمر الدكتور ماهيستخسر يدى لطالب نص درجه هو شايف ان ده بس اللى يستحقه يعنى بس اللى بيجيب درجه اقل من الرأفه بدرجه بيقول زعلان اوى انه شال الماده على نص درجه طيب فين بقيت الدرجات انت كان فى ايديك مضيعش ال 100 درجه او اين كان ياريت محدش تانى يفهمنى غلط بس لو كل واحد فينا ادى اللى عليه كما ينبغى والله ماحد هيشيل ماده على درجه ولا على 20 حتى