مازيمبي يكتسح الهلال بخماسية خارج ملعبة ف نصف نهائي الكاف شامبيونز ليج

**Chimera** · 04-10-2009, 11:23 PM

الحقيقة ممكن الموضوع يكون مايهمش ناس كتير ..
+ ان ممكن ناس ماتعرفش اصلاً ان الماتش بيتلعب

بس انا تابعت الماتش كامل بالرغم ان ماتش سيفيليا و ريال مدريد شغال ف نفس الوقت

تابعته بس لأنه من اكتر من سنتين .. و تحديداً من يوم ما الأهلي اتغلب هناك بثلاثية نظيفة .. وقت ما كان الاهلي مكتسح كل الفرق .. شدني جداً اللعب العشوائي لفريق الهلال على ارضه .. و ازاي العشوائيه ممكن تتفوق ع التنظيم إذا توفرت الظروف ..

و فعلاً .. تابعت كل ماتشات الهلال تقريباً المتاحة ليا على ارضه .. و كان دايماً بيكسب .. على ارضية الملعب السيئة و الاضائة الضعيفة و الجمهور المتكدس وقوفاً و الاجواء الإرهابية ( على حد وصف جوزيه )
و كان بيفوز على فرق كبيرة .. كنت دايما استغرب .. الفرق بتنزل و كأنها فيها مس شيطاني .. تلاقيهم تايهين ف الملعب

بس النهارده .. الهلال واجه فريق .. نقدر نقول انه متخصص لعب الفرق العشوائية و متمرس على الاجواء الغريبة و الغير طبيعية

مازيمبي الكونجولي .. او الإنجلبير سابقاً
بالرغم انه استقبل هدف ف الثانيه 50 من الشوط الاول .. يعني ف اول دقيقة من الماتش و ده كفيل انه يهز معنويات اي فريق .. إلا انه رجع تاني .. و اتأخر .. و رجع تاني

الحقيقة الماتش ده اثبتلي .. ان ف الكورة .. احياناً لازم تبقى عشوائي عشان تكسب العشوائية
و إللي ما يعرفش اللعب العشوائي .. هو ببساطة انك تزق الكورة و تجري وراها .. و زمايلك يجروا معاك

كده كسبوا الاهلي .. و كده كسبوا كل منافسيهم .. لأن كانت كل حصصهم التدريبية عبارة عن تدريبات ف الجري ورا الكورة و القفز و خلافه

ملحوظة .. مش عارف إزاي لعيب زي مابي موبوتو كابتن مازيمبي لسه مش أحترف ف اوروبا لحد دلوقتي ؟؟!! الاهلي لما كان بيتفاوض معاه اتقال انه رايح مارسيليا او كوبينهاجن

و إللي مايعرفش موبوتو فهو نسخة من ابو تريكة بس بـ 10 اضعاف السرعة ..!!!

.,,

**محمد سمير** · 04-10-2009, 11:54 PM

تمام يادك

انا ما شفتش الماتش بس عرفت الخبرمنك

**Aésmaïl** · 05-10-2009, 02:36 AM

يا عم شيمارا حد ميعرفش موبوتو برضو

وهوه فعلا الهلال لعبه عشوائى زى معظم فرق افريقيا ومنتخباتها

وبعدين فرقه فيها فيصل عجب و مجاهد والأسماء الغريبه دى وعاوزها تلعب كوره تمتعك يعنى
هههههههههه

بس كويس انك فضلت ورا الهلال لحد اما جبته الأرض

وشال 5

داحنا نجيبك بقى فى ماتش الجزاير ورواندا .. " وتحط عينك على الجزاير "

eshta

**Mostafa 3laa** · 05-10-2009, 02:58 AM

حد يسيب سيفيليا والريال ويشوف الهلال؟؟؟؟؟

النهارده بس الواحد قلق ع الريال م الكلاسيكو الجاى
ربنا يستر ونعدى وكريس يرجع بقى عشان الفرقه كلها تقف على رجليها وناخد الصداره من تانى

عندى جردل ماركه(الهلال)و(النجمه) حد عايز يشتريه؟...هياخد فلوس منى فوق الجردل و بوسه ولا اقلكو بلاش بوسه عشان H1N1 خليها فلوس مخلاص

**Aésmaïl** · 05-10-2009, 03:15 AM

حد يسيب سيفيليا والريال ويشوف الهلال؟؟؟؟؟

النهارده بس الواحد قلق ع الريال م الكلاسيكو الجاى
ربنا يستر ونعدى وكريس يرجع بقى عشان الفرقه كلها تقف على رجليها وناخد الصداره من تانى

يا حاج فاكس الريال ...

مع البارسا مفيش مستحيل وشعارنا

The best

ميسى ... وابرا ... وشافى ... وانيستا ... وبوسكتيتس ... وهنرى ... وبويان

هه خلاص هبطت من كتر عد النجوم

اللى الفرقه بتعتمد عليهم مش لما يغيب كريس او كاكا الفريق يخسر

**Chimera** · 05-10-2009, 07:09 AM

المشاركة الأصلية كتبت بواسطة M I D O

يا عم شيمارا حد ميعرفش موبوتو برضو

وهوه فعلا الهلال لعبه عشوائى زى معظم فرق افريقيا ومنتخباتها

وبعدين فرقه فيها فيصل عجب و مجاهد والأسماء الغريبه دى وعاوزها تلعب كوره تمتعك يعنى
هههههههههه

بس كويس انك فضلت ورا الهلال لحد اما جبته الأرض

وشال 5

داحنا نجيبك بقى فى ماتش الجزاير ورواندا .. " وتحط عينك على الجزاير "

eshta

و حياتك ف ناس مايعرفوش مازيمبي اساساً

و بعدين فيصل العجب ف المريخ مش الهلال

و مش مسألة فضلت وراه .. بس انا شدني إزاي رقة زي دي بتكسب

.,,
-----

المشاركة الأصلية كتبت بواسطة محمد سمير

تمام يادك

انا ما شفتش الماتش بس عرفت الخبرمنك

عادي يا دوك .. مافاتكش كتير

شوية لعب عشوائي و تخبيط و كوميديا كروية سوداء

انا شرحت سبب متابعتي للماتش ف الموشوع .. مش عشان يعني سيمي فاينال ولا ماتش قوي ولا حاجه

و إلا كنت تابعت رباعية هارتلاند ف كانو بيلارس ف نفس الدور من البطولة

.,,
-----

المشاركة الأصلية كتبت بواسطة Mostafa 3laa

حد يسيب سيفيليا والريال ويشوف الهلال؟؟؟؟؟

النهارده بس الواحد قلق ع الريال م الكلاسيكو الجاى
ربنا يستر ونعدى وكريس يرجع بقى عشان الفرقه كلها تقف على رجليها وناخد الصداره من تانى

عندى جردل ماركه(الهلال)و(النجمه) حد عايز يشتريه؟...هياخد فلوس منى فوق الجردل و بوسه ولا اقلكو بلاش بوسه عشان H1N1 خليها فلوس مخلاص

لازم اشوف اللعب العشوائي ..
ع العموم انا لحقت الشوط التاني لأن ماتش الهلال كان خلص

و خيسيوس نافاز بيسلم عليك

.,,

**Messi** · 05-10-2009, 09:41 AM

وات از زيز؟ اتز سكسفونيا ........... ان غاب الاهلي العب يا فار

**wh_kaboo** · 06-10-2009, 01:21 AM

الواحد مش متابع لبطولة السنة دى العجيبة بعد خروج كل الابطال والفرق الكبرى

وكنا نتوقع ان يكون النهائى سودانى خالص او سودانى تونسى ولكن شكله

كونغولى نيجيرى

يالا المارد قادم الموسم القادم

**Messi** · 06-10-2009, 02:54 AM

انا مش عارف ازاي فريق من دول هيمثل افريقيا في كاس العالم للاندية

**Chimera** · 06-10-2009, 03:49 AM

لا .. أهلي مين يا رجالة

بكل امانة مستوى الاهلي ميأهلوش نهائياً للمنافسة ع البطولة دي

الاهلي بدون حارس مرمى ولا مهاجم ولا مدير فني ..

و الله إحنا ماشيين بالبركة

.,,

الموضوع: مازيمبي يكتسح الهلال بخماسية خارج ملعبة ف نصف نهائي الكاف شامبيونز ليج

أدوات الموضوع

عرض

مازيمبي يكتسح الهلال بخماسية خارج ملعبة ف نصف نهائي الكاف شامبيونز ليج

المواضيع المتشابهه

فكر خارج الصندوق

المحترفين المصريين خارج مصر

مصر إلى قبل نهائي مونديال الشباب

هزيمة (غير ودية) للأهلي بخماسية أمام سيلتيك في ويمبلي!

ذكاء الإمام الشافعي

ضوابط المشاركة