mansoura

[Sincerity]

لسه شايفه الموضوع ده حالا لان للاسف بقالى فتره مش بفتح المنتدى علشان الامتحانات
بس ان شاء الله هرد عليكى باستفاضه يوم الاتنين الجاى (هكون اخدت افراج ان شاء الله )
بس مبدأيا انا مش شايفه البنت فى طب أوى
صيدله صحيح بهدله وهتطلع الراجل اللى جواكى ههههههههه
بس احسن كتيييييييير من طب هوا صحيح هتتبهدلى ويطلع عينك بس اهو كله يهون
ربنا معاكى ومعانا ان شاء الله

[lost*soul]

ربنا يوفقك ويكرمك ياجميل

بس بجد وبغض النظر عن انى صيدلانيه صيدليه ممتاااااااااااااااااااااازة ودراستها تحفه واحسن من طب بكتييييييييييييييييييير
وبتخرجى بتفهمى فى مجالك لو اتهميتى بالفارما والسموم والمديسنال ع عكس البشرى بيخرج تايهه ويروح يقعد مع دكتور يعلمه الشغل وبعدين يترمى فوحده صحيه ويحضر ويطلع عينه عشان يفتح عياده

صيدليه جمييييييييييييييييييييييييييييله انا بحبها جدا ومجال شغلها كويس

[Mouri Ran]

شكرًا جزيلًا يا بنات
أنا بصراحة مبطلتش أسأل عن صيدلة لإني فعلا حابة مجالها ودراستها وبحب الكيميا جدًا .. و أنا معنديش أساسًا استعداد لبهدلة طب الرهيبة دي والسنين دي كلها خصوصا إذا كنت كمان مش عايزة أطلع دكتورة في أي تخصص ولا هيحصل !!

أنا شبه استقريت على صيدلة .. وشكرًااااا ليكو كلكم على مساعدتكم : )

[محمد سمير]

أنا بصراحة مبطلتش أسأل عن صيدلة لإني فعلا حابة مجالها ودراستها وبحب الكيميا جدًا .. و أنا معنديش أساسًا استعداد لبهدلة طب الرهيبة دي والسنين دي كلها خصوصا إذا كنت كمان مش عايزة أطلع دكتورة في أي تخصص ولا هيحصل !!

)

هو ده الكلام

أنا شبه استقريت على صيدلة .. وشكرًااااا ليكو كلكم على مساعدتكم

ياعينى على الناس الواثقه فى نفسها من قبل النتيجه ما تظهر

اهلا بيكى معانا

[Mouri Ran]

أنا الحمد لله السنة اللي فاتت كنت جايبة 99 والسنة دي الامتحانات أسهل كمان

عمومًا الحمد لله أنا زدت درجة السنة دي يعني 99 وربع من غير المستوى .. والمستوى درجة نهائية الحمد لله رب العالمين.

انتظروني بإذن الله بعد ما أستخير : )

[Mouri Ran]

هو التقديم في الكلية بيبدأ امتى ؟ ومحتاجة ايه في التقديم ؟

[moslma]

اولا الف الف مبروك يا دكتورة مقدما.......0502246253بصي يا حبيبتي ده رقم فالشؤون عندنا فالكلية اي سؤال تحتاجيه اتصلي بيهم وهما يفيدوكي ان شاءالله

[Mouri Ran]

الله يبارك فيكِ : ).. شكرًا على الرقم. وإن شاء الله هكلمهم أسأل عن اللي هحتاجه.

[غير مسجل]

أنا الحمد لله السنة اللي فاتت كنت جايبة 99 والسنة دي الامتحانات أسهل كمان

عمومًا الحمد لله أنا زدت درجة السنة دي يعني 99 وربع من غير المستوى .. والمستوى درجة نهائية الحمد لله رب العالمين.

انتظروني بإذن الله بعد ما أستخير : )

مبارك مليار على نتيجتك المشرفة وعقبال ما تجيبي إمتياز وتطلعي الأولى في إعدادي صيدلة إن شاء الله