يوميات أسره مصريه جدااااااااااا (متــــــــــــــــجدد)

[ASOOOM]

شكلها يوميات حلوه

متابعه إن شاء الله

[dr\h elfe2e]

حليوه اوى .

[dr emy.hassan]

شكلى كدة هتبعها

[harypotter]

شكرا يادكاتره على المرور
أسعدنى مرور حضراتكم


ثوانى والحلقه التانيه تكون جاهزه
بس للى متابعين عمر وساره الحلقات لسه مخلصتش

-----

حلقة رائعة يا دكتور
مشكور كتييييييييير
بس ياريت حضرتك تقدر تنزلها كلها لانها وقفت فى كل المنتديات عند حلقة معينة لمشكلة عند المؤلف
فلو حضرتك قدرت تجيبها كلها يبقى جزاك الله كل خير لانها بصراحة يوميات رائعة

أولا شكرا على المرور

والله يادكتوره أنا معايا 16 حلقه معرفش بقى كامله ولا لأ بس شكلها كده القصه كامله

أنا بقرأ الحلقات معاكو والله
-----

الحلقة الثانية

دق المنبه بجوار سلمى معلنا العاشرة صباحا ومعلنا أيضا انتهاء الحلم الجميل الذى كانت تحلمه والذى تحلمه منذ سنوات !!!


مدت يدها لتسكت صوت المنبه المزعج وهى لا تزال مغمضة العينين وكأنها لا تريد ان تترك الحلم ابدا .....ثم قامت الى الحمام لتزيل آثار النوم عنها كى تبدأ رحلة الشقاء اليومى فى تنظيف الدمار الشامل الذى يتركه اخوتها خلفهم .....


دخلت المطبخ لتجد بقية طعام الغداء لم يعد ومدفعية من الاطباق والحلل فى انتظارها [

IMG]file:///C:/DOCUME%7E1/Welcome/LOCALS%7E1/Temp/msohtml1/01/clip_image001.gif[/IMG] اعدت كوبا من الشاى وقطع من البسكويت لافطارها وأعادت فتح النار على اللحم كى تحدث المعجزة وينضج قبل وصول ثورة الجياع !!

ياساتر يارب هى حركة طالبان كانت بايتة مع خالد فى اودته ؟! .... بجد حرام كل يوم انظفها وأخليها تبرق وهم ساعتين زمن ويخليها كأن قطر امبابة عدى من جواها!!!

انا ايه اللى خلانى أسيب الشغل بس ؟ مش كان احسن من وجع القلب ده ؟ بس احسن ازاى ؟ ده انا كنت باخد بالعافية 200 جنية وبأصرف اكتر منهم مواصلات ولبس وخلافه .....ده غير عدد ساعات الشغل اللى ممكن توصل من 9 صباحا لحد 6 مساءا وساعات اكتر لما يكون فيه جرد ولا حاجة ........

لما بقيت زى لاجئى الصومال من الطاحونة اللى دايرة فيها ليل ونهار ده غير المضايقات اللى لازم تتعرض لها اى بنت وخصوصا لو كانت مش مرتبطة ........ياستى خلى البساط احمدى هو فيه حد سامعنا ما تقولى عانس !!!

خلاص ما بقتش أخاف من الكلمة دى من كتر ما حسيتها فى عيون الناس يعنى انا داخلة على 29 سنة دلوقتى ........أصحاب كتير لى اتجوازوا وولادهم دخلوا المدرسة كمان وبيقولوا لى يا طنط سلمى !! يعنى خلاص فاضل لك زلطة وتاخدى استمارة ستة يا جميل !!!

نظرت الى المرآة انظر الى ملامحى قد لا أكون جميلة بالمعنى المفهوم ولكن ملامحى متناسقة وشعرى طويل يعنى متوسطة الجمال زى الاف البنات وكمان اهلى حالتهم متوسطة ....

يبقى العريس ح ييجى على ايه ياسمسمة ؟ دلوقتى كل واحد بيحسبها بالورقة والقلم هى بنت مين وعندها كام وجميلة قد ايه ؟ الا من رحم ربى يييييه انا تعبت من التفكير فى الحدوتة دى .....يعنى اللى اتجوزوا خدوا ايه ؟

يالا بلا جواز لا وجع قلب ........

وأخذت تنظف حجرة ملك الصغيرة وهى تضحك على تعليقاتها المكتوبة بين طيات كراسات المدرسة ( يارب المدرسة تتهد يوم الاتنين اللى جاى !!) (مش فاهمة حاجة خالص فى الحساب ولا العربى !!) ( الميس دى غلسة اوى !!)

وأنهت تنظيف الحجرة وجلست تستريح قليلا وهى تلملم الوان ملك وأوراقها ووجدت نفسها تلعب بالالوان وترسم وكأنها تنفس عن بخار مكتوم بصدرها لم يجد له طريقا الا على الورق .....

رسمت بيت كبير على جدرانه قلوب وأشجار بلا حواجز او جدران وبه رجل طويل القامة قوى البنيان حاد النظرات ولكن على شفتيه ابتسامة حنونة .....يمسك بيده ورود ونجوم ومفاتيح لغرف سرية مجهولة .......وخلفه باب صغير نصف مغلق يطل منه رأس طفل جميل وكأنه يختبأ من العالم ويحمل فى عيونه جمال الضوء ورقة النسيم .......


وأفاقت من أحلامها على صوت جرس الباب وهو يعلن وصول أول القادمين وكان خالد...........

( ايه اللى رجعك بدرى كده !!)


(عادى يا بنتى هو لازم استنى الحصة الاخيرة والحوارات دى ؟ هو نص جنيه للبواب والدنيا تبقى فل !!)


فصرخت سلمى : ( زوغت يا فالح ؟ والله لو بابا عرف ليقطم رقبتك )

فرد بملل ) خلاص بقى خليكى حلوة وبلاش تقولى له وانا ح آكل وانام على طول علشان أسهر أذاكر للصبح يا جميل )

( أمرى لله بس استنى شوية على ما أجهز لك الأكل .....ربنا يرحمنى من الغلب ده يارب !!)

فرد بتلقائية ( ياستى ما احنا بقى لنا مية سنة بندعى ... كبرى بقى يا سمسمة )

فتكهربت سلمى من رده الجارح وان كانت سمعت مثله كثيرا فى مجتمع لا يرحم الأنثى الا لو كان فى احدى يديها صك اعتمادها كمخلوق من الدرجة الاولى .....ولكنها لم تبدى ألمها وردت بساطة ( خلهم مية وواحد ياسيدى !!!!!!!)

[LOVELY BIRD]

القصه دي بجد جميله جدا
وفيها حاجات كتيره من الواقع
انصحكم تتابعوها
انا قراتها كلها قبل كده وبجد عجبتني جدااااااااااااااااااااا


ثانكس على اختياراتك الجميله د/هاري بوتر

[harypotter]

القصه دي بجد جميله جدا
وفيها حاجات كتيره من الواقع
انصحكم تتابعوها
انا قراتها كلها قبل كده وبجد عجبتني جدااااااااااااااااااااا


ثانكس على اختياراتك الجميله د/هاري بوتر

على فكره انا فاكر برده لما عملت عمر وساره حضرتك قلتى نفس التعليق ده

هوه حضرتك قرأتى كل اليوميات ولا أيه؟؟؟؟؟؟؟؟؟؟؟؟؟؟؟؟

[norhan_2020]

يارب المدرسة تتهد يوم الاتنين اللى جاى !هههههههههههههههه فكرتني بشبابي كنت بدعي نفس الدعوة بس اشمعني يوم الاتنين

[LOVELY BIRD]

على فكره انا فاكر برده لما عملت عمر وساره حضرتك قلتى نفس التعليق ده

هوه حضرتك قرأتى كل اليوميات ولا أيه؟؟؟؟؟؟؟؟؟؟؟؟؟؟؟؟

هههههههههههههه
سوري والله مش قصدي اضايق حضرتك
بس انا بحب القصص المسلسله جداااااااااااااااااااااا وقرات كتييييييييييييييييييير اوي
حتى القصص اللي بتوصل ل150 صفحه وكده
برده قراتها
بس بجد اختيارات حضرتك كلها موفقه

[harypotter]

هههههههههههههه
سوري والله مش قصدي اضايق حضرتك
بس انا بحب القصص المسلسله جداااااااااااااااااااااا وقرات كتييييييييييييييييييير اوي
حتى القصص اللي بتوصل ل150 صفحه وكده
برده قراتها
بس بجد اختيارات حضرتك كلها موفقه

ومين قال لحضرتك انى متضايق
بالعكس أسعدنى مرور حضرتك جدا
دا كفايه
أن حضرتك بتوصى الناس تتابع الموضوع
-----

يارب المدرسة تتهد يوم الاتنين اللى جاى !هههههههههههههههه فكرتني بشبابي كنت بدعي نفس الدعوة بس اشمعني يوم الاتنين

ههههههههه يمكن الأتنين الى جاى دة مثلا كان بكره ولا حاجه
فهيه عايزه المدرسه تتهد فى اقرب وقت أو نتيجه الأمتحان هتظهر يوم الأتنين هههههههههههههه

[harypotter]

الحلقة الثالثة

[right]جلست سعاد تتابع المسلسل العربى وفى يدها جوارب خالد ترتقها وكأنها لاتريد ان تجلس بلا عمل ....كانت عيناها مثبتة على التليفزيون وقسمات وجهها تتغير مع تغير المشاهد من ابتسام الى حزن الى مصمصة الشفاة على حال الدنيا .....الى الدعاء على الازواج المفتريين .....فيرمقها زوجها بنظرة مداعبة من تحت الجريدة التى يقرأها فتسارع بالقول : اللى فى التمثيلية بس يا أبو خالد !!





ثم تبحث عن سلمى فلا تجدها بجوارها ثم تجدها فى البلكونة وحيدة تطالع المارة فتنادى عليها : تعالى ياسمسمة اتفرجى معانا دى الحلقة النهاردة حلوة اوى !!





فترد سلمى بلا اهتمام : ( حلوة ايه بس ياماما ده البطل بقاله 5 حلقات بيطلع فى الروح ولسه ما ماتش .... هو انا ناقصة خنقة ؟ )





فمصمصت شفتاها وقالت لها ( انتى كده مالكيش فى الطيب نصيب ده البطل عامل عمايل وهو بيموت !! طيب تعالى اعملى لنا كوبايتين شاى انا وابوكى .....)





فذهبت سلمى الى المطبخ لعمل الشاى ففوجئت بملك تخرج من غرفتها كالصاروخ وتترك واجبها بالطبع لتقول لها ( وانا كمان اعملى لى كوباية شاى يا أبلة سلمى احسن دماغى اتقلبت خالص من الواجب وعمايله .......بس سكر كتير الله يكرمك !!)




وقبل ان ترد سلمى سمعت هدير صوت أمها وهى تكاد تأكل ملك بأسنانها ( شاى ايه اللى عاوزة تشربيه يا مقصوفة الرقبة ؟ ادخلى يا هانم كملى واجب الحساب قبل ما أقوم لك !!)





فجريت ملك على غرفتها وهى تبرطم بكلمات غير مفهومة عن السكن على كوكب المريخ !!!




فابتسم الاب من خلف نظارته الطبية وقال لزوجته : ياشيخة حرام عليكى كنتى سيبيها تتفرج على التمثيلية شوية !!





فردت بامتعاض : تمثيلية ايه بس؟ والله انك طيب.... دى طول النهار من ساعة ما رجعت من المدرسة وهى بتلعب على الكومبيوتر بتاع أخوها ولازقة فى التليفزيون ورامية الواجب لحد قبل ما تنام بساعة ....ويقعد الهم لى أنا !!





فصمت الاب كعلامة على استسلامه ثم نظر الى ساعته فوجدها تقارب التاسعة فسألها بقلق : هو الواد خالد اتأخر كده ليه ؟ ده ما رجعش من الساعة 3 من بعد ما اتغدى على طول ؟!!





فمصمصت شفاها وردت باشفاق : عينى عليه يا حبيبى مموت نفسه فى الدروس الخصوصية والمذاكرة .......ادعى له يا ابو خالد الله يكرمك !!





فرد بسخط : والله انتى اللى مدلعة الواد ده علشان الوحيد .....مش فاهم يعنى ايه دروس فى كل المواد ليه يعنى ؟ ح يسقوا له العلم فى كوباية ؟





فردت بدهشة : هو احنا بس اللى كده ؟ ما كل الدنيا على ده الحال .....كل الناس بتاخد دروس فى كل المواد فى الثانوية العامة .......ده فيه كمان اهالى بيدوا فى المادة الواحدة درسين استاذ يشرح كويس والثانى بيحل مسائل ويراجع كويس !!




فأجاب بحنق بالغ :والله العظيم الدلع ده هو اللى ح يضيع الولد ده .....يعنى نبيع اللى ورانا وندخل بمرتبنا كله جمعيات علشان البيه ما يتعبش نفسه فى مادة ولا مادتيين ويذاكرهم لوحده ؟

وعاوزاه يطلع بعد كده راجل ؟ اذا كان مش حاسس اصلا قد ايه احنا بنموت نفسنا ونحرم روحنا من كل حاجة علشان فلوس الدروس الخصوصية بتاعة الباشا ......وياريته حاسس بكده لا ده طول الليل عامل نفسه بيذاكر وهو قاعد على الكومبيوتر ما اعرفش بيعمل ايه ....والله حرام النار اللى مكويين بيها دى !!

فزفرت باستسلام وهى تقول : عندك حق والله انا مش عارفة فلوس الجمعيات دى ح تخلص امتى – ده حتى فلوس الجهاز اللى كنت بأشيلها لسلمى كل شهر – مش عارفة اشيل لها حاجة من فترة .....بس معلش ان شاء الله ييجى بفايدة ويجيب مجموع حلو يفرحنا ان شاء الله ......

فأجاب بصدق : هو انا يا سعاد ح أستخسر فى ابنى ؟ انا نفسى اشوفه احسن واحد فى الدنيا كلها ....بس اللى مزعلنى اننا زمان كنا بنشيل هم اهالينا ح يدفعوا مصاريفنا ازاى لكن دلوقتى الانانية بقت هى الاساس .....الابن مالوش دعوة اهله يجيبوا له الفلوس منين ؟ المهم انه ياخد دروس فى كل المواد حتى لو مش محتاج لها والمهم انه يجيب لبس عجيب زى اللى أصحابه لابسينه ويجيب احدث السيديهات والشرايط ويخرج ياكل فى المطعم الفلانى ويدخل السينما الفلانية مع الشلة والا ح يبقى ابوه دقة قديمة ومش عاوزه يبقى زى اصحابه .............

فردت باستسلام : ح نعمل ايه يا ابو خالد هو زمانهم كده ......

.ثم ضحكت لتلطيف الجو وقالت : انت اللى الظاهر عجزت علشان كده زعلان من الشباب ......ح ناخد زماننا وزمن غيرنا ؟

فلانت ملامحه وابتسم :ماشى يا ستى انا عجزت بس انتى ما شاء الله عليكى كل سنة بتبقى احلى من اللى قبلها !!

فاحمروجهها وأرضاها اطراء زوجها لها وقالت بخجل : (بس بقى يا ابو خالد سلمى تسمعنا !)

ففوجئت بسلمى ممسكة صينية الشاى وهى تضحك وتقول : ( انا هنا من الصبح يا جميل ....ولو عاوزانى اروح اجيب مشبك من دمياط وارجع بكرة انا تحت امرك !!)