طبعا فكرة الموضوع حلوة جدا يابرنس
احكى بقى....
مرة وانا فى اعدادى صيدلة
روحت المكتبة انا وصاحبتى نشترى ورق وكنا شايلين حاجات كتير
فهى دخلت تشترى الورق وانا استنيت بحاجاتنا برة
وقالتلى تمن الورق كذا كذا قولتلها ادفعيلى انتى وهحاسبك بعدين
قالتلى لو دفعت مش هيتبقى معايا فلوس للمواصلات
معاكى فلوس عشان نركب بيها ...قولتلها ايوة معايا جنيه للمواصلات
ده اللى انا كنت فاكراه
المهم
ركبنا ميكروباص عشان نروح وبعد ماقعدنا التباع طبعا طلب الاجرة
فتحت الشنطة اطلع الفلوس
مالقتش فيها الا ربع جنيه
هههههههههههه
بصيت لصاحبتى وهى بصالى وكنا هنعيط بجد
ركبنا ومش معانا فلوس تكفى وبقينا مش عارفين نعمل ايه
(قال يعنى كان لازم يوميها ناكل سندوتشات ونشترى ورق)
المهم .....قعدت ادعبس فى الشنطة لحد مالقيت ربع جنيه تانى
وساعتها تنفسنا الصعداء
ههههههههههههه
على الرغم ان الموقف كان محرج وقتها
بس بجد دلوقتى كل ما نفتكر الموقف نضحك جاااااااااامد
ومرة تانية السنة اللى فاتت رايحة انا وهى الكلية وراكبين تاكسى وكنا شايلين الحامل الحديد والرول
(الاربىجيه والفاس.........ههههههههههه)
وبعدين الراجل السواق قالنا ايه اللى معاكم ده مكنة خياطة.....ههههههههه........
فى مواقف من دى كتير
كل ما افتكر حاجة هقولها لكم