نداء ورجاء
السلام عليكم ورحمه الله وبركاته
بيقولوا ان خير الكلام ما قل ودل بس ساعات لازم نتكلم كتير علشان الصورة تبقا واضحه المعالم .....احنا زعلانين من دكتور احمد وزعلنا شئ مش بإيدينا .......والمشكله اننا فاهمين وجهه نظر دكتور احمد ومقدرينها بس المشكله ان دكتور احمد اللي مش واخد باله من وجهه نظرنا ......دكتور احمد حقاني بيعطي لكل شئ حقه ومنتظر يكون كل شئ في الوضع المثالي وبالدقه المتناهيه و محدش يقدر يقول حاجه علي الكلام دا او يعيب علي حد علي إلتزامه واتقانه لعمله .......احنا في بدايه السنه دي دكتور احمد ابهرنا بنشاطه ومساعدته للطالب لابعد حد حتي احنا مكناش متصورين واحنا في اعدادي اننا هنقابل شخص في قسم النبات كله تاني دكتور زي دكتور باهر في نشاطه وقدرته علي الشغل والتركيز ومحاولته لمساعدتنا في السكشن لغايه لما قابلنا دكتور احمد في سنه رابعه ولغايه دلوقتي وجهه نظرنا في دكتور احمد متغيرتش ولا هتتغير عمرها لانه دكتور علي حق وعلي ما اظن اني بتكلم بلسان كل طالب وطالبه اتعاملوا تعامل مباشر في السكاشن مع دكتور احمد ........نجي بقا لشئ اللي بيزعل الناس من بعضها .....وهي اننا بنسعي ورا درجات العملي لاقصي درجه ودرجات العملي بتستعصي علينا وبنحس اننا مع كل درجه بنفقدها فيها اننا بنضيع الماده ككل ....عارفين انك يا دكتور ملكاش مصلحه لما تقلل حد في درجات الكتاب او البحث او الخ والهدف الرئيسي عندك مصلحه الطالب وانه يسعي اكثر ويدور عن اخطائه ويحاول يتجاوزها ويتغلب عليها علشان في الامتحان النهائي تكون النتيجه مرضيه بالنسبه ليه ........بس زي ما قولت لحضرتك احنا بندور علي درجات العملي وبنتعب في الكتاب لابعد درجه لمحاوله اننا نص الدرجه مننقصهاش والصراحه حصلنا احباط من درجات الكتاب ونفسنا في فتح فرصه لتعديل الكتاب بإرشادات من الدكاتره وتعديل درجه الكتاب
وشكرا جزيلا لحضرتك وبتمنالك التوفيق والتقدم من نجاح لنجاح اكبر بمشيئه الله