صفحة 1 من 3 123 الأخيرةالأخيرة
النتائج 1 إلى 10 من 24

الموضوع: تجربتي في جلاكسو سميثكلاين

  1. #1

    افتراضي تجربتي في جلاكسو سميثكلاين

    بسم الله الرحمن الرحيم ..




    بعد نهاية الامتحانات مباشرة كان عندي تدريب في مصنع جلاكسو GlaxoSmithKline كان لمدة اسبوعين .. بدا من يوم الاحد 4/7 لحد يوم الخميس 15/7 .. حبيت إنى أكتب التقرير ده لأن بصراحه التدريب ده خساره لأى حد فات منه .. فقلت الكل يستفيد وهحاول أغطي كل حاجه ان شاء الله ..

    في البداية كان التجمع وكعادة أى مؤسسه كبيرة بيجي لها زوار .. ترحيب ثم الحديث عن الشركة وعن فروعها وكم هي بالفعل عظيمه وتغطي معظم أنحاء العالم ..

    تلى بعد ذلك بعض المحاضرات الخفيفه عن الأمن الصناعي .. والتصرف وقت حدوث أى طارئ .. كلها كانت أشياء خفيفه لكنها كانت قيمة جدا ..

    تم بعد ذلك تقسيم التدريب إلي ثلاث أقسام .. Quality Assurance (QA) .. Quality Control (QC) .. Production .. وتم الاتفاق على أخذ جولة فقط على قسم الانتاج حيث أن التدريب له غير مفيد لعدم وجود صيادله فيه أصلا .. كل من فيه مهندسين وعمال حيث أنه يعمل بالكامل بالآلات ..

    المصنع في الأساس ينقسم إلى قسمين كبيرين Lactam & Non-Lactam والاثنين معزولين تماما عن بعض حتى في وقت الراحه والغداء .. الـ non -lactam كانت منتجاته الـ cephalosporin ..

    بالنسبه لي .. بدأت أول أسبوع في قسم الـ QA .. وكان المشرف الخاص بي د/ عبدالله المسلمي .. إنسان رائع ومميز جداً في عمله .. حاصل على ماجستير في الفارما كولوجي والسموم .. وحرص على تعليمي وجلس معي أول يوم شرح لي قسم الـ QA وماهية عمله بالكامل .. وأستطيع أن ألخصها لكم في :

    for monitoring all manufacture processes , assuring it's copliance to specifications mentioned in guide formula.

    Tasks :
    task 1 : Observing and receiving
    task 2 : Checking
    task 3 : Sampling; intermediate & finished
    task 4 : Reporting & investigation
    task 5 : Reviewing; manufacture & filling & pachaging
    task 6 : specific responsabilities

    باختصار الـ QA هو المراقب لكل عمليات التصنيع بداية من وصول المواد الخام إلى المخازن .. مرورا بالموافقة عليها وعلى صلاحيتها .. ثم دخولها خطوط الانتاج .. ثم مراحل التصنيع .. والتعبئة واطلاق المنتج النهائي والحكم عليه ..

    يعني تقريبا مفيش حاجه بتحصل في المصنع إلا بموافقة وبعلم هذا القسم ..

    من أهم وأكثر سوء شيء في هذا القسم هو قسم الـ retain .. وده له حكايه شويه .. باختصار فرضاً إن فيه منتج نزل السوق من المصنع وبعد ما نزل وجدوا كمية منه فيها مشاكل .. طبعا بيحصل شكوى وما إلى ذلك .. فلابد من المصنع من أن يمتلك عينات من كل منتج بل من كل اصدار لنفس المنتج للرجوع إليه في مثل هذه المواقف ..

    وهذا هو الـ retain .. عباره عن مخزن به عدد 10 عينات من كل patch يتم تصنيعه واصداره .. وبهذا يمكن الرجوع إليه للتأكد من سبب الشكوى ما إذا كانت التصنيع أم من التخزين مثلا أو أى شيء آخر لا علاقة له بالتصنيع ..

    وهذا أيضاً من مهام قسم الـ QA ..

    أيضا من حق هذا القسم المرور والتفتيش في أى وقت على جميع مراحل عمليات التصنيع وله بعض الاختبارات التى يقوم بها للتأكد من سير عملية التصنيع بالشكل الأمثل ..
    كـ leakage test وهو خاص بالـ vials للتأكد من خلوها من أى air pubbles .. ويعتمد على وجود الـ vials في صبغة الـ methylene blue مع وجود ضغط عالي ..
    أيضا تسيت الـ par code وهو خاص بالأجهزة للتأكد من عمله بشكل صحيح ..

    باختصار هذا القسم مسئول عن ضمان جودة كل كبيرة وصغيرة في جميع مراحل التصنيع .. وقد يبدو هذا من اسمه Quality Assurance

    أصعب حاجه بقى موضوع الـ gowning .. وهو لبس الملابس الخاصه بـ كل قسم .. واللى بتختلف من البرودكشن للكوتينج .. كل ما تيجي تروح حته تخش اوضة الجونينج وتقعد تلبس .. كان موضوع ممل شوية ويزهق ..

    الأسبوع الثاني انتقلت إلى الـ Quality Control وهو بالتأكيد غني عن التعريف لكم .. ومهامه ..
    ينقسم إلى ثلاث أقسام كبيرة او ثلاث معامل كبيرة هم : Microbiology lab. & HPLC lab & chemistry lab

    واضح طبعا كل معمل هو عباره عن إيه .. انا كنت في الـ Chem.lab .. واللى كان عباره عن جزئين .. الجزء الأول الـ Raw materials والجزء التاني الـ chemical stability وهو خاص بالـ final product والحكم على مدى جاهزيته وصلاحيته للنزول للسوق .. من حيث كل حاجه .. اللون الوزن .. الرائحه .. وبعض التيستات ..

    انا كنت في الـ raw materials وهو مسئول عن الـ approved لجميع المواد الخام اللى بتيجي من الـ suppliers من خلال سكيم لكل raw material .. مثلا الـ glycerol طلبناه وجه المخازن .. مهمة القسم ده بقى إنه .. ينزل المخزن وياخد sample بتبقى الضعف في حالة الـ new suppliers .. وبياخدها المعمل ويجيب الملف الخاص بيها اللى بتبقى موجوده ومترتبه أبجديا .. وهنا بيبقى فيه نوعين من التيستات .. SM وهو Specific method يعني خاص بالجليسرول بس ويبيقى موجود في الفايل بتاعه .. او GM وهو General method وهو بيبقى عام لمجموعة raw materials وبيبقى موجود في الـ Pharmacoppeia سواء الـ USP او الـ EP .. بنفتحها ونشوف التيست ونعمله ومن خلال النتائج ندي Approve .. او reject والـ reject مش من اول مره .. التسيت يتعمل مره واتنين وتلاته .. ادى نفس النتايج بيروح لمدير المعمل .. وبيعمله لو ادى نفس النتيجه بيجربه على sample تانيه لنفس الـ raw material لو ادى نفس النتايج بياخد reject .. من خلال شهادات بتصدر من المعمل لكل raw material ..
    وجدت في هذا المعمل الأشياء الكثيرة التى كان لي سابق معرفه بها ..
    الساحه .. الـ nessler tube .. الـ pipette .. الـ titration .. الـ morter .. الـ laminar air flow .. الـ Autoclave ..

    بس هو ده تقريبا كل اللى كان في قسم الـQC ..

    بس من خلال شغلي في الاتنين .. كشغل الـ QA أحسن .. لكن كتدريب الـ QC احسن ..

    بحثت عن الموظفين في جلاكسو .. فلم أجد لهم مكاناً .. أول كلمة قلتها بعد عدة أيام في التدريب ..

    فيه نظام رائع عجبني جدا مطبق في المصنع .. العمل يبدا رسمياً 7.30 وينتهى الساعه 4.30 .. يوجد باصات لنقل الجميع .. يصل الجميع في حدود الساعه 7.15 تقريبا .. لا يذهب أحد فيهم إلى عمله بل يتجمعون في ريسيبشن كبير .. يوجد المشروبات الساخنه شاي وقهوه ونسكافيه مع بعض النواشف الخفيفه .. ويجلس الجميع يتبادلون الحديث والقفشات .. ويقصون نوادر ما حدث البارحه واول البارحه .. ثم ينطلق الجميع إلى العمل .. بصراحه تقليد رائع وجميل جداً .. يجعل الكل يذهب إلى عمله وهو فايق ومزاجه حلو .. صعب ان الواحد يقو من النوم الساعه 6 الصبح وينزل ويروح المصنع ويروح على عمله على طول .. حيث ان معطم العمل متطلب مزاج رايق وشغل هادي ..

    عقب عودتي تحدثت مع الدكتور محمود بكر عن أشياء كثيرة .. يمكن تطبيقها ونقلها من المصنع إلى معامل الكلية .. وبإذن الله سيتم تطبيقها من العام القادم ..

    إليكم بعض الصور ..


    هو ده الـ retain


    أحدى غرف الجونينج الكثيييييييييييرة جدا .. ده اللبس الخاص بالـfilling



    tablet coating & filling


    laminar air flow المنطقه اللى جوه كلها معقمه .. وبيتم أخذ الـ sample من الـ new raw material فيه بس ..


    laminar air flow تاني خاص بالتجارب ..



    ده حاجه اسمها magnetic dissolver .. بتستخدم في الدوبان .. بتظبط الجهاز على رقم بيعبر عن عدد اللفات في الدقيقه مثلا 1000 وبتحط جوه الكونتينر مغناطيس بيلف جوه بعدد اللفات اللى انت عاوزه وبيدوب على طول ..




    ده مكنة الfilling بتاعة ال syrup .. كلها اوتوماتيك .. بتحط كل حاجه في مكانها .. المعلقه البامفلت من غير تطبيق .. العلبه .. ازازة الدوا نفسه .. يخرج لك علبة الدوا كامله ..



    الـ HPLC



    ده برضه dissolver بس بـ ultrasonic بتطلع من جميع الاتجاهات .. بس تأثيرة أقل من الماجنيتيك بكتير ..



    الـ Autoclave



    السحاحه والفلاسكات اهه يا جماعه .. والتيتراشن كنت لسه عامله




    automatic pipette .. وخدوا بالكم من الـpump الحمرا اللى محطوطه دي .. هتزهقوا منها السنه الجايه



    جهاز الـ IR عملنا عليه شغل كتير كان جميل جدا ..




    يعني بعض الصور التى التقطها من هناك ...


    نهاية .. اهم المواد التى احتاجتها هناك .. بالترتيب ..
    medicinal chem
    pharmacology
    analytical chem
    ceutics وخاصة الصناعيه اللى لسه هناخدها ..


    =============================================

    كده انهيت تقريري اتمنى انه يكون غطى كل حاجه .. ومنتظر تعليقاتكم ..

  2. #2
    Pb Elite
    تاريخ التسجيل
    Oct 2009
    المشاركات
    6,117

    افتراضي

    شكرا للتغطيه الهايله ........

  3. #3
    Pharma Student
    تاريخ التسجيل
    Aug 2008
    الدولة
    يارب مع الرسول
    المشاركات
    1,239

    افتراضي

    ما شاء الله موضوع هايل ...بس كان نفسى أعرف هو أى حد بيتدرب فى الأماكن دى و لا لازم حاجة معينة؟؟؟

  4. #4
    Pharma Student
    تاريخ التسجيل
    Oct 2009
    الدولة
    مش من شرم
    المشاركات
    473

    افتراضي

    دا جميل قوى بس احنا اذاى نروح المصانع دى
    -----
    واى حد ممكن يروح ولا ايه

  5. #5

    افتراضي

    ماشاء الله..
    واضح انها تجربة مميزة
    العمل فى المصانع
    بيوضح قدر واهمية النظام
    اساس كل حاجة النظام
    واى منظومة ناجحة
    معتمدة على النظام

    جزاك الله خيرا على نقلك التجربة لنا
    واعطائنا الفرصة لرؤيةكيفية سير العمل فى تلك المؤسسات


  6. #6
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي

    تمام يا جوهري ... تقرير كاف واف شاف

    ما كنت تقول قبل ما تروح كنت جيت معاك


    اقتباس المشاركة الأصلية كتبت بواسطة Mohamed Al Gohary مشاهدة المشاركة
    أيضا من حق هذا القسم المرور والتفتيش في أى وقت على جميع مراحل عمليات التصنيع وله بعض الاختبارات التى يقوم بها للتأكد من سير عملية التصنيع بالشكل الأمثل ..

    كـ leakage test وهو خاص بالـ vials للتأكد من خلوها من أى air pubbles .. ويعتمد على وجود الـ vials في صبغة الـ methylene blue مع وجود ضغط عالي ..
    الـ leaker أو الـ leakage test بيتعمل للأمبول و الفيال الاتنين

    عشان يتأكد ان الـ glass container مفيش فيها أي pores تدخل هواء او microorganisms

    و عشان كده بيتعمل بطريقة من اتنين :

    الاولى ... زي ما ذكرت بنحط الأمبول أو الفيال في مادة ملونة بعدين نشفط الهواء و بعدين ندفعه بضغط عالي ... لو في أي pores في الأمبول أو الفيال هتدخل المادة الملونة دي فيها و هتبان

    التانية ... دي غالبا للمحتويات السائلة
    بنحط الامبولات في حامل زي بتاع الأنابيب كده بس مقلوبين و ندخلهم الـ autoclave
    بعد فترة نشوفهم ... لو في pores بيكون ده واضح من نقص حجم المحتويات

    ربنا يكرمه د/حسن الصباغ ... شرحها من 3 سنين كانها امبارح

    - - - - - - - - - -

    بس بجد والله يا جوهري تجربة رائعة و جميلة ... و تقرير أروع و أجمل

  7. #7
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    افتراضي

    ما شاء الله تقرير مميز،،
    الpump الحمراء دي بتاعة ال automatic pipette كنت بخاف اطلعها في سكشن التحليلية زمان، كان عندي دكتورة بتزعل اوي من اي حاجة غير تقليدية الكلية بتتطور يا جماعة

  8. #8
    Pharma Student
    تاريخ التسجيل
    Mar 2009
    المشاركات
    1,136

    افتراضي


    تجربة فوق الرائعة

    جزيتم خيرا على النقل

    عندى سؤال بعد اذنك
    الكيمياء الطبية بيكون فى أى مرحلة أو قسم


  9. #9
    Pharma Student
    تاريخ التسجيل
    Apr 2009
    الدولة
    جمصة
    المشاركات
    311

    افتراضي


    ثغطية جميلة .. شكرا على التقرير

  10. #10

    افتراضي

    اقتباس المشاركة الأصلية كتبت بواسطة Amira Said مشاهدة المشاركة
    ما شاء الله تقرير مميز،،
    الpump الحمراء دي بتاعة ال automatic pipette كنت بخاف اطلعها في سكشن التحليلية زمان، كان عندي دكتورة بتزعل اوي من اي حاجة غير تقليدية الكلية بتتطور يا جماعة

    ربنا يسهل .. وهتكون اجبار على كل الطلاب السنه الجايه ان شاء الله .. موضوع الشفط بالفم ده مصيبه وعيب اوى يكون موجود في الكليه عندنا ..


    اقتباس المشاركة الأصلية كتبت بواسطة متفائل مشاهدة المشاركة

    تجربة فوق الرائعة

    جزيتم خيرا على النقل

    عندى سؤال بعد اذنك
    الكيمياء الطبية بيكون فى أى مرحلة أو قسم


    هقولك .. الكيمياء الطبيه بتعرفك الماده الفعاله في كل دوا .. بمعنى ان مثلا لو انت بتسحب مادة الـ fosinopril وبتشتغل عليها .. لو انت ضغطك واطي ماينفعش انت اللى تشتغل عليها .. ولو ضغطك عادي يبقى لازم تكون لابس كمامه ..

    واساسا كون انك تكون عارف الماده اللى انت بتشتغلها وعارف الاستركشر بتاعها ده بيسهل عليك حاجات كتير في شغل الـ quality control بتاعها ..



صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •