صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 24

الموضوع: لحظة صدق

  1. #11
    Pharma Student
    تاريخ التسجيل
    Jul 2009
    المشاركات
    87

    افتراضي

    أنا لم اندم اطلاقا لدخول الكلية وعمرى ما اتخيلت انى أدخل أى كلية غير كلية الصيدلة صحيح ًنا من ساعة ما دخلتها قابلت فيها حاجات أحيانا بتسببلى بعض الاحباط زى مثلا عدم تقدير بعض الناس لينا بس المشاكل دى موجودة فى كل مكان لكن الاهم زى ما البعض من الدكاترة قال هو فى افادة انسان وده اكتر شىء ممكن يسعدنى ويحسسنى فعلا ان ليا وجود فى المجتمع اللى أنا عايشة فيه

  2. #12

    افتراضي

    أقسم بالله غلطة عمري ..
    و دفعت التمن غالي جداً

    .,,

  3. #13
    Pharma Student
    تاريخ التسجيل
    Jul 2009
    المشاركات
    6

    افتراضي

    ياريت الزمن يرجع بيا ثلاث سنوات وادخل كلية تانية المشكلة مش فى المناهج بالعكس انا بحب المناهج اللى بندرسها وببقى مستمتعة وانا واقفة فى المعمل بس المشكلة فىالشغل مش ببقى مبسوطة وانا واقفة فى الصيدلية الناس بيعملونا على اننا ملنش اى اهمية والمشكلة ان اننا بدت احس الاحساس ده

  4. #14
    Pharma Student
    تاريخ التسجيل
    Mar 2008
    المشاركات
    329

    افتراضي

    بصراحة انا عمرى ماكنت بحب صيدلة خالص وخصوصا كمان لما دخلت واعدادى الحاجات الجميلة اللى قابلناها ف اعدادى طبعا كرهتها اكتر بس فاولى حبتها اووووى جدا وحسيت ان دا مكانى مش اى كلية تانية وتانية بقيت مبسوطة اوى انى فصيدله واى حد يقولى دا انتو بياعين كنت بقول طبعا مش فاهم حاجة العلم فالدماغ يعنى لعند بس اليوم اللى نزلت فيه التدريب مش عشان الدراسة ملهاش دعوه بالكليه الا قليل انا عارفه دى من زمان عادى بس عشان لقيت ان الدكتور البيطرى ينفع يبقى صيدلى والبشرى ينفع يبقى صيدلى واسنان ينفع يبقى صيدلى واحنا ماينفعش نبقى اى حاجة من دول بجد حاجة تظلم يعنى الحمدلله معليش انى طولت اوى كدا شكرا عالموضوع.

  5. #15
    Pharma Student
    تاريخ التسجيل
    May 2007
    الدولة
    in people heart
    المشاركات
    518

    افتراضي

    بصراحه انا مش هكذب بس في البداية كنت ندمانة اني دخلت صيدلة لاني اتبهدلت فيها اوي وياما جالي حالات اكتئاب من المذاركة بس حاليا انا بحمد ربنا اني دخلت كلية صيدلة لانها بجد من اجمل الكليات وكمان من حيث الدراسة فيها بتكون ممتعة وفعلا بنتعلم حاجات كتيرة ومفيدة وهزعل اوي لما اتخرج واسيبها بس فعلا هيا دي سنة الحياة نعمل ايه بقى

  6. #16
    Pharma Student
    تاريخ التسجيل
    Jul 2007
    الدولة
    mansoura
    المشاركات
    124

    افتراضي

    أنا مش فاهمة ايه الشكلة لما تبقى شغلانتك ناس تانية تنفع تشتغلها
    المهم انك تكون حاببها و نفسك تبقى احسن دكتور والناس كلها تحترمك وتقدرك و تثق فيك
    و انك تقدر تفيدهم و تخدمهم و تحاول تبدأ بنفسك ف انك تغير فكرة الناس عن المجال ده و حتى لو مقدرتش كفاية تبقى مقتنع بنفسك و عارف انك مهم جدا للحواليك

  7. #17
    Pharma Student
    تاريخ التسجيل
    Aug 2007
    المشاركات
    1,318

    افتراضي

    تعباااااااااااااااااااااااااااااااااان يا قلبي
    3 سنين ضاعو من عمري
    وهيضيع كمان 2
    بيقولو مخك نضيف
    وانا صدقت الكلام ده في الكلية
    نضييييييييييييييييف
    مش بحبها
    أبدا
    شوفني كده في حاجة علي مزاجي
    وحش
    شوفني بلعب شطرنج
    أينشتين
    شوفني بذاكر عضوية
    غبي منه فيه
    وعشان ايه
    عشان ابقي بيا..... قصدي دكتور
    يا سلام لو كنت ارجع 3 سنين
    هضيع سنة في القراءة والاطلاع والثقافة والهوايات
    واكتشف
    وبعدين أختار
    وأكيد مش هختار صيدلة
    مع السلام عليكم

  8. #18
    Pharma Student
    تاريخ التسجيل
    Aug 2008
    الدولة
    فى داخل احلامى
    المشاركات
    356

    افتراضي

    بصراحه انا مش عارفه اقول اة ولا لا لانى انا مكنتش بحلم بيها لكن اختارتها علشان دى كانت حلم ماما
    اما لما دخلت سوق العمل واللى هو الصيدليه اكتشفت ان اللى درسته تلات سنين بدون مبالغه واللى كنت بجيب فى المواد دى تقديرات مش قليله اقلهاجيدجدااشعر انى ضيعت عمرى هباء فى وسط مواد اشعر ليس لها معنى بالنسبه لى وخصوصا ان محدش من الدكاترة الا من رحم ربى هو اللى حاول يربط الدراسه بالعمل لكن الباقى فين شى مؤسف اوى بالنسبه ليا كل ما الدكتور يقولى اخذتى دة اقوله لا
    بحس انى كنت بضيع وقتى فى الكليه مع العلم ان فيه مواد لن انكر عشقى لها وكنت ازاكرهاليس لانها مادة مفروضه علينا ولكن لانى اعشقها ولكن ما الفائدة وانا لا اشعر بالاستفادة منها فى شى
    وفى النهايه حتى بعد كل اللى قولته وبعد انها مش حلمى هرجع واقول طالما وضعت فى هذا المكان لابد ان اثبت نفسى فيه فتعلمت اذا لم تعمل ما تحب فاحب ما تعمل وهذا ما افعله الان محاوله اسفه على الاطاله يكمن كلمات حاولت اخراجها من داخلى

  9. #19
    Pharma Student
    تاريخ التسجيل
    Mar 2009
    الدولة
    Mansoura
    المشاركات
    283

    افتراضي

    الحقيقة لا عمرى ما ندمت على دخولى الكلية ولا على اى حاجة حصلت
    كل تفكيرى ان اتحدى نفسى واحاول اتغلب على صعوبة بعض المواد
    لكن اتضايقت جداجدا لما كنت باتدرب وسألتنى مريضة:انتى خلصتى الدبلوم يا حبيبتى ولا لأ؟
    يعنى ما خطرش ببالها انى ممكن اكون صيدلانية
    الاكيد انى لازم اكون واخدة دبلوم وباشتغل فى صيلية
    بس الغلط عند الناس مش عندى ف مش هياثر عليا ان شاء الله

  10. #20
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    هههههههههههه

    سبحان الله ..

    عارفة كان في بالي أعمل موضوع تقريبا بيتكلم عن حاجة زي كدة , بس مش بالضبط زي ما انتي قلتي ..

    أنا كمان بمر بفترة من الضيق و الاحباط من أوضاع الصيدليات اللي مش عاجباني ..

    الصيدليات معظمها أوضاعها لا تسر ..

    الصيدلي نفسه ..

    بس دة مش معناه اننا نندم على دخول كلية الصيدلة ..

    Never

    في لحظة صدق زي ما انتي قلتي ..

    عمري ما هنسى اني في ثانوية عامة كنت بذاكر عشان أدخل كلية الصيدلة ,

    ولا هنسى اني كنت في ثانوي بدخل معمل الكيمياء ( من ورا الأساتذة ) أعمل مع زميلاتي تفاعلات الكيمياء اللي خدناها .. أصل ممنوع كان الطلبة يعملوا أي حاجة لوحدهم عشان الأحماض المركزة .. كنا صغيرين لسة


    أنا اخترت كلية الصيدلة , و أنا صيدلانية ومبسوطة بحالي مهما حصل ..

    الصيدلة من أقدم المهن و أهمها ..

    أقول أنا اللي انتي مش عايزة تقوليه :

    ان الناس بتقول الصيدلي بقال مثقف , و الصيدلية محل أدوية ..

    مش هكون كدة أبدا .. ان شاء الله رب العالمين مش هكون كدة ..

    كل حاجة وصلت مكانة الصيدلي الأهلي و الصيدلة عموما للمرحلة دي أنا هغيرها في نفسي ..

    على قد ما أنا بحب الكلية , بس مشتاقة لليوم اللي أعمل فيه صيدلية أهلية ترضي طموح pharmacistina

    هسمي الصيدلية pharmacistina ..

    ان شاء الله هكون مختلفة , دة أنا كل مرة بحس فيها باحباط بقول كذا وحش هغيره و عندي هيكون كذا ..

    اكتبي عندك و صممي وارسمي الصيدلية اللي بتحلمي بيها , بكرة ربنا يحققها ليكي ان شاء الله ..

    عارفة ,, ان شاء الله لما أعمل صيدلية pharmacistina اللي بتمنى ربي يقدرني عليها و هفني فيها عمري كله و هذاكر عشان الحلم دة ..

    لما تتعمل زي ما أنا عايزة و تخدم الناس و تكون خالصة لوجه الله و عشان الناس المرضى و الغلابة و تكون على مستوى علمي عالي , ساعتها هشغل فيها صيادلة ( رجالة مش بنات ) و نفسي أديهم مرتبات عالية جدااا عشان يبنوا هما مستقبلهم و عشان أنا عارفة انهم صيادلة , عارفة يعني ايه صيدلي ..

    و لما أشغل فيها الصيادلة دول اللي كلهم على مستوى علمي و أخلاقي ,, ساعتها هسيب الصيدلية و أقعد في البيت علشان أرتاح و أراقب سير الصيدلية من بعيد ..

    عارفة ..
    كل واحد مننا بدل ما يقول ( أنا ندمان اني دخلت صيدلة ) ,

    لو كل واحد قال ( أنا هغير الواقع الوحش اللي أنا فيه )

    هعمل حاجة تكون قدوة لباقي الصيدليات ..

    وربي هيساعدني ان شاء الله .. عندي ثقة في كدة ..

    بدل ما الواقع الوحش يكسرني , أنا اللي هكسر الواقع الوحش بعون ربنا ..

    رسالة تستحق أن يفني الانسان عمره فيها ..

    لأنها ارضاء لربنا من باب ( ان الله يحب اذا عمل أحدكم عملا أن يتقنه )

    و لأنها ارضاء لطموحي as a pharmacist

    ولأنها لبنة في صرح المهنة العظيمة ..

    و أنا في رأيي الصيدلة مش اللي بنلاقيه حوالينا دة ..

    الصيدلة حاجة تانية أنا ان شاء الله همارسها .. ويارب تنجح .. ان شاء الله ..

    ربنا يكرمك و ايانا ..

    Best wishes

    pharmacistina

صفحة 2 من 3 الأولىالأولى 123 الأخيرةالأخيرة

المواضيع المتشابهه

  1. لحظة من فضلك
    بواسطة كليوباترا في المنتدى المنتـدى العـام
    مشاركات: 11
    آخر مشاركة: 05-08-2010, 05:26 PM
  2. لحظة الم...........
    بواسطة WHITE HEART في المنتدى المنتدى الأدبي
    مشاركات: 2
    آخر مشاركة: 16-03-2010, 12:43 AM
  3. لحظة معادة
    بواسطة RASHAD_RESALA في المنتدى المنتدى الأدبي
    مشاركات: 3
    آخر مشاركة: 19-12-2009, 09:34 AM
  4. لحظة من فضلك
    بواسطة Dr/AM في المنتدى الفرقة الاولى 2008
    مشاركات: 5
    آخر مشاركة: 12-06-2008, 03:14 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •