ايه يامينو النكت الجامده دي بصراااااااااااااااااااااااحه مجهود رائع انا مش بحب اكتب تعليق بس انتي دمك خفيف حتي في الحقيقه وتستاهلي يادمياطيه ياجااااااااااااااااامده
ايه يامينو النكت الجامده دي بصراااااااااااااااااااااااحه مجهود رائع انا مش بحب اكتب تعليق بس انتي دمك خفيف حتي في الحقيقه وتستاهلي يادمياطيه ياجااااااااااااااااامده
دا بجد دا
انتى اللى بتردى بذااات نفسك
مش مصدقة نفسى والله
منووووووووووووووورة والله يا قمراية
وانتى اللى دمك خفيف والله
ربنا يخليكى عالتعليق الجامد داااااااااااااا
يلااااااااااااااا ودول دفعة نكت كمااان اهوو
_سألو مسطول دخل كلمه (رائع) في جمله
قالهم قبل الضهر أكلت ساندوتشين طعميه
وبعدها قمت رائع ساندوتشين فول
_واحد حماته جات تزوره فقلها هتنورينا لامتي ياحماتي قالتله لحد ماتزهقو مني
قالها طيب كنتي استني اشربي القهوه
_اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم
_السؤال الذي حير القذافي
قناة السويس ترددها كام؟
_ثلاثه صقور اتراهنوا على الصيد
راح الاول ورجع في منقاره دم قليل قال شفتو الشجره اللى هناك دى؟
قالوا أيوه قال اصطادت عندها أرنب
راح الثاني ورجع في منقاره دم كثير قال شفتو الصخره اللى هناك دى
...قالوا أيوه قال اصطادت عندها غزال
...راح الثالث وهو أغبى واحد فيهم ورجع وكله دم
قال شفتوا العمود اللى هناك ده قالوا أيوه قال أنا ما شفتهوش
واحد ***** رجع من امريكا قاعد بيحكي لأبوه وأمه الحاجات الغريبة اللى
شافها .
- دانا شفت هناك واحد وقع من فوق عمارة طويييلة.. قعد ثلاث ايام لحد ما وصل
الأرض.
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت .
_***** تاجر في الموز خسرعلشان
بيرمى الموز المعوج
_
واحد ***** في مسابقة من سيربح المليون اتصل بصديق وقال له الو محمدين
معانا 30 ثانية رايك احذف اجابتين ولا استخدم الجمهور!
جمال مبارك كان فى من سيربح المليون
جاوب على كل الاسئلة الا اخر سؤال
كان السؤال بيقول مين اكبر حرامى فى مصر
ومكنش عارف الاجابة
استعمل وسيلة من وسائل المساعدة
اتصل بأخوه علاء
قاله مين يا علاء اكبر حرامى فى مصر
رد علاء قاله انت فاضلك قد ايه وتكسب المليون
قاله فاضل السؤال دة واكسب المليون
قاله خد اللى كنت كسبته ومفيش داعى تحرج ابوك
_
نكت جميله خالث وتوبيك عثول
اليكى هذه الكميه من النكت
-واحدة مصرية ماشية في امريكا فواحد عاكسها فقالتلو: ((collect your self azarwise I will collect za street on you , your mother’s soul )) الترجمة بالعربي : لم نفسك بدل ما ألم الشارع عليك يا روح أمك.
-مدرس انجليزي بيقول لطالب لو عايز تقول لواحد تعالا هنا بالانجليزي حتقولو إيه ؟ قالو حقوله : كام هير ، قالو طب لو عايز تقولو يرجع تاني حتقولو إيه ؟؟ قالو : الف من الناحية التانية واقولو : كام هير .
-مرة واحد سافر لأمريكا ولما رجع اصحابه سألوه :ايه ايه الي لفت نظرك هناك,فقال:انا شوفت العجب في امريكا تخيلو العيل الي عندو تلات سنين بيتكلم انجليزي.
-مرة واحد كان كل يوم يحلم بكتاكيت بتلعب كورة فراح لدكتور قله يا دكتور انا كل يوم احلم بكتاكيت بتلعب كورة قله طب خد الدواء ده ومش هتحلم باى حاجة قله طب خليها بكرة عشان النهردة متش النهائى.
-صعيدى سافر امريكا واصحابة نصحوة ياخد معاة 3 زلع مش
علشان الاكل الامريكانى مش حلال
بس نبهوة يسمى قبل ما ياكل
اكل اول زلعة بس نسى يسمى
تانى شهر اكل : برضة نسى يسمى
ثالث شهر طلع الشيطان قالة:
ابوس ايدك سمى صدرى اتحرق.
جامدين اوى اوى يا قمر والله
ودول منى ............
_مره واحده وحشه جدا بتقول لجوزها نفسى اكون عصفوره
قال لها وانا نفسى اكون بندقيه.
_محشش بيسأل صاحبه: الهند بعيدة؟
قال: ما أعتقد لأن في هندي معانا في الشغل بيجي على بسكليت
_ذهب القذافى الى احدى مكاتب الاتصالات ليشترى كارت شحن فقال للبائع : عاوز كارت شحن ب 10 .. فقال البائع : موبينيل ولا فودافون ولا اتصالات
فأجابه القذافى : هاتلى احسن حاجه عندك
_مرة اتنين محششين ماشيين ف الشارع بالليل بعد ما خلصو قاعدتهم وعلو الدماغ ..,وهمما ماشيين شافو اتنين محششين قاعدين ع الرصيف وبيصطادو ف الاسفلت ,,,فالاول قال لزميله شوف الاتنين المحششين اللى بيصطادو ف الاسفلت دول ………,قاللو يا عم سيبك منهم ..قدف قدف..
_فلاح راح يشتكى لمبارك قاله..يا ريس انا بعت قيراط الارض اللى حيلتى فى البلد عشان أوظف الواد ومتوظفش.....
.
.
.
قاله ياعم انا بعت البلد كلها عشان أوظف جمال وبردو متوظفش
_مرة واحد بلدياتنا دخل الإستاد يتفرج علي الكورة
كل الناس بتتفرج علي الماتش إلا هو ببص علي كشافات الملعب فوق
واحد جنبه سألو إنت بتبص علي إيه
بلدياتنا قالو نفسي أعرف كلمة مباشر دي مكتوبة فين
_أمتحان كليه الزراعه
.
.
.
.
.......
احلـــب البقـره اﻷتيــه....؟
أكتــب فيــما لا يقل عن فدان...؟
احــرت مـا تحتـه خـــــــــط....؟
...............اعــــجن ما بين القوسـين.....؟
ضع فاس امام الاجابه الصحيحه..
امريكي في مصر ركب تاكسي فالاشارة حمرا راح السواق قطعها
الامريكى قاله انت مجنون اشارة حمرا وتقطعها؟!!
قاله السواق:ماتخافشي انا بروفيشنال
الاشارة التانيه كانت حمرا وقطعها السواق برده
قاله اكيد انت مجنون انت مابتخفش على نفسك واللى معاك؟!
................قاله: ماتخافش انا بروفيشنال
الاشاره التالته كانت خضراء راح السواق وقف
الامريكى اتجنن وقاله ازاى الاشاره خضراء وتقف؟
السواق قاله يمكن حد بروفيشنال
!جاى من هنا ولا هنا
_
_مره اثنين حرامية دخلو بيت علشان يسرقوه وفجاة جه صاحب البيت ومراته فالرامى الاول استخبى فالمطبخ والتانى استخبى ورا التلفزيون فقال صاحب البيت لمراته عايز اكل سمك روحى اعملى السمك وانا هتفرج على مباراة الاهلى والزمالك
فراحت تعمل السمك فكل ما تقلى سمكة وتحطها فى الطبق وتعمل غيرها ثتيجى تشوف تاطبق فتلقية فاضى بعدين صرخت فجية جوزها بسرعة وقالها بتصرخى ليه
قالت له كلما اقلى سمكة واسيبها فى الطبق واروح واجى ملاقهاش
فقال لها زوجها امال انا اعمل ايه كل ما الاهلى يجيب جون يطلع واحد من الجمهور يبوسنى ويدخل تانى
_واحد واقف علي الكوبري وبيقول 36 36 36 36
راح واحد سأله وقاله..ايه حكايه 36 دي
قاله.. تعالي اوريك قام رماه من فوق الكوبري وقال 37 37 37
_مسطول اشترى لأمه عصفورين؛ واحد يغرد والثاني ساكت. سألته أمه: ليه الثاني ساكت؟! قال لها: ما دا الملحن!
_وهو رايح يزور قريبه في مستشفى المجانين فوجد المجانين كلهم متعلقين في السقف ولقي قريبه قاعد على السرير سأله؟ ليه عاملين كده !!,, رد عليه : اصلهم مجانين فاكرين نفسهم لمبات نور رد عليه طب انصحهم يننزلوا رد عليه قريبه المجنون ... وانا اقعد في الضلمة
_
واحد ومراته متخانقين فبطلوا يكلموا بعض فكتب ورقه صحيني الساعه 6:30 علشان عندي شغل وحط الورقع ع السريرونام صحي الساعه 10:00 فلقى ورقه مكتوب عليها الساعه 6:30 يلا اصحى
-------------------
واحد أخنف حظه وحش قوي..وقع في حفره وفضل مستني لغاية ما واحد جه وعلى حظه كان أخنف برضه.. الأخنف اللي فوق قال ... استنى شوية .. حاطنّعك دنوأتي
قاله بسنعة .. قال له و كمان بتتنيأ ؟ طب شوف مين حيطنعكّ
______________
ذهب جحا للصلاة في المسجد فسرق اللص حذائه فصاح مهددا (والله لو لم يرجع الحذاء لأفعل مثلما فعل والدي عندما سرق حذائه )ثم
مكث قليلا فإذا باللص يعطيه الحذاء وهو يسأله في رعب وماذ فعل والدك عندما سرق حذائه فقال له جحا((ذهب الى البيت حافيا
_________________
مسطول راح المحكمه القاضى بيسأله انت متجوز مين؟قاله متجوز واحده ست القاضى:انت بتهرج هو فى حد بيتجوز واحد راجل المسطول:اه اختى
________________________
الزوجة : إنت دايما شايل صورتى معاك و رايح بيها المكتب ...ليه؟
الزوج: لما بلاقى مشكلة مهما كانت معقدة ببص لصورتك ألاقيها اتحلت على طول.
الزوجة: شايف أنا أد إيه مهمة بالنسبالك. الزوج: أيوه...ببص فى صورتك و أقول لنفسى " إيه المشكلة اللى ممكن تكون أكبر من دى؟
__________________
الزوج لزوجته: كنتى هتتجوزينى لو ما كانش بابا ساب لى كل الثروة دى
الزوجة: يا حبيبى أنا كنت هتجوزك بغض النظر مين اللى ساب لك الثروة
_______________
خبيث دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول لو سمحت
_______________.
مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخدالمحمول منه وبيسمع ... لقى .... (الرقم الذي طلبته غير موجود في الخدمة)
_______________
مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس والتانى نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان النهارده الاحد والمحلات قافلة فالتانى قاله لا ده انا بشتغل عند واحد اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه
________________
واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد
_________________
طفل صغير سأل امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك
_____________
مرة واحد ماشي في الشارع لقى واحد عمال يقول:الحقوني الحقوني قاله: في ايه قله: حماتي عايزه ترمي نفسها من الشباك قاله :أنت حمار ماتسبها ترمي نفسها قاله:ما هو الشباك مش عايز يفتح
_________________
واحدصعيدى راح امريكا واحد خبطه بالعربية واداله 10000 جنيه فخاد الفلوس
ونزل بلدهم صاحبه بيقوله جبت الفلوس منين فحكاله فصاحبه راح قدام القطر وقاله خش عليه يا ابو الملايين
_____________
مرة رئيس دولة عربية و رئيس وزرائه وأوباما وساركوزى قاعدين ع البحر جه اوباما حب يسخن القعدة راح مطلع عملة معدنية من جيبه ورماها فى البحر وقال اللى هيجيبها هاديله مليون دولار
جه الغواصين ودوروا وجابوها ودفع المليون راح ساركوزى مقلده ورماها بعيد شوية وعلى الرهان ل 2 مليون وبرضه جابوها و دفع ال 2 مليون جه الدور على رئيس الدولة العربية راح مطلع حاجة مدورة من جيبه وراح راميها فى البحر وقال اللى هيجيبها هديله حكم بلدى راح رئيس وزرائه مميل عليه وقاله ياريس حكم البلد هيروح من ايديك قاله انت اهبل يا ابنى ده انا رميت قرص فوار
__________________
مره فى ثلاثه بنات ماشيين فى الشارع واحده بتقول انا عايزه اتجوز واحد يكون له هيبه وشان عظيم والثانيه تقول انا عايزه اتجوز واحد من اليابان والثالثه عايزه تتجوز لاعب كوره مصرى مشهور ، واحد كان ماشى وراهم وسمعهم ام راح يسلم عليهم ويقول انا العميد يونج يانج الشهير بابو تريكا
________________
جامديـــــــــــــــــــــن جدا والله
دول من عندى
_اتنين مساطيل راكبين عربية
فواحد قال للتانى : حاسب قدامك شجرة فالتانى مردش عليه
فعلى صوته شوية : قدامك شجرة برضه مردش عليه
فقاله :حاسب قداااامك شجرررر .. طاخ خبطوا فى الشجرة
فطلع من العربية و قاله ..مش قلتلك قدامك شجرة ؟؟؟
فالتانى رد عليه : و أنا أعملك إيه
مش إنت إلى سايق ؟؟؟
_مدرس انجليزى قال لسودانى حط has بجملة فقال has بى الله ونعم الوكيل
واحد سأل الجزار قال عندك كبدة ؟
فقال ايوه .. قال له ادينى 2كيلو
وسأله تانى ... طيب عندك قلب ؟
فقال له أيوه .....قال له طب اجرى ورايا
_واحد سنانه كلها مكسرة ، ماعدا سنتين بس .. قدم على وظيفة ... عينوه خرامة
_مره المدرس سأل الاطفال فى الفصل الى يفتكر نفسه غبى يقف
بعد شويه وقف تلميذ فساله المدرس و ليه بقه يا سيدي بتفتكر نفسك غبي
فرد عليه التلميذ اصلي محبيتش اشوفك واقف لواحداك يا أستاذ
_طبيب بيطري راح يتقدم لعروسة
اهل العروسة سألوه إنت مشهور؟
قالهم طبعاً مفيش حمار فـ البلد مايعرفنيش
_واحد نايم هو ومراته، دخل عليهم حرامي وقال لمراته إسمك إيه؟ قالتله مديحة، قالها انا مش هاقتلك بس عشان إسمك علي إسم أمي، وسأل جوزها وانت بقي اسمك إيه؟ قاله رمضان بس بيدلعوني ويقولولي يا مديحة
_دخل الذئب الى
الغابة فوجد الغراب فوق الشجره وبفمه ثمره فاكهه ..
فقال الذئب متحايلا : هلا أسمعتنا
شيئا من تغريدك الشجي أيها الغراب؟ ...فنظر له الغراب ملياً ثم وضع ثمره الفاكهه تحت دراعه وقاله :
اوعي تكون فاكرني ياض الغراب الأهبل بتاع كتاب القراءه اللى ف تانيه
ابتدائي وهاوقعها
من بقي وتطفحها انت.. لا ياحيلتها فكك مني دانا صايع و واكلها والعه وتربيه شوارع
_واحده بتقول لجوزها هتجبلى ايه فى عيد ميلادى
راح وقفها في البلكونة و قالها شايفة العربية الحمرا اللي هناك
قالت له الله دي تحفه
قلها هجبلك مونكير نفس اللون
_مرة وحدة جوزها تاه راحت القسم فبتقوله ياباشا انا جوزى تايه
فقالها قوليلى مواصفاته فقالتله عنيه خضرة شعره اصفر طويل ابيض حليوة
فراح ابناها قالها لاء ياماما دية مش مواصفات بابا
فردت عليه وقالتله اسكت ياواد يمكن يجبولنا واحد احسن منه
_مره واحد بيقول لصاحبه تعرف ان اول عيد جواز بينى وبين مراتى
خدتها فسحتها وديتها اليابان؟
رد عليه قالو ف اول عيد جواز توديها اليابان!!
امال لو مر 20 سنه على جوازكم هتعمل ايه؟
.
.
قالو هروح اجيبها
_في محاكمة المحششين
ضرب القاضي بالمطرقة 5 مرات
رد عليه المتهم:
حبيبي يا نور العين يا ساكن خيالي
_واحد ركب تاكسي قالة روح اخر بيت في اخر الشارع
وصل هناك قاله هتاخد كام ياسطى قالة 4 جنية
قاله طب ارجع ورا شوية قاله ليه
.
.
قاله اصل مش معايا غير 3 جنية
توبيك جميل اوى ودمه خفيف وكل النكت اللي فيه جامده جداالعادلى قلع ترنج الزمالك و لبس بتاع الترسانه
وياريت لو تسمحولي اكتب شوية نكت
هما مش حلوين اوى زي بتوعكم بس اهى مجرد مشاركه
.
عقبال ما يحترف فى الأهلى
سئل شاب اباه ذات مرة : أيهما أقوى الحب على النت ام الحب على الموبايل??
فرد بهدوء وقال؟
: الحب على النت ضعيف لانه ممكن النت يفصل أما الحب ع الموبايل أقوى لانه لو
الرصيد خلص فودافون ممكن تحولك 9ج على 3مرات
شوية رجالة واقفين واحد قالهم اللي بيخاف من مراته ييجي ناحية اليمين .... كلهم أتحركو ماعدا واحد .... قاله يعني أنت ياأمور اللي مش بتخاف من مراتك
قاله لا انا مراتي قالتلي متتحركش من هنا
سألوا مصرى ليه المصريين بيحلفوا كتير
.
.
.
.
......قال:
طب والله العظيم ده اشاعه
قسما بالله ده ظلم
وعهد الله ده افتري
و حياتك ما صحيح
عليا الطلاق بالثلاثه احنا ما بنحلف خالص
جماعة بيحششوا ... فجت كبسه... كل واحد اسـتخبه في شوال جه
الظابط ضرب الشوال الاول برجله خرج واحد منهم و اعد يكاكي وعمل نفسه
فرخه ضرب التاني خرج واعد يدن وعمل نفسه ديك ضرب التالت مخرجش
ضربه تاني مخرجش ضربه جامد المره دي خرج وقال له شوال بطاطس
بطاااااااطس انت مابتفهمش
يارب يعجبوكم
جميلة النكت اوى تسلمى يا دكتور
مره تلاته مساطيل ماشيين على الطريق الصحراوي طلبت معاهم يلعبوا كوره قالوا اول واحد معدي من هنا هناخد راسه نلعب بيها كوره عدي واحد مسطول اكتر منهم راحوا عليه بيقولوله احنا طالبه معانا نلعب كوره بدماغك راح دابب سكينه فى دماغه قالوله عملت ايه يا مجنون قالهم فسيت الكوره عشان ماتلعبوش
واحد عنده ولدين و يشك بزوجته إنه واحد منهم مش ولده.
سأل حكيم فقال له : روح للبر ، وارسم دائرة ونام بداخلها أنت والاولاد
...وإذا صحيت ... الولد اللي داخل الدائرة هو ولدك واللي برا هو ابن الحرام ...
......
لما قام الصبح لقى نفسه مع اولاده برا الدائرة ...
قال لهم : قوموا ،، قوموا ،، الظاهر إنها خربانة من أيام جدكم
اتنين زهقوا من التأليس عليهم فسافروا الهند.أول مانزلوا من الطائرة
لقوا الهنود بينحنوا عشان يحيوهم فواحد منهم سأل الثاني هما بيحترمونا
كدة لية؟ قال له أصلهم هنا بيعبدوا البقر
واد غبى سقط ف الامتحان دخل على امه قالها
أنتى كده تفضلى تلعبى طول السنة و متجيش تدعى غير ف الاخر
محشش شاف شيخ في المستشفى قاله : انشالله ما فيك شي شيخنا ؟
قال الشيخ : أبدا ، بس جاي أحلل السكر
رد المحشش : السكر من زمان حلال ،حاول تحلل لنا الحشيش
مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض"