صفحة 1 من 3 123 الأخيرةالأخيرة
النتائج 1 إلى 10 من 26

الموضوع: قالوا عن رابعة صيدلة...

  1. #1
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    Lightbulb قالوا عن رابعة صيدلة...

    رابعة صيدلة، آخر سنة، بكالوريوس يعني،، كام شهر و نلاقي نفسنا مش بس في سنة جديدة لا في حياة جديدة، مسئولية تانية و خلاص خلصنا فترة الدراسة الأساسية
    عاوزين نعمل حاجات كتير في الكام شهر دول و الأهم إننا نركز جهودنا على تحقيق أجمل نجاح في السنة دي علشان نتخرج و احنا مبسوطين إن شاء الله

    يمكن احنا لسة واخدين أجازة قريب و مش مستحملين كلام عن الدراسة، لكن برضه حابين نعرف أكتر عن سنة رابعة و لو بدافع الفضول

    في الموضوع ده بدعو اخواتنا الخريجين و أساتذتنا في الكلية إنهم ينصحونا بخصوص سنة رابعة و يعرفونا على موادها المختلفة و إيه أكتر المواد اللي محتاجة مجهود من أول السنة
    و برضه احنا أكيد بنسمع من زملائنا و اخواتنا معلومات عن السنة دي و موادها فاللي يعرف أي حاجة ياريت يشاركنا بيها

    و كل سنة و انتم طيبين

    رابعة بالنسبة لثالثة .......ولا حاجة



    سهلة بس محتاجة مذاكرة من الأول .. و بالذات الصناعية .. و ال applied ..



    الطبية نفس نظام تالتة تقريبا



    الببليك اهم حاجة انها تتذاكر في صورة جداول و تجميعات لان في اعراض متشابهة بين اكتلر من اورجانزم




    - الطبية : زي بتاعت تالتة بس الترم الاول صعب حبتين و الترم التاني سهل حبتين


    - الابلايد : لا تعليق ما هي الا حاجات متكررة اخدناها قبل كده و دش و شكرا
    - الصناعية : مادة للعرض فقط فعلا .. اهم حاجة حضور المحاضرات و تاخد غيابك في المحاضرة .. العملي بتاعها هو شيت على النظري
    - البارا و البابليك : البارا الترم الاول شبه علم الحيوان بتاع اعدادي طفيليات و دورات حياة و كلام من ده ( تحاولو تجيبوا تقدير فيها الترم الاول ) ، الببليك الترم التاني بصراحة روعة في المذاكرة تحسسك انك دكتور بجد بس هي صعبة حبتين و لازم تتزاكر في شكل مقارنات وجداول و من اول يوم نبدأ نزاكرها عشان هي مش هتثبت الا بالتكرار
    - الصيدلانيات : سهلة جدا جدا مش تستاهل كلام
    - التوكسو : زي الصيدلانيات
    - ادارة الاعمال : مش هقول اكتر من انها بالعربي و كان قبلها يومين و كلنا جبنا فيها جيد جدا و د. اسماعيل بيظبطنا فيها بس تكتب و مش تسيب حاجة فاضية

    ملاحظة : الابلايد و الصناعية و البابليك مذاكرة من اول السنة
    رابعة سهلة بس مش نستهتر بيها عاوزينها اكبر تقدير في الكلية و كلكم تقدروا على كده ان شاء الله






    المواد اللى محتجة متابعة من الاول
    فانا شايفة ان اولها الطبية على الاقل قرائة كل محاضرة اول باول ولو مرةواحدة طول الترم
    ثانيا الصناعية عايزة معرفة شكل الاجهزة ورسمها ولو مرة واحدة عشان الشيت بتتفاجئ بيه وبيبقى قبله ايام قليلة
    نيجى بقى للابلايد اللى بعتبرها فعلا الرعب بتاع رابعة
    هى طبعا كالعادة معظمها حفظ وطبعا بنصحكوا زى اللى قبلنا ما قالولنا انك لازم تجيب فيها على الاقل فى الترم الاول 120 فما فوق عشان تستريح الترم التانى وانا فعلا شايفة ان الترم الاول احسن بكتير من الترم التانى سواء عملى ولا نظرى وربنا يوفقكوا

    البارا والباثولوجى والبابليك طبعا حفظ بس عشان نسهل الحفظ لازم لازم تتذاكر على شكل جداول

    التوكسو من وجهة نظرى مادة ممتعة مع انها حفظ صم بس برده فيها نسبة فهم بتعرفك ازاى تتصرف مع حالات التسمم والعملى بتاعها كويس وبيجيب درجات

    الصيدلانيات بقى من وجهة نظرى من اكتر المواد اللى عنلتلى وش فى دماغى لانها بالنسبة لى كانت بايخة ومملة فى الحفظ بس يعنى ماتخافوش هى حفظ حفظ زى مااتعودنا والعملى بتاعها طبعا كالعادة تحضيرات ياصابت يا......... يا صابت برده ان شاء الله





    نصيحتي لكل واحد فيكم
    تعامل مع سنه رابعه كأي سنه مرت عليك في الكليه
    أنا لا أنكر انها أخف من السنين اللي فاتت بس دا مش هايظهر الا باهتمامك ومذاكرتك
    ومن الآخر هوا الترم الأول ______ظبطت نفسك فيه وطلعت منه مرتاح........هتلاقي باقي السنه سهل جدا وهتذاكر من غير ضغط عصبي لأن اصعب ضغط عصبي ممكن تتعرض له ,,,هوا امتحانات الترم التاني في البكالوريوس
    اهتم جدا الترم الأول بالبارا والباثولوجي ..... والأبلايد ....وحاول تجيب اعلى درجات تقدر عليها




    سنة رابعة تعتبر مراجعة للسنين اللي فاتت

    و كمان عرفت اننا نتعب شوية الترم الاول و ربنا وفقنا هنرتاح الترم التاني

    و عرفت كمان ان محاضرات الصناعية بغياب عشان مفيش لها معامل
    و اكبر تركيز يكون على البارا و الطبية و الـ applied

    التعديل الأخير تم بواسطة Amira Said ; 21-07-2009 الساعة 12:01 AM سبب آخر: إضافة معلومات

  2. #2
    Pharma Student
    تاريخ التسجيل
    Aug 2007
    الدولة
    kafr elsheikh_al7amoul_za3fran
    المشاركات
    40

    افتراضي

    السلام عليكم ورحمة الله وبركاته
    اهلا ببكالوريوس صيدلة 2010
    يلا ياشباب احملوا الراية
    عقبال راية التخرج 2010 بإذن الله
    اتمنى لكم سنة بكالوريوس سعيدة ان شاء الله
    سنة البكالوريوس من اجمل السنين وامتع السنين
    انتم خلاص عبرتوا عنق الزجاجة .........رابعة بالنسبة لثالثة .......ولا حاجة
    ربنا يوفقكم ان شاء الله

  3. #3
    Pharma Student
    تاريخ التسجيل
    Apr 2007
    الدولة
    كل عين تعشق حليوة..وانتي حلوة ف كل عين
    المشاركات
    101

    افتراضي

    بالتوفيق للجميع..بصراحة لسه الواحد مش عارف يستوعب
    احنا فعلا نعتبر خلاص باقي حاجات بسيطه ونبقي صيادله بجد ان شاء الله..عشان كده لازم نهيأ نفسنا ف السنه الباقيه دي للتحديات اللي هنقابلها ف حياتنا بعد التخرج عشان مانتفاجئش
    ربنا معانا وتبقي سنه سعيده علي الجميع

  4. #4
    Pharma Student
    تاريخ التسجيل
    Mar 2008
    المشاركات
    1,002

    افتراضي

    و اخيرا بقينا في بكالوريوس الحمد لله

  5. #5
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    افتراضي

    شكرا د/ mansalkaloid فعلا كل الناس بتقول إن رابعة أسهل من تالتة كتير، لكن برضه ايه نصائح حضرتك لينا، ايه المواد اللي المفروض نهتم بيها أكتر من أول السنة
    احنا محتاجين معلومات عن العملي و النظري

  6. #6
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    قالوا ..

    فاكهة الكلية ..

    و قالوا .. سهلة جداً ..

    و قالوا .. هى دى اللى هتحس فيها بقيمتك بجد ف كل حاجة بتدرسها ,,

    و قالوا .. سهلة بس محتاجة مذاكرة من الأول .. و بالذات الصناعية .. و ال applied ..

  7. #7
    Pharma Student
    تاريخ التسجيل
    Nov 2007
    الدولة
    My HoMe
    المشاركات
    43

    افتراضي

    بجد بجد الواحد مش قادر يستوعب انا لسه عايشة ف فكرة ان كمان شهرين هنرجع الكلية تاني وعادي جدا...يمكن عشان محدش يحب يشيل مسئولية...بس دي سنة الحياة
    بالنسبة لرابعة انا شايفة انها سنة عادية باستثناء ان الواحد بيبقي زهق وما عادش طايق حاجة اسمها مذاكرة ولا بص ف كتب..و بجد كنت بعصر علي نفسي شوال لمون واقول يا ** معلش فاضل زلطة ونطلع واغصب نغفسي\ ع المذاكلرة
    المواد ألطفهم بصراحة الابليد اللي بقي الواحد بيلزق الكلمتين عشان يتكبو ف الورقة وخلاص لانها مملة جدن دا غير اننا مش شايفين لها لازمة
    الصناعية برضة...لو 10م الدفعة شافو الاجهزة دي رأي العين يبقي كويس اوى واحنا لا هنطلع نشتغل ع الاجهزة ولا حتى هنحصل الفنيين اللي بيصلحوها..اي لازمة تمقيق العنين ف الرسم بقي والكلام دا؟ويا ريت حد من اعضاء هيئة التدريس يرد ع النقطة دي واللي اعتقد ان معظم الدفعة معايا فيها(والا تبقي خيانة)
    الطبية نفس نظام تالتة تقريبا والمهم انكو عرفتو طريقة مذاكرتها(بعيدا عن مفاجات امتحاننا)وامرها سهل
    التوكسو برضة لذيذة وتتذاكر
    الببليك بقي اللي علي قد ما هي مفيدة علي قد ما اتكروتت ومخدتش حقها باعتراف الدكاترة لان الوقت المخصص ضيق جدن..بس اهم حاجة انها تتذاكر في صورة جداول و تجميعات لان في اعراض متشابهة بين اكتلر من اورجانزم

    الصيدلانيلت برضة مبلوعة الى حد ما..بس دش دش دش كالعادة يعني
    اسفة يا جماعة يمكن كلامى محبط شوية بس زى ما قلت ف الاول سنة عادية جدن وربنا يوفقكو نحن السابقون وانتم اللاحقون متطولوش ف رابعة وقوام قوام حصلونا...نأسف للازعاج

  8. #8
    Pharma Student
    تاريخ التسجيل
    Jul 2007
    الدولة
    mansoura
    المشاركات
    670

    افتراضي

    اقتباس المشاركة الأصلية كتبت بواسطة Rosewave مشاهدة المشاركة
    بجد بجد الواحد مش قادر يستوعب انا لسه عايشة ف فكرة ان كمان شهرين هنرجع الكلية تاني وعادي جدا...يمكن عشان محدش يحب يشيل مسئولية...بس دي سنة الحياة
    بالنسبة لرابعة انا شايفة انها سنة عادية باستثناء ان الواحد بيبقي زهق وما عادش طايق حاجة اسمها مذاكرة ولا بص ف كتب..و بجد كنت بعصر علي نفسي شوال لمون واقول يا ** معلش فاضل زلطة ونطلع واغصب نغفسي\ ع المذاكلرة
    المواد ألطفهم بصراحة الابليد اللي بقي الواحد بيلزق الكلمتين عشان يتكبو ف الورقة وخلاص لانها مملة جدن دا غير اننا مش شايفين لها لازمة
    الصناعية برضة...لو 10م الدفعة شافو الاجهزة دي رأي العين يبقي كويس اوى واحنا لا هنطلع نشتغل ع الاجهزة ولا حتى هنحصل الفنيين اللي بيصلحوها..اي لازمة تمقيق العنين ف الرسم بقي والكلام دا؟ويا ريت حد من اعضاء هيئة التدريس يرد ع النقطة دي واللي اعتقد ان معظم الدفعة معايا فيها(والا تبقي خيانة)
    الطبية نفس نظام تالتة تقريبا والمهم انكو عرفتو طريقة مذاكرتها(بعيدا عن مفاجات امتحاننا)وامرها سهل
    التوكسو برضة لذيذة وتتذاكر
    الببليك بقي اللي علي قد ما هي مفيدة علي قد ما اتكروتت ومخدتش حقها باعتراف الدكاترة لان الوقت المخصص ضيق جدن..بس اهم حاجة انها تتذاكر في صورة جداول و تجميعات لان في اعراض متشابهة بين اكتلر من اورجانزم

    الصيدلانيلت برضة مبلوعة الى حد ما..بس دش دش دش كالعادة يعني
    اسفة يا جماعة يمكن كلامى محبط شوية بس زى ما قلت ف الاول سنة عادية جدن وربنا يوفقكو نحن السابقون وانتم اللاحقون متطولوش ف رابعة وقوام قوام حصلونا...نأسف للازعاج
    عظيم جداااا انا عن نفسى نفسى ادفع قرشين ومدخلش من اساسو

  9. #9
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    افتراضي

    اقتباس المشاركة الأصلية كتبت بواسطة Rosewave مشاهدة المشاركة
    متطولوش ف رابعة وقوام قوام حصلونا...نأسف للازعاج

    لا ازعاج و لا حاجة، حضرتك نورتينا،و شكرا على المعلومات القيمة، بس واضح إني هبدأ أخزن ليمون من دلوقتي
    و ان شاء الله نحصلكم قريبا، هانت

  10. #10
    Pharma Student
    تاريخ التسجيل
    Sep 2007
    المشاركات
    1,299

    افتراضي

    ي
    ا جماعه انتم مستعجلين علي ايه

صفحة 1 من 3 123 الأخيرةالأخيرة

المواضيع المتشابهه

  1. هؤلاء قالوا ... & خير الكلام ما قل و دل &
    بواسطة ahmedofegypt في المنتدى المنتـدى العـام
    مشاركات: 38
    آخر مشاركة: 02-11-2010, 02:04 AM
  2. قالوا عن كذب المراة
    بواسطة A7MD في المنتدى المنتـدى العـام
    مشاركات: 4
    آخر مشاركة: 30-12-2009, 01:16 PM
  3. **من صيدلة القاهرة-->إلى صيدلة المنصورة .**عساكم من عوادة
    بواسطة w_eldali في المنتدى قسم المناسبات والأخبار الاجتماعية
    مشاركات: 13
    آخر مشاركة: 30-11-2009, 11:18 PM
  4. هم قالوا فماذا تقول انت؟؟
    بواسطة dr_sho0osho0o في المنتدى المنتدى الأدبي
    مشاركات: 11
    آخر مشاركة: 15-03-2009, 09:09 PM
  5. عيب يا سنة رابعة
    بواسطة omima ramadan في المنتدى الفرقة الرابعة 2009
    مشاركات: 11
    آخر مشاركة: 13-03-2009, 10:56 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •