لا يا جماعه
هوا لا هوا ملل
ولا هيا غيبوبه
هو موت للأسف
لا يا جماعه
هوا لا هوا ملل
ولا هيا غيبوبه
هو موت للأسف
فعلا المنتدي بقى رخم جدا انا الي اقدر اقوله اننا الدفعه الي كانت عامله حس للمنتدى غير كده بقيت الدفعات نايمه خالص ومابقاش في اخبار جديده ده حتى جدول الإمتحانات مانزلش
اعتقد ان المسؤولين عن المنتدي نامو معانا
انا معاك يادكتور
فى ان المنتدى اصبح كئيب اوى وحتى لو فى مواضيع حلوة
انا اصبحت بدخل للحظات يمكن اطول ويمكن مطولش واخرج على طول
واحاول ادور على حاجه تحمسنى
بس انا بفتقد اعضاء دفعتى اوى اوى واصحابى ودلوقتى انا لو دخلت مش بنبقى مع بعض كلنا او حتى ببقى عارفه ان معظمهم معدش بيدخل اساسا
فبحس انى مش بتابع اوى
دا حتى كتابتى انا حزينة لانى مش عارفه اكتب ولا اكمل
مع ان المنتدى كان اول منفذ لاى حاجه كتبتها ولولا التشجيع من الاعضاء المفقودين حاليا او دخولهم بقى نادر
مكنتش قدرت اكمل واكتب اكتر واكتر
دا غير الترفيه والمشاركه والضحك
دا بالنسبه ليا
كل دا كان جميل اوى فى فترة الكليه بس اختفى اوى دووقتى
اللى معظمنا متفق عليه ان فعلا فى حاله ملل جوه المنتدى وبره كمان حاليا
نادرا لما بقيت بدخل ...
بس لما بدخل بقيت بحس ان المنتدى ماااااااات ...
بقى جسد ممسوخ من غير روح ...
هما كانوا كام دفعة اللى مشغلة المنتدى و راحوا لحالهم تقريبا .....
بس دا حال الدنيا مش بتدوم على حال ....
اقروا للمنتدى الفاتحة ....
بس مما لا شك فيه إن المنتدى كان ممل بقاله فترة ...
بس طبعا من يوم ما أنا معنتش بدخل زى الاول طبعا معدش ليه طعم من غيرى ....
المنتدى مات بعد تخرج دفعة 2012 كانت هي اللي مشغلة المنتدى
السلام عليكم ورحمة الله وبركاته
كتير من الكلام إلى أتكتب كويس
أظن إن السبب بسيط جدا يا محمد
أولا
كان شغال قبل كدا لأن الجيل القديم زى حالتنا كدا مكنش فيه غير المنتدى
حاليا
الأجيال الحالية كانت تعرف أماكن تانية غير المنتديات قبل ما تدخل الكلية أصلا
أقصد الفيسبوك
فالبتالى لما دخل الكلية ولقى حاجة أسمها منتدى الكلية لما قارنها مع نفسه لقها لا تساوى شئ بالمقارنة بالفيسبوك حبيبه وأنتيمه من زمان ( دا من وجهة نظره )
أما أجيالنا كتير منا معرفش الفيسبوك غير بعد المنتدى بل بفترات كبيرة بعد أوقات جيدة على المنتدى .
فالأن أنت أمام جيل قديم يعرف المنتدى أغلبه مشغول فى العمل والزوجة والعيال (^_^)
وجيل الفيسبوك إلى بالنسباله أحلى بكتير من هنا
دا ظنى والله أعلم
والسلام عليكم ورحمة الله وبركاته
...
اكتر من 13 شهر عدو عليا من غير ما ادخل المنتدى....ودى اول مرة ادخل بعد ما خلصت جيش ......فعلا المنتدى اتغير جدا جدا جدا .....اتمنى الدفعات القديمة ترجع تانى وتشارك....رمضان قرب بس مش عارف ناويين تعملو المسابقة الرمضانية السنه دى ولا لا...كانت بتعمل جو كويس جدا
يا مسهل
---------- Post added at 02:06 AM ---------- Previous post was at 02:03 AM ----------
يوم ما ادخل الاقى حبيب قلبى خلاف عامل مشاركة قبلى على عطول .....
فينك يا راجل من زمان
يظهر انا جايه ادخل المنتدى فى االايام اللى كل الناس بتقول فيها انه معدتش زى الاول
تقريبا انا كل لما ادخل المنتدي مبلاقيش حد فيه غيري..............حمدالله عالسلامة يا محمد يا سمير وعقبالي لما اخلص جيش انا كمان